cammyoyoyo's Profile

下午茶時段，大件夾抵食。見今日咁凍，好想飲個熱湯嗌咗個海南雞飯餐跟餐有一個帶少少藥膳味嘅熱湯，暖胃一流。我最鐘意食海南雞飯，對個油飯都有少少講究。呢個油飯夠乾身，而食得出油香同香茅味，加分！連配菜果三條豆都唔馬虎，不但夠爽脆，又有麻油香如果多幾條配菜就更好雞肥瘦適中，但雞胸唔夠滑，如果鐘意食滑雞我會建議加$10轉雞脾位跟餐泰式奶茶唔洗加錢仲有呢個飯係酮友友好，因為油飯可以加錢轉椰菜花飯啊生酮人又多個選擇…Read More

去到門口，見堂食排隊，我唔想等，所以決定外賣返屋企食。外賣由落單等足30分鐘，其實我只係嗌一份早餐，等到人都乾了。以茶餐廳嚟講真係極慢，難怪門口咁多人排隊，因為坐低嗌咗都有排未有得食。沙爹牛肉麵係招牌菜式，外賣有自動分湯，不過麵本身焗得比較淋；而牛肉份量都唔少，但唔係太好食，除咗牛肉好鹹好鹹，亦食到好重嘅鬆肉粉味；而另一主角沙爹汁，望落顏色係夠嘅，可惜食落沙爹味缺乏，唔濃唔香，有啲失望。件厚多士係最合格😅…Read More

同朋友無意間搵食搵到上嚟全店有趣嘅報置好吸睛，周圍都係打咭位💛煙三文魚沙律沙律菜十分新鮮，而且菜嘅種類多醋汁酸酸哋十分開胃煙三文魚份量都唔少💛鹽燒牛舌燒得夠香，牛舌亦夠淋💛炸薯條有香料粉喺面，好味有三款汁可以三揀一，我揀咗明太子👍🏻💛喇沙龍蝦汁蝦長通粉我最最最愛嘅一道菜，好滿意呢個長通粉嘅口感，彈牙而且入味蝦都彈牙同埋大隻喇沙龍蝦汁濃度啱啱好，掛到汁👍🏻少少微辣，有啲似咖哩食完第二日已經有啲掛住個長通粉…Read More

早餐時段，叫咗沙茶牛肉一丁，沙茶味需然唔香又唔夠濃，但牛肉帶根好有咬口。部份牛肉未煮熟，其中幾塊牛肉仲係痴埋一齊，夾硬將啲牛肉分開，見到啲色好粉好紅。一丁係正常嘢，煮得偏淋，視乎個人口味，我自己比較鐘意食硬麫。我將原來個餐嘅炒蛋轉咗做煎蛋，好足料，係雙蛋嚟㗎。但其中一隻蛋黃煎爛咗，令到蛋黃變好熟好乾。蛋白係好靚嘅燶邊，但可惜唔脆口，可能好早煎定。我覺得最好食係果塊厚多士，雖然唔多牛油，但好鬆軟同埋脆。美心咁大集團嚟講，呢間食物差過美心快餐…Read More