脂肪肝's Profile

周圍都話減價大割引，買呀買呀，行到九點幾先知肚餓，拿拿聲走上頂樓睇下有咩食，第一間就係school food，唔洗排隊等位，但職員話10點last order,冇問題啦，快快點菜快快食，可惜因為我地坐係廚房門口位，職員出出入入，都幾眼花，而且又聽到同事間互相不滿講事非，呢part真係幾煩厭。因為我要戒口，所以選了唔辣嘅煙肉壽司和野菜蛋卷，兩種壽司都好食，亞仔叫拉芝士炒飯有d辣，唔食得辣嘅就唔好叫啦，仔話洋蔥份量太多，麻麻地。 雞翼甜中帶辣再加埋拉芝司，實在係好配搭。亞女叫濃湯拉麵都要$6x,唔抵食。老公叫咖哩炸雞拉麵，咖哩味偏甜，似日式咖哩，炸雞皮脆肉嫩，老公話好味👍🏻 唔記得飲品叫咩名，顏色好靚，有菠蘿肉，酸酸甜甜，又係幾好味。…Read More

每次行過都見好多人排隊，咁多年都冇機會去試，今日午飯時間行過門口見冇排隊，拿拿聲同相公坐低。由於第一次幫襯，唔知叫咩食好，睇完餐牌都係冇頭緒，見隔離枱碟焗飯好似好好味，但肚裏的早餐還未完全消化，所以都係食粉麵算數。我點左蕃茄滑蛋濃湯雙拼餃子米線小辣，相公點左蕃茄滑蛋濃湯香酥雞扒飯。等左一陣就有得食啦，不過，炸餃子過火了所以好鬼硬，而煎餃子又唔夠乾身所以唔得脆口，失敗好在個蕃茄滑蛋濃湯係幾開胃，濃淡得宜，但米線却煮得過淋...下次都係點通粉好了。相公嘅香酥雞扒飯原來係湯飯，不過份量足夠，而且雞扒外表夠脆口，內裏又夠juicy，相公都話好食不過間舖冇咩冷氣，食到我地一身汗。…Read More

懶洋洋的我在懶洋洋的星期五難得能夠與忙到甩碌的相公一起共進午餐，此機會實在難能可貴為了配合我的懶洋洋，所以選擇留在本區消費，免得出市區左等右迫。平日的Yoho Mall 實在清靜到一個點，為了有泊車優惠，所以今日選擇在Yoho Mall 午膳。是日餐湯係番茄湯伴脆皮鄉村麵包，可惜麵包是冷的，打了折扣，而且個湯冇驚喜；相公要飽肚，所以叫左蘑菇雞肉芝士pizza, 餅底好crunchy, 味道很討好，連相公都讚好；值得一提的是自家製的墨西哥辣味橄欖油，pizza沾了少許更惹味，但我唔記得問下有冇得買一枝返屋企我點了燒鴨胸炒雜菜，燒鴨胸juicy, 炒雜菜伴意大利陳醋，陳醋減少了燒鴨胸的油膩感，配搭得宜；最後我最想講係杯iced tea, 冰紅茶加有新鮮西柚及鮮橙汁及少許糖漿，飲完第一口會好想繼續飲落去，係飲完會覺得好舒服果種；而最可惜的是此分店沒有甜品凍櫃，希望將來會有啦。這是可以再幫襯的餐廳。午餐連餐湯及冰茶或汽水一杯盛惠$88+10%…Read More

由於晚飯想食日式拉麵但又得想試新店，好自然上黎openrice 睇到呢間嘅comments 唔錯，即刻起行喺好順福好順利兜兜轉轉都搵唔到間舖，企左喺小茄子門口，本來打算放棄，點知老公眼利望到條巷有人出出入入，終於搵到啦。店內陳設帶點日本風，雖然確實有啲迫硤，但無影響心情，因為，元朗食好野就要迫係硬道理拉麵款色不算太多，但我覺得問題不大，如果有為素食者設無肉餐單會更好。我叫的麵豉湯拉麵湯底味道對我來說剛剛好，叉燒不太肥，唔鞋，幾好。家人叫的鯷魚湯底拉麵就好清甜。最欣賞係個吉列芝士豬扒，你地記住一定要食；仲有燒茄子，因為用鐵板上，吱吱聲又熱辣辣，個汁好好味，而家諗起都想再食。個燒雞扒都唔錯，但冇咩特別。一定會再去👍👍不過食lunch會抵啲。…Read More

好耐無去食啦！有d掛住佢。一去到見到爆哂棚，但等位唔係好長龍，所以照攞飛排隊。咖喱雞扒飯：咖喱香而微辣，但都係牛腩好味。大雜粗：湯底一般，而餸料類別亦好一般，冇計啦！食車仔麵應該要去永年，唔係在這裡。細咸雞飯：係菜飯，咸淡適中，咸雞亦好滑。…Read More

本來自己是個榴蓮怪，但最近皮膚唔好要戒口，只好閒吓當食左啦。隔離抬4個人都食榴蓮產品，把我的同伴都嚇暈了。哈哈哈哈！朱古力綿綿冰：賣相good,味道亦佳。巨峰提子綿綿冰：用紅豆及兩粒熱辣辣的湯丸作伴點，我覺得有點格格不入，味道亦一般。芒果綿綿冰：呢個賣相差左d,那半年芒果應該是一早預備好的，所以表面都吹乾哂，有點倒胃。栗子茸：帶薑汁味，味道不太甜，不會似食緊甘栗咁。…Read More

見到食評咁good, 即管一試。果然有意外收穫。以後又多一個午餐好地方。去到剛好12:00, 我叫了泡菜拉麵 ($37)+凍啡, 家人叫了炸蝦拉麵 ($33) +$10飲波子汽水。另叫了一隻日式糖心蛋。兩款拉麵的湯底都很不錯, 在元朗可以吃到橫崗麵店的質素, 真的很開心。吉烈炸蝦好新鮮, 而我的泡菜也醃製得好好, 少少酸, 少少辣, 好開胃。至於糖心蛋也很香、滑，味道不會太濃味, 剛剛好。一定要再去。星期一至五5pm前不用加一, 星期六、日及假期便要加一。 …Read More