！係女朋友唔開心既時候，好味甜品出現就好似Dickson見到雙彩虹一樣，可遇不可求！好明顯今次連耶和華都企係賴生呢邊！
而呢牌七彩既招牌就幫左賴生一個超大大大大大既忙啦!
當一有新舖開張，而且係有名氣既雞蛋仔舖 -<<媽咪雞蛋仔>>，門外當然有長長既人龍，條人龍排到出馬路呀
身為一個稱職既男朋友，當然要行係屈小姐前面開路，埋去睇下食咩兼落Order啦
一大塊既餐牌就貼正係開放式廚房既正下方，收銀既右下角，大大塊，好容易睇，（不過都要逼入人群中
），屈小姐埋到去，心情豁然開朗，就好開心咁問賴生食咩味好？初初屈小姐問賴生叫期間限定既蕃薯雞蛋仔丫，抹茶紅豆雞蛋仔定抹茶粒粒朱古力雞蛋仔呢？其實賴生一聽就聽得出屈小姐係想食朱古力味啦，雖然賴生唔好朱古力，但屈小姐至愛黎嫁麻！
加上朱古力食完會令人開心，一定係叫抹茶朱古力啦！雖然賴生係比較想食抹茶紅豆，但一段細水長流既愛情係必需要2個人既磨合，世界上冇2個完全相同既人，即使係雙胞胎，2個人既性格同喜好都唔會完全一樣，更何況我地一個姓賴一個姓屈呢?? 所以適當既互相遷就係一定要既，但都唔可以就到冇左自己，太極端都流唔到落去嫁，所以賴生今次就作出讓步，味道上我地揀左我地2個人都鍾意既抹茶，再配搭屈小姐至愛既朱古力，就搵到呢塊Perfect既抹茶朱古力雞蛋仔
之但係咁多人排緊隊，賴生都心知可能要等下嫁喇......落左order，店員話要等20分鐘呀，咁我地唯有用我地熾熱又真摯既眼神隔住塊玻璃望入去，靜靜地等待啦!!點知一望入去，賴生就發現左呢間雞蛋仔好食既秘密啦!!就係呢位廚師強而有力既臂彎，一定係好味既關鍵，一定係，除非唔係!!! 睇黎賴生都要練番一條強壯既手臂先得啦1) 抹茶朱古力雞蛋仔 :爆5⭐️首先，等賴生講一講呢塊完美既雞蛋仔既製作過程，根據賴先生既目測，先去收銀台交低＄25蚊學費，之後就有位女店員準備粉漿，加入抹茶粉加朱古力粒攪拌，攪拌完畢之後，就交左圖中呢位擁有強勁臂彎既師傳，師傳係燒紅左個模之後，就會加入預先攪拌好既抹茶朱古力粒粉漿，跟住就係重點啦: 用一條強而有力既臂彎用力閂蓋，就用刀批走係側面漏出黎既漿。等幾分鐘之後，拋鍋反一次，再等幾分鐘，將條強而有力既臂彎轉去陰力mode，慢慢拎番塊雞蛋仔出黎，放係風扇度都吹一吹，就會交到係你手上。至於點解佢會係屈小姐心入面既Top 1 雞蛋仔呢?? 係口感同味道既發揮到極致!!
味道方面: 未食之前，佢已經有陣陣雞蛋香同抹茶香，食落除左有雞蛋既蛋香味外，外表既綠色唔係流逝於表面，係有超濃既抹茶味道同回甘呢!! 加入左朱古力粒之後，你食食下除左食到抹茶味之外，仲會偶而之間食到朱古力既甜味同甘味，一塊既價錢，三重味道既享受，難怪屈小姐會愛上口感方面: 其實口感先係佢最驚艷既地方，佢不但做到外脆內軟既口感，脆既程度仲要分幾級，每粒雞蛋仔同雞蛋仔之間既邊係極度脆!! 佢脆既等級就係一粒雞蛋仔既中心點，由內而外，一級、二級、三級、四級達到邊位最脆既五級呀!! 真係爆爆爆爆爆脆呢!! 再厲害既一點係，佢既火侯控制除左做到外脆內軟外，佢連入面既朱古力粒都烘到半溶狀態，形成流心效果.....令平時優雅既屈小姐都不禁食到變左污糟貓咁...真心而言，食雞蛋仔真係好難唔揀呢一間食....#賴生真係好好好好彩#唔開心要食甜品是常識吧#女朋友就是要用來寵愛的#減肥是什麼#妳食甜品既笑容也是讓我著迷的原因#謝謝妳的包容和體諒…Read More
，一間由屈小姐細細個讀書時期已經係度同成日食既餃子舖。屹立係西營盤一段時間，當然有佢既棒場客，一到食飯既時間好多時都要排隊，仲要同人搭檯食，除非你坐到2人檯，不過都相對較為逼！佢受歡迎既原因真係無他既：性格比高！超抵食！所以不時都見到一家大細/成班fd一齊黎食嫁
！既然我地既餃子癮又發作，當然係叫左好多餃子啦，2個人夾埋食左30粒餃子，再加一碗麵先係$170蚊，除番開每人唔駛$100，食到個捧住個肚走，超級平！（我地已經比人地食多成10隻餃子嫁啦！！）1）京香韮菜鮮肉餃：5⭐️係呢度最好食最好食既餃子，鮮味大爆炸！用上新鮮豬肉同韮菜，兩者比例恰當，鮮味互相融合，韮菜既味道成功將豬肉提鮮，而韮菜味又唔會太霸道，整到你成口都係韮菜味！真係超高既技巧先會調較得出咁好既黃金比例！而餃子皮明顯係自己搓，皮薄得黎又唔會穿又煙韌！餃子又夠晒大粒，粒粒飽滿，餡料豐富，一啖咬落去會噴汁落你個口！2）山東鮮魚餃：5⭐️呢款就係特式餃子，鮮魚餃啦，食落去唔係鯪魚肉質感既口感，而係個口感同普通豬肉餃子一樣，再加上入面會食到鮮魚片既質感，個口感好特別嫁！至於味道就啖啖濃郁既鮮魚味，特別得黎又好味，值得一試既3）羊肉水餃：5⭐️就羊肉餃子黎講，呢隻係賴生係香港食過最出色既，爆汁度係滿分，食落去拍得上清x牛肉館既牛肉餡餅既爆汁程度，羊肉味極強盛，好似成隻羊放入口咁，最緊要都係冇羶味4）雞燴麵：4⭐️呢度既雞燴麵就同嫩雞煨麵其實係同出一轍，個雞燴麵又係夠熱，食完超暖胃，而且味道算中上之列，雖然雞味未滲透晒落個湯，但都有一定味道存在，而麵條夠粗同彈牙，$38蚊黎講交足功課！總結：黎到呢度，京香韮菜鮮肉餃係必點既Item！鮮魚餃同羊肉餃同樣值得一試，最好既係佢所有餃子都有雙拼，岩晒我地呢d貪心既小朋友！而且每樣碟頭足，大大份，又夠平！難怪咁多人去食#餃子迷#不斷刷新餃子紀錄#同你一齊食野很快樂#一起食好西一起變瘦…Read More
冇錯，就係帶佢去食好西!其實擁有一個吃貨女朋友的確係男朋友既福氣，容易氹又易相處，食一餐好西就乜都忘記晒!好好彩既係，賴生既屈小姐都係一位名符其實既吃貨女朋友，肚餓既時候會容易發脾氣，所以賴生每次同佢出街第一件事都係諗好食乜先
，今次賴生搞到屈小姐嬲嬲豬，當然要帶佢去食好西補飛啦~~~!! 賴生第一時間接左屈小姐放工之後，就接左佢放工，一路陪佢行，一路傾，一路引佢墮入賴生預先設計好既陷阱 - 好西計!! 賴生成功引領左屈小姐黎到上環既生記粥品專家前面，拉左佢入去食粥!!當然，一個人既計謀都要配合天時地利人和，正正係一踏入去果一刻，有1張寬闊而身邊冇乜人既4人座，而樓面個伯伯侍應又比賴生同屈小姐坐果枱，等屈小姐可以邊食好西，邊等賴生安慰佢!!橫掃左一下Menu之後，賴生即時Order左3樣可以令屈小姐心軟既野食 - 就係鮮牛肉、魚同菜!!!等野食可以第一時間上枱盡快幫助賴生打開屈小姐既心結!冇錯，就係2碗粥同1碟菜，融化左屈小姐既胃同個心，開開心心咁同賴生繼續一齊食好西!屈小姐之選1) 魚球鮮牛粥:5⭐️生記其實最出名既係鯪魚肉，所以賴生即時幫屈小姐叫左魚球，呢度既魚球彈牙滑溜，魚味鮮明，好可能係賴生係香港食過最好味既鯪魚球，仲可以點埋薑蔥豉油一齊食，試問一粒咁好味同彈牙巴既鯪魚球點會唔可以打動吃貨女友屈小姐既內心呢?加上賴生深知道賴小姐鍾意食牛肉，幫佢雙併叫埋鮮牛肉，除左補血對佢身體好之外，呢度既鮮牛肉極其嫩滑，牛味濃，食到屈小姐笑顏逐開，魚球加埋鮮牛既雙重打擊，令屈小姐既內心幾近融化!配合埋生記廚師既老練生滾大法，將牛肉既鮮牛味同魚球既魚球逼入粥底之中，令粥底滿足濃鮮既滋味，成功博得吃貨美女既一笑賴生之選:2) 魚腩粥 : 5⭐️賴生既殺手鐧何止一碗魚球鮮牛粥呢?? 攻勢當然一浪接一浪，係寒冷既天氣帶個吃貨女友食碗熱粥，已經係一位暖男既表現(自High中
)，仲要將自己碗粥變成吃貨女友心目中都想食既一碗粥，又點可能氹唔番屈小姐呢? 賴生準備左屈小姐好鍾意食既魚，仲要係魚腩，生記明顯係用上新鮮貨，完全冇草味同腥味，加上厚切，啖啖肉得黎魚味爆橙，賴生夾比屈小姐之前仲起埋條大骨，啖啖肉，等屈小姐可以好好享受鮮魚腩既滋味，令屈小姐一食連同心入面條刺一併起埋，不得不讚嘆賴生既策略係咁幾成功!!(再度自high中)不過，呢一場咁出色既好西計都要歸功於生記既綿密生滾粥底，滾一滾既魚味滲進綿密粥底入面，每啖都令口腔足滿魚鮮味，吃貨女友屈小姐又點會唔滿意呢??3) 油菜全走: 4⭐️決勝負既時候到啦，當然唔少得屈小姐最愛既菜啦，乜油都走啦，清甜健康，為吃貨女友健康同幸福著想，完勝!!總結:今次既總結係....有個吃貨女友真係要一個福氣 (哈哈哈....以下先係真既)生記既粥品果然不可睇小，綿密既粥底，新鮮既用料，老練既生滾技術，難怪可以係上環一直屹立不倒，係粥界既地位穩於泰山，客似雲來啦!! 天氣一轉凍又想食暖野，呢個絕對值得推薦!!#其實只要有妳就滿足了#能夠寵你是我的榮幸#謝謝你一直的等待和體諒#擁有吃貨女朋友的幸福#中計啦妳#美人難過好西關…Read More
，唯有搵d熱辣辣暖笠笠既野食，咁岩大家都想食湯麵，就諗起賣石鍋藥膳豬骨湯麵既《麵館皇》，食完成日暖笠笠！今次呢，我地打算試下新野，就係十幾款餸入面揀2樣新野出黎試試，屈小姐就揀左佢鍾意食既牛𦟌，而賴生就揀左鎮江骨再加$3轉左手擀麵（這是必要的）！然後叫麵有加小食優惠，我地再追加左菜1）瓦煲藥膳豬骨湯手擀麵: 5⭐️原個瓦煲噴住煙咁上，超熱超香，而本身佢係跟拉麵底，一定要加$3蚊轉手擀麵! 滑溜溜口感一流! 配合呢個藥材味勁濃既豬骨湯，食完由個胃暖到手指頭，成身暖笠笠，可謂凍冰冰既好選擇!!2) 豬骨湯菜心: 4⭐️叫個麵餐加$12蚊就有一碗嫁啦，唔油，浸住D菜心甜甜地! 唔錯而個湯唔油，食完菜仲可以飲得番!3) 紫菜蛋花湯: 3⭐️一樣都係叫麵餐加$12蚊有得食，不過相比起豬骨湯菜心有著古怪既事情，唔知點解個湯仲油過豬骨湯菜心，而所謂蛋花係煎蛋卷切絲，圖片與事實不符呢，慶幸紫菜尚算多，仲有好多蔥花~~!! 不過不失啦!!屈小姐之選:4) 麻辣牛𦟌: 2⭐️不得不提一提屈小姐會揀食牛𦟌既原因，正所謂家有一老，如有一寶，屈小姐有個好好好好好好錫佢既婆婆，煮得一手靚牛𦟌，令唔好肉既屈小姐細細個開始就鍾意食牛𦟌，而且牛肉高鐵質，對女仔補血一流，賴生都好贊成屈小姐食多D牛! 難得佢肯食多D肉，賴生"佬"懷安慰!不過，由於婆婆整既牛𦟌實在係太超班啦，要有一定既厚度既牛𦟌，先可以帶足夠既筋位，令食落去每一啖既肉實得黎又帶有淋晒既筋既口感，加上婆婆秘制既滷水汁，令屈小姐對牛𦟌既要求超高!! 而呢一間既麻辣牛𦟌呢，有三大敗筆!第一: 切得太薄，所以做唔到又有肉又有筋既口感，一味得死實...
第二: 已經薄但居然唔入味~~第三: 份量好少....八片未冇...
賴先生之選:5) 鎮江骨: 4⭐️咦~~!! 佢整得幾好喎，好入味，炆得淋，做到骨肉分離，一夾就甩開! 正! 不過就稍微甜左少少，遮左醋味~~~!總結:不得不讚一讚呢度個手擀麵，原個瓦煲上，既能保持溫度，加上用藥材味濃，食完個身超暖! 手擀麵夠晒滑!! 冬天食真心一流!!#凍冰冰食熱湯野#口味愈黎愈似#要向婆婆請教整牛𦟌#用美食俘擄妳既胃…Read More
！經過慎重既商議之後，我地決定將牛奶同抹茶分開，各自一杯，分開品嚐䓢中既滋味1）抹茶雪糕：3.5⭐️相比起Via Tokyo，無疑呢間既抹茶力係弱D，回甘同茶味都冇佢咁勁，回甘大約1秒左右就會消失，但佢勝在質感夠Smooth，而且係底部加左脆米，增加左口感既層次，不過d脆米略微有點黏牙如果唔加脆米比多d雪糕更佳更實際！2）牛奶雪糕：4⭐️奶味重而出，夠晒Smooth，味道相比抹茶更為出色！但比抹茶更快融，建議大家要食快D總結：好好彩今日係做緊買1送1，如果用正價去食呢杯雪糕，好老實講性價比太低，名氣比味道大。假如你願意比差唔多$40去食一杯雪糕，好建議大家行遠多少少去Via Tokyo，特別係喜好抹茶既你
#好彩到一個點#值得慶祝的一日#食完先再減啦#雪糕怪…Read More
由於尋日已經預早食左1餐慶祝，今晚就去食番一餐有情意結既食物，就係食餃子啦！而《北方餃子源》就係以前賴生同屈小姐一齊做野既公司附近既一間餃子舖，係食Lunch既時候，2位好錫屈小姐既上司經常帶佢去食（好可惜當時既賴生唔係成日係呢頭做野呢，而且仲未有勇氣去邀約屈小姐食Lunch)所以今晚我地又番到黎！回味一下當初既味道同那些年工作既點滴一打開門，其實已經好多人坐係入面啦，睇黎好似好受歡迎咁喎，唔怪得屈小姐之前成日食啦
，不過舖頭唔算太大，又有咁多客，所以佢地用細枱，坐同埋放野食都會逼d，而餐廳仲用左好多中國古代風格既裝飾，古代既味道好濃厚！我地2個就埋去坐係附廚房牆邊既一個2人座，坐低之後，係屈小姐主場，當然由屈小姐發辦啦！結果我地2個人就叫左5樣野 - 香辣牛肉米線、雞絲粉皮、白菜豬肉餃、京蔥羊肉餃同素餃，擺滿晒張枱，搵位食都有d困難😂😂😂！1）白菜豬肉餃 ：5⭐️咪睇少呢度既白菜豬肉餃，我地相信佢係呢度吃咁好生意既主要原因之一！白菜豬肉餃周圍都有得食，點解偏偏要黎到呢間食呢？因為呢間既白菜豬肉餃係佢既Signature ，香濃多汁，將白菜既中和豬肉既油膩，又幫助豬肉提升肉味同香氣，加上餃子皮煙韌，基本上醋都唔駛點，就超好食！點醋反而仲覺得遮到原本既美味呢！賴生一食就覺得呢度既白菜豬肉餃係我地食過咁多間出色既餃子舖既No.12）京蔥羊肉餃：4.5⭐️至於羊肉餃，都係我倆既至愛之一，自從一食過羊肉餃之後，假如餃子店有供應羊肉餃，我地都會試下！呢一間既羊肉餃都係好食嫁，一d都唔羶，雖然未到《京x餃》既爆汁同羊肉味咁濃，但佢都唔惹小下，羊肉依附住蔥香，肉汁亦豐富，啖啖羊肉味!3) 素餃：2⭐️
雖然睇黎呢間舖頭既主打係餃子，但唔代表每款餃子都係出色既，呢碟素餃就係俵俵者啦，我地一食完，除非係浮現黑人問號既表情，對耳仔仲聽到坤仔唱歌⋯⋯大家都愛普通沒傳奇，大氣候要清淡而無味⋯！ 食落真係無乜味，唔似出面既素餃有份清甜，最後，賴生包起左呢碟素餃（好彩叫左5粒就算），賴生點醋加辣醬就KO晒4) 香辣牛肉米線：4.5⭐️上次係度食過碗餃子麵，依稀記得麵既質感一般，今次就決定叫碗米線食，而且我地已經叫左3款餃子啦，所以就決定叫碗餃子以外既野食 - 香辣牛肉米線啦！想不到轉左食米線果真好食好多，米線夠晒滑，不過都要歸功於香辣牛肉，成碗湯除左香味撲鼻之外，牛肉味同辣味都好自然地混埋一齊，既有牛肉味又帶適宜既辣度，唔會得死辣！而且牛肉好淋好入味呢。唯一一樣要彈既係有d牛肉肥左d，不過由於比想像中既好味，連屈小姐都忍唔住食左幾舊5）雞絲粉皮：2.5⭐️第一次食雞絲粉皮係除左麻醬之外，仲有醋同香料，所以味道有點過份複雜，恕我地唔識欣賞
！雞絲相對比較粗，而青瓜絲份量又好似少左dd，不過粉皮就夠滑同多，補番啦總結：《北方餃子源》呢個舖頭名已經開宗名義講左你知，佢舖頭最得既係餃子，但有點要留意，佢地係賣山東餃子既，即係唔帶湯，點醋食果隻，山東人包肉餃子係出色既，肉味鮮明，特別係羊肉既處理係唔錯既，至少唔會羶！但結果係新式既餃子例如：素餃的話，就相對大大失色！我地建議都係試肉餃子為妙！至於其他既出品，鍾意食咩既，就即管出去試一試，可能碗好似碗香辣牛肉麵咁有驚喜，就算失望都好，總會有餃子撫慰你既舌頭，讚嘆你既勇氣！#2週年快樂#餃子迷#愛吃餃子都是因為妳#有妳的每一餐都很完美#謝謝妳一直以來的陪伴…Read More
，同埋招牌隻雞帶左頂廚師帽，再升級左由綠色變藍色入到去之後，終於見到較大既變化，乾淨企理左好多！特別係個用餐位置，之前係一塊膠層板咁，配埋呢d櫈，一黎唔夠位擺野，二黎枱面個風扇好鬼污糟全部都係塵！而家係完全2回事，仲好貼心咁枱面有插蘇位比你差電！所以我地二話不說，揀左堂食！當然，除左硬件升級，軟件都有升到級啦多左個龍脷柳餐，一定要試一試屈小姐之選：1）龍脷柳餐：5⭐️向來鍾意食魚既屈小姐見到有新魚出，當然會想試啦，不過佢又好唔捨得三文魚！好彩賴生今日Lunch整左三文魚佢食，佢先至疊埋心水試個龍脷柳餐! 屈小姐一直都唔太鍾意食龍脷柳，因為覺得魚肉太散冇乜味道，其實賴生知道佢一直食緊既唔係龍脷柳，而係越南盛產既鯰魚柳囉，所以會散同冇乜味! 但Healthy Chicken提供既係真正既龍脷柳，所以魚肉實得黎彈牙，富魚味，仲有成2大塊有多! 即時改變左屈小姐對龍脷柳既睇法，佢覺得仲好食過三文魚餐果d三文魚添!!賴生之選:2) 雞胸餐：4⭐️老實講，有得食真係好少會食雞胸，因為除左啖啖肉同低卡之外，真係冇乜可取之處，始終雞胸係比較鞋既! 冇計子又要減肥之下，賴生唯有揀左雞胸餐! 之不過，Healthy Chicken最拿手係處理雞肉，經過佢烹調之下，雞胸又唔係真係入唔到口，除左冇咁鞋同超大件之外，佢地既調味好惹味，唔會令人抗拒食雞胸!! 當然，有得揀的話，梗係食皇牌既雞脾啦，又滑又大隻又入味!#冇做運動只好食健康野#安慰自己既心靈#欺騙自己唔會養肥賤B#健康好味既好選擇#進化版HC#進擊的賴先生與屈小姐…Read More
，作為一個稱職既男朋友，又點可以忽視左呢一點呢? 所以賴生就帶住屈小姐番銅鑼灣啦....係大坑行番銅鑼灣既途中，一定經過維園，係經過其中一個秘密花園既時候，鬼鬼馬馬既屈小姐突然係袋度拎左d野出黎，原來係賴生一直好想要既愛心頸巾呢!(大愛) 賴生當然急不及待咁戴住啦影相啦同時發現左點解條頸巾咁長既，分明係2個人一齊用嫁喎?? 賴生就即刻用黎綁住屈小姐自拍啦當然啦!賴生又點會冇準備呢? 送左出賴生份禮物之後，我地就繼續向住目的地 <<Via Tokyo>>出發啦!!黎到Via Tokyo，門外總會有人排隊等入座，原因好簡單~~好食麻!!身為抹茶控，就我地既調查評分所得，Via Tokyo既抹茶評級係可以達到京都辻利既級數，係好好既評價!! 最難得係可以唔駛坐飛機都可以係香港解到鄉愁，所以間唔中屈小姐都會想食一食既，更何況係今日咁值得慶祝既日子呢!! 我地一定要食啦!!1) 抹茶丸子雪糕: 5⭐️黎到Via Tokyo，抹茶雪糕必點是常識吧?? 佢既抹茶雪糕軟滑，味道甜得黎不乏回甘，入口先係牛奶既甜味，係舌尖細味迴盪牛奶既香氣同甜味，之後當你吞嚥之後，抹茶既大軍係喉嚨逆襲番轉頭，抹茶既回甘係口腔久久徘徊不散，甚有層次，故此佢既抹茶力係可以達到京都特制辻利既級數，雖然索價不菲，但真心值回票價。連平時好慳家既我地都心甘情願乖乖地奉上幾十蚊食一杯雪糕，可想而知有幾咁令人回味! 再者，貼心既屈小姐知道賴小姐鍾愛煙韧既白玉，專登揀左白玉比賴生食呢! 白玉煙韧有致，配埋雪糕食更添口感! 不過賴生仍然有個解不開既謎題，就係點解白玉加左抹茶粉，變左綠色玉之後，抹茶會唔消失得無影氣蹤既呢?2) 焙茶栗子紅豆蕨餅雪糕 : 5⭐️假如要試呢度既焙茶雪糕係要比多$3蚊既，但係茶類既產品，Via Tokyo真係拿捏得好出色，呢3蚊絕對要比!!呢個焙茶雪糕，入口香味濃郁，茶味烘焙過果隻香氣係口腔大爆發，佔滿口腔內既每一個角落，而經過烘焙既茶味回甘更濃烈，比抹茶雪糕更強，不過相對抹茶雪糕，熔茶既茶味盲霸道好多，牛奶既甜味相對無就凸出，喜好茶道既朋友值得一試!!至於栗子，雖然唔太大粒，但都好甜呢，可以彌補番焙茶唔夠甜既味道同樣地紅豆同栗子發揮同一個功效，只係口感冇栗子既硬!至於蕨餅，又係賴生被寵愛既另一個證據，對於煙韧野，賴生係好鍾意食既，深知此道既屈小姐就投其所好，叫左煙韧既蕨餅比賴生食，滿足滿足!!#千祈唔好睇小女性既甜品胃#被受寵愛既證據#抹茶控#一定要有回甘先叫合格#謝謝妳對我的寵愛…Read More
，有時賴生都會情不自禁地覺得自己好好彩，居然有個咁好既女仔會揀中自己！明明係別人既眼中，我地係一對《美女與野獸》既翻版黎，居然都可以開開心心咁一齊2年都可能係開心既時光過得特別快，屈小姐都成長左好多Lu! 為左慶祝呢個咁值得慶祝既日子，賴生就Book左大坑既Bovini 同屈小姐食餐好嫁啦當然⋯Bovini咁貴，賴生梗係要諗諗計子啦，就係用左近期好興既Eatigo去book，1800到場食有半價呀，超值！而且賴生同屈小姐去度係包場呀，成間餐廳得我同屈小姐2個咋，撐枱腳超一流！而且每張枱都點左個細醬既蠟燭台，加上暗暗地既燈光，仲有位絕位美女坐你對面陪你用膳⋯夫復何求阿！雖然話半價招待，加一服務費都照原價收既，但佢除左set menu，成個單點餐牌都任你叫，超多選擇！賴生覺得既然半價當然要食好D，順便獎勵下屈小姐成功地頂左賴生足足2年! 睇下個餐牌之後，賴生就打算叫M6-7澳洲和牛牛扒同埋牛牛意大利飯嫁，但係可惜當晚無貨.....咁只好叫其他啦~~~當賴生同屈小姐落完ORDER之後~~~當然要傾下心事~~傾傾下之後，一陣撲鼻而黎既食物香味就飄過黎啦1) 蒜蓉包: 5⭐️當你叫完野食之後，廚師就會幫你整蒜蓉包啦! 免費送嫁，仲可以追加任叫嫁!! 明顯係用黎提高性價比既食物，但佢一d都唔馬虎嫁! 烘得好熱好脆，咬落去既時候，麵包既碎屑飛晒出黎，脆度滿分!而且蒜蓉牛油唔係求其比少少你就算，佢塗滿晒呢個麵包面嫁，蒜蓉味好足!! 係一個超出色的蒜蓉包，只係賴生同屈小姐叫左好多好野食，所以唔追加lu~~，要留番d位比其他好西麻!!!2) Classic Caesar Salad: 4.5⭐️鍾意食菜既我地，點可以唔叫番碟沙律食下呢，唔係太多肉的話就好難消化呢!! 好值得一讚既係，呢d既煙肉碎呢，係唔帶肥膏位既，所以連平日因為怕肥唔食煙肉既屈小姐都好放心去食呢!! Caesar醬份量足，芝士碎又夠多，所以味道分好高呢!! 芝士碎成條狀，味道超濃郁，為沙律醬帶黎味道既衝擊，令沙律醬既味道提昇去另一個空間，配合清爽既新鮮羅馬生菜，脆卜卜既麵包粒同一d都唔肥又唔太咸既煙肉粒一齊食，口感同味道都好一流，只係食得太多的話會有少少漏，因為芝士碎既味好濃裂呢!!3) Home-made Crab Cake with Tartar Sauce: 5⭐️呢道係屈小姐指明要食既一道菜，風聞係呢間既一個signature黎!! 一試之後，難怪屈小姐話一定要食!!首先:，個蟹餅炸得勁熱，食既時候真係要好小心，因住辣親口，事關新鮮炸起!! 外脆內Creamy，入面既蟹肉一絲絲嫁，仲要成口都係蟹肉，蟹味鮮甜!! 配埋佢特制既他他醬，少少酸，扯出個蟹鮮味又更開胃，呢份前菜真心一絕! 必食無疑!!4) USDA Prime Grade New York Strip Loin 14oz : 5⭐️難得有半價優惠，當然要食好d啦~!! 賴生本來叫M6-7澳洲和牛既，但係果晚無貨，唯有退而求其次，叫左USDA 達Prime級既西冷啦!! 雖然未去到和牛咁高級同入口軟嫩，但要去到Prime級都要好靚既牛肉先可以拎到呢個grade，肉質同脂肪分佈都要上乘先拎得到，而達prime級既牛扒只係佔全美國大約3%嫁咋! 所以呢，屈小姐同賴生今晚都有口福啦既然有靚牛扒，當然都配個好廚師啦，我地order左medium，太熟既話就會浪費左塊牛扒啦!!! 呢塊扒煎得好成功，廚師將佢既肉汁煎封左係牛扒既內層，送到上枱既時候熱辣辣香噴噴，侍應仲成set 調味料帶晒黎，超細心，有芥籽芥末、黃芥辣、海鹽同黑椒，準備充足可以嘆塊靚扒! 當然，食靚扒唔少得既梗係耐性啦....千祈唔好即上即食，要攤番塊扒5分鐘先好落刀，如果唔係牛肉汁又飛晒出黎，冇晒嫁喇!! 落刀既時候又要講技巧，拎支叉頂死塊牛扒，唔好拮入去，浪費左牛肉汁麻，再順住牛肉紋理落刀，保持完整，保留牛肉汁!!最後如果再想牛肉味再豐厚d，係塊牛扒上面吊少少海鹽同黑椒.....! Perfect!! 靚牛扒切忌點醬呢，會遮晒個牛肉味....我同屈小姐果晚就比呢塊牛扒既牛肉味不停轟炸，加上肉質嫩，唔鞋.....! 冇乜根位! 肥就肥啦!! 今晚豁出去嫁喇!!5) Roasted Whole Lamb Rack : 5⭐️其實今次黎除左蟹餅同牛扒，我地仲有另一個目的，就係Risotto，但好可惜，當晚賣晒冇供應! 唯有叫另一個Main啦，就係屈小姐同賴生好鍾意食既羊架!!不過羊架唔係度度都整得好，最失望係每次佢都會提供熟度比你選擇，但佢都煮過火，但呢度唔係，佢做得到呀!!我地叫Medium，上枱真係粉紅色嫁!! 更重要既係，呢隻羊架完全無羶味，肉質軟嫩，羊肉味濃，條骨又唔大條同粗，啖啖肉，脂肪亦去得好好，點埋薄荷醬食，真係一大享受!! 話咁快就比屈小姐同賴生清左碟!!6) Sauteed Mushroom : 4⭐️呢道炒雜菇呢，口質爽彈，加上伴左香草去炒，味道滲晒入菇中，不過略為油左d!!總結:有50% off真心好抵食，又高質又平，我地食咁多野先講緊6xx左右，如果繼續有50%off，真係超抵食!! Service又勁好! 由於冇人食，賴生包左成個鐘場咁濟，可以一邊享受高質美食，一邊同屈小姐傾下計，好開心既一晚呢!!難得屈小姐都陪左賴生2年~~~係要食餐好既慶祝下，順便又清一清個To eat list~~!! #預祝2週年快樂#有妳的幸福#文青look很難carry吧?…Read More
今次既屈小姐好叻，跑到北角既Healthy Chicken，都冇乜索氣同停過，消滅賤B減肥既事一定指日可待！本來山長水遠跑黎，除左係食健康D低卡D之外，為既係呢間HC可以用黎係石器時代做武器既大雞脾，可惜:(，賴生可能太夜到訪，今次既雞脾賣晒！只好試另一樣賴生想試好耐但又因為每次都有雞脾而放棄既食物 - 雞胸！賴生之選： 1）雞胸糙米飯沙律餐：3.5⭐️老老豆豆地講，呢份沙律算係不過不失，點解呢？雞胸：鞋就一定鞋過雞脾好多嫁啦！但未至於放唔到入口食，因為佢調味都唔錯，好惹味，不過滲透唔到入深層！糙米飯：正常既，唔會太硬食唔到，不過比起菠菜飯同蕃茄飯的話，我地會推薦：蕃茄飯>菠菜飯>糙米飯！因為有味飯好味d屈小姐之選：2）三文魚沙律餐：4⭐️今次塊三文魚好好多啦！因為係熱既！三文魚既魚味同肉質即時好好多！ 鍾意食三文魚既人好值得推薦比大家！總結：其實，北角呢間HC有值得讚既地方，又有值得彈既地方！值得鑽既，係呢度既三文魚真心好食好多，同埋有位坐闊落好多不過以上既條件係要配合職員，因為試過一次係個職員比較Hea既，魚係凍既，就連冇咩配料都好，佢都唔會主動補其他比你！同埋有個重點係⋯點解突然全間餐廳都變左用塑膠餐盒同餐具食既？明明以前都仲有緊玻璃碟同金屬餐具⋯造成好多垃圾呢:(至於中環果間HC，水準穩定，份數多過北角好多，除左配料好多之外，（有時佢一份仲比2種飯我地，係冇減份量，即係多左一份飯），佢既主食都大份好多，三文魚係有最少2塊嫁！不過熱既程度冇北角咁好！所以，鍾意食HC既大家，我地既建議係：想食飽D去中環，想減肥同坐得舒服d就去北角！#屈小姐好強勁哦#差D操死賴生了#能陪著妳跑的我很幸運#雞胸也可以的…Read More
。為左確保今日唔會再錯過抹茶牛角，賴生都一早打去問定品穀確認多次出爐時間係1330同1530-1600，而我地今次既目標係1530果一轉，所以我地係尖嘴行到咁上下，就火速過去佐敦去《品穀》，達陣既時間係早左5分鐘 - 1525！賴生第一時間入去問下正式出爐時間啦，結果比賴生見到個好感動既畫面，係整整一盤9個既抹茶牛角呀！今次冇撲空啦，而且陣容咁鼎盛，仲唔係新鮮出爐既（？）！太好啦賴生即時去拎夾同盤去夾走一個啦拎左去收銀處比錢之後，店員話要等一陣先拎得，因為要即時加抹茶Cream!等左10秒就可以拎到手，之後賴生同屈小姐當然第一時間係舖外品嚐啦1）抹茶牛角：3.5⭐️一拎上手之後，屈小姐同賴生都發現凍既？明明話1530會出爐，而且新既處理方法（改良版？），即係即時加Cream有個好嚴重既問題⋯⋯就係漏Cream⋯如你所見，未食已經漏左少少，再當你手拎住個包咬落去既時候，D cream更加因爲按壓既原故，係加Cream果個窿窿噴晒出黎，浪費晒d Cream!而且，即時加Cream可能會有個技術上既問題 - 加Cream 加錯位，佢插唔正個牛角包正中間個窿加，結果貌似好似加夠Cream，但其實入面既Cream唔夠！因為空間不足外加漏cream再者，個抹茶牛角包比起賴生之前買果個芝麻牛角差天共地，除左Cream量同唔漏Cream外，本身個芝麻牛角包都好大差別，之前凍左都會帶脆，食到一層層既，而家個抹茶牛角凍左反而係淋既，食唔到一層層外層一條條既白朱古力邊亦彷似粉飾，食既時候大部分跌晒落袋底唯一一樣可取既，係抹茶Cream隻抹茶味好正好濃，茶味強回甘勁，只可惜加唔夠同漏晒滿心歡喜既屈小姐食完都話浪費左半個牛角包Quota#水準下降#現實與幻想不同#一切都是幻想曲#失準下CP值極低#偽新鮮出爐…Read More
