whoxxca's Profile

一直想試試觀塘工廈的樓上小店, 所以今日相約朋友黎呢度食飯地點唔算難搵, 一入店內俾人好舒服既感覺, 一D都唔似置身於工廈入面好多野都想試, 左諗又諗先點到餐, 先黎左個包由於我地冇叫SET, 所以冇湯, 就咁食個包都好好味, 脆脆地又香美國肉眼扒 - 朋友唔食得咁生, 所以叫左6成熟, 伴碟睇得出有花心機, 牛扒亦燒得好靚, 一上枱已經聞到好香, 切開入口岩岩好, 唔多根, 一咬就開, 夠肉汗, 好好味日本帶子黑松露意大利飯 - 同朋友爭扎左好耐叫意粉定意大利飯好, 因為驚意大利飯唔係間間好食, 所以猶豫左好耐, 好彩最終冇揀錯意大利飯, 因為真係好濃味, 好似加左個湯既精華O係入面咁,淨係食D飯已經好滿足, 帶子亦冇欺場, 大大粒芝麻雞翼 - 是日黑板寫左有呢個小食, 就叫左黎試下, 熱辣辣即叫即煎, 入口唔痴牙, 皮脆肉滑原本想試埋佢既甜品, 但真係已經食唔落, 所以留返下次啦, 香港應該多D呢D咁用心製作食品既小店…Read More

飯後黎到HOLLY BROWN 食好耐都冇食過既炒雪糕, 以前新興炒雪糕, 都會O係CITYSUPER買黎食, 但呢間可以堂食, 岩晒雞啄唔斷既我地, 坐又坐得舒服, 一人食一啖繼續傾計今次我地揀左黑白配即係將朱古力 / 朱古力醬 / 朱古力碎 / OREO炒埋一齊, 總言之全部都係我地最愛既朱古力啦雪糕朱古力味濃, 食到一半就可以開始連埋個WAFFLE一齊食, 個邊仲脆架, 但個底就已經淋左少少, 不過都仲係好好味, 正!…Read More

行街被呢間店名幾特別既泰國菜吸引住, 所以晚餐就黎左呢度食SO THAI SO GOOD, 我幾鍾意佢個名椒鹽蒜辣魷魚 - 個辣汁係泰國食到O個隻, 辣辣地點魷魚食好好味, 勁鐘意食脆炸蝦餅拌泰式辣醬 - 炸蝦餅啖啖蝦肉又炸得新鮮, 不過略嫌唔夠泰式辣醬, 俾碟醬我地點就PREFECT啦大頭蝦泰式金邊粉 - PAI THAI 當然冇泰國整得咁好食, 不過都SO FAR SO GOOD既, 唔錯蒜茸辣椒炒通菜 - 由於係會泰式野, 所以我PREFER佢辣D, 但食落唔夠辣, 辣D會再好食D整體間野裝修都幾靚, 又坐得舒服, 食物都見用心設計過埋單都幾抵, $287.1, 下次黎會試食埋佢個甜品…Read More

朋友話沙田間SCHOOL FOOD開左咁耐佢都未黎食過, 所以今晚就陪佢食 間舖雖然都唔算新, 但明顯熱潮依然未過, 門口都仲係好多人等位入坐時間店員話75分鐘就要還枱, 不過食物都上得好快, 唔算食得好趕紅葉花卷 $78 - 之前食過就覺得好好味, 所以推介俾朋友食, 飯卷入面有紅菜頭, 紫蘇, 蟹肉, 簡單好味韓味炸雞拌大蔥沙津 $88- 食韓國野必叫炸雞, 撈埋有D辣味既大蔥一齊食, 絕配!韓式薄燒豬頸肉鐵鍋炒飯 $88 - 拌勻食好味, 但成碟只得幾塊仔豬頸肉, 有少少唔抵棉花糖草莓艾菲 $98 - 甜甜地士多啤梨味, 有少少氣幾好飲, 一渣兩個人飲每人倒到3-4杯, 唔錯最終夠左75分鐘都冇人催我地還枱, 埋單$387.2, 朋友都幾滿意今晚呢餐飯…Read More

終於都黎到HAPPY FRIDAY! 辛苦左一星期, 要去食個雞煲放肆下今日落大雨, 諗住應該冇咁多人出街食飯, 點知黎到都好多人等位。同女朋友等左個半鐘先有得入坐, 因為我地唔想搭枱, 如果搭枱就快好多, 不過我地想坐得舒服D, 所以等下麻辣雞煲 (半隻) $135 - 我地要左微辣多麻, 女朋友唔食得咁辣, 不過呢度D麻好正, 所以佢都忍唔住要左多麻, 雞煲好足料, D雞好入味, 其實一隻都食得晒, 不過我地想叫其他野打邊爐, 所以兩個人半隻岩岩好花枝片 $58 - 大大片, 彈牙珊瑚蚌 $90 - 睇落以為好大碟, 但下面全部都係菜黎, $90黎講少左D, 味道唔錯搭夠返脆肉鯇魚片 $43 - 新鮮, 不過淥完好厚身, 太太舊, 麻麻地日本蠔 $65 - 六隻都好大隻, 淥完冇點縮水, 正! 響鈴 $38 - 自家製, 唔係出面買到O個D, 冇咁油, 特別好食手切肥牛 (大) $198 - D紋都幾靚, 淥一陣間就食得, 好重牛味蝦滑拼墨魚滑 $88 - 放左落湯有少少分唔到邊舊係蝦邊舊係墨魚, 所以我地覺得兩邊都好食, 食極都仲有, 兩個人落左四轉都仲有得食, 幾抵莧菜 $28 - 個菜本身OK冇問題, 但由於湯底一定係辣, 索左個辣湯食即刻變得好油, 好易濁親大青檸水 $31 - 呢度出名夠晒大杯, 知道打邊爐大家一定飲好多野, 一人一杯岩岩好, 食完就飲晒埋單$887, 8個火鍋配料, 半隻雞, 兩杯飲品, 飽到上喉嚨, 太放肆啦今次真係…Read More

尖沙咀好多糖水店, 食完晚飯同朋友眼花撩亂唔知食邊間好, 行過見呢間唔洗點等位, 就入去試下不過入到店入面坐位都幾迫下, 唔係坐得咁舒服黑色情迷(朱古力) $54 - 可以揀雪糕定乳酪, 諗住特別D所以就試下佢個乳酪賣相整得幾靚, 但一入口就可以好肯定揀雪糕一定會好味D, 因為乳酪同朱古力粉個味都幾唔夾紫葡之戀 $54 - 整得幾別緻, D水晶粒粒入口好似食緊魚子咁, 口感好得意, 丸子夠彈牙, 葡萄冰亦好夠味, 唔錯…Read More

今日約左朋友行尖沙咀, 晚餐佢介紹左我黎食呢間上海小店以尖沙咀店黎講, 呢度食野價錢唔算貴排骨菜飯 $49 - 一人叫左一個, 因為朋友話好好食, 唔想同我SHARE又真係幾好味, 排骨咬落啖啖肉, 炸得岩岩好, 菜飯又夠蔥油味, 之不過D飯淋左少少, 但我都好滿意椒鹽魷魚鬚 $42 - 魷魚好足料好粗一條, 最緊要係炸漿唔會太厚, 正! 炸豬大腸 $42 - 色澤同味道都好好, 又唔會切到大大舊, 好食!埋單每人都只係$100, 抵食…Read More

放工黎到葵芳, 平時食得太多葵涌廣場既小食啦, 收工太攰, 所以今晚想坐低食下野好耐冇o係新都會食飯, 都唔知宜家有咩食, 睇完水牌, 就黎左呢間apple green晚市有個SET, 見好似都幾抵, 就叫左黎試下 - $298, 小食 / 主菜 / 飲品都可以揀兩個先黎有碗湯飲下, 普通白湯, 正正常常, 都OK飲品我地揀左士多啤梨檸檬特飲同菠蘿檸檬特飲, 加$15有得無限添飲, 但我地覺得冇需要所以冇加到, 杯野酸酸地都幾開胃同好飲薄荷豚肉墨西哥煎餅 - 睇個名好似幾特別, 但黎到賣相同味道都麻麻地, 豚肉食唔出肉味, 煎餅亦唔脆身加州棒棒雞沙津 - 沙津好fresh, 入面有柑子, 雞肉夠新鮮, 撈埋d脆脆一齊食, 個味道好夾煙肉忌廉意大利粉 - d汁有少少over左, 太多, 好似湯咁, 而且唔夠味, 好淡, 食多少少都覺得好濟夏威夷燒肉眼牛扒 - 賣相最好都算係呢碟, 牛扒我地揀左7成熟, 都燒得幾香,  入口幾juicy, 配牛肉既汁朋友好滿意。幼身薯條夠脆, 菠蘿好甜好多汁埋單$328, 整體普普通通, 個人覺得食一次就夠…Read More

鐘意食朱古力既我, 又點可以錯過GODIVA既黑朱古力軟雪糕次次經過都覺得好貴唔捨得食, 近期天氣開始愈黎愈熱, 一於俾個藉口自己買一杯消下暑$45一杯的確唔平, 但真係好濃朱古力味, 冇欺場面頭有塊足料朱古力, CONE邊又有朱古力碎粒, 連住一齊食, 真係所有好心情都返晒黎一於下次再俾個藉口自己食多杯…Read More

下午行街行到肚餓, 見到鼎泰豐唔洗等位, 就二話不說三位丫唔該坐底叫完, 好快就上菜, 效率高, 岩晒我地班餓鬼。蘿蔔絲拌海蜇皮 - 前菜一定要食最鐘意既海蜇, 清清地, 夠爽夠彈牙 辣味小黃瓜 - 唔太辣, 咬落好鮮好多汁, 食完開晒胃小籠包 - 黎到鼎泰豐點可以唔叫, 皮薄多汁, 欣賞佢唔會薄到一夾就穿, 又唔會厚到好似淨係食緊皮咁蝦肉煎餃 - 強列推介, 脆脆地, 入面仲有汁tim, 唔會煎到乾晒, 啖啖蝦肉, 正! 蝦肉紅油抄手 - 唔係好夠辣既抄手, 只係小小辣, 怕辣既朋友都食得排骨蛋炒飯 - 淨係個炒飯已經炒得好好食, 想淨係叫多個炒飯, 排骨唔乾, 送飯一流迷你荔芋包 - 貪得意叫黎試下, 細細個一人一個岩岩好, 小小甜, 唔似古式包點做到好甜咁, 幾好味埋單$490, 好滿足, 我絕對會返黎…Read More

即興打邊爐, 朋友話想食小肥牛, 即日打電話黎訂位, 店員服務態度好好。今日係星期六, 訂左晚市9:30, 黎到唔太多人都坐得幾舒服叫左個蕃茄薯仔牛腩拼四川麻辣湯底 同朋友都好失望, 因為我地都覺得個湯底唔夠味, 好淡, 就算麻辣湯都唔夠辣極級安格斯牛頸脊 - 每枱都一定有一碟, 必叫! 牛頸脊好新鮮, 切得唔太薄又唔太厚, 打邊爐岩岩好, 淥一淥就食得脆鯇片 - 好鐘意食魚既朋友表示好新鮮, 唔多骨, 啖啖肉石蠔 - 我地驚桶蠔食唔晒, 所以就叫左個石蠔黎試下, 點知放落湯淥完上返黎得返勁細粒, 冇乜肉食, 早知叫桶蠔珊瑚蚌 - 打邊爐必叫, 好爽口, 話咁快食晒一碟仲想ENCORE響鈴 - 普普通通, 要成$40, 下次唔會叫手打鮮蝦滑 - 好足料, 啖啖蝦肉, 又夠新鮮, 唔似得出面食到得D滑, 冇蝦埋單$715, 睇單先發現前菜同醬料都要收錢, 其實食物係夠新鮮既, 但湯底唔夠味真係令到今餐失色不少, 下次試下第二個湯底啦唯有…Read More

難得假日瞓晏少少,一起身已經10點幾,落街搵下野食, 但發覺所有餐廳早餐時間已過..咁啱經過唐記, 突然想食點心, 所以就決定買黎試下燒賣 - 豬肉燒賣黎既, 幾好食鮮竹卷 - 腐皮夠爽滑, 唔會一pat pat, 一個人食晒三條山竹牛肉 - 同茶樓食到既冇分別, 有驚喜, 好味道鳳爪 - 黏左少少, 但都ok叉燒包 - 好味, 唔會話買到返黎濕漉漉, 即刻襯熱食肯定仲好食…Read More

LUNCH TIME 黎到呢間小時光, 主打食台式野。LUNCH都幾多人排隊, 入面裝修係舊式課室造型, 好懷舊, 但由於太多人, 所以冇影到相行到入去要排隊自己買餐, 店舖一共有兩層。叫左個"台式魯肉便當" $55魯肉飯幾有台灣風味, 不過豆腐就硬左d, 雞翼夠入味同夠淋, 整體都ok不過最失望係杯奶茶, 一心諗住台灣主打咁多台式飲品, 應該唔會差得去邊點知杯奶茶飲落冇味, 或者可能係飲慣港式奶茶既味道啦...其實間野不過不失, 為左黎懷舊下以前返學既小時光, 都可以一試既…Read More

好耐都冇黎食EXP, 今日咁岩黎到九龍塘就諗起佢由於好夜先入坐, 今餐食得比較趕Sausages Pizza - PIZZA焗得幾好食, 不過我地覺得D腸好鹹, 所以食唔晒Buffalo Chi. Wing - 朋友話黎到一定要叫呢個雞翼, 又真係幾好味, 有汁但仲KEEP住脆身B.guacamole flat fri - 焗薯塊同煙肉一齊食, 個味係夾既食左三樣野, 埋單只係$217.8, 好抵…Read More

星期三放工差唔多9點黎食, 唔洗等位, 店員話最低消費每人要叫一杯飲品。極品摩卡可可冰 $50 : 夏天新出飲品, 幾重朱古力味, 夠消暑金莎榛果可可冰 $50 : 奶味較重, 冇乜榛果味DAZZLING 拼盤 $78 : 炸得唔乾, D漿又唔厚, 岩岩好, 清晒黑松露義大利麵 $98 : 鐘意佢夠多汁, 好味經典巧克力鬆餅+麻糬 $105 : 最後試下最出名既甜品, 鬆餅加左麻糬幾好食, 配埋雪糕, 唔覺唔覺就食晒總結: 食物都唔錯, 唔洗排隊會再黎食…Read More