Sunnylhw's Profile

喺附近上完堂，夜晚搵野食，行過聞到幾香好似唔錯🫢仲話即叫即燒，試一試佢先個老闆仔都話啱啱先開冇耐叫左燒雞肉，燒牛舌，燒韭菜，燒扇貝燒墨魚丸，燒雞軟骨，燒豬頸肉有蜜糖，孜然，同沙嗲揀，雞肉有汁唔乾，牛舌軟熟都juicy韭菜比一般串燒大份😳差啲叫多左個人覺得燒豬頸肉必必必食🤤好香好juicy沙嗲醬正嘅👍🏻重手加，價錢公道，百零蚊有海鮮多肉少菜食都飽哂🤣🤣🤣老闆仔1個人做，即叫即燒，心機野👍🏻抵讚…Read More

我都好想試下佢嘅野飲，不過冇機會喇。話說中午12點零，擺左架車喺附近整，因為食左野冇耐，只想搵個位飲杯野，坐返粒零鐘做下野，又唔想成日去連鎖店，見佢門面都幾靚，又有杯賣好似好有心思，都知道lunch時間，都幾爆，好彩佢有個獨家村位，高枱一個人嘅位向住玻璃默默坐低左，有個疑似老闆嘅先生，佢真係睇落好好禮貌架😊首先佢擺低左疊Menu 男人: 隨便睇下食咩我: 好呀，唔該我睇左1分鐘左右，發現都係lunch 節日特別set 同早餐menu，不過過左早餐時間我: 唔該，有冇drink menu?我食左啲野，唔太肚餓，想飲杯野。男人: 我地而家 lunch 時間，都比較忙，最低消費要$58蚊，如果你叫唔夠，我地都收$58，希望你明白。(佢都好有禮貌，個樣都似好慘咁，我都明白嘅，雖然我成個過程睇唔到有最低消費寫落，不過都明白嘅，香港地交租都貴)我: 好呀，唔緊要呀，你照收啦，因為我食左野，只係想飲杯野，或者有冇cake 或者包，我想飲杯野坐下姐。男人: 你會坐幾耐？我: 個幾鐘囉，你呢度有限時？(佢可能聽到我話要坐個零鐘，面都變左下)男人: 因為我地好多booking，好多人黎食飯，如果你唔食野就唔係咁好。(係趕緊我走😅之後噏好多唔好意思呀，多謝你見諒等等。)之後我都唔好意思，微微笑咁走左。都想分享下，如果大家諗住淨係飲杯野食件蛋糕就唔好多人嗰時去喇，唔好阻住人哋做生意。一陣好似我咁唔識做，搞到人不愉快就唔好啦:(…Read More