suetc's Profile

星期六難得咁早出到旺角，可以試下呢間人氣餐廳，去到大約11點幾，店員介紹可以有Brunch 選擇，可以有90分鐘，幾吸引咁，可以慢慢坐享受下。我點左份Egg Benedict Spinach &Mushroom, Avocado & Bacon on Sourdough , 開頭都驚煙肉會好肥膩，原來佢係整到好乾身變成脆片咁，有心機唔係就咁放塊普通煙肉，Egg Benedict 都整得好好味，賣相吸引，最驚喜係底果份Sourdough，酸酸地幾開胃，我會為左呢塊酸種麵包再去食多次…Read More

圍方開幕之後，上youtube都見好多youtuber介紹有d咩食肆吸引，呢間係其中一間，講到係手打烏冬過江龍好出名咁，終於等到人潮散咁d黎試下。我地分別試左2款口味，蝦天婦羅及吉列豬排，湯底試左傳統味噌同埋黃金鏗魚湯。湯底其實都幾濃郁，不過食到一半已覺得有d太濃有d咸，蝦天婦羅不過不失，反而個吉列豬排炸得不錯，另外叫了一碟小食炸豆腐，炸得都不錯，不是太厚粉。但如果真係要排長龍再去食就未必了，試過便算。…Read More

見上網介紹呢間有‘’仲夏。香芒盛「燕」‘’Afternoon Tea Set下午茶，賣相同價錢都好吸引（$278／2位），即刻約埋好友上網預約。餐廳位於觀塘都方便易搵，環境闊落，有戶外坐位，室內主要都係卡位，坐得舒服，某d位仲見有d拍照道具，好啱打卡。個set分3層，同酒店果d set一樣有咸點有甜點，賣相比酒店絕不遜色。Tea Set包括芒果阿拉斯加蟹肉沙律魚子醬，慢煮53°波士頓龍蝦肉蛋白撻, 合桃包配24個月巴馬火腿伴芒果及巴馬臣芝士，迷你黑松露鬆餅配法國凍鵝肝、燕窩及芒果啫喱等10款及包每人一杯飲品(Cocktail or Mocktail）。整體質素出色，絕不馬虎，而且可坐有2個半小時，可以相約好友慢慢傾偈，是不錯的選擇。…Read More

之前星期六日想試呢間好多時都full booking，疫情開始後都少左出街食飯，難得放假約朋友黎食lunch,平日少人好多。座位坐得都幾舒適闊落，waiter都好nice，遇著我地呢d選擇困難症，慢慢喺度諗都無催，同埋都有俾下意見。我地order左 Mentaiko Seafood Pizza個pizza都幾脆，Mentaiko又唔會太辣我地仲order左Linguine Truffle Carbonara松露加上芝士好香好好味仲可以加$24配埋Truffle Fries 好抵食，好滿足…Read More

疫情下搵地方食飯，最好搵間地方感覺乾淨d及與鄰座相距遠少少會安全d。行完megabox，見鳳城無乜人及見坐得都舒服。其實唔係好知呢間個名多左1954同其他有咩分別，但見菜牌內容差不多，呢度夜晚除左小菜，還可以有點心選擇。開胃菜，點左話梅冰鎮蕃茄有驚喜，有d話梅粉酸酸地好開胃。脆皮BB鴿，個皮都有d脆，唔錯出名的蝦多士，一定要食。炸粉果都出名乳融釀蟹蓋，普普通通考古欖角骨，欖角唔係太入味，但味道都唔錯。還有生菜夾豬肉本來仲想食甜品，但太飽了…Read More

個人比較鍾意幫襯下特色小店，大圍有間吐司最近都多人推介，終於有機會試下。舖頭裝修似休閒cafe,裡面只有3，4個位，出面有張小枱，所以都見不少人選擇外賣。最想試是盒子吐司，第一次食揀左個有肉比較飽肚的口味。Double芝士豬柳滑蛋盒子吐司，聽過名都夠邪惡，好豐富咁。賣相都好靚。吐司外脆，堂食熱辣辣即食最好。內裡夾有豬柳，滑蛋更加是食到底都有，好足料，加埋沙律醬，芝士，真係又滑又香又脆。加$10可配果茶，我揀左蜜桃果茶，唔太甜，加左少少生果點綴，唔馬虎。如果嫌吐司份量少，可以加多$10加大1.5倍。除左盒子吐司外，還有厚切三文治，豬仔，牛角酥，飯等供應，有機會再試。…Read More

聽聞這間旋風蛋好味，想試好耐，今次lunch time去試下先唔知是否lunchtime關係，只得幾個set選擇，仲要得一個set有旋風蛋揀坐位都算舒適，有卡位坐，幾闊落。 吉列大蝦咖哩旋風蛋包飯，賣相都不錯，個旋風蛋又真係幾滑幾香。和風滑蛋唐揚雞拼吉列蠔丼， 份量都算多，味道不過不失。跟餐包普通指定飲品，及加錢轉飲品。另外，仲可加$35要souffle pancake都幾吸引。製作需時約30 mins,如果要的話，要預早叫定呢！不妨試下。…Read More

最近由於疫情關係，周圍都少左人出街食飯。經過新蒲崗見呢間日本餐廳門口餐牌寫有輕食餐，諗住最啱食少少野，可以快d食完快d走，不太想久留。入到去見不太多人，所以可以1個人都可以坐喺6人枱，可以保持距離，都不錯。最後點了個芝士炸雞丼，餐還可以配飲品。個飯來到時，第一個反應係，唔係輕食餐嗎？炸雞份量大份到都夠飽了，而且係新鮮炸好，熱辣辣的，而且啖啖肉，加上有芝士醬，送飯一流，究竟係少人幫襯左大贈送，定係平時都是這樣?…Read More

見上網介紹酒店推出GODIVA朱古力節慶下午茶套餐，聽見已夠吸引，即時相約好友預約試下。套餐有鬆餅，曲奇，有薑餅人造型，好有聖誕氣氛。餐點共有3層，除了甜點，亦有鹹點。鹹點包括黑朱古力脆皮青胡椒鵝肝，沒有太大膻味，番茄醬焗蛋批，幾香蛋味，西班牙火腿併蜜瓜及火箭菜，幾清新，三文魚配香草醬，法式鄉村肉批配紅桑子沙律，亦相當出色。甜點包括朱古力樹頭蛋糕，脆米朱古力忌簾雪橇，馴鹿紅桑子朱古力，都是聖誕造型，人見人愛，唔捨得食。另外，還有黑朱古力棒棒糖，金箔松露朱古力，Godiva聖誕朱古力。每人有一杯雪糕，好滑好香朱古力味。出面還有軟雪糕任食，絕對飽到捧住肚皮走。餐飲亦有多款茶類選擇。這裡環境清靜，價錢合理，值得之選。…Read More

聽朋友介紹話呢間黑糖烏龍茶珍珠奶茶好飲，適逢見咁啱呢種款有做優惠，只需$13。再善用openrice有優惠code,真係非常抵飲，只需$3。見附近新蒲崗有分店，同埋可以用openrice apps外賣定，不需企起門口等太耐，好方便。本身新蒲崗不是太多人，所以都好快就有。建議大家要熱飲，少甜走冰，可以試真d烏龍茶茶香，因為比起其他同類店舖，佢採用烏龍茶，飲起上黎無咁甜，同埋甘味d, 值得推介店面好易認，採用tiffany blue, 店員服務都不錯。…Read More

沙田友朋友介紹話博康村有間打邊爐好抵食，所以黎試下先，位置在冬菇亭，而家舊式冬菇亭都裝修哂，新式有哂冷氣坐得舒服。先黎過湯底，個鍋真係好大鍋喎!而且好足材料，大大隻雞。打邊爐材料，都算多選擇，可任叫。麻辣皮蛋，幾惹味前菜都幾好味包一盤海鮮，但種類就無得揀，睇當日有咩由廚房決定俾咩牛都幾靚，一碟份量都好多添響鈴一碟多到成座山咁丸整得幾別緻每人埋單都係約二百幾蚊，又無催人走，可以慢慢坐，啤酒汽水任飲。…Read More

到Megabox睇戲食飯係不錯既選擇，想平平地食餐飯，IKEA更是不錯既選擇，想食少少買小食又得，想食豐富d百元左右已足夠豐富到捧住個肚走。今次我地都嗌多左，應該少叫一份小食，但因為樣樣都吸引，所以買下買下要多左個豬手其實大到足夠2個人食，係幾入味。烤雞肉質比想像中滑，唔會太乾，d薯格好脆，新鮮炸起。 在出面有調味料可自由加。肉丸之前食過好食，所以黎到又想再食，而且有薯蓉配埋。呢個唔記得個名，類似素菜丸之類，味道比想像中好，幾好味啵。而且這裡位置大，搵位好方便，易有位。…Read More

每次經過the one, 這間越南餐廳好多時都好多人排隊，見今日唔算多人，決定幫襯下。位置都算坐得闊落，不是等得太耐。小食先要個越式米紙卷，薄薄粉皮，夾住大大隻蝦做饀料，而且不是間間越南餐廳有得食。生牛肉湯粉， 牛肉熟度啱啱好，再浸一浸熱湯就食得，湯底都不錯滿載海鮮椰青飯都幾多人叫，賣相好吸引，其實份量都幾大份，足夠3個人食。內裡有墨魚仔，蜆肉，蝦，粟米，提子乾等，都幾多饀料，載在椰青殼內，面頭鋪滿厚厚椰漿。…Read More

又黎試下在觀塘工業大廈上既cafe,樓下要到保安處登記先，由於只到14樓，要行上一層，有少少僻靜，建議女仔既話，有人陪一齊好似安全d。黎到當然嗌呢度既特色飲品富士山特飲啦！好靚呢！會變色的。其實有種感覺，應該當係飲品定當甜品呢？因為佢係梳打，但上面有一大球雪糕。飲品份量其實真係唔多。前菜，左口魚芥末沙律，幾特別。明太子蟹肉炒飯，比想像中略為普通。串燒:菠蘿串，汁燒牛脷串，兔治雞肉串，紫蕃薯串。串燒都幾出色。最推介是這個神戶野菜牛肉鍋，個湯好香好濃，真係連湯都飲得清光。坐位闊落坐得幾舒服，門口收銀位仲有少量日本產品售賣，都幾精緻幾靚。:)…Read More

近期好多酒樓都推出食蟹優惠，其中一個同事推介呢間，因為佢近期食過幾餐都覺得好抵食，不過是其他分店。所以放工約多幾位同事選這區大家就腳d再黎食過。我地5位選左5-6斤重，都幾大隻。先黎俾我地望下活生生的樣子。終於有得食，烹調時間啱啱好，大家即刻迫不及待好忙咁剪剪剪，把較剪都幾好剪，好輕鬆就可以完完整整拆開蟹肉，滿滿的蟹肉，的確係好鮮甜。之後，仲嗌左乳鴿，略為普普通通。伊麵都幾入味，都幾多蝦。最後埋單每人都只係約$300，又真係幾抵。…Read More