charliengai10003's Profile

同屋企人過嚟等位，撞正lunch hour，都預咗要等嘅，但係經理完全唔識管理啲座位，係咁入四人枱同五人枱，話二人枱要等，明明四人枱可以拆做兩張二人枱入，經理話要等，最吾爽係到左10分鐘都無既嘅五人枱都入左去，我哋同前面嗰對老人家都等到好耐，最後要我哋同佢講佢先肯拆張四人枱比我哋兩張二人入，已經成肚氣。講返嘢食，以前都有食過添好運，印象覺得選擇唔多，但係都好食。今次叫咗招牌叉燒包，點知嚟到係凍既，然後皮蛋瘦肉粥太咸吾岩老人家食，送粥嘅油炸鬼係腍嘅，紅油抄手叫正正常常，不過都係凍，唯有飲返啖茶暖吓。絕對唔值得我等40分鐘，完。…Read More

難得路經這一區，終於試到實體店。最低人均消費一杯嘢飲，唔計正餐同甜品，本身兩個人打算叫兩個甜品，share飲啖茶，其實飲品價錢同其他咖啡店差不多，但有啲被迫消費嘅感覺，最後兩個甜品兩個飲品都成$250。食物質素，抹茶Tiramisu有啲失望，個cream係夠濃，但係太杰身有啲膩，本身自己好鍾意食抹茶都食剩啲cream，如果個手指餅可以再濕啲就好啦。另外，卷蛋比以往網上訂購乾身同實，以前覺得jenjen 卷蛋好好食，今次有啲遜色。yuzu orange cold brew 個syrup 杰到搞唔勻，搞到飲到最後好似飲緊藥水咁，開頭飲係OK嘅，整體有啲失望。…Read More

$10嘅麻糬波波自然會有expectation，同一個價錢同銅鑼灣真係冇得比，試咗個朱古力味，好硬又乾，以為自己食緊麵包咁，中間有粒麻糬係OK嘅，軟身有咬口，但係麻糬波波真係做得太差，好彩淨係買咗一個。第一次食呢間餅店係喺舊舖，覺得好懷舊，而且個曲奇蛋撻暖暖哋，出奇地好食，今日買咗個酥皮蛋撻又凍又唔夠鬆又甜，加價唔緊要，只係想食到好味嘅嘢。應該唔會再特登行過嚟買麵包啦……………………………………..…Read More