catong's Profile

好耐無寫食評啦！見今日有時間就寫返個。最主要因為覺得真心要讚吓響公司附近嘅呢間茶餐廳。如果唔係無人知點算其實一直有食開既，只要見到佢個午餐係冬陰功湯底，我間唔中都會叫黎食。佢冬陰功海鮮金邊粉，湯底分分鐘好過出面唔少泰國菜，好有誠意，海鮮有青口、魷魚、蝦仁、蟹柳，嗚門卷，每樣兩件，一d 都唔馬虎，青口仲好肥美除左金邊粉仲有d芽菜。午餐只係$50,包一杯熱飲，外賣自取，仲有九折添！大大話話都食左三四年，希望佢個湯底一路可以keep住好水準啦！…Read More

呢間餐廳之前bookmark 左一直想試都未去，今日難得一位好耐無見既朋友有時間話陪我食飯，就黎左試下。睇相已經覺得間餐廳氣氛唔錯，黎到現場真係幾好。其實好多野都想試，但因為得兩個人怕眼闊肚窄，所以就叫咗三樣野先。咖喱金麵：有兩樣麵，一個係煮軟左，一個係炸脆左，配咖喱汁同埋雞扒，咖喱汁食落好香，一開始覺得脆麵麻麻哋，但後來將啲脆脆麵浸左落啲汁度浸淋左原來幾正。軟殼蟹配蒜蓉包：可能我哋掛住影相，到最後食嗰陣已經凍左，軟殼蟹個脆漿麻麻哋咖喱汁入邊都有唔少配菜，有椰菜苗，西蘭花蟹肉奄列：呢個好正，有好多蟹肉筒入邊，蛋香十足，份量好夠。最後叫咗兩杯沙冰：薑汁菠蘿沙冰同椰汁沙冰。沙冰正常，不過薑汁菠蘿沙冰我飲唔到薑汁味餐廳影相真係幾靚打卡一流，d嘢食都真心唔錯，而且人唔多，環境清靜，情侶約會或者閨蜜聚餐談心都係唔錯嘅選擇。…Read More

今日行開葵芳，諗住買d 小食返屋企，之前食過佢既拌麵係唔錯既，今次唔想食麵諗住叫個燙魷魚小食啦，成為$35蚊，因為我外賣拎走，佢比我果陣我都心諗個兜咁細收$35? 不過算啦，諗可能佢裝得滿呢。。。點知一返屋企打開，數埋得4件細細既魷魚，仲要咁細兜都唔滿，係細到好似雪糕杯咁，超級搵笨！佢拌麵都係$38, 但有蛋有豆腐有肉燥，呢兜魷魚得4小件收$35真係好貴囉，$9蚊一舊我寧願買地鐵站強哥黎食開心好多！又唔係特別好食，真心無下次！…Read More

平時都有食開呢間早餐，選擇多，外賣仲有9折。見到今日買個午餐，係黑椒牛肉拉咖哩牛腩焗飯，本身鐘意食咖哩，又咁岩鐘意食黑椒喎，唔叫呢個好對唔住自己外賣返黎仲好熱既，食落好足料，牛肉同牛腩都唔少。咖哩好香，不過黑椒汁果邊就略嫌差少少，唔夠黑椒既辣味，我相信叫得呢個飯既人都係鐘意食辣既，所以黑椒味如果可以再多d,辣返d 就仲正而且個飯係炒飯底，唔係白飯，都好有誠意。希望佢地食物質數可以keep住水準啦！中湯同沙律菜都係正常味道，就中規中矩啦:)午餐外賣都一樣有9折，呢個$53蚊折左$48，有湯有野飲仲有沙律菜幾抵食，唯一唔好既就係打電話去叫外賣太難，午市無人聽，我打左6次先叫到外賣…Read More

平時都食開堂食，味道係ok既，今次外賣因為另一半唔想落去，咁我唯有買外賣啦，點知就即刻中伏叫左兩份早餐，用openrice落既order，拎果時已經問佢係咪，其中一位店員仲話幫我睇下單，話齊啦，咁我就梗係諗住放心啦，點知拎到上樓打開睇，成盒黑松露炒蛋無比到我，好肚餓想開餐準備食真係O晒咀🤦🏻‍♀️，打比餐廳同佢講，仲要無得送返上門！講真，咁多間連鎖分店都話無得送，無得送外賣無問題，但問題出響餐廳度我覺得就應該要搵人送返上門囉！結果都係要我自己行多一轉，外賣真係睇check 少眼都唔得…Read More

見屋企附近新開左富臨薈，裝修幾靚，諗住晚飯試下啦，點知叫4樣野。(松子魚，乳鴿，海南雞飯，蠔餅)有一樣無，一樣就漏單。等左半個鐘黎左條魚，食左成半都未有第二樣黎，叫人問下啦，原來海南雞飯無落，乳鴿賣晒又無人通知！話我地得兩樣野。（魚同蠔餅）講真，海南雞飯應該唔洗煮好快出。好啦，叫佢補落單，最後等多15分鐘，原來都係無落！！叫經理黎投訴又無人黎，一個推一個！唔止我地。仲聽到隔離兩檯都一樣全部漏單！要催左3,4次d 野先到。真係未試過食飯食到咁谷氣。服務真係有待改善最後食左3樣野差不多$380蚊，但咁既服務真係覺得好唔值…Read More

沙田新開分店，知我有好多唔同口味既雪糕，心陏隋梗係要即刻去試下！雖然樣樣都好吸引，但最後都係不敵香芋既魔力(個人太喜歡香芋味雪糕)，一個人唯有試一樣先啦本身想加$8轉脆筒，但可惜店員說暫時未有脆筒供應，只得杯裝，唔緊要，我既目標始終係雪糕香芋雪糕$32，睇落顏色好天然，無加配料賣相已經好討好唔會好似有d 牌子咁死實實紫色既人造色素。食一啖試下，食落都幾香，但唔算濃，夠軟滑。而且份量都唔少食完都有d 飽。呢個價錢值得食。下次要再試雪糕三文治先！…Read More

上一次來是兩三個月前了，那次真的每樣都好好吃，尤其是明太子意粉，真的令人回味。今次再來，點了個一人餐，有沙律，飯和甜品$198 , 再加一個明太子意粉。意粉一來已經心知不妙，汁好稀，唔多覺有明太子，上次的醬汁好濃厚，再配好多的櫻花蝦，一個人食完都唔覺得膩。但今次櫻花蝦沒了，變成白色的小魚乾，醬汁又稀，仲有d 腥味！好失望 :( 好彩個飯唔差，pancake 依然好食 :) ，但意粉真係美中不足，下次應該唔會再叫了…Read More

今天和男朋友去試新的餐廳, 見到團購好平, $268有十一道菜, 加$100蚊仲有多一隻波士頓龍蝦添~餐廳不難找, 在朗豪坊行後3個街口左右就到, 我們本身BOOK了 七時, 但6:45分到了, 餐廳開頭只有幾檯客人, 但7時半左右已開始多人, 我想也是吃購團的套餐吧~好啦, 講下食物先~ 一來先來海鮮凍盤, 本身有生蠔, 青口和半隻麵包蟹, 龍蝦是加 $100蚊的海鮮不錯, 有海水味, 也算新鮮, 不過因為凍蟹比較花時間吃, 只是這個凍盤也吃了30分鐘吧.. 三文魚沙律和蘑菇湯不過不失主菜選了BBQ豬仔骨和鵝肝意大利飯, BBQ骨上檯時真的很大條, 男友很喜歡吃, 滿心期待的!可是真的做得不好, 豬仔骨像只是用滾水弄熟, 然後加上醬汁似的, 感覺肉本身沒有味道, 無醃過肉的, 肉和醬汁完全分離~ :(反而那個薯蓉還好吧!鵝肝意大利飯, 一上檯時已不抱期望, 因為除了鵝肝好吃外, 下面的就像是白飯一樣, 那幾片菇根本起不了野菌作用, 整個飯都淡而無味, 要加了很多芝士粉才吃了幾口:(餐飲都是平時的咖啡, 男友選了蜜桃乳酸(要補差價的), 我沒有試不知味道如何整體來說, 凍盤不用煮的, 只要新鮮應該不難吃, 但主菜真的要改進一下, 雖然是團購, 但也不能如此求其吧?…Read More

今晚和幾位朋友來到這間食靚景既意大利餐廳, 之前朋友看到的這個Happy Together Dinner，五道菜晚餐 : 每位$560，2-3人可享八折優惠；4人以上更可以享七五折優惠, 見到相片的龍蝦很吸引, 決定去試試, 準時到達後侍應安排入座, 我們早兩星期訂了4人檯, 而且指定要窗邊的位置, ,除了在270度開闊的環境下欣賞維港的夜景外，更有享受現場音樂伴奏。早兩星期訂的檯, 很好的安排了角落的位置, 兩邊也可以看到迷人的夜景:)豐富菜式，包括：前菜「新鮮生蠔2隻」、頭盤我們四人都選了「煎帶子」、餐湯是濃郁的「Sorriso海鮮湯」、主菜分別有「烤特級牛柳」、「波士頓龍蝦配扁意大利粉」或「煎爐魚柳配蜆肉」、甜品是「流心朱古力蛋糕配Mövenpick雪榚」。「新鮮生蠔」, 因為有兩位朋友不吃, 問侍應可否轉其他食物, 可惜只能轉做沙律, 感覺很不化算呢! :(不過生蠔也不是很新鮮的貨色, 還可以吧!:)「煎帶子」- 雖然份量小小的, 但那個微辣的醬汁配上沙律菜和帶子同吃, 不用兩分鐘就吃完了「Sorriso海鮮湯」- 湯有青口, 蜆和大蝦, 感覺有點像龍蝦湯, 但沒有龍蝦湯的濃厚感覺, 也好, 要不是喝完了就吃不下主菜了。主菜 : 一位朋友選了「烤特級牛柳」(五成熟), 肉質鮮嫩, 烤得剛好, 不會過熟我和其餘的朋友都選了「波士頓龍蝦配扁意大利粉」, 來這裡就是為吃這個吧~ 龍蝦份量也是預計之內, 醬汁朋友覺得咸了點, 我個人認為剛好, 很好吃甜品 : 「流心朱古力蛋糕配Mövenpick雪榚」蛋糕比出面吃的份量少, 大約是1/2左右 (相片看不出來吧), 不過也很好, 因為如果吃一個大大的, 感覺會很漏和飽, 雖然小小的, 但這一個做得真的超讚, 想不到也可以很流心, 不會因為太小而焗得整個都變熟了, 再配上Mövenpick雪榚, 為這一個美味的靚景晚餐寫上一個完美的句號順帶一提, 餐飲原本叫了凍檸檬茶, 可能我喝了一口覺得茶味太淡, 向侍應反映, 他也細心的說這杯茶本身不會太濃, 提議幫我轉別的, 後來也立刻為我換上了一杯凍咖啡:)…Read More

友人生日, 朋友提議去吃韓國菜, 其實本身一向對韓國食品興趣不大, 印象中要是好吃的韓國餐廳, 價錢也不便宜。不過是朋友的生日, 當然主角要吃什麼也樂意奉倍自己平常真的不會選韓國餐廳, 今天來到, 感覺上店子很家庭式的, 因為遲了到達, 友人已點好菜。先先菜牌, 大多是$40-$70元左右, 比我想像中的便宜多了~上菜了, 年糕炒辛辣麵 - 辛辣麵好吃, 但個人不大喜歡吃那種年糕.煎餃子 - 餃子皮薄, 香口好吃.烤豬肉飯 - 這是我當晚最喜歡的, 豬肉炒得很惹味, 夠辣, 配白飯一起吃, 其實一人也可以消滅的~ 海鮮薄餅(忘了拍照) - 味道較淡, 要點配上的辣醬同吃, 但也是香口的.炸醬麵(忘了拍照) - 不過味道一般, 可能我不太喜歡吧, 最後由朋友清碟.泡菜炒飯 - 比較濕, 如果乾身一點更好吃.總括來說, 以這個大眾化的價錢, 是不錯的選擇…Read More

1月1號, 同朋友去BBQ慶祝新一年~今次選了這間重慶燒烤, 有別於一般的BBQ~不用每人一支叉燒, 而家放在爐上食物選擇很多, 最特別的有燒 "九菜" 我喜歡還有羊架, 非常好味~每爐都有一壺燒汁, 香草和辣椒粉, 可自己邊燒邊調味.而且這個燒法, 食物多得食不完, 不用拿著叉等了又等都未有得食呢~元旦比平日貴, 每位$188, 閒日來比較化算…Read More

今天和男友想去試一試這間長期爆滿的餐廳到底有什麼吸引力, 6時到達竟然已滿座...足足等了45分鐘才有位, 一向都很喜歡吃烏冬的, 一入到去就急不及待點野食見到那個 "黑担担" (黑芝麻) 湯底好像很吸引, 我們兩人都點了這個湯底點菜食物如下:(1)厚切黑豚烏冬 $62(2)牛肉烏冬 $62(3)黑胡椒大蜆 $58(4)另外加了一個芝士芝麻豬扒 $46不過... 芝士豬扒竟然溜單, 所以最後取消了~黑胡椒大蜆先上, 大蜆分量都不少, 而且真的是大隻的, 不是縮水版, 因為有很多都會和相片不同大蜆新鮮, 湯底ok, 不過本人略嫌不夠黑椒味:)兩個烏冬到來, 依然很滾, 很燙口, 先試一啖黑芝麻湯底, 芝麻味是夠濃, 不過就真的只有芝麻味, 湯底很淡, 不夠咸:(烏冬是彈牙的, 不錯, 黑豚也ok因烏冬吃了大半也不見芝士豬扒的蹤影, 發現原來溜單 , 所以取消了~不過如果要等那麼長時間的話, 就覺得不太值得了, 而且這家店是要排隊,沒有等候的(飛仔)拎的,畢竟不是想像中的好, 可能是羊群效應吧~我和男友吃完後都覺得 "大門橫x" 那一間的比較好吃, 而且不用等那麼久呢~ …Read More

今天是我的生日, 男友帶我來這裡食晚飯慶祝環境真的一流~ 270度維港景盡收眼底之下~一坐下點了兩杯飲品, 一杯什莓smooth, 比較甜, 一杯男友的,不記得名字了, 芒果味酸酸的不錯~waiter隨即遞上一籃麵包, 有3款, 麵包脆條, 牛油酥和法包, 牛油酥非常好吃, 不用加其他醬或牛油都可以, 很香的牛油味, 讚!! 而且有得refill, 可是我們都太飽了, 如果吃得下一定會再要多件牛油酥.頭盤要了鵝肝, 鵝肝份內不少, 而且煎得外脆內軟, 好吃, 可惜男友不懂欣賞, 只是點給我吃的主菜一 : 帶子意大利蛋麵這個很好吃, 味道有點像pizza hut的海鮮寬條麵, 不過它的帶子和大蝦都很大粒, 大蝦很彈牙, 新鮮主菜二 : 美國黑豚這個我覺得一般, 可能我本身對豬興趣不大, 而且因為厚切, 覺得有點鞋口:(甜品叫了香蕉布丁和蘋果批香蕉布丁有很濃的香蕉味, 不過質感其實不飲布丁, 像很濕的香蕉蛋糕蘋果批即叫即焗, 很香脆, 不過可能因為已太飽, 所以覺得有點漏總括而言, 食物都相當好, 侍應也很nice, 非常滿意的一餐呢~ …Read More

在荔枝角工作, 其實一向都知道有這間 cafe 食店, 不過午餐時間常常爆滿, 所以一直沒有機會試, 早餐又通常只買個麵包就算.今天心血來潮突然醒起, 就決定去買個早餐試試~選了芝士法式多士早餐, 再自選兩款配料, 我選了咸牛肉炒蛋和螺絲粉沙律.多士其實是長法包上加芝士烘, 很香脆, 好味咸牛肉少蛋也不錯, 很大份, 足料!螺絲粉沙律ok, 有少少吞拿魚在裡面.早餐可以配 咖啡, 奶茶, 檸茶/水, 好立克, 朱古力. 都只是 $22蚊~ 抵 好過常吃大家樂, 有點悶呢~ …Read More