闇月's Profile

同朋友一齊去咗一笑食堂食飯，試咗拉麵同小食。係未講食咩之前，我想講佢哋間餐廳完全冇冷氣。食到中暑。 但好食嘅，冬天先考慮再挑戰。咖哩拉麵，有粟米係開心嘅。 但個湯唔算好多，食到最尾會變成撈麵博多雞白湯拉麵， 呢個真係好好食。個叉燒都燒得好好食，湯底都好香濃。沖繩白啤酒，生啤嚟，清淡得嚟都有好香嘅麥味。飲到後面變咗熱啤，所以我飲唔晒。佢哋仲有好多其他酒嘅選擇。 如果冷氣夠係可以當居酒屋食。後面果個係跟餐嘅蘋果汁。…Read More

星期五Happy Friday梗係要去搵啲好嘢食。一気環境唔算好大，好有小店feel，好似「深夜食堂」咁。今次我同老公就坐咗喺bar 檯度，可以睇住師傅係我哋面前燒串燒同炸天婦羅。一開始我哋都叫咗清酒同串燒食，之後見到師傅炸天婦羅好靚，即刻叫多一客沙追魚天婦羅😂。即叫即炸，真係好好食好新鮮。中間店主都有過嚟同我哋傾吓偈，講吓清酒經，仲會推薦清酒俾我哋。推薦食物： 沙追魚天婦羅、雞蠔肉串燒、酥炸池魚仔佢哋真係非常好送酒😂…Read More

星期二，突然間想去唱K。 咁梗係去間近近地架啦，尖沙咀啱晒放工仲要OT嘅朋友去。去到都8點幾，好肚餓，睇吓有咩食先！喂！原來呢度食晚餐真係好抵，168蚊 就有齊沙律、湯、主菜同飲品，加多$68仲有任飲。佢哋仲改咗個名叫Steakcation晚餐set最後，我決定加多40蚊叫咗榖飼肉眼牛扒。真係好抵食呀，牛扒又大塊，街買急凍牛扒都唔止呢個價啦！仲要係厚切架喎，薯條仲要任食添，咁仲邊有時間唱K呀？！我哋不停加薯條，職員都無黑面！值得一讚👍🏻👍🏻…Read More

非常用心製作的即製多士開放式廚房喺玻璃窗入面見到自己叫果份多士即叫即整，好有細個果時食陽光pizza嘅感覺拉絲芝士蘑菇多士真係拉絲，芝士份量好足，芝士味好重。其實已經唔係第一次黎食，但次次都因為太開心趕住食而無影相。超級推薦軟殼蟹多士，真係好好食。另外，佢哋嘅咖啡亦非常之出色係我愛嘅Nutty，水溫同奶嘅比例亦非常好，抵讚…Read More

2009年1月18日, 我跟家人, 一共十五人在 裕滿訂左位食團年飯。我們為免俾人迫食套餐, 已經在訂位前問了是不是一定要食套餐, 佢地 [經理+職員] 話果日會同平時一樣, 無分別的。 [非常唔老實]當然, 去到又係另一回事啦... 像樓下果位樓主一樣....俾人嚇, 話散叫要等30分鐘以上, 但係事實就係 15分鐘咩都到哂, 放到張檯都唔夠位。同埋散叫既菜式只有 10種左右, 知道係咁, 坐的士去佐敦食好過... [由於老人家行動不便]叫左佢地既晚市三寶, 又跟樓下的樓主一樣, 叫我地加大個湯... 青紅蘿蔔煲豬骨, 盛惠 $108 大元.... 果然係五星級酒店價錢....明白明白, 因為荔枝角出奇地少酒樓, 幾多錢都有人肯食。菜式一般啦, 唯一有問題既係條蒸魚[石斑仔], 蒸完出來仲係紅彤彤, 好多血...叫廚房幫我地蒸多一陣, 佢地拎左入去, 放D蔥係面又拎番出來, 條魚完全無熱過仲好"鞋"又一唔老實既証明...甜品當然無啦, 爛吉就有15個....五星級酒店既價錢....茶餐廳既質素總結,D雞又老, 魚又鞋, 個湯又稀, 伙計又惡 , 但係...人生不如意事十常八九, 呢八八 九九我就試齊喇, 最後, 點都要拎番個靚吉番屋企 [講笑]以後唔會再去 @O@"…Read More