yuenes1's Profile

2個人星期日去搵食，朋友睇中左 Sunday Roast Set。不用等位。坐低之後餐廳職員給我們斟暖水，天氣凍的情況下覺得佢勁貼心。Brunch 雖然由11:30 am 至 3 pm，但揀唔啱，最終決定散叫 Classic Shepherd's Pie，叫兩樣嘢 share 食。職員知道我們是share食，上餐湯時有主動給我們小碗(唔記得影 。 餐湯好好味。Mixed Roast Set 揀左牛 ＆ 豬。慢烤豬肉有驚喜，豬皮烤到脆脆的。牛肉也很好食。Classic Shepherd's Pie 以前沒吃過，朋友說比某知名芝士蛋糕店的份量少一點，但都好食。在沒比較下，我覺得只要好食就夠了。…Read More

去尖東附近，對附近有什麼餐廳完全沒有概念。原本打算去老麥，幸好在旁邊看到這茶餐廳的下午茶餐牌。 看到$28 炸雞脾 我就入左去lu。😆點餐要 QR code 自行落單 😥隔離枱有個男食客找職員R水吹問有咩好食，個職員都只係答左幾句就叫佢自行 QR code 落單。無晒以前舊式茶餐廳的人情味lu。*不過其實喺尖沙咀一向都無* 😅落單前看到餐牌寫加$12 可以有餐蛋公仔麵！正好肚餓就一起點了。QR code 自行落單有到好，睇到晒有咩嘢飲揀，在杏霜 ＆ 檸蜜 之間爭扎了一下 😆最後點了檸蜜。 餐蛋公仔麵 ＆ 檸蜜好快就上枱了。餐肉厚厚的有質感，只可惜那個蛋黃在上枱時就想要是破的了 😥不能親手篤開個蛋黃…… 感覺唔夠爽(？ 😅炸雞脾口感有點硬，但好好食 🥰埋單$40 好抵！ 👍…Read More

門口排隊拿叫號牌，是一個會震＆閃燈的牌，拿到這個牌之後就可以在附近商場逛住等，不用站在門口乾等。到有位時個牌就會震＆閃燈。 餐廳樓上的酒店16樓都能接收到。 🤣然後就9秒9衝返去餐，跟職員報到後等兩張枱就可以入座了。店員大多為澳門人，可以用廣東話點餐 🤣朋友說香港店要用英語點餐的。香港店排隊的人太多，我沒這耐性等，反正朋友說澳門不論等位還是點餐都超讚。點了個蝴蝶粉，口感偏硬。蝴蝶粉上枱後，店員會拿來一塊大芝士在我們面前包絲。 濃濃的芝士讓人超滿足的。🥰pizza 跟 釀蘑菇 上枱時都很熱，要小心一點吃 😆最後當然要吃cheesecake 啦！朱古力那個實在太朱古力了 🤣還是cheesecake 好 😍職員都很忙碌，加點食品e.g.蛋糕 及結帳時比較慢，如果趕時間的話不建議來。但我又不趕時間 🤣 這餐飯食得很滿足。…Read More

建議：如果想使這咖啡連鎖店的優惠券，不管是那一款優惠券，也不要去中環中心這分店使用。當然，如果覺得用coupon 就係西客，咁…… 不用分那麽，只要用coupon 就不要去這分店。至於真金白銀消費會不會有好待遇？ 我真係唔知 ～ 亦唔想知，因為以後唔會去中環中心呢間分店～ 呵呵 🙃 另外：5點後唔好去，雖然網頁寫收6點，但5點已經開始執嘢唔做生意架啦～ 唔好阻職員收工啊！店面環境：坐位在店面外邊的公眾地方，扶手電梯的轉角嘅位置。是咁的，我有張優惠券，使用條款寫明 「不包括期間限定店，銅鑼灣興發街及金鐘添美道分店」，咁即係中環中心用得啦～上網check左營業時間，收18:00。 第一次去拎住優惠券埋去counter，職員話：我地收左啦，收5點半。 望一望錶17:32。 又係嘅，食肆要預收工執嘢，5半埋數好合理。 所以當刻轉身就走唔好阻人收工。第二次提早少少17:10左右到。職員望住張coupon 話唔用得。 寫住 「不包括期間限定店，銅鑼灣興發街及金鐘添美道分店」咁我黎到你又話唔用得，會唔會去另一間又話唔用得？問佢邊間用得，個銀髮女職員話：唔知喎，你點樣得到張coupon 問返出coupon 間嘢啦！ 我二話不說問佢要公司電話，畢竟張coupon 咪就係佢公司出架囉，你唔知但集團office肯定知邊間用得吖。銀髮女職員：淨係得呢到個電話(指住店面個電話)，都話你點拎到張coupon 問返嗰間嘢咯，呢到唔用得啊！我：就當唔關張coupon 事，你公司總有個電話掛，我而家想要你公司電話。銀髮女職員：我地打工架咋。然後有另一個女職員出黎：佢想要咪俾佢囉～ 但未必有人聽架，我哋打上去都成日無人接。唔知係咪我事運高，一打個電話就有人接。講明原委之後公司嗰邊即刻話打去中環中心了解下，然後就聽到銀髮職員所指的店舖電話響起。期間，銀髮女職員已經開始收拾店面…… 🙃隔左一陣，公司打返黎話：中環中心嗰邊收鋪啦～ 星期六日唔開。 呢兩日可以去中上環另外兩間使用。 望望個錶，17:40 🙃我問：即係中環中心其實可以用 coupon嘅？但個職員頭先唔係話收左，而係話用coupon 唔用得喎。佢公司竟然係話：唉～ 無辦法，而家D店員……唉～ 我地會嘗試再同佢哋溝通下。 不如你去中上環另外兩間分店吖。臨走仲要聽到中環中心接電話個女職員好大聲同銀髮女講：上面嘅嘢我唔想知，佢地自己傾掂佢。 真心，我都係想知邊到可以用張coupon 啫。 用coupon 就一定要受氣？ 又，到底佢哋中環中心收幾點？ 定係睇職員心情架？ …Read More

我本身係會員（但其實入會係免費嘅～ 入會仲有小食送 ），最近會員有free drink coupon。 睇過個餐牌，石榴梳打特飲HK$4x ， 1664生啤酒 HK$5x 。 所以揀左 1664 生啤酒。 以前飲啤酒覺得苦，原來1664好好飲，一D都唔苦，有一種清甜味。 下午無tea set，所以單點左個甜品 朱古力心太軟。 鐵板上個底帶點脆口，好好食！！！配埋冰凍啤酒真係好 perfect ！而且無咩(客)人，環境清幽，可以靜靜地坐成個下午 🤭…Read More

杏花邨商場現在是個outlet ，在沒有自由行的情況下人流低很好行。 餐廳位於商場的地面，那個迴旋木馬裝飾非常搶眼，很好找。旁邊是電梯，電梯底下有個南瓜車裝飾的坐位，可以用來打卡(？)平日下午有 午餐跟下午茶可以點：鐵板蒜香牛肉飯…… well… 非常pepper lunch 他其他的鐵板飯都是這樣上枱。焗芝士忌廉汁海鮮意大利粉：好味，但意大利粉比較硬。辣肉腸薄餅，這餅底我喜歡！！ 最好食的絕對是黑松露吉列魚柳漢堡包配薯條。唯一失敗之處是餐廳沒能提供額外的牛油 (喂)吉列魚柳配黑松露醬超好食，但我真係想要用牛油搽個麵包咁樣食吖嘛 (喂喂！！個薯條都好好食，而且份量足，這個絕對推介！4個人一張枱叫4個餐一齊上，剛剛好，share食一流！最後食完正餐叫左個甜品，紅粉飛飛窩夫配雪糕。 雪糕入面真係有士多啤梨果粒，窩夫本身已經滲有糖漿，超好食！ 不過份量有點小。整體都很好，但餐飲如果想要咖啡要加錢。 另外，奶茶是英式奶茶，即係一杯紅茶+奶另上。 …Read More

前言食物質素其實係ok嘅。環境係嘈吵左D，好似去左茶樓飲茶咁，但可以接受到嘅～ 唔會再去幫襯嘅原因有2個：一：服務態度。未至於好差嘅，不過就係部份侍應會黑口黑面，同你講多句嘢都唔願意。二：落單要掃QR code上網自己搞。～～～～～正文阿媽血糖一向踩界，所以一家人好少去食呢類甜品為主的餐廳，有日阿媽路過問：點解個個去呢間餐廳都食麵包嘅？ 見佢問到，決定同佢去食一次。帶位嘅服務員1號，男，黑口黑面，帶入餐廳後指一指張枱就算。當時係星期一嘅下午茶時段，無乜人，大把枱。我同阿媽想轉枱，但1號已經行左去。問另一個服務員2號，女，講佢知想轉邊張枱，佢即刻執好枱俾我地轉，用print張QR code紙俾我地，當時以為只係埋單用，無特別理會。但張 QR code紙其實爛左，無左一個角仔。佢都唔為意，一print出黎擺低就走左。到我地揀好食乜舉手想點餐，1號走埋黎淨係講左句：「嘟QR code落單。」然後走左！！！？阿媽當刻好唔開心咁話：咁我呢D老人家唔識用QR code 唔識上網落單，咪即係無得自己黎食囉！當時我都唔知點回應佢好。。。然後默默咁拎個手機出黎諗住落單。點知！ 張紙缺角，個QR code唔完整……唯有再一次舉手叫侍應。2號過黎我即刻講：張紙無左隻角嘟唔到code！佢反應好快：print過張俾你。然後再一次print完丟低即刻轉身走。完全無打算同你講解下點樣落單，亦無打算理你識唔識用不過咁，一視同仁，佢哋對每枱客都係統一嘅態度嘅。 網頁落單其實係好嘅，一次過show晒所有選項等個客自己慢慢揀。但…… 唔代表侍應(們)就可以黑口黑面唔理D客。網頁落單仲有樣好，清楚睇到叫左咩、幾錢……等細項。食物方面其實係ok嘅。其實個醬油糉我覺得好好食。 但係…… 問侍應3號，女，攞碗仔＆多一set餐具 share食。今次好D，見我地枱面無餐紙順便俾埋。仲俾埋牙籤添～ 咁問題又黎喇～ 坐低咁耐，同1號＆2號接觸左幾次，佢地點解連餐紙都無俾嘅喂！結果分左心，連相機先食都唔記得。食左大半先醒起要影相……之後D飲品黎到即刻影黑糖珍奶好一般。反而個苦瓜汁幾好飲，網上落單仲可以自己選甜度，可以少D甜，甚至可以多D甜。 最後侍應4號，女，上甜品 4號態度好好 (有比較之下)幫我地收左之前嘅食物碟，又問我地share食要唔要碟仔。換過set甜品叉……等等。其實一向茶木侍應都會咁做 (我之前尖沙咀、銅鑼灣、九龍灣分店都食過幾次)，今次遇到個正常嘅忽然覺得佢好好好好好。明知D侍應黑口黑面，食完當然係自覺地拎張QR code出去門口收銀俾錢啦～ 總結：已後都唔會再去康怡店！！！最後，下午茶餐牌如下：…Read More

我想用埋D消費券，所以揀左用openrice 平台落單外賣自取。幾時路過都見到有人排緊隊，幫襯左好多年。可以講得上係好地道快靚正。用openrice外賣自取諗住落去即刻有得拎走，結果只係我到左之後佢優先整俾我。(有種合法打尖的感覺。) 不過都啱嘅，如果唔係D麵淋左會唔好食。不過我今次係叫淨餸牛柏葉太硬，其餘 牛肚、蟹粉包、腐皮魚條都好好味。加左腩汁同咖啡汁，正！不過最失望係個炸魚皮，原來只係四洲 …… 呢包嘢加9蚊買嘅。取餐號碼001，即係今日第一個用openrice叫餐嘅客。 …Read More

如果起床時間趕不及去食早餐，我通常都會去和記吃常餐A。 (起晏左，和記常餐A幫到你！)餐牌雖然係寫叉燒意，原本都成日叫。但下面有行字寫著可以轉換其他的麵類，e.g. 米粉、公仔麵、生麵，同價。曾經有次我多口問個伙計，咩係生麵？ 伙計話：粗麵幼麵……後來去就成日改左成粗麵，點餐時：常餐A，叉燒轉粗麵吖唔該～ 港式茶餐廳就是這麽有彈性，超級讚！$50 個餐貴唔貴？叉燒麵+豬扒+煎蛋+腸仔+牛油方包，再加杯熱飲喎！ 食個 lunch，飽肚！抵食！！…Read More

朋友生日，餐廳是朋友選的。聽到希臘菜的時候我腦海裡完全是一舊雲：咩黎？食乜架？？？電梯到5樓𨋢門一打開就看到這餐廳因為是平日，客人沒有太多，我們選了一個貫穿戶外跟室內的位置。 室內的話我沒有拍照，但那邊燈光偏向昏暗有情調。坐下後店員好有禮貌，問我地要熱水定凍水。整個用餐途中也有不停為我們加水。說實在，對希望菜完全沒有概念任由朋友發版。餐牌裡有星期二精選，可選雞或豬。薯條好正！！！ 豬肉卷的醬汁才是重點，沒有沾上醬汁的話外層的 Pita bread 會好乾。因為卷卷選了豬，所以就點了雞肉pasta好juicy， 那個醬汁跟雞肉吃起來非常嫩，加上芝士，正這是朋友推介必定要吃的！ $160 食八爪魚的其中一支爪，聽起來有點貴，但真的超好食！彈牙又嫩口！ 飯後感：我仍然不知道希臘菜是吃什麼的？到底希臘菜係咩黎？重點係咩？同普通西餐有咩分別？？？但這一餐我好滿意，好食就得啦～ 理得佢係咩菜吖 …Read More

這餐廳在工廈裡，由於這工廈有好幾家網購提取點，所以等電梯的人都幾下，特別是午飯前及放工時段。 重點：我只是外賣自取。取食物當刻看了一眼店裡環境，非常文青！ 一點也不像在工廈內。但店舖細，只放得下4、5張枱。這餐牌貼於餐廳門外因為用openrice外賣自取下單，到店的時候食物已經包裝好。蕃薯條的盒左右兩邊沒有封死，透氣的情況下無咁快淋，而且方便邊行邊偷吃 （喂！ 回到家，蕃薯條還是脆的！重點：落了梅粉！！！超好味！！！食炸嘢加梅粉真的超有台灣特色！正 然後是芋泥肉鬆吐司吐司兩面有用牛油煎香！芋泥＆肉鬆超足料！！其實的吃了一半已經好飽。…Read More

想台灣了，就找一下台式餐廳。阿木有2間鋪但呢間門口有一排26(電單車)車位，而且剛好有車位，就選了這間。去到門口先知可以用app拎飛，拎左就去附近行下，差不多到淨5個號碼時app會通知。 (下次再去就知道先喺app拎定飛)地方算係坐得迫嘅，但可以接受範圍。叫左鹽酥雞便當+紅燒牛肉麵+芝士肉鬆蛋餅。份量足，兩人枱好勉強先放得落 😅右上角有小食，其中最右嘅豆卜超入味勁好食！ 絕對加分！！！肉燥飯可免費加大肉燥＆飯，但……可能係太夜我有D餓～ 又或者係太好食～ 硬係覺得加大左都唔夠食 🤣鹽酥雞有另外俾椒鹽粉，但唔落都好好食，好食到我唔記得要落 🙈牛肉麵好多肉，好足料。芝士肉鬆蛋餅超超超好食！ 必點！！食左一大半先記得影相 …Read More

銅鑼灣店即將結業，所以去食個下午茶。叫左幻彩詠西多飲凍菜蜜 ＆ 黑牛黑麵餐飲咖啡。幻彩詠西多有3個味道揀：原味 / 朱古力醬 / 士多啤梨(草莓)醬。我叫左朱古力醬，但估唔佢面頭有塊牛油 (Butter) 都好厚下。 好正！至於黑牛黑麵餐呢～ 其實全日供應架，唔一定要下午茶先有得食。 係咩黎？ 其實就係沙嗲牛肉麵，但個沙嗲湯底好足料勁野味！配火腿煎雙蛋，再加上重點：“丹麥多士” 根本無得輸！！！其實下午茶有好多款式，不過下次應該要去九龍灣食咁囉～食完仲有D朱古力醬淨 🤣…Read More

【openice 寫可以收支付寶，但結帳時餐廳指：只收現金及八達通。】疫情下，很多食肆晚上都收10點。晚上9點過後店內食客有但不多，自己搵位坐低寫好點餐紙落單，出餐速度快，等左一陣就有得食。 牛肉湯麵超級好食！！！至於那個鹽酥雞扒肉燥乾拌麵…… 麵是剛煮好然後隔水放碗裡，所以是熱的！！！ 乾拌麵來說…… 不餓的話建議放涼了再吃會更好味道。 但我們那時已經9點多了，等不了。個人不太喜歡炸大腸的質感，但朋友就是喜歡吃。 所以不作評論。珍珠杏仁茶 熱飲珍珠比較軟，味道也很好。芋香珍珠奶茶…… 味道太淡，太水，而且珍珠也比較硬 (沒有比較沒有傷害 🙈 )。迷你蔥肉餡餅，一口一個，好吃！…Read More

話說，Pizza Express 係免費入會嘅，入會嘅時候其中一欄要填生日，呢個好重要，因為生日月份會送一份 $140+的甜品拼盤。 一直遺忘了這件事，結果10月最後一日的凌晨才醒起，匆匆忙忙地打開openrice book枱，有25分AM。 由於是星期日，沒有午餐or下午茶。 午晚都是同一個set menu 。食物…… 忘記怕照了。反而是汽水，沒想到是罐裝，另外給了一杯冰裡面有一片檸檬。有冰的時候拍攝不到檸檬，所以喝完再拍照。當然，重點是送的生日甜品拼盤。兩個人吃好滿足，全單連加一大約$380左右…Read More