舌尖上的元朗's Profile

Goooood morning! 黎一份瀑布蛋治幫你叉充電 掃走Blue Monday望住佢 你肯定自動投降 心甘情願咁被俘虜 ⁽⁽ ◟(∗ ˊωˋ ∗)◞ ⁾⁾太過份喇ヽ(`Д´)ノ  你叫我以後點面對街邊普通嘅蛋治喎ヽ(`Д´)ノ呢間小店雖然只係放得落一張枱 但真心推介俾各位請有心理準備 切勿laam mon即叫即整 作為港女 當然相機食先日式風味嘅鰻魚蛋治 35蚊一份金黃色嘅賣相絕對係視覺享受，流哂口水！！滑蛋滑捋捋好綿，好香牛油味奶味，所以超嫩！蛋上有微咸嘅海苔粉點綴下，好吸引。滑蛋蓋住面包夾住鰻魚，層次豐富。焦香嘅鰻魚厚度適中 唔係慳成本嘅薄切，魚肉暖軟細滑～最底嘅面包索滿醬汁，食左幾啖已進入忘我狀態，巧巧味！♥️ ♥️ ♥️ ♥️ ♥️ 炒滑蛋填滿左成個畫面 好幸福 ☺️Come on babyyyyyyyyy燒牛肉蛋治 30蚊一份賣相掂！！！！！！ 🤗🤗滿滿嘅木魚碎鋪面，煎香嘅燒汁牛肉肉汁好juicy，配搭甜甜地嘅滑蛋一流！呢啲先係非一般嘅蛋治好多牛肉呀! 鵝肝蛋治 皮蛋肉鬆蛋治係咁同我say hello食一份點止癮 食兩份又想再叫…樽仔咖啡鴛鴦奶茶係老細自己沖架 有走甜或少甜唔少元朗街坊會一次過掃幾支返屋企嘆兼賣腸粉燒賣魚蛋 仲有鰻魚飯賣架！！將一份簡單小確幸食落肚…Read More

要挑戰你嘅辣感味蕾 ，就係呢間— 元朗合興車仔面。 餓底已瞬間被ko又辣又好食   難怪係唔少元朗吃貨嘅麻甩食堂  如果各位巴絲老友記想黎一嚐辣味，搭西鐵嘅就係朗屏站落車比較方便合興車仔面係間性格小店，開十點至四點，星期二休息。時間雖然開得短，但係唔好睇小，佢嘅食客不斷 。座位大概得廿幾個，都幾逼架。店門貼住可以揀乜車仔面嘅餸，更重要嘅係如果今日賣哂某款餸嘅，老闆就會用marker劃左，提醒大家上次兩點半左右到，想食嘅咖哩魷魚、牛孖根、金錢肚、豬耳已經 — 賣哂 —— ლ(ﾟдﾟლ)！嗚呀 要快快手揀好餸～好怕我每次必嗌嘅豬大腸會賣哂最後揀左:餸: 豬大腸、豬皮、木耳餃粗面配微辣腩汁湯底承惠三十七大洋幾分鐘後，食面喇～ (๑´ڡ`๑)   老細可能見我嗌乜無乜   醒左舊蘿蔔俾我 ヽ( ^∀^)ﾉ佢嘅辣醬唔係得辣椒咁簡單，仲有好香惹味咖哩汁，辣得好開胃，絕對唔可以放過！！微辣都已經幾辣下，唔食得辣嘅要小心先飲一啖腩汁湯底唔撈醬住，有住肉汁嘅甜，無乜味精味。慣例先食豬大腸！豬腸份量好多，口感乾淨滑溜，配住微辣嘅湯零舍夾 豬皮吸晒啲辣汁味，好食！木耳餃餃子皮薄，餡料新鮮，都幾爽口。有樣值得讚嘅係合興啲餸幾新鮮，咖哩魷魚、牛腩、牛根、金錢肚、豬耳、豬紅呀賣得快日日清，所以唔洗擔心唔新鮮。餸: 豬大腸、咖哩魷魚、牛孖根幼面配小辣腩汁湯底個辣醬同湯攪勻，細細啖試下先。岩岩入口唔係好辣，再飲多兩啖，出事喇!啲辣味後勁好犀利！！我又衰多手倒埋咖喱魷魚啲辣汁落去，我喉嚨着哂火辣到飆哂眼水鼻水 ，但係又好爽 頂唔順都係叫左罐可樂黎撲火一次食哂真係頂唔順😂啲辣味一直㷫住個咀好過癮咖哩魷魚厚肉得黎好爽口，都有七八舊架牛孖根好入味，腍身唔會咬唔斷，好滋味。“Su“一聲就食左條  因為太辣，休息左幾次等個口無咁㷫再食，食左大半個鐘 (つд⊂)食到大辣真心respect 勇氣可加見到有個大叔嗌大辣走湯撈面 餓底我覺得自己食小辣飆哂眼水好廢嗜辣嘅朋友歡迎打大佬，挑戰合興車仔面大辣乾撈…Read More

今次本小姐無中伏｡:.ﾟヽ(*´∀`)ﾉﾟ.:｡ 終於食到好東西 未行到都聞到好香 (･ิω･ิ)  講緊嘅就係呢間Popcorn brother爆谷店其實係香港都算少有，通常食popcorn都係戲院買，價錢又貴。Popcorn brother 就唔同～價錢貼地口痕嘅有細包裝當零食俾你試勻咁多口味之外，大胃唔夠食又可以揀筒裝1升/2升/ 5升。Popcorn brother 個logo都幾得意，紅白色條紋帶有美國style。店主哥哥話原材料全部都係美國特登訂返嘅，俾左幾粒我試先問我要唔買包試下。幾粒點夠喉丫，即刻點頭如搗蒜咁買一包黎食 (›´ω`‹ )  (›´ω`‹ ) 呢個係細包揀左三溝就每樣試下， 分別有咸牛油、朱古力同焦糖。聽講朱古力味相當受歡迎，果然好正無介紹錯，粒粒均勻。睇住佢炒爆谷，熱辣辣又脆身，重點係好香，空氣好似只有爆谷陣甜味焦糖唔會太甜，味道濃郁咬落去卜卜脆，小心食到停唔到口。我忍唔住幾粒幾粒咁放入口咸牛油味反而無朱古力同焦糖味咁特出，可能係因為成個口都係甜甜地。姐吃的不是粟米，是爆谷 ʅ（´◔౪◔）ʃ 成包倒落口都唔知幾爽！下次想食爆谷，可以試下Popcorn Brother ！星期六日有時會有限定口味架 (✪ω✪)…Read More

雞蛋仔係香港好出名嘅地道小食，但係食黎食去都係得原味，好似開始有少少悶👉🏻 👈🏻。正當我諗緊有咩新野好試，果然「皇天不負有心人」，比我搵到一間好創新嘅雞蛋仔店。喱間店就係位於元朗又新街嘅。喱間「森」嘅雞蛋仔一共有四款味道揀：原味，朱古力🍫，咖啡 ☕️，綠茶。如果你唔想食一底雞蛋仔咁單調嘅話，都可以自由選擇去加配料落你個雞蛋仔到咖！每款配料都只係加$3-$5不等 ❤️ 。最近好興，為左令人唔好覺得老黃真係成個老古董咁，我都就跟下風，要企係潮流嘅尖端。今次我揀嘅係。因為要確保新鮮，所以森嘅雞蛋仔係即叫即整咖，大約要等8-10分鐘。如果你好趕時間，就唔建議你買喇！等呀等！我底雞蛋他終於食得喇。我第一個反應係：陣陣嘅綠茶味已經一直刺激住我嘅嗅覺喇！我忍唔住喇！！😋😋😋😋嘩，一哎落去就已經食到好濃嘅綠茶味，繼而又食到一粒粒嘅OREO，令到個雞蛋仔個口感變得好有層次。食完之後，個種回甘嘅茶味一直纏繞住我嘅味蕾。😍整體黎講，森SUMORE喱個綠茶Oreo雞蛋仔令我非常滿意。我覺得大家經過都不妨一試。森SUMORE除左自選雞蛋仔都有雪糕雞蛋仔同格仔餅賣，店面都有兩三張枱比大家慢慢享用。…Read More

雞軟骨$ 8一串 $15 兩串 明明本小姐叫嘅係雞軟骨  啲軟骨得個兩三粒...-_- 又細條 似係食緊啲薄嘅雞肉片包住條竹籖 同埋啲肉好硬好難咬，用黎練牙力就真無得頂:) 無醬點嘅話真係無謂食... 我食左啖就緊係醒目地交俾個fd試 等佢中下伏 一齊分甘同味～HAHA豬頸肉 $15 唔講唔知原來佢係豬頸肉 平時食開嘅豬頸肉咪燒到啡啡地色又有少少油 令令地好吸引嘅 串皇呢到嘅豬頸肉就醃到橙紅色 好食色素人士必選! 一睇就知道佢落左幾多調味料啦  食落甜甜地 但係好乾 啲肉嚡霎霎咁 烤嘅時間唔夠 所以唔夠火侯 應該有嘅BBQ炭烤味 佢又無 -_- (咁我洗乜幫襯你食串燒??)牛柳 $ 15 相比起雞軟骨同豬頸肉  牛柳賣相已算唔錯 似乎終於係right choice嘞 因為無乜牛味 所以食落係唔會有驚喜嘅  肉質淋身 唔洗大力"齒"開都食到 牛柳算係普普通通放得入口又唔係太難食啦...魷魚鬚 $20 一嗌完諗住個賣相ok 應該唔伏嘞掛 魷魚鬚本身有啲咸味 好煙韌但唔係爽 慢慢食都食到嘅 不過就略嫌貴 廿蚊買幾條鬚....平心而論.... 沙嗲醬夠香辣惹味  食到有花生碎粒 小辣都幾到喉 !!!!之但係啲肉質唔靚又嚡 幾好味嘅醬汁都無辦法掩飾到劣質嘅肉!!!!  小店衛生方面都唔多好  啲串燒成日就咁堆哂係到無嘢蓋住  整體黎講 - 劣 肉 - 唔夠火喉好乾好硬 沙嗲醬ok但都補救唔到表示又一次中伏  感到'藍瘦''香菇'(難受想哭) …Read More

作為住喺新界西嘅朋友，元朗多正嘢食就個個都知，永年士多係元朗更加係出哂名 。裝修過後嘅永年餓底我都係第一次， 外觀上變得乾淨整齊，面目一新。今日兩點半黎，你以為差唔多下午茶時段黎會人少啲？都係排隊吧啦！你去搵下龍尾先啦～ 呢到係先買後拎，所以排隊就要順便諗定食乜有六十蚊喺身，一於就食大碗面啦!😝😝要我揀餸又唔知燃燒左我幾多青春😎😎 辣度就揀左微辣腩汁。買完飛大概五六分鐘就有得食！永年士多入面裝修得幾有格調，主調為灰色，地方大左，有普通四人枱同望風景似乎無咁lonely嘅單邊自閉位。大碗面有十款餸，都係魚蛋雞翼尖魷魚豬大腸蘿蔔個啲啦。咁大包圍實有幾款你鐘意嘅～😆賣相幾好咁啵，非常足料先食餓底至愛must嗌嘅車仔面配料豬大腸，食落半肥瘦得黎又好滑，簡直食極都唔厭挑哂啲豬大腸黎食之後，有請豬紅～～紅豬就無腥味仲甜甜地，唔會一夾就散。一啖一粒岩岩好！😉😉孖寶兄弟之一魷魚爽口但略嫌細舊( ˘･з･) ( ˘･з･) ( ˘･з･) 孖寶兄弟之豬皮通透彈牙兼大塊，唔會有恐怖黑色嘅豬毛。無渣而清甜，索盡湯汁。雞翼尖有三隻，炆得腍之餘，鹵水煮得好入味。雞翼大隻飽滿，啖啖肉又嫩滑，正！湯底鹹中帶甜，辣汁好香。整體黎講，大碗面配料之中餓底覺得豬腸雞翼豬紅最滋味，五十八蚊都算係物有所值。…Read More

淺藍色mix淺紫色既雪糕～ 估唔估到係咩味呢？冬天? 一様要食雪糕！！！😍😍😍近排好似好興d味道古靈精怪既野食，就好似Initial出品既眼淚雪糕咁（相信大家都唔陌生），咪以為佢淺藍色就一定係藍莓味，其實佢係海鹽味 *0* 雖然口味好特別，不過我就未試過啦，因為我始終都係中意食甜味既野 >_<唔講咁多，今次等我帶大家食又睇得又好食既雪糕啦！！！🍦🍦🍦講起雪糕，大家通常都只係會諗起Häagen-Dazs, Godiva, Via Tokyo等等～～～ 未必會諗起呢間位於元朗又新街既甜品店 “”～～～當日食完晚飯就決定食杯雪糕當甜品。黎到店面，見到人頭湧湧，好多人排隊。估唔到呢間細細既舖頭仔都會有咁多選擇！！！😆Twist 藍雲呢拿 mix 香檳提子乳酪 ($28)最後揀左 “Today’s Available” 既 “Twist 藍雲呢拿 mix 香檳提子乳酪”，咁就可以一次過試晒兩隻味啦！！！杯裝方便我呢d港女影相之餘，仲可以比你免費揀一款配料添😍😍😍！！！ 為左影相色彩繽紛d，我就揀左彩針hehehe～～～😆藍雲呢拿個邊既雲呢拿味就稍微遜色啦，食落冇乜雲呢拿味 😡😡 反而香檳提子乳酪個邊就有d驚喜，食落好香提子味，好fresh！！！再加上唔會一味得個甜字，會有d酸酸地既提子味，食完真係胃口都大埋哈哈！！！總括黎講，我都幾推介呢間雪糕店，一黎佢既雪糕好軟滑，二黎佢定期都會有唔同口味推出，等大家唔洗食死一隻口味咁悶。除左藍雲呢拿同香檳提子乳酪之外，佢仲有玫瑰荔枝，伯爵奶茶等等既口味架！！！大家不妨去試下喔～～～…Read More

呢間台灣小食店“酥我行”係餓底我近期嘅新寵 ！！！岩岩開業兩個月，店鋪細細，行過可能會走漏眼。但係當你聞到佢地炸嘢嘅香氣，你就會即刻覺得口痕痕！！！“酥我行”嘅位置係正佳記甜品，亦即係舊B隔離。佢嘅台式小食種類都多。除左有鹽酥雞呀、脆豬扒之外，蔬菜類就有酥炸本菇、金菇，酥炸四季豆都有。如果平日唔鍾意食菜嘅你，可能會試過番尋味。餓底我其實有重度選擇困難症，一路索住飄黎嘅炸嘢香味，一路內心掙扎要叫邊樣。店主大叔好nice咁介紹左幾款炸物，又講下炸本菇同炸金菇嘅分別。餓底最後揀左小辣香酥棒棒豬 ($30)同埋酥炸本菇($20)試試佢。都幾大兜啵，份量足，好有盤滿砵滿嘅感覺。香酥棒棒豬炸到金黃色嘅豬肉條唔肥唔嚡都幾嫩，炸漿薄。面頭有胡椒粉調味。岩哂食肉獸！酥炸本菇結果一食酥炸本菇，餓底毫無抵抗力之餘上左癮添。本菇炸完仲係好juicy，本菇嘅鮮甜同濃郁香味都keep住。嗯～好正！！！香口炸物果然食唔停，食到最後一粒菇個陣，真係好想encore！！雖然熱辣辣食好香口，但食完無喉嚨乾或者好想飲水。香辣小銀魚、鹽酥雞同埋魷魚鬚下次要食！…Read More