ColaBaby's Profile

看到網上報導得龍總廚來了百年，立即訂座，用餐前三天還有人特地聯絡我，提醒我要預訂一些菜式，於是訂了沙薑雞及杏汁燉豬肺湯。山渣咕嚕肉 - 沒有山渣味，份量少得可憐，肉細細粒，感覺只有粉漿，跟茶餐廳質素差不多砂鍋脆米扣肉炒飯 - 炒飯味道不俗，扣肉郤沒有整熱便舖在飯上面酸菜浸班片 - 咸酸菜略鹹，本身味道不錯，但卻加入醋，即時大打折扣太爺雞 - 還是有一定水準，可惜醃得不勻，雞胸不入味，但雞脾味道濃香頂訂了的杏汁燉豬肺湯及沙薑雞，剛坐下便告訴我，暫時未有沙薑雞，著我改要太爺雞。之後端上金銀菜豬肺湯分給我們，我立刻制止，我點的是杏汁，有一位侍應來跟我說我沒有預訂，著我改要金銀菜豬肺湯，再隨意拿一張A4紙說沒有我任可預訂記錄。我預訂的全部菜式都沒有，其實早幾日叫我預訂是什麽意思呢？接著想叫的醬爆魚鮫、魚腸，全部都沒有，魚亦不新鮮，實在不能評論大廚的功架。招牌菜（金錢雞、鴨腳包、杏汁豬肺湯）沒有了，剩下只有總廚和依舊欠缺的服務，表面的私房菜預訂流程，和普通中式酒樓的菜式。硬要把我本不打算叫的金銀菜豬肺湯和太爺雞推銷給我，這是經營私房菜的手法嗎？…Read More

湯同沙律都好標準，不過不失龍蝦意粉—有驚喜!擺盤不錯，第一眼望落去覺得有D乾，但食落非常不錯, 汁0既份量啱啱好, 一D都唔乾。德國咸豬手—皮脆，肉嫩，雖然比較多皮同肥膏，會有少少肥膩，但佢煮得好好，食完唔會好飽滯。美中不足係甜品仲有待改進 …Read More

慕名黎到, 一個星期一晚上, 人頭湧湧, 諗住應該唔會差。坐低叫佢介紹下有咩好食，佢當然淨係介紹貴嘢啦，食左佢推介象拔蚌刺身，加我地自己揀左幾款海鮮。象拔蚌刺身不錯，新鮮，爽口。其餘食物冇每樣都影，全部都係蒸熟黎食，實在冇質素可評。特別要提係扇貝同蟶子。扇貝蒸到勁老，又冇味，佢地係咪應該意埋D海鮮擺邊層0既次序呢?大蟶子一D都唔大, 有鮮味，不過冇清腸，幾倒胃口...…Read More

Bread Basket D包暖暖地, 配埋個dried tomato sauce同truffle butter, 兩個都好味Scallop Salad - d 帶子大大粒, 煮得啱啱熟Carpaccio - 切得好薄, 調味都調得啱啱好, D菇都好夾Red Prawn Pasta - 呢個唔係menu度, 係server介紹, 幾好味, 個cream sauce 好濃, 但係唔會太heavy。其實係menu度個個pasta都好吸引, 揀唔到, 所以揀左呢個 …Read More

地方大, 人唔多, 坐得非常舒服叫左一個四人餐:頭盤 - 叉燒, 海蜇, 鴨舌, 全部都做得不錯, 特別係海蜇, 夠爽口湯 - 清甜, 有螺有菇, 材料幾足鮑魚遼參 - 一人一份, 用刀叉食, 遼參煮淋晒, 鮑魚亦都入味咕嚕肉 - 有D桃幾特別, 外皮做得唔錯蒸魚 - 細細條, 四個人有少少唔夠, 不過新鮮甜品 - 比較遜色, 有一兩舊仲係冰咁...…Read More

7pm黎到, 完來有happy hour, 連串燒都有, 係D人人都會叫0既大路串燒小甜薯 - 燒得啱啱好, 可以一啖一個流心鵪鶉蛋 - 好得意, 入面係未熟0既蛋, 個殼好薄, 要連殼食呢個唔係Happy hour, 係一個佢推介0既炸魚(魚名唔記得左), 條骨都炸到脆晒, 可以食埋。魚肉炸得好好食, 魚骨好適合送酒服務態度仲好好!…Read More

唔記得左叫咩名, tartar類, 我覺得牛油果同個味唔係好配合吉列牛柳 - 非常特別又好食, 煎一煎香再炸, 完全唔"un", 牛肉亦都冇過熟, 驚喜!呢個意粉有明太子, 有D cream source, 口感同一般好唔同, 個樣望落去好清新, 但係口味都有少少heavy, 唔屬於乾爽類, 好食!仲叫左生蠔, $70一隻, 生蠔黎講唔算平, 不過幾新鮮啦, 可以試下.叫左一個細sake, 埋單每人四百蚊左右…Read More

去到餐廳的時候，雖然只係六點左右，但係已經開始多人，坐左一陣已經聽到侍應話冇晒冬瓜盅，相信如果想食都要預訂。非常出名嘅燒鵝，熱辣辣, 皮脆, 我覺得比深井果D仲好食, 又唔使去到咁遠。仲有一個一魚兩味, 椒鹽炸得非常好, 唔油膩, 放左一陣都仲脆卜卜。另一味就係炒球, 大大塊肉, 唔醎,好食!…Read More

選擇左一個平日去試呢間個下午茶，食客真係唔多，四五枱左右。環境其實唔錯，雖然係室外，但係佈置得好好，同埋有幾部超強力冷風機，所以都唔係好熱，不過就唔好坐係對正風口嘅位，唔係一定會吹頭痛。最底嘅鹹點，大部分都好味，有牛角包夾mozzarella cheese，麵包卷三文魚，法包夾ham，zucchini on bread，bruschetta (有D油），beetroot roll （beetroot真係唔啱口味）。甜點有carrot cake, raspberry almond cake,chestnut tart, chocolate tart...普通甜pastries, 唔會太甜。最慘係有四粒chocolate truffles, 因為天氣太熱，食到truffles個層已經溶得好緊要，試左味道係好嘅，不過變左chocolate mousse咁，要用叉食，同埋賣相都影響左。tiramisu同個yogurt, 我都係放到最後先食，所以味道都爭DD。所以，如果大家夏天去食，一定要快D食左個幾粒truffles（基本上所有甜點）先！次序可以係truffles -> tiramisu/yogurt -> mousse -> sandwiches -> cakes/tarts雖然tea set一早set好晒，不過都等左成半個鐘先上到菜，我選擇相信佢係即叫即做。…Read More

日本人老闆很友善，雖然只係識講簡單廣東話，但係都好細心咁講解d products. Sake味—質地似sorbet, sake味唔濃焙茶味—好香，雖然顏色有少少唔吸引綠茶味—最好味，濃郁！三款都唔係屬於幼滑型雪糕，應該唔多奶，口味非常清新，食完唔會覺得「漏」！下次要試埋蛋糕！…Read More

叫得做牛棚，當然係各款牛都有得食。之前試過牛三寶，有牛腩、牛筋、牛肚，牛筋有少少太腍，牛腩同牛肚都唔錯。今次試牛脷，煮得夠晒稔，仲好似清潔左圍住牛脷邊塊白色嘢。朋友食左魚三寶，個湯好清，總括黎講都係鍾意牛三寶多D。豆漿，飲得出豆味，不過覺得有D甜。…Read More

聽過唔少人講呢個蛋糕，一早打去訂左，去到果時，店主話雪櫃D蛋糕全部都俾人訂左，所以想食記得要打去訂！賣相好簡潔, 切開有兩層海棉蛋糕, 兩層西瓜(兩塊原片西瓜), 用vodka cream包住。酒味唔算好重, 只係有少少苦個感覺，令個蛋糕冇咁膩。好神奇, 塊西瓜仲係好爽口, 冇稔晒之餘, 仲好有水份。海綿蛋糕都一樣好乾爽, 鬆軟, 冇索晒D西瓜汁/水。幾好食, 唔會太甜, 不過貴左D....…Read More

已經訂1:30pm, 訂左枱去到都係要等！行入去，沿路個地黐納納，好似好耐冇拖過地咁。食物方面， lunch set黎講，都幾多選擇，我同朋友一人叫左一個set, 另外加左份牛脷。個set，正常日式料理，set入面D嘢都OK，d肉都幾新鮮, 烏冬...不過不失啦，唔可以話難食，不過唔夠爽身。其他都好符合水準。牛脷就真係麻麻喇，見到其他食評寫到咁好食，先特登加一份，沒有其人講得咁肥美，似一塊對普通肥D嘅牛肉。不過唔知係咪因為係lunch，所以差D...…Read More

7:xx pm去到天糖，完全唔使排隊，好高興揀左先食甜品。揀左人人都叫嘅芒果一口脆，真係幾好味，個皮唔係真係脆，不過做得好好，唔會好飽飽滯滯，cream有D多。燒蛋白芝士蛋糕，構思特別，成果也很不錯，當然啦，唔會好重芝士味啦！楊枝甘露必須讚下服務態度，有禮貌，有講解。…Read More

雖然寫住六點開門，但係未夠六點已經見到有兩三枱人。入到去，睇左餐牌，樣樣都幾吸引，最尾個版仲有d簡單泰文俾你學。招牌南瓜咖哩軟殼蟹，足料，分開一籃軟殼蟹拎料，保證唔會浸淋晒。咖哩炒蟹，d蟹幾新鮮，比同區另外幾間泰國餐廳都新鮮，多肉，多汁。不過好似同南瓜咖哩一樣味。（定係根本就係一樣味，個名有南瓜只係代表用南瓜裝住？）燒烏頭，大大條魚，有條香茅插住係個魚咀度，魚肉幾鮮嫩，有少少咸。泰式鐵板蠔餅，熱辣辣，冒晒煙咁，好似拱起左好大蝶，其實個底放左牙菜，不過好好食，D蠔好隻，肥美，都洗得好乾淨。之前見到有食評寫D嘢食好咸，其實真係唔係。另外，好欣賞佢冇趕人走，D嘢食亦唔會滾水淥腳咁上晒，搞到你成張枱都係嘢，好逼咁。一樣可以改善嘅，就係最好有濕紙巾俾食客，因為食完蟹，成手都係汁呀，蟹呀，有D「呢hea」...…Read More