ying112's Profile

在openrice預訂座位非常方便，還有88折優惠。每樣都好味，尤其是燒蠔😋好多蒜蓉~燒出嚟唔會縮晒水。竟然有雞心，好多舖頭只有雞腎或雞肝。佢係成粒燒的，如果開一刀會好啲~可以洗走入面血塊同埋燒出來都靚啲😬店員友善，埋單仲問食物O唔OK添~👍🏻👍🏻…Read More

Pizza好味,意粉及南瓜飯正常。甜品都可以。炸蠔炸得金黃色好靚,但食落係蠔BB冇肉的~出去櫃檯埋單,冇扣openrice9折優惠但已簽咭,同女店員(冇著制服女子)講返,佢以為叫2人餐但我哋係散叫的,佢咪話退返cash比我,可以呀~但態度可唔可以好啲呀？拍啲錢喺櫃檯！唔該/多謝都冇聲。之前都未試過咁呀,其他店員都比較友善囉。…Read More

星期五晚冇得訂座就早啲嚟攞位，大約6點9攞2位，女職員先叫我哋入去木櫈2人位。但我哋要求坐梳化嗰邊，佢就要我哋迫去收銀檯同一個女人中間嘅位。但係成排梳化係未有人坐的！算～我哋照坐吧！但係啲女職員成晚不停喺對住個位圍埋大聲吹水，又一路講啲客唔肯坐呢道嗰道是非不斷～勁煩。😠壼茶冇哂茶叫佢哋比過壼，叫咗3次，終於施捨到了！😒😒😒叫埋單就即時埋到～～真係要比👍🏻👍🏻👍🏻講返食物：得個樣，打咭啱哂呀～📸📸📸味道唔難食嘅，不過唔值囉！蟹膏蟹粉撈麵正常，唔難食，係有啲滯～原味小籠包皮厚，冇湯汁～柚子生煎包包勁厚，粒肉係包嘅9份之1，粒肉仔係有柚子味嘅～酸菜魚呢餐中最好，魚爽口湯夠酸有少少辣味炸龜苓膏有新意，幾好味，要沾多啲椰漿～總括：試一次，冇下次😂😂😂…Read More

用openrice預先訂位，Remark要入面靠牆檯。帶位入座的著T恤女職員先叫我坐出面張檯，問佢要坐入面張檯可唔可以？佢語氣不好話入面一陣都要搭檯！答佢Ok吖。(心諗:有人咪搭檯囉，況且又不滿座)佢就同另一個著恤衫女職員話轉坐入面O唔OK? 恤衫女職員話個客知道要搭檯咪得～真係唔係好明而家啲餐廳安排坐位用乜準則？食物方面午餐正常～之前有免費自助沙律已取消。晚餐下次再試試啦～…Read More

今日嚟咗中環街市hea下行下食個 tea～～食就叫咗間Pulau～😋👍🏻憑Pulau收據去果言買茶飲有9折優惠，咁就試試啦。我哋叫咗2杯飲品，1杯冬瓜茶及1杯冬瓜檸檬蘆薈。一飲兩杯嘢……完全只係烏龍茶味，一啲都唔似平時飲開嘅冬瓜茶。🤨🤨🤨忍唔住走去問返店員，店員話佢哋係烏龍茶底……😅同埋冬瓜茶完全冇叫少甜，而杯嘢直情係走甜😑😑😑店員話幫我加返啲甜，點知係加咗啲珍珠嘅糖渣！？勁怪～～～可以話係難飲囉。。。☹️…Read More

好耐冇嚟食，今日星期五收早見無乜人就幫襯下啦～串燒一如以往最好味，一定要食。蒜蓉包，菜及湯河正常。個咖哩大頭蝦真係不得了～星期五做特價$158～有三隻好大大頭蝦，但大頭蝦啲肉真係梅到好難食😭又冇蝦膏～咖哩係好味配蒜蓉包好正。下次叫其他料嘅咖哩穩陣啲。…Read More

食物一般，可以到來一試，環境佈置有台灣特色。大腸麵線嚟到都覺得咁細碗嘅😨，明明叫大碗，但係同細滷肉飯一樣size喎？？而家睇返人哋啲食評相，肯定比錯了😐😐🐷咗添～～…Read More

朋友約食飯,一早上來睇下食評有咩好介紹,就BK咗呢間試下.叫咗大家推介嘅墨汁海鮮飯,真係幾好味喎,不過食到成口黑啫,keke~~~個Pizza都ok喎,仲有個蕃茄意粉,酸酸哋,幾開胃呀!!個甜品雪糕喺朋友食,應該都ok嘅,我食嗰個都好好味呀~~~ ^_^…Read More