一隻死咗嘅大烏蠅黐咗響我叫嗰支甜醬嘅樽口度，仲係好大隻、好起眼嗰種。我碟炸兩一啖都美食添。叫個女侍應過嚟俾佢睇，個侍應當睇唔到，閃開。咁我就叫另外一個女侍應，另外一個侍應一嘢就攞走咗支甜醬，當冇事發生，木無表情，對唔住冇講，又冇攞另外一支俾我。我冇晒胃口亦冇晒心情再留響呢間嘢，決定走人，但錢照俾，費事嘈。去到櫃位埋單我當住其他客人面前話呢兩個侍應。「有烏蠅黐咗響津甜醬上邊居然可以當冇事發生就走咗，冇對唔住，仲要黑口黑面，當我透明。咁嘅服務香港會好就奇啦，香港越嚟越衰都因為你呢班人。」 服務行業冇服務。最基本嘅禮貌都冇。其中一條侍應見到有其他客人聽到就先至講sorry，但係跟住找錢都係用揼嗰種，極討厭。呢啲餐廳我絕對唔會再幫襯。影衰晒香港。我從來都唔寫食評，冇時間。但係今次響加拿大返香港玩遇到啲咁嘅餐廳，我覺得我有責任去做呢件事。…Read More
