wing4820's Profile

疫情過後多左出街食飯，今次做完野就黎到觀塘搵食！新裕民坊商場成日都會行，貪佢樓下就有巴士返屋企，仲全程有冷氣！上到2樓發覺呢間INN裝修幾特別，就試下佢啦！佢有戶外area,不過而家太熱，都係坐返入去好D佢設計偏向白色簡約風，吊燈影相打卡效果都唔錯！坐落都覺得好舒服夜晚choice都多，頭盤、主食、甜品都有我地叫左一個Set, 有埋蘑菇湯。賣相唔錯，有埋拉花，可惜太淡，明顯加左水溝淡左之後黎到重頭戲！蜜糖芥末燒西班牙黑毛豬鞍架！佢係用慢煮方式，所以肉質呈粉紅色，食落去非常之香嫩，配埋個蜜糖芥末汁甜甜地可以解到膩，係一個非常好嘅配搭。而且佢嘅配菜都好有心思，千層薯仔簡單焗一焗，食到爽脆口感，點一點汁加係perfect一開始我以為係燒波蘿～哈哈另一個主菜叫左牛油香煎帶子配蟹膏意大利飯，本身係海膽飯，但佢賣哂，所以轉左蟹膏。第一啖食落已經係有非常香濃嘅蟹膏味，成個口都係海洋嘅感覺～佢個帶子都煎得好香，不過可惜解凍時間唔夠所以有少少雪味。個飯既軟硬程度亦都適中，有意大利飯嘅煙韌感覺，又唔會太硬身。野飲就叫左杯dry Martini 同埋香蕉朱古力奶昔！個奶昔感覺好豐富，滿滿既朱古力感覺，同香蕉絕對係完美嘅組合～最後甜品係抹茶雪花冰！！！佢雪花冰有3種唔同味道選擇，作為抹茶控，諗都唔使諗就揀咗抹茶！！！佢有個抹茶汁另外上，暖暖地，自己淋上去！一冷一熱嘅感覺令到口感更加有層次感，雪花冰綿綿既感覺加上佢既糯米糰感覺好豐富，有唔同既口感～ 亦又唔會太甜，岩岩好！結果兩個人食左差唔多800蚊，算係中價價錢。overall 設計同埋食物質素相當唔錯，絕對係各位女士打卡呃like之選～！…Read More

榮記既沙嗲牛肉麵同煲仔飯聽左好多年, 作為慈雲山街坊既我咁耐都未試過, 今日放假就同屋企人去試下啦!!!次次行過榮記都係咁多人,今次都唔例外, 等左十分鐘位左右就入到去啦~呢到既環境其實真係好一般....又逼又細, 不過唔緊要, 試一試佢個招牌茶沙嗲牛肉煲仔麵先!!!嘩, 黎到個樣真好吸引既!!炸炸聲，夠哂新鮮熱辣！味道方面，佢個公仔麵本身無飛水，直接放入去。咁樣會令好多泡沫出現、而且公仔麵面頭既鈉會食哂落肚。。。其實簡單飛一飛水個效果同埋口感會好好多，成本亦唔高。個沙嗲湯底好濃，比較重花生醬味，食到一半已經好膩。牛肉就係一般正常野，無咩特別。所以結論最出色係個presentation,用左煲仔上,個marketing亦做得好, 味道同環境就真係好一般…Read More

等左幾個月,晚市堂食終於開返啦!! 今次就約左個朋友黎到中環呢一頭搵食!呢間餐廳個入口比較隱閉, 係內街入面~裝修都比較有香港地道特色晚市除左一人餐之外, 無特別既套餐, 以散叫為主首先叫左個泰式拼盤!全部都係新鮮即叫即煮,夠哂熱! 而且佢個蝦餅仲好爽口彈牙、一D腥味都無, 配埋個泰國啤酒真係一流啦!雞肉串燒配上沙爹汁泰式虎蝦炒金邊粉!味道比較岩香港人口味、唔會太濃、而且金邊粉比較干身比個close up隻虎蝦先!! 蝦肉都幾爽口架!然後叫左個好特別既:越式鳳梨醬炸軟殼蟹!呢個菜比較小有。鳳梨醬酸酸甜甜好開胃, 可惜個軟殼蟹就有D腥。最後仲追加左個生菜包! 估唔到佢個份量會咁多, D肉成座山咁! 而且炒得好香同埋辣辣地, 同爽口既生菜係絕配兩個人埋單400蚊就食到咁多野。係中環黎講個消費相對低、但食物種類就好多元化, 值得一試…Read More

黎開銅鑼灣Sogo行街, 隔黎成座野都係餐廳, 見到呢間好似比較高級、又有活海鮮食, 就試試佢啦!!門口係咁樣既~坐Lift直到~~~我地坐吧台~menu好大本、基本上燒海鮮、刺身都有。我地簡單叫左個2人餐!沖繩風沙律! 面頭係海葡萄, 咸咸地, 幾得意~ 下面就係沖繩苦瓜! 好爽口、甘香、唔苦!配埋海葡萄同刺身一齊食就最正佢都好大碟架!金目鯛刺身! 好令阿!佢面頭仲有雕刻! 金目鯛係比較貴既刺身, 香港唔係到到有得食。佢一D都唔腥、仲食到魚既甘香味道tim!跟住到重頭戲:2人前濱燒盛啦!!!  好似好新鮮咁好大隻蠔阿!有位同事燒比我地食既!! 我地見到個隻兩鮑魚係到郁黎郁去阿....好似好慘咁...個蠔只可以用鮮甜黎形容...蝦同蟹都好爽口、唔會有腥味, 都食到海鮮本身既甜味兩隻鮑魚食到啦.....頭先仲郁緊架!!! 佢一D都唔韌、仲保留住鮮味哦海鮮味噌湯~牛油燒帶子~食完一堆海鮮唔夠飽?仲有呢個和牛石鍋飯阿!!! 要撈一撈佢等3分鐘先食得~和牛既牛味好重、而且佢個汁本身都好香,令到成個飯感覺都好rich !最後係兩杯野飲同埋蜜桃、柚子雪葩!!蜜桃、柚子雪葩兩個都好正阿! 幼滑、唔甜、食到水果本身既味道!食左咁多野, 埋單2009蚊~~雖然有小小貴, 但個質素真係一流阿~ 岩哂係附近行完街過黎食野再行過!!…Read More

佐敦呢幾條街一向好多野食, 今次行過呢間西餐廳, 見個格局好似唔錯, 一於試下佢啦~佢有set dinner同埋有2人套餐既。我地今次就叫左2人套餐, 唔使煩。跟餐羅宋湯同餐包。個湯正正常常, 但個餐包好林, 唔係幾好食蜜糖柚子雞翼。雖然隻雞翼細隻左D, 但個汁煮得幾香、有蜜糖既甜味同時有柚子既酸味, 幾開胃。龍蝦汁大蝦飯。個大蝦煎得幾香, 脆脆地。飯都充滿住蝦既香味、到底係大蝦定龍蝦味就唔知啦,哈哈安格斯西冷, 5成熟。賣相唔錯, 夠哂大塊。而且表面煎到脆脆地, 配佢底下既燒汁食, 相當唔錯。配菜蘆筍都幾嫩、爽口。同埋5成熟真係5成熟左右, 唔會過老^^朱古力蛋糕配意大利雪糕。甜品時間!!!! 個樣幾令wor! 朱古力蛋糕又唔太甜, 配埋上面既雪糕同cream一齊食, 為今晚呢餐畫上完美句號阿~當然仲有餐飲。係Hazelnut Chocolate~ 佢朱古力味香之餘又唔係好甜wor, 唔覺意飲飲下就飲哂啦......兩個人埋單539蚊, 咩都有齊哂, 朋友靜靜地傾計, 係一個唔錯既choice~ …Read More

朋友係附近返工, 介紹我黎呢間係樓上既西餐廳, 話幾正, 咁就黎試下佢啦~間野係電影中心格黎, 要行樓梯上一樓, 我地食dinner~入到去發覺間野無咩人wor ~ 靜靜地仲好!睇一睇佢個set menu, 都幾多野簡, pizza pasta 飯都有^^首先當然係餐前蒜容包同紅湯~ 蒜容包焗得好香、脆身~ 紅湯味道正常~黑松露軟殼蟹意粉! 賣相唔錯wor~ 意粉有淡淡既黑松露香味、而且意粉唔太軟身,有彈性。軟殼蟹就炸得好香脆, 唔會有腥味! 唔錯唔錯!香煎鱸魚配薯菜~ 佢呢個係是日精選魚排黎既, 可能日日唔同, 有得配飯/意粉/薯菜~ 佢個魚煎得好香wor,配埋佢個白汁黎食, 一D魚腥味都無阿^^ 佢D配菜都幾新鮮、爽口最後個set仲有杯野飲既~ so far埋單兩個人245蚊, 呢個質素真係好抵食阿, 同埋佢夜晚無咩人, 岩哂朋友坐低傾下計, 唔使驚比人趕阿!!…Read More

上年黎過餃腩店食過一次, 都好似唔錯, 今次又黎開附近做野, 又再試試佢啦~~~見佢個2人餐都幾抵, 有粉有小食又有主菜, 唔使煩, 一於叫佢!!首先黎到既係沙薑雞~ 呢個正正常常啦, 沙薑味唔算好重, 但隻雞都係滑既清湯腩~ 記得上次食呢到既牛腩係好肥美好有牛味既。但今次就明顯瘦左D啦, 筋同牛肉既比例唔成正比, 有小小鞋阿! 不過個湯都依然係好清甜, 羅白都係好食、無渣~佢有3款辣醬比大家簡, 要酸D既又有、辣D既都有, 岩哂大家要黎點牛腩食阿!!個set就有一人一碗粉粗面比較優勝、幾爽口香煎馬蹄韭菜餃~ 佢煎得好香阿, 脆脆地、而且入面都好足料, 真材實料~ 佢呢個set有得簡湯餃/煎餃既, 鍾意清淡小小既朋友可以試返湯餃~最後係個小食鯪魚球~炸到好熱、依然食到鯪魚既魚香味!!埋單兩個人238蚊, 都幾抵食阿~ overall黎講都OK, 不過個牛腩就真係退步左, 有小小失望~…Read More

早幾個月試過銅鑼灣分店, 環境同食物都唔錯~ 今次黎開尖沙咀, 就試埋呢間啦~佢個位置係正美食厚福街, 好容易搵到~入面裝修帶有歐洲風情, 環境舒適~叫杯野飲下先, 係水蜜桃士多啤梨啤茉莉茶! 個感覺好清新、淡淡既茉莉茶香同時間又有水蜜桃同士多啤梨既香甜味道! 朋友飲既水果茶~頭盤係芝士蟹肉餅~ 個賣相唔錯, 上面既木魚係到跳黎跳去~ 蟹肉尚算鮮甜、唔會有梅既感覺最有創意既野黎啦, 係啤酒海鮮火鍋! 朋友見到呢個名就即刻話要試下啦! 好似發現新大陸咁阿! 太有創意! 佢仲有得簡蕃茄湯底/麻辣湯底, 我地就簡左蕃茄味。佢D海鮮有帶子、蟹鉗、蜆肉、螺肉, overall黎講都幾鮮甜, 唔會有腥味同埋梅既感覺。佢仲配埋個汁比我地點海鮮食, 係由生蒜、沙律油同埋沙律醬所組成。個杯仔就係要黎飲個湯底個啤酒海鮮火鍋係咁樣既滾啦佢!!! 煮得! 呢個湯底個味道真係好特別: 有蕃茄既酸甜、有啤酒既麥香、有小小cream既味道。最後煮埋海觧, 就加埋海鮮既甜甜味落去.....下面呢杯野, 真係好特別阿!! 創意分滿分! 飲杯!!最後甜品係紅酒蘋果芝士蛋糕~ 個蘋果充滿住紅酒既香味、同時間又保留住自己既香甜味道, 可以中和到芝士蛋糕既飽膩感覺, 呢個組合相當唔錯!呢到個環境真係好舒服、唔會好逼, 而且裝修幾有格調, 岩哂大家同朋友/情侶黎傾下計~~而且創意分都係滿分阿~~…Read More

朋友平時鍾意飲下酒同食日本野, 上網睇發現呢間放題竟然有燒酒/梅酒任飲, 就試下佢啦飲品櫃~ 任拎架!食物款式好多、魚生款式更多: 比較小有既油甘魚、帶子都有~唔好講咁多, 飲杯酒先, 係出面任拎既~ 味道一般般, 但勝在飲幾多都得^^燒饅魚~ 個汁幾香, 不過饅魚有小小腥魚生黎啦!! 最正係D蝦! 赤蝦同生蝦都好正、爽口得黎唔會腥! 帶子都唔錯~ 燒牛利~ 又燒得唔錯wor....有香脆既效果、牛利唔會燒得過老!帶子壽司燒雞軟骨~壽司拼盤! 最正係芝士蟹棒壽司、表面既芝士香味融入哂壽司同埋蟹棒到、又唔會太膩! 蝦類既壽司都幾高質!燒比目魚! 比目魚既價錢一般比較貴、好小係放題到見到! 佢燒得好香、一D腥味都無、魚身好滑, 之後引唔住enore左一碟!燒波羅同翠玉瓜, 呢個可以中和下飽膩既感覺海膽拖羅壽司~ 個海膽一般般, 可以不試食到最後竟然有得簡Haagen Dazs同Movenpick既雪糕! 一人有一個! 正阿喂!!!食左咁多野又飲左咁多酒, 一個人都係200幾蚊咋, 真係好抵食阿! 鍾意飲酒既朋友要try try佢啦! …Read More

成日搭車都經過彌敦道562號呢棟野, 個外觀好搶眼, 今次就一於黎呢到食個飯啦~入到黎發覺呢到暗暗地, 感覺好舒服同relaxing, 情調都相當唔錯~夜晚無set dinner, 都係散叫既~收藏佢地Openrice就會送湯同餐包~ 不過個餐包好硬阿....水牛城單骨雞翼~ 單骨雞翼既設計令到食既時候方便好多, 個汁都好入味、完美地掛左係雞翼上面~黃金芝士大蝦意大利飯....食落先知, 原來黃金係加左蛋黃既意思! 呢個配搭真係第一次見, 好有創意! 三文魚子醬蝦子意粉, 呢個都係一個fusion菜wor....中式蝦子配上西式既煮法~ 個人認為呢個味道比個飯好, 比較容易接受~~ 但創意分已經滿分左@@加左煙肉、蒜頭、三文魚子係入面~ 呢杯叫做度蜜月~ 係桃蜜橙汁~ 好香甜阿!最後叫左個日本水蜜桃雪葩! 雪葩既感覺比一般雪糕幼滑好多, 連出面既蜜桃都食得架~ 最後埋單兩個人食左522蚊~ 佢勝在環境好舒服、台同台之間既距離比較遠, 傾計岩哂~…Read More

話說我都比較小機會食西班牙菜, 最近朋友介紹呢間話D野幾好食, 特別係甜品, 咁就黎試下啦!點知黎到百樂中心地下, 見到條人龍=______= 以為咩事.....點知係排隊等lift...等左15分鐘先上到黎食飯!門口個招牌都幾醒神阿, 如果佢唔係19樓咁高, 我應該會行樓梯上黎....哈哈!!!坐得幾舒服, 有梳化食飯之前仲有呢個......... 清潔下先...哈哈!!! 唔知大家覺得佢似咩呢?飲杯野先, 係無酒精既mojito同埋荔枝茉莉綠茶~ 甜甜地幾開胃呢個係蟹肉芝士餅~ 面頭係一堆木魚~ 佢岩岩焗起,好熱! 佢有好香濃既芝士同雞蛋味、配埋面頭既木魚一齊食, 個感覺更加豐富真係有幾隻蟹鉗入面架~~西班牙海鮮炒飯! 賣相唔錯哦! 個飯加左辣椒落去所以辣辣地, 但又有海鮮既鮮味, 其中海蝦既味道特別突出, 所以個味道好有層次感! 海鮮overall黎講都唔錯, 最好食係隻蝦~close up !抹茶窩夫! 窩夫係脆卜卜既~ 配埋隔黎既綠茶同吉士一齊食就最正! 佢唔太甜, 同時有好香既綠茶香味!最貼心既係埋單時候佢會比個薄荷糖我地食, 清清口氣, 好細心阿! 全程職員既服務都好好, 有禮貌之餘仲會自動自覺幫我地加水, 值得一讚! 不過大家黎食記得預返小小時間係樓下等Lift啦 哈哈…Read More

今次行開旺角亞皆老街, 係街頭就見到呢間搶眼既台灣餐廳, 就試下佢啦~~佢D款式都好多, 有小食、飯、面、甜品都有~~首先叫個蚵仔酥做餐前小食先啦! 佢炸得好香脆, 脆卜卜又唔會好重油~ 不過D蚵仔真係細隻左D, 好迷你阿呢個幾特別wor, 叫九層塔手抓餅! 咬落去脆脆地, 而且有好香既九層塔味! 呢個組合比較小有, 值得一試台灣刈包, 中間有舊5花腩同埋酸菜, 係台灣地道小食麻辣雞腎~ 呢個同蚵仔酥比較份量大好多, 雞腎好入味, 唔會太韌而且夠哂麻辣古早油飯卷, 佢個飯係類似糯米飯, 煙煙韌韌, 中間有舊爽口既羅白令到佢口感更加豐富。好食~~最後埋單兩個人200蚊都唔洗, 就有咁多野食....真係好抵食阿~ D野地道得黎又幾特別…Read More

係銅鑼灣附近行街, 朋友又鍾意食日本野~ 上網搵搵下 見到呢間環境都好似唔錯, 一於試下佢啦~佢門口都幾令wor....幾搶眼佢有好多野食既, 一般刺身、串燒等等都有首先叫個前菜先~ 係芥末8爪魚... 佢個芥末味真係好勁, 食到我流哂鼻水.... 8爪魚就好爽口, 食完之後真係精神哂@@三文魚+帶子刺身~ 刺身都幾新鮮~ 而且帶子中間切開左一半放左舊青瓜落去, 令到佢更有層次感~甜蝦刺身~甜蝦相當鮮甜而且蝦身爽口彈牙, 同埋佢好似放係張椅到拎上黎, 幾有心思, 抵贊~紫薯餅~ 新鮮炸起, 表面香脆而入面就食到紫薯既香滑感覺~火焰牛柳串~ 嘩...職員用火槍燒燒佢, 就變成雄雄大火啦~ 我地就好似睇表演咁^^ 牛柳串味道就正正常常, 無咩特別~ 但我發覺最好食既係底下舊菠蘿, 因為好甜阿!! 彩虹卷~ 面頭加左黑松露令到個卷更加香~ overall黎講都算唔錯呢個係心之蛋卷~ 入面加左三文魚切開佢~ 有流心效果wor !!! 味道都唔錯, 有好豐富既蛋味^^芝士翠玉瓜芝士大啡菇~ 啡菇好鮮甜wor.....個感覺好新鮮~ 同芝士好match燒雞腎, 呢個就無咩特別食左咁多野, 兩個人埋單6百幾蚊~ 不過佢呢到個環境好舒服, 台同台之間既空間比較大, 講野都唔怕隔離台聽到~ 岩哂大家靜靜地傾下計^^ …Read More

養心殿之前食過另一間分店, 都好似唔錯~ 今次黎開旺角, 一於試埋呢間旗艦店啦!menu都係一樣~ 可以雙拼湯底! 咁就唔使煩試邊個啦!我地就雙拼左美人鍋、養心鍋! 真材實料! 有成隻烏雞同埋魚頭, 而且有大量中藥材、飲完之後覺得好暖、完全無口渴既感覺~佢仲有埋桃膠tim! 真係夠哂補阿首先黎既係鵝肝墨魚丸同埋自家製極品水餃真係有舊鵝肝係入面架!味道都唔錯~ 個水餃都好足料即炸響鈴~ 呢個真係新鮮炸上黎、熱騰騰既! 放落個湯到煮幾秒, 吸到味之餘仲係脆脆地! 好正阿細既手切肥牛。見到咁令既雪花分佈都知道唔錯啦!!寬條粉佢好細心有個lay去裝住D粉, 咁就唔驚D粉走失左啦! D粉索哂湯既味道~ 又好煙un~酒香白肉~呢個有好香既玫瑰露味道、豬肉都切得好薄, 不過係略覺得佢肥左D萵荀~ 最後佢仲送糖水~ 係台灣芋圓阿! 唔太甜, 幾好食左咁多野, 兩人埋單768~ 都唔平架, 低D野食幾高質、湯底正, 最岩秋冬進補一下!…Read More

今次約左朋友黎太子食飯~ 行過見到呢間cafe幾特別, 以旅遊作為主題、裝修又好似幾舒服~ 一於試下佢啦!佢門口已經有講係呢到係專討論關於旅遊既野!!入到黎發覺燈光比較黑暗、但感覺好舒服! 牆上面仲有好多人寫既postcard, 黎自世界各地都有! 好有feel阿!menu~ 佢無set dinner既, 以散叫為主凱撒沙律配煙三文魚~ 佢面頭好多芝士阿!! 賣相相當唔錯哦! D菜好爽口、唔會有苦味、感覺都幾新鮮! 配埋煙三文魚一齊食就最岩啦!瑪格麗塔Pizza ~ 其實姐係蕃茄pizza ~ 完全無肉的^^ 首先佢焗得好香脆、而且芝士味香濃、配埋蕃茄味酸酸地真係愈食愈開胃~豬頸肉配墨西哥餅牛油果醬~ 呢個比較失色。豬頸肉唔係太香、而且太油。牛油果醬配墨西哥餅都還可以、但都中和唔到豬頸肉既油膩感, 應該配返個清新小小既汁會比較好! 抹茶牛奶~ 佢個拉花好令阿~味道都唔錯、有抹茶既香味, 又唔會太甜^^兩個人埋單345蚊, 都幾抵食阿~~ 最好就係佢呢到個感覺好relaxing, 朋友傾下計最岩~ 唔傾旅遊野都一樣咁開心阿…Read More