poyee.gh's Profile

係調景嶺美食沙漠，見到新冰室開張不到一星期，今日週六就趁下午茶時段去試下新野。門口排左至少十幾個人，我一個人都要等左十幾分鐘先入座，仲要搭枱。 點左板燒西冷牛扒配薯角。等左大約20分鐘先上菜。一見到實物已經滿臉疑惑，即刻舉手查問店員，比佢睇下我張單，然後佢同我講就係呢個西冷牛。得到店員既確認，我唯有開餐試下，半份豬扒包 半份疑似牛的包。一邊食一邊心諗餐牌上從來冇寫過會有包，同我想像中嘅鋸扒好大出入。先講食物，豬扒肉質嚡，而茄汁包裝放在沙律菜上，一拎上手就沾滿沙律上的芝麻醬，擺盤並不友善。 由於手機落單又冇圖，我只好當自己唔好彩，心想餐廳係咪違反商品說明條例。我食到最後依然深深不忿，拎起咗餐牌睇吓有冇圖，對比中英文既說明。咁啱有個店員嚟收嘢，我決定再問多佢一次，同我一開始問嘅係同一個店員。我拎住手機的圖同我張單睇比佢，呢個時候佢先承認呢個並唔係板燒西冷牛，這個餐並不會有包提供，然後承認錯誤，而佢亦都忘記剛剛是她答我這個餐沒有送錯。 我去結帳時，我同店員表達出餐廳送錯餐，希望餐廳收取我正確的價錢。我吃的豬扒包同我的帳單上的記錄有別，而我從餐牌中得知兩者的餐牌相差$1，豬扒包餐的價格便宜$1。收銀員把我的情況轉達了另一位較高級的同事，該位同事得知我嘅情況先道歉，然後跟我說明兩個餐的價格是一致，聽到這樣我只好照付款。雖然我明知出錯的是餐廳，還收多了我$1，但也無謂跟餐廳辯駁了，只好結帳草草了事走人。作為調景嶺居民，對於新餐廳是高興的，但體驗卻是極差。…Read More

唔係第一次幫襯呢間cafe，食物質素可以。但今次體驗極度惡劣，簡直係俾錢買難受，以後唔打算再幫襯！！！亦已經叫身邊朋友唔好再幫襯。首先，女店員安排我哋坐吧枱高凳，同行朋友身材比較矮小，坐得有啲困難。後來另一個男侍應細心留意到👍🏻，已即時安排我地換到下面既枱。(一張圓枱和一張細一半的橢圓形枱)然後落單後，隔離圓枱嘅客人剛好離開了。一位短頭髮女侍應👍🏻，示意讓我們坐過一點，坐返兩張圓枱，等我哋坐得舒服啲。事隔不夠1分鐘，一位紮孖辮、左手帶玉鈪的女侍應👎🏻👎🏻👎🏻，黑面地要求我哋坐回原位，讓出一張圓枱。在我追問下，佢才表示為了可以安排一位吧枱的客人坐下來圓枱，然後再安排新的兩位客人入座吧枱。其間，態度極度惡劣，感覺完全不被尊重。先唔好講 我同朋友比其他客人更早入座，應該有揀枱嘅優先權。仲有點解店員唔可以安排吧枱嘅一位客人坐落嚟橢圓形細枱？而需要我地一再調位，麻煩客人係佢地既待客之道？最後，我同同行朋友好委屈，兩個人縮埋一齊，屈住個身咁食飯，食到成肚氣。而事隔5分鐘，亦都留意到一旁的圓枱陸續有客人離開，所以其實根本唔存在急於入其他客，而導致我同朋友嘅不便。是次體驗極度不快樂，導致我第一次在OpenRice寫食評，亦都睇到曾經有客人反映侍應態度有問題，相信都係同一位女侍應。希望大家嚟呢間餐廳嘅時候自己斟酌，免得好似我咁，俾錢貼難受。當日亦留意到，另外兩位同事亦有被該名孖辮女侍應責罵，懷疑佢係比較資深嘅同事，看來不止對客人態度差，對同事都惡意相向，並不懂尊重人。最後，離開時，發現到另一枱客人被收錯錢，亦係出自同一位孖辮女侍應經手。需要重新void單，極度浪費客人等候時間。希望餐廳見到我嘅評語，為該位女侍應進行再度培訓，希望佢下次會懂得正確嘅待客之道。不過我都應該唔會再幫襯呢間餐廳，對餐廳極度失望，完全唔推介大家嚟呢間餐廳。…Read More