Cheongws99's Profile

一向不覺得太特別，反而閒時經過卻大排長龍，所以，我亦要來一探究竟星期六來到，人山人海，幸好翻枱算快，等了10分鐘不到便有位. 這一個大時代，要多去一些以支持香港人為主題的食店去光顧，店子雖小，但餐牌的選擇都較多，晚市時間來到，絕對可以迎合不同口味的人士（1）蠔仔肉碎粥每次心血來潮想打冷，都是想起入元朗，但今次我看中的是蠔仔肉碎粥，蠔很大隻，隻隻都很肥很新鮮，好飽滿，非常足料，而且一餐粥入面有好多隻啊，唔駛驚唔夠蠔仔食，食落好似海鮮粥咁，清淡得嚟有鮮味，最重要的是沒有蠔仔碎殼，不需要一邊吃，一邊看有沒蠔殼，粥底就煮得非常綿（2）片頭魚皮河香港的大街小巷隨處可見形形式式的粉麵店，主要分港式和潮式，魚蛋粉除了主角魚蛋和河粉之外，少不了配角的魚片，外層金黃色的厚皮較香口，肉質較彈牙. 因此有個別愛吃香口的食客，會專點以魚片頭為主的片頭河，店家把魚片頭對角切開，再放油炸，做出一塊塊三角形的炸魚片頭，鮮甜而且魚味濃，咬落去會留下牙齒印最佳，甚至當作小吃來食，亦別有風味還有另一配角酥脆炸魚皮，咬落去發出清脆聲響，而且無腥味，表面呈金黃黑漸變色，好吃的魚皮，必用上九棍魚不可，但成本較高，這店魚皮雖肯定不是高成本製作，但食落口有保持魚香味，毫無油膩感，更受歡迎，一直不乏粉絲，雖然明知吃多了會喉嚨痛，都忍不住多吃幾件這一次淺嚐，給我的印象是好的，價錢大眾化，食物有水準，是值得大大力去支持的好食店…Read More

趁天氣好去試試這家扒房，以為是比較地道式舊茶餐廳，裝修又極舊式，但阿姐態度就不錯（1）法蘭西豬扒配意粉此店名物以招牌扒類，豬扒揼得鬆化，帶少少脂肪，亦好厚身，肉質軟嫩多汁，豬扒是好多人喜愛食物，坊間很多豬扒專門店，吸引豬扒迷去朝聖，然而要食得一塊好扒，絕非易事，豬扒夠肥美，醃得很好，拍得鬆豬扒，才食得鬆軟，燒汁淋在豬扒上搭配薯菜賣相已很搶眼（2）羅宋湯一鍋營養好湯簡單煮香甜濃郁，羅宋湯是大家熟悉的湯品亦是大眾喜愛的，發源於烏克蘭的一種濃菜湯，在歐洲很受歡迎，酸中帶甜，甜中帶香，搭配各種蔬菜，加上牛肉才有鮮味，營養豐富，味香醇厚，顏色又漂亮，一看就已大開胃口（3）燒豬肋骨配薯條平日到西餐廳點一客燒豬肋骨動輒過百元，份量亦不多，往往吃得不夠喉，豬肋骨肉質軟嫩，香噴噴的出爐，一條一條慢慢吃，燒烤醬味道很匹配，讓它充份地吸收調味料的味道，即使是最挑剔的人，亦會吃到停不下嘴，滋味無窮在重要西方節日裡，除了有烤雞烤肉，亦別忘記燒豬肋骨這美食現在的問題是一街都是扒房和茶餐廳，但用心去做的真是不多，反正一定有人去幫襯，所以吃到稍為肯用心的，已經很感恩想吃扒可來這裡，其他東西就是一般茶記水平，不必專程來吃，金鳳就真真正正打平民飲食牌，完全是為了給本地收入不高的家庭，享受一下食扒既樂趣，亦是平民式街坊式扒店的一個表表者…Read More

要數香港屋邨酒樓，一星期嚟足7日，好似聯誼會咁飲茶傾偈，唔使約嘅，街坊都系到時到候就會落嚟，每次一嚟到這個大埔富亨邨商場，自然對這屋邨酒樓有種歸屬感，每天都有三五個長者在門前排隊等開門，系奇景嚟，其實食咩都唔緊要，最主要有個地方坐下，留約二個鐘，傾到更上下咪走，要講就是這間叫（嘉年華酒樓），一種昔日屋邨情懷，回憶無價，現今少有鄰里街坊情，酒樓以熟客為主（1）燒腩仔要數香港地道美食一定有燒味，美食處處的大埔區原來都有不少高質又平價的燒味店，最初以為平價就無質素，這想法是錯誤的，其中一道推介是燒腩仔，取五花腩部位，皮香脆卜卜，咬落去好似食薯片咁脆，肉質鬆軟，肥肉不會太肥膩，肥瘦肉比例均勻，肉味唔太鹹，炭火香氣突出最正，價錢合理，食多碟都唔會肉痛以前吃燒肉，不是阿媽拜神買來的，便是斬料，怎料到今時今日吃燒肉會成為潮流，說的是燒腩仔，流行程度由酒樓點心紙，高檔粵菜館到五星級酒店都找到它的蹤影，有些還以它做招牌菜，鐘意它的原因很簡單，肉夠香滑，脂肪香口又不太膩，而且切成一粒粒，一口一件，吃時還可選蘸芥辣，更加野味，現很多食肆都有燒腩仔供應，個個標榜皮脆肉嫰，事實很多都不合格，不是食落有豬肉羶味就是皮不夠脆，有水準真不多，鐘意食燒腩仔的我當然不放過（2）狗仔粉記起童年回憶，細個跟屋企人去飲茶食的銀針粉，但今趟試的是狗仔粉，外型都是圓碌碌，像狗的尾巴，估計稱為叫狗仔粉，湯底有蝦米仔，冬菇，蔥花，豬油渣，菜脯，雖然材料簡單，價格相宜，但當加有最鐘意食的菜脯，食起來別有風味，雖不會太鹹，但蔥花味道較重，很香噴噴好開心見到這裡有充滿香港情懷的美味狗仔粉，所以亦不防試下呢間酒樓手勢，真系好懷念嘉年華海鮮酒家大埔頌雅路6號富亨商場地下6號舖…Read More

假期上去食下午茶餐，唔需等位，還有多張卡位可任坐，已多次嚟食，但今次上到嚟食，伙記的招呼服務，明顯有改善到，變得有禮貌咗，有耐性咗，唔似以往下下像趕客走，不在呼簡單點了個芝士焗肉醬意粉+紅豆冰 $43, 但未計加一，落單約7分鐘後，已很快送嚟意粉和紅豆冰，可能下午時段不太旺關系，意粉熱辣辣，金黃芝士食落口感香脆滑身，蕃茄和肉汁味都濃郁，焗意粉時間亦剛好，因好怕意粉焗到太燶太乾身，抽乾肉汁，但意粉份量一小碟，看價錢收$43都不過不失了紅豆冰，紅豆不夠起沙，豆較少，應冰多關系，或落奶少，使整體味道不夠甜，帶有些淡，都不打緊，因自己不喜歡食太甜這份下午茶餐，看價錢上已再沒什麼要求了，還有卡位坐很舒服，多空間感…Read More

復活節假日夜晚約6點幾嚟到尖沙咀區，晚飯唔知想食什麼，就亂行見到深仔記茶餐廳，唔知好無食，不想再搵食肆，見裡面有好多卡位，勝在唔駛等，就直入去食飯餐牌食物種類太多了，看了10分鐘，因唔想中伏，最後點了個招牌雲吞麵$38和焗咖哩署仔豬扒飯$58，另加杯凍檸茶，要加收$6, 可接受到，不算貴，落單到8分鐘, 先送嚟碗雲吞麵，湯底ok唔會味精太重，麵底爽口，雲吞餡內蝦和豬肉各一半比例，恰到好處，但就較為細粒咗，男士門食完可能未必夠飽反而等了約15分鐘，再嚟個焗咖哩署仔豬扒飯，就值得一讚再讚，個飯送嚟時未放到上枱，已聞到好香咖哩味，看見咖哩汁顏色好黃，點知食落口又不會太辣，好香口，正正對於我怕辣的人，豬扒整得軟硬適中，不鞋,入口嫰，而整個飯和豬扒份量都算多，值得一食，正所謂色香味都有齊但可能因疫情關系，餐廳樓面只1-2個，舉手幾次落單，都無樓面見到，需要有耐性等等雲吞麵焗咖啡署仔豬扒飯…Read More

地方幾寬闊，街坊式粉麵，星期六下午坐了幾枱客人，枱與枱之間有空位，首推牛什麵，量多，超好食，一碗先$32招牌牛什麵， 加埋腩汁個湯底ok唔會太鹹，即刻濃郁點，味精亦不重， 主要係靠佢個牛腩去提味， 牛什比起平常食開都幾大份，既都幾夠食，牛腩炆得入味， 肥瘦適中， 店環境都比較衛生，唔執著了， 可以選擇既宵夜店相信係大埔大元村黎講都不錯， 所以睇完戲9點黎食個宵夜,算唔錯呀, 總括味道可以, 店面夠光， 坐落都舒服，呢間鋪伙計服務都算勤力既小店， 黎食碗牛什粉麵都算幾抵食$32已有碗 ，可加+$5有杯凍野飲, 價錢合理 …Read More

夜晚嚟買一斤滷水鵝，份量很多和一大盒，斬件肉 每件都排得很整齊，看得出師父刀法細心，味道完全不咸不淡，不似其他滷水舖頭一味咸，食完都不會很口喝，肉質入口嫰滑，不會有油膩感色香味俱全，滷水鵝價錢嚟講真不貴，很抵食，舖頭還送我幾件滷水豆腐，太好了，大大塊，食到飽飽…Read More

星期日下午初次嚟食牛什麵，$33 不算貴，牛什口感軟硬適中，份量都不少，麵底都爽口，可惜湯底就扣分了，比較偏咸，食完很口喝，伙記不多，落單要等姐姐得閒才落到，食更多間，這間牛什算系較出色，環境衛生都可接受…Read More

星期六下午買外賣，等一個鐘，放棄了，星期日又再去撞彩，好好彩，不到2分鐘即買到嚟食，初試買人工原味燒賣抱很大期望，但燒賣皮面較乾身，應掃油不均勻，鯪魚肉肯定有但不多，其餘是麵粉了，整體不覺不失，大大粒，熱辣辣，但$10只4粒，有點小貴…Read More