member_200332's Profile

大角咀係一個小店林立嘅舊區，當中不乏有出色嘅鋪頭，出色嘅食肆，呢一間就係其中之一。店內有米線、薯粉、客飯、雞煲……等等，全部都係川味麻辣，唯一嘅分別係大、中、小及酸唔酸嘅辣。我個人而言，最底程度都中辣，於是一支公就叫咗個夫妻肺片套餐。麻辣分好多種大部分市面上嘅辣都係香辣，"麻"嗰方面唔係好夠……不過呢間小店特別又令我有深刻嘅印象就係佢啲辣唔係講笑，中辣好勁，仲幾"麻"，我覺得佢係有真正嘅四川口味，講真食過咁多麻辣嘅店鋪，呢間我都算係比較特別喜歡的夫妻肺片上面嘅炸豆十分香脆，肺片份量唔錯，都幾多，底層有大量青瓜，青瓜吸咗四川嘅麻辣汁，相當辣！四十幾蚊有飯，有餐飲，仲有呢個質素，相當低最後想講講店主十分好人，不停咁講白飯任裝，我諗對於啲大胃口嘅人，呢喥一定係一個好好嘅地方…Read More

東廣場係觀塘嘅平民集腳地點，入面有多種啱各口味嘅食市，今日打完波，但又未到食晚飯時侯，要醫吓肚，於是就揀咗My Burger 。Menu 主要分牛、雞、海鮮，種類算多，可以按自已喜歡嘅主菜夾其他配料做出獨有嘅Burger。我無特別喜好，也是第一次食，所以我叫咗一個"大隻佬"Burger :講真，Burger 我主重嘅一定係件牛嘅質素，佢煎出嚟外脆內香，肉汁鎖住，完全係新鮮嘅傑作， 中間夾著番茄、洋蔥、煙肉同蛋，所有配料基本實無得輸。 另外外層嘅漢堡包都係一個重點，經過師傳細心嘅慢煎，令到咬落去有種薄薄脆嘅感覺，讚！芝士同重洋蔥正是我嘅飛佛！"大隻佬"burger只不過係我其中一個食過嘅產品，佢仲有海鮮同雞肉，經過呢次之後我肯定會再去嘗試，再去配撘一D我鍾意口味嘅Burger !註：一個Burger HKD68，CP值一般………Read More

深水埗小菜雞煲多的是，唯獨呢間我至愛，原因係佢嘅味道同埋煮法最啱我口味。招牌之一係四川麻辣雞煲，喺第二間店舖我通常會點中辣，但唯獨呢間我會叫小辣，因為佢嘅辣真係非同小可！半隻雞148蚊煮法係乾身咁炒啲雞，呢個亦都係我喜歡佢嘅主要原因；呢個雞煲有一個特色，就係可以加其他配菜喺個雞煲入面，我呢次就係加肥腸味道方面我覺得佢係正宗嘅四川風味，辣同濃嘅口味再加上麻痺嘅感覺，我覺得唔係每一間都有咁樣嘅出品；乾炒嘅煮法比濕身食來比較爽，唔會林bet bet…… 加上其他配料：包括冬菇、木耳 、大量香料、蔥、辣椒……加加埋埋，口味相當豐富其實呢間咗雞煲之外，佢嘅魚煲亦都相當出色，不過我通常都係同老婆去食，胃口有限，下次如果有機會同埋其他朋友一定會試下佢呢味招牌菜！…Read More

我唔係街坊，但係呢間coffee shop我已經幫襯過一次，上次有唔好嘅印象，因為人又多，食物質素可能在因為呢個原因相對差咗……今次去係路過嘅 (又或者再畀多次機會佢啦!)。時間係佛誕假期下午兩點多鐘 ，一走進去，唔知係咪因為假期嘅關係，人比較小，店員親切地安排我哋上到2樓坐低。地方闊落人少咗，感覺自然係舒服馬想點個是日午餐：包括有沙茶醬焗龍脷意粉、一個海鮮忌廉湯，同埋我最喜愛的Mocha。上次印象係食物麻麻，飲品ok但人太多坐得唔舒服……今次嘅感覺有改善，冇人騷擾同食物、飲品質素保持水準。Mocha上面寫住I love holiday，配合今日嘅假期 ( 不過如果上面要加cream要加兩蚊……)。上次冇試過嘅湯今次試過後，感覺超讚！呢個忌廉湯配上蒜蓉包嘅海鮮湯，有濃沃嘅海鮮味，上面加咗香草配合埋蜆肉、蟹柳， 將整個海鮮味帶出；蒜蓉包烘得啱啱好，香口之餘仲有一種牛油香味，配合呢個湯好好味。龍脷意粉配沙茶醬絕對冇問題，唯一可惜嘅係意粉本身，應該係預先整定嘅，要改善！整體嚟講 ，呢個地方啱曬飲個下午茶、傾計聚腳，我相信我會畀多次機會，睇睇佢以後有冇改善…Read More

我係一個喜歡食拉麵嘅人，無論台灣牛肉麵、日本拉麵、甚至乎公仔麵我都會搵一啲新嘢去試。爬文睇到有文章講及呢間拉麵店，於是過咗銅鑼灣一試。日期係星期日下午嘅三點幾，唔使排隊直，入或者咁講：其實只得我呢個客同老細……呢間拉麵店只賣四款拉麵，我就揀咗最具人氣嘅"太極"。湯底係墨魚汁加上佢本身嘅豬骨湯底做成，拉麵最講求湯底，所以我馬上試咗一羹 ，入口感覺尚算好味，不過我覺得佢可以做得濃啲；豚肉上面有蟹膏，份量好少，如果蟹膏撈落湯麵度食根本食唔出嗰種味……麵質就口感一般；溫泉蛋唔係咁流心； 份量亦相對少，對於一般香港人嘅我，似乎唔多夠。總括嚟講唔係咁出色， 以而家香港拉麵嘅競爭及佢所賣嘅價錢，我相信會有好多選擇，希望店主見到呢個食評會有所改善。…Read More

三兩知己想食炒小菜唔去深水埗，去邊度吖？今次選擇呢個地方係貪佢坐室內，地方比較好。初嚟報到，問吓有咩好食，伙記見我人少少，於是建議咗以下：孜然豬串骨、 胡椒豬肚花甲湯 、鬼馬脆油條 、砵仔蒸魚腸。孜然本身好香，豬仔肉亦都好淋，食落唔錯不過比較熱氣，呢一味總括嚟講都好惹味， 最好用來餸酒。胡椒味重， 鹹菜味濃， 花甲十分大隻，味道不過不失 ，對於我哋三個人嚟講，份量可以，不過如果多啲人的話我相信……係伙記推介嘅菜式，油炸鬼入面讓咗蝦膠，外面炸到卜卜脆， 入面啲蝦炸得啱啱好，好彈牙， 份量都唔小，大推最後係魚腸，其他地方唔係咁容易食到，相信因為時間同花功夫，所今次專登叫咗一碟。根據夥記講呢個菜式好搶手，有陣時仲要預先訂製。 蒸魚腸係有啲腥， 如果唔係咁食得嘅朋友，可以加啲胡椒粉，但對於我哋嚟講就冇問題，我覺得佢蒸蛋同魚腸部分及比例都拿捏得唔錯今次人少少只不過試咗幾樣餸，下次一定要搵埋多啲老友試埋其他，睇嚟呢喥仲有好多嘢可以發掘…Read More

喺facebook見到有人談論過呢間食肆，於是第二日同老婆即刻去試下，去到嘅時間係下午三點幾，諗住冇乜人，不過可能係星期六門口排咗好多人…… 等咗十五分鐘，我哋入咗去。坐低我同老婆即刻點咗菜，包括有紅燒牛肉麵，綜合滷味同阿仔煎。湯底好濃， 牛肉好淋，我相信冇牙都冇問題麵條方面比較粗，唔係好啱我口味。綜合滷味包括：甜不辣、鹵水豬耳同豆乾。 呢次係我第一次食甜不辣，靭靭地幾好味， 豬耳同豆乾都保持水準，不過我覺得味道略淡， 如果鹵水味重啲就好喇！最後係阿仔煎，老婆話好耐未食過，點都要試，但係總覺得台灣嘅比較好食過今次喺香港食……可能佢薯粉比較多……今次只係兩個人嚟食，試嘅種類唔多，不過我覺得我會下次再嚟試其他…Read More

飲茶食點心對於一D人嚟講係一件好老餅嘅事，但係我相信你食過呢間之後感覺會完全改變，坐落地方算唔錯， 裝修有啲似文清嘅coffee shop我呢一晚嘅食宵，就係選擇呢間籠太子點心專門店喇！由於都係一個人食，所以一盅兩件已經好夠，首先叫咗個海王芝士千絲卷呢個係點心紙上面有讚嘅點心，見佢張相賣相唔錯，於是點咗，但我覺得佢炸出嚟燶咗一啲，而且十分多油…… 不過咬開之後蝦膠十分爽總體都算ok呢個黑椒牛仔骨反而我覺得ok，佢啲黑椒汁整得好味，我食牛仔骨最怕係啲肉勒，咬極都咬唔開， 呢碟嘢完全冇呢個感覺，我相信係佢醃製嘅時候經過一番功夫其實飲夜茶都已經成為一種潮流， 加上佢嘅裝修同埋一班後生仔去搞，我入到去都好似後生咗幾年！值得一提嘅就係佢用咗玄米茶，呢種茶就算夜晚飲多咗都唔會有瞓唔著嘅現象…Read More

喺尖沙咀購物行街就成日都係，但係諗真啲，附近冇乜邊幾間係食麻辣嘢。。。今晚同老婆出去行完街之後，想食麻辣於是走咗去厚福街食呢間。兩口子，食唔得多，只係叫三碟餸：鮮菇胡椒雞泡飯麻辣清炒土豆水煮牛雜呢個泡飯重點係啲湯，啲湯有少許薑絲同埋大蒜、洋蔥，正正啱曬我口味，十分有四川嘅風格。湯底唔辣，可以作為其餘两碟餸嘅調劑；講開啲雞，以為佢畀雞胸一定靱啦，但食落就相當之嫩，冬菇方面就麻麻，好似唔係好熟，不過浸耐啲都ok。感覺上，呢碟清炒土豆十分之抵，因為分量相當多，啲味酸多過辣，我個人認為如果佢調返轉，我相信一定好味啲。仲有，佢炒出嚟比較濕，我覺得佢可以再乾身、啲再辣啲……呢碟水煮牛雜賣相相當好，紅卜卜嘅水煮加上青瓜牛雜，睇落已經相當啱胃口。食咗第一啖之後，如果唔係食得辣嘅人唔好亂叫，雖然佢唔係十分辣，但我覺得如果對於初哥嚟講，已經頂唔順……意外嘅係份量十分多，牛肚、腸、膀青瓜加上菜墊底，兩個人食，我覺得係足夠！加上呢個價錢(一百蚊唔使)感覺上十分之抵佢入邊嘅料，都煮得相當之爽，好味，值得推介！最後埋單前加多罐可樂，六蚊一罐仲有冰底， 邊度搵呀！我倆總共食咗210蚊，我哋都覺得喺尖沙咀同樣嘅價錢根本冇可能食到，我諗如果下次喺尖沙咀想食麻辣的話，呢間但係不二之選…Read More

每到週日或放假嘅時候，我特別喜歡搵一間coffee shop去食吓嘢、hea 吓，呢個習慣已經好耐，最初嘅時候我會喺中環或尖沙咀一啲比較高檔嘅coffee shop， 慢慢地我哋會捐窿捐罅，去找其餘各區有特色嘅地方去試， 今次我哋去咗深水埗呢個舊城，試咗呢間"綠洲"。地方唔算大，門口有一枱但我諗係俾要食煙嘅客人；走進入內，我相信大概只能坐 20至30人。 我係同我老婆入嚟食個下午茶嘅，所以食量唔會多，睇完menu馬上就點咗:白汁帆立貝扁意粉火腿芝士牛角包 (蜜糖芥末醬)首先，呢個牛角包，其實冇咩特別， 只要菜新鮮、加上芝士同千島醬，基本上冇得衰。 不過唔知係唔係我入嚟嘅時候比較多人，佢哋好似有啲仲唔切，牛角包送過嚟嗰陣時，菜同入面嘅餡，都好似亂咁捐入去咁， 上碟個樣唔係咁好睇。。。跟住嚟嘅喺扁意粉，睇得出喺新鮮整出嚟嘅，我覺得呢個意粉係好好味 佢嘅乾濕喥啱啱好，極豐富嘅香草加上蒜蓉及新鮮菜伴碟十分好食。我想強調一點，佢嘅帆立貝唔係一兩隻咁少 ，粗略估計都有六、七粒，咬落去冇雪味同埋唔勒。最後，當然係我嚟coffee shop嘅目的啦， 我叫咗一杯凍mocha，其實mocha並冇乜咩嘢可以提，但係唔知點解我覺得佢沖出嚟除咗有咖啡味之外，朱古力嘅甜度係我心目中嗰隻，唔太甜，喺今日成30度天氣嘅日子，我覺得飲完呢杯嘢我有充份咁滿足。總結：環境價錢同埋喺舊區入面搵到呢間咁有特色咖啡店，我覺得感覺好舒服，我相信我會推薦畀朋友，繼續會返嚟再試下佢啲新型…Read More

呢一間係我同我老婆都會隔一段時間去幫襯嘅間食肆，除咗因為佢喺我哋住嘅附近之外，最主要嘅原因係因為佢嘅食物質素十分好。今晚我又同我老婆再一次你幫襯，一進入內老闆娘都已經認得我哋，好快咁帶我哋坐低，我知道鹽燒三文魚頭係需要比較長的時間去燒，所以馬上同老闆娘落咗order先，老闆娘有趣的說，"哈哈 你真知道的三文魚頭係需要時間去燒，我馬上跟你先去整"!一如以往，兩口子只叫了幾款壽司、串燒、小食及主菜：三文魚頭一向都係我嘅至愛，基本上我每一次都會叫，今次亦都冇令到我失望，火候剛剛好，外面卜卜脆，返開入面嘅肉，十分鮮嫩，十分新鮮，睇得出係用心去做， 唔似得出面有啲店舖咁，拎個魚頭佢炸。壽司只是普通叫，沒有什麼特別，但因為我哋兩個都喜歡火焰嘅做法，所以其中兩款係火焰海膽同火焰吞拿魚，味道一般，冇乜驚喜， 不過嚟得日本料理點都要叫返啲壽司嚟食吓。牛脷唔係厚切，唔係好豪華嗰一種，但燒出嚟嗰樣十分惹味，亦都因為唔係佢厚切，擺入口嘅時候帶有一點脆(不過今次唔知點解覺得佢燒出嚟嘅比較鹹……)，雞翼方面，燒到外面金脆，冇過火嘅現象，食落好有高級日本居酒屋嘅感覺，我真心覺得佢嘅串燒、鹽燒都係有心機做嘅！跟住嚟嘅係網燒牛肉，呢一款菜係我第一次叫，因為有魚、有壽司，所以諗住搵個紅肉做主菜。 肉本身有啲靭， 可能牛肉唔係咩嘅上價嘢，份量亦都比想像中少，不過個汁整出嚟又幾好味。最後呢個係炸釀蟹蓋，其實我老婆每次都會點一個忌廉薯餅，不過今次我提議不如轉下新嘢，揾咗個差唔多類型嘅釀蟹蓋試吓。 蟹蓋炸到金黃，相當脆，入面新鮮加上蟹肉薯蓉同埋沙律醬配點出嚟，味道我覺得仲好食過忌廉薯餅！價錢方面我哋兩個食咗差唔多400蚊，不過我覺得呢個食物質素同埋咁就腳，我以後都會再嚟試！…Read More

諗住同舊上司、老細食飯，想揾間似啲樣嘅食肆，比"蒸氣海鮮"呢四個字吸引，於是試吓，點知原來係一餐貴夾唔飽嘅經驗三個人第一次嚟食，唔知到分量， 於是睇餐牌點左呢個餐。 講真啲食材冇問題，都算新鮮，但係最大鑊嘅係啲份量小到暈！ 貝殼類嘅食物每人只得一隻，所謂 蒜蓉蒸蝦，實在係開邊，即係每人得半邊，蟹就畀捉一隻，size唔算大，唯一可讚嘅係入面有蟹膏。本來諗住最後有個深海龍躉糯米飯，點都可以頂得下個肚，點知嚟到一睇，份量都係超少 ， 得嗰一層好薄嘅糯米飯墊底，加幾片 紙咁薄嘅龍躉 ，三個大男人又點會夠呀！？總結： 材料新鮮係基本嘅，做得蒸氣海鮮我相信係唔可以缺少的，但分量真係唔可以少到咁離譜，話曬每人都要畀二百幾蚊加埋一成三舊幾水，3個人埋單成千銀，無理由我哋仲要返屋企食宵夜先至頂得住個肚。。。！我諗如果佢仲係呢個價錢的話，我唔會再嚟囉！後記：返到屋企再細心諗一諗？原來佢個餐好似上漏咗生蠔畀我哋…… 真係冇下次！…Read More

兩公婆夜晚宵夜，入咗大埔，搵咗呢間串燒店。 見到新鮮嘅海鮮在店外，於是馬上問店員有咩嘢係出名好食，經過佢哋推介，我哋叫咗：椒鹽鮑魚， 極力推介，鮑魚算係大隻， 十分好味，但價錢略為偏貴，不過今次既然嚟到，點都要試下再嚟嘅係雞軟骨同埋大花甲，味道出色，花甲新鮮，即叫即燒。當然唔少得我最鍾意食嘅安格斯牛仔粒，雞翼同埋牛脷，yummy yummy 為咗唔想食得太乾， 我哋叫咗個蟹粥，份量剛好給我兩公婆，但重點係價錢便宜，讚！最後大推嘅係燒鰻魚！鰻魚即叫即燒，十分肥美，加上日式醬汁，食落跟尖沙咀嘅居酒屋沒有分別。坦白講， 價錢並不吸引，但係味道相當好，海鮮款式都幾多，值得我哋再去幫襯！…Read More

試過佐敦分店，覺得唔錯，約埋好友再到深水埗分店食過。八點半前去到門口，已經人頭湧湧，反應的確熱烈。時間一到即刻入去坐低，$198蚊包括七種海海鮮及五種附加配料，我哋揀咗牛肉、豬肉、雞骨丸、淮山同埋鬼馬油炸鬼。食物十分新鮮， 蝦蟹都好大隻，貝殼類(花甲、鮑魚、大蚌、皇蜆)直情無得頂店員會定時過嚟睇下我哋煮成點，每張枱都有一張紙、一個計時器教你哋每一種食物要煮幾耐，跟住做就得。話明粥底火鍋，梗係有粥啦！店員會最後加埋其他配料：南瓜 、冬菜、蝦米 、粟米落去個粥底喥去煮。講真食埋個粥我哋四個人都好飽lu總結，呢個價錢又有海鮮，配料又有豬、牛及其他，性價比的確十分高！ 我個人覺得值得再嚟多次，唯獨蝦、蟹如果能夠再大啲咁就一百分…Read More

老友結婚派請帖，相約食飯，我哋揀咗"四季文昌"，全因為佢嘅火焰龍蝦鍋！一入到去裝修好闊落，地方好大，好友文青feel，完全唔似一間打邊爐嘅食肆。即刻就叫咗佢哋主打嘅火焰龍蝦鍋！店員首先爆香材料之後加入冧酒點火， 未食已經聞到好香 見到龍蝦還在動好新鮮呀！用漏斗計時等了大約7分鐘就可以開始食啦之後我哋嗌咗一碟手切肥牛、玫瑰黑豚腩肉 同埋一碟墨魚滑，全部都好新鮮，加上用龍蝦湯嚟做湯底，味道十分好吃。總括嚟講，用HK$298 食龍蝦窩湯底嘅打邊爐相當之低，地方坐落好舒適，味道亦都唔錯，值得同朋友再試一試！…Read More