Royaloscar's Profile

小鍋米線好好食, 不過環境就爭啲, 冷氣唔夠, 隔離枱都問職員有冇開哂啲冷氣, 眼見頭頂嗰部正正就係無開, 食到有啲熱, 我已經只係食小小辣, 仲有我地五個人, 落完單, 阿姐打返張單出嚟符四碗野, 嚟咗碗野, 又比少咗個餸, 不過其實呢間野都成日漏野, 不論廚房樓面, 有時又落漏個餸, 有時落漏野飲, 落啱單嘅時候, 就到廚房比漏野, 或者直頭比咗另一樣野你都有, 不過都無得要求咁多, 唯有自己睇清楚, 可能分店比較繁忙, 忙中有錯,  野食係好食.…Read More

午餐lunch set都幾抵食, 又夠飽, 有個麵主食, 一個小食, 一個飲品, 仲有碟菜菜心或芥蘭, 都幾抵食,  店員有禮, 主動提供協助, 上野食時間都快, 啲野都夠熱, 我地仲叫多咗一客小籠包, 無令人失望, 多湯汁, 夾上嚟都唔易穿, 有時擺耐咗凍咗會黏住張底紙, 一夾就黏住張紙, 整穿哂, 漏哂啲汁出嚟, 今次無呢個情況, 幾好幾好店員服務幾好, 主動協助, 見到我地望到啲食具有啲啲污糟, 即刻主動話, 不如幫我地換咗佢, 唔錯, 好有心入座快, 出菜都好快, 啲野都好熱辣辣, 呢度係自助落單, 埋單都好順暢, 因為係出去櫃檯度埋嘅, …Read More

個人覺得食物份量都還可以, 味道幾好, 佢個lunch set係有跟埋餐湯同飲品呢度嘅staff都有禮貌, 都好helpful, 今日walk-in都可以, 環境都清靜, 傾到計，唔錯 …Read More

兩個人叫咗一人一個牛板腱餐, 有湯有沙律, 唔要沙律可以揀泡菜再散叫加咗厚切薄切牛舌各一, 今次厚切好食啲, 薄切反而唔係好得, 有啲韌不過用嚟過下燒肉癮都幾好嘅, 一人餐都算係咁啦, 咁嘅價錢有交易仲想點, 想食好啲可以考慮牛小排set~…Read More

店內有有意思嘅裝飾, 可用嚟打卡位,食物就正常發揮, 性價比就中上啦, 如果係homemade唔係外援, 咁都還可以啦呢個價錢, 至於個啡都好飲嘅, 朋友就話淡咗啲,  個味都balance, after taste 有花味…Read More

我第一次見到咖啡店有椰子味嘅咖啡飲，感覺好特別，就即刻問店員係咩嚟嘅，店員話係用椰子水brew啲咖啡出嚟，聽到之後唔使諗就即刻想試，飲完嘅感覺係好清新有椰子水嘅味道，又有啲咖啡味，一啲都唔假又清新又特別，同埋係冇奶，好啱唔鍾意飲齋啡但係又想有少少甜味嘅人，同埋冇用添加糖，超級讚！另外，店員嘅服務態度亦都非常之好，有好有耐心咁解釋同推介一啲食物同咖啡，地方仲好chill添，下次再嚟可以再試吓呢度啲食物，環境都好乾淨…Read More

食物嘅水準都幾好，裝飾佈置都好特別唔馬虎，好多角落生物角式，杯特飲都好足料,唔太甜，裝飾都好豐富，仲有好多麥皮燕麥，唯獨是隻杯可以再花啲心思令佢變得特別啲，店員仲好有心思咁，每台都會送返件限定手作曲奇…Read More