agnes1598's Profile

食物質素平平， 上菜速度過急， 變左餸菜很易變凍. 父親節套餐所謂比$500訂金預約優惠價，有點誤導，因為果晚佢話一定要比訂金才可訂檯， 咁即係果晚食飯嘅人都享有特別優惠價，咁果個仲係唔係叫特別優惠價呢 ？ 而且加一係以套餐原價計算，感覺有點唔老實..如果平均每人需要$300 ， 應該會有更多好D嘅選擇希望佢地可以檢討一下以下幾方面：1. 上菜速度2. 食物質素3. 優惠的真實性 及廣告字眼描述4. 員工的服務態度本身屯市唔多廣東中菜， 佢地其實有一定吸引力的，但如果繼續以上質素，很難會有返頭的客人.…Read More

三個字： 「一肚氣」。首先上到去，話我地比預約時間遲了，連續地強調我地遲到，話本身準備cancel你地booking 架啦，咁我同朋友心諗，其實一句話冇得補檯，我地可以直接走。跟住個職員就勁悔氣咁話:個半鐘交檯，ok ? 我地覺得費事又走去第二度，咁就照入去。入到去， 安排我地坐一張好近隔離已有6個人坐緊既檯，我地問侍應可否坐過隔離一張，size一模一樣既檯，佢話唔得，果張有人book 左。 雖然我地唔明，其實我地都有book 檯，點解人地book 果張檯會冇咁迫，而我地果張檯，係疫情之下要迫到去隔離坐緊6個人既檯，真係十萬個問號。好啦，坐低左，完全冇人比Menu 我地 ， 舉左手勁耐先有人應。 到食物到左，又唔比餐具，又要舉手問先有。食既期間，我朋友仲要不停比侍應撞到背脊，一夠個半鐘，就狂催交檯，又好粗暴咁收野走，粗暴到掃到支叉跌左落我朋友個手袋上面。總結：呢間侍應態度極差既餐廳，再配上呢個價錢= 唔會再幫襯。…Read More

一直想搵一間正宗的墨西哥餐廳，因為很想吃Tacos. 搜尋了一下， 見到這間位於尖沙咀的墨西哥酒吧餐廳， 口碑不錯，決定去試試。晚上8:00 去到餐廳，見到已坐滿了客人，而且有幾位客人在門外等，幸好預先已訂了位置。食物果然沒有令我失望，點了的3款菜也好好味。包括烤雞burritos,豬肉Tacos 同 炸芝士波波，醬料味道配搭剛剛好。另外，餐廳的氣氛也不錯， 只是音樂較大聲，如果主要是想和朋友談談天的話，這裡未必是一個好選擇。下次如果想食墨西哥菜，一定會再黎 。…Read More

入到去，眼見員工同某些疑似「熟客」傾緊計，完全冇人招呼你。隔左一陣，終於有人比Menu你，點完餐後， 等左好耐先黎左個感覺幾hea的 all day breakfast 。 食完後，發覺點左果杯花茶仍然未到， 追單時，唔知點解果位員工好似對果杯花茶名稱好陌生咁，猶豫了一會兒，冇回應便走開。 我心想：「那到底是要多等一會，還是根本你們沒有果款花茶..」等了半個鐘，係呢段時間，只見到員工只係sell緊d唔同既熟客咖啡機，而我就呆呆的等杯茶，最後終於比到我，但一聲「唔好意思」都冇講。 眼前見到的，是一個茶包浸在一個水壺內，就咁擺個茶包落水壺，點解要用差不多半個鐘先拎到出黎？！這裡到底是咖啡機售賣店 或是 私人會所，如果以一個人平均消費要百多元的話，想吃個像樣一點的all day breakfast 及喝一杯精品咖啡， 我想還有其他更好的選擇吧。…Read More