lich's Profile

本身我係一個韓燒迷,自從我女友教埋點樣食韓燒之後,更加愛不惜手(用手食啦,嘈)話說我女友想試下食韓式醉蟹,於是特登抽個星期日黎試算好彩地,我地食到最,後,一,隻,既醉蟹Server同我地講,下一水要等到下星期先有(其實食到都好好...)首先,招呼,好老實,真係麻麻地特別係有一兩位話自己中菜底,唔知要跟乜野...結果要三番四次地去問個生菜+大蒜...囧(仲要有一位兇神惡殺既水吧先生,夾住個電話係度兇外面既侍應生....)ok,講到食物醉蟹!蟹黃還好,蟹肉冇得頂,不過d飯好硬,落少左水定係keep warm太耐?有待改進食左個牛肋條,呢個真係冇計傾,好野好野好好野係貴,但係必點!再叫多個五花南(sorry唔識打),厚切係好事,但係可以冇騷味嗎?最後,叫左個雪花紅豆冰,呢個真係好好野,雪花+煉奶+紅豆+八豆粉=好味!…Read More

首先,我好後悔,點解唔影相......回正題,同我女朋友食左兩次第一次,食左個海鮮辣意粉唔係講笑,真係好好食,海鮮味好突出所謂既"該有既味道都有"就係呢種煙三文魚pizza亦都係一絕雖然三文係最後先加落去但係個餅皮同大細已經值回票價如果同pizxa hxt比既話,八成搵呢個(雖然自取好似方便好多...)最後提提自己,下次會影相為証.......…Read More

是日同老婆一齊去食,諗左好耐,最後都係決定返荃灣食老樣子,要搭台,係唯一缺點ok,算講到食物冬陰功--味道還可,唔記得講小辣,飲唔晒黃咖哩雞--以個人口味而言,荃灣應該冇人過到佢頭,濃,香,唔辣,配蒜蓉包,極品牛肉沙律(熱)--熱食個陣,同食牛扒冇分別,有肉汁,香,濃蝦醬炒飯--有咸香而不太咸,配臘腸,肉鬆,冇野講,名作整體而言裝修麻麻,食物唔係一流,係極品雖然埋單有一貫泰菜作風--貴!($320/兩位)但係好食就............一個月肉赤一次,都抵既…Read More

前言:因為今日被某位朋友叫過去飲野但係無諗過,原來呢邊都有酒吧仲要夠寧靜 (太嘈既酒吧,傾計仲慘過嘈交....)叫左乜野:1:肉醬意粉---本身係唔錯,不過如果可以酸d,多d肉碎,口感同味道會再更進一步2:薯蓉焗田螺---大驚喜! 薯蓉夠香,田螺夠味,一絕3:醃酸辣鳳爪--好辣,但係送酒一流4:like my memory(cocktail)--佢話係cocktail,但係我覺得似desert多d,而且真係勁好食(飲下話?)總結而言,除左地利係差左少少(唔睇地圖真係難搵)之外其他野,無得輸為左佢而去睇地圖去搵呢間小店,係值既…Read More

話說今日,因為想去CITYSUPER買野,點知唔係尖沙咀就係沙田咁住荃灣,無計,最近沙田一到新城市,真係無啖好食........貴到嘔又多人排隊結果決定買完野先返去跟住望到火車站上面有個乜野美食坊但係一望上去,又封晒板又好多人行,想點我同女朋友決定走上去八下原來入到入面仲要上多一層,OK,照去一上到去見到呢間野本來想去對面間PIZZA,但係見佢又無位又要等......心諗.....唔理啦,有地方落腳就算啦一入到去,招呼唔錯,有人帶位入去,俾茶俾菜牌對於我黎講就合格晒OK,叫野食涼拌茄子 : 呢個OK,不過茄子食得出係炸完好耐,但係都唔錯,刺激食欲皮蛋魚片湯米線 :講真,平時食魚片都無乜味,呢個起碼有番D魚味,值得推介炒豆苗 : 呢個OK,無落味精,好似樣紅燒肉 : 好過癮,底下有個爐興住既,而且味遁唔錯,送飯一絕招牌炒飯 :第一眼望落去.........福建炒飯咁既?! 不過話分兩頭,又真係幾好食加茶收碟上菜都好快好勤力,仲會問下你D野齊未,去邊度搵?不過唯一要彈既就係火車站一望上去---裝修中又無箭咀又無指示牌唔係跟住人地行入去美食坊,真係唔知有個咁既地方更加唔知呢度有間唔錯既餐廳…Read More

尋日黎呢度食野原本想試下個明太子點知個明太子,原來好難食.....於是叫左個馬頭球點知乜椒鹽味都無..................米線方面豬扒米線---唯一最好食既野魚餅米線---麻麻地魚湯係完全唔夠味,攪咩黎呀大佬?點解賣魚既地方,最唔好食係魚既?…Read More

呢間野難搵到呢.............佢係條橫行個度既不過渣車去都仲有個停車場但係衰在晚飯幾多人下....咖哩炒蟹---真係好香,不過隻蟹唔夠新鮮,但係個汁真係好正生蝦---有名你叫.生蝦,不過加埋個汁,絕妙蝦醬炒飯---聽落好咸,食落又另一回事,咸香加個甜加個脆,等於好食唯一問題就係,坐位比較少一多人就要露天食(食煙既人既天堂)…Read More

18:30----入到去,叫野食18:45----等野食19:00----開戰!!!!!首先:(圖一)吉列朱扒米線+魚春------好老實個句,魚湯比之前淡左,不過幾好食我老婆叫左什菌米線+魚咀----什菌唔多講,但係個魚咀真係好新鮮大戰之下,我碗野如圖二所見.................…Read More

原本打算食壽司,但係老婆咳到hihi結果都係去食小龍包鱔糊客飯--真係好好食,係個一隻味道.濃油赤醬,9分小龍包--唔會口乾又隻隻啖啖湯,10分陽春麵--呢個麻麻地,鹼水味好重,如果有醋就應該會好d,7分都無乜野好彈不過就唯獨間野難搵…Read More

今日原本打算出去清真食野既但係因為某D因素,而家決定左去客家食飯但係,無諗過,難得食得咁有水準既野食柱候牛筋腩--真係好林,又夠入味,應該係煮完擺過夜之作,所以先咁入味,8分瑤柱竹笙灌湯餃--幾好食,不過因為浸餃子浸得太耐既關係,好多野都散晒,扣少少分,7分時菜牛肉球---時你個死人頭咩......牛肉就牛肉啦,不過唔錯,7分蟹子燒賣皇---首先,呢個真係蟹子,而且豬肉都ok,不過d蝦就嫌唔夠鮮,7分迷你雲吞雞--啖啖肉既雲吞,仲有乜野好炸型?9分蟹粉小龍包--嘩~~~~~~~~~~~~咁大個仔,第一次會連食兩籠既野 不過問題係,佢蟹粉同肉既比例差唔多係1:1 鍾意食蟹既人都覺得佢太重蟹味 我本人就覺得好似俾隻蟹打左一鎚 10分,抵俾埋單都係114,無茶介加一仲有咩好要求?(不過唯一唔好既就係,即叫即蒸,次次都要等成15分鍾先有得食,呢點各位要留意)…Read More

日日食既一間野,點解唔講呢?咖哩豬扒飯---好食就真係幾好食,不過豬扒有陣時炸老左炒肉菜---真係唔錯,但係幾咸下.......麵豉湯---最唔起眼既野反而係最好飲,豆腐+羅白=唔錯麵豉醬茄子---唔落芝麻既話,100分滿分唯一要彈既就係招呼不足不過都日日去食,仲有咩野好彈?…Read More

上一次,話說想同我老婆去時薪快餐店一遊買左個包包之後跟住個陣已經係6點幾之後同老婆決定過去睇下點知6點5到已經好多人係度排緊隊諗左一陣之後決定飽肚都要去試下於是叫左個鰻魚飯+山薯蓉+關東煮鰻魚飯---幾好食,雖然係來貨野,但係處理得唔錯山薯蓉---第一次食,結果係要人地個亞姐教點樣食(加豉油再撈埋一齊)不過口感真係好得意,而且幾好食(似納豆),不過送飯就有點兒怪怪地關東煮---好好好好好好好食羅白+湯=無敵組合蛋---好似茶葉蛋既味,但係仲好食得多苣藥(sorry我唔記得左點寫)---唔係好吸味,不過口感幾得意懷山卷---好食,外面係魚卷入面係懷山好老實,佢唔係個位置幾偏既話我一定日日去不過要彈就有幾樣野1:冷氣壞左,唔夠凍2:侍應亞姐有陣時好串,要改進3:間舖太細啦..........…Read More

今日難得跟街車又撞到正一正未食飯仲要好衰唔衰就係係九龍城唔去試,又點得呢?買左4個牛肉餅由於之前有經驗既關係首先就咬開一個細細既口再慢慢好似小龍包咁食嘩~~~~~~~~~~~~~~~~D湯汁真係多到同小龍包有得比不過麻油味真係幾重(司機就慘啦,一啖咬落去,湯汁噴晒出黎+成件衫都係汁,不過佢都係話好食)有得再去既話都會去,但係,一個起兩個止…Read More

話說今日有一張單係要去紅磡呢邊跟住係睇地圖個陣咁岩隔離條街就係時新所以索性叫拍擋車我過去一人一個漢堡包好老實個句話好食,真係唔算叫好好食但係即叫即煎,已經贏人幾條街加上食落去真係有肉汁8蚊雞一個包仲想點?有得再去食一次既話都會再去但係衰在,個個位真係睇左地圖都唔係好識去...…Read More

真係幾難搵又裝修得幾靚既一間gelato店.........難得佢入面有賣曲奇跟住好奇咁試左兩隻gelatovalhora chocolate(好似串錯)--呢d先叫做朱古力.....俾朱古力打左一鎚strabelly with basil--個色好得意,好似朱古力食落有d似加左辣椒既strabellybtw,又係一間值得去多一次既食店…Read More