貪食's Profile

我在一星期光顧了位於烏溪沙站的百份百餐廳兩次，但是兩次的經驗告訴我知我以後都不會再光顧，第一次我係星期一下午三點九左右去叫，咁我睇完一輪menu就叫了個日式海鮮炒烏冬及杯熱檸茶淡茶，點知坐了十分鐘都未見杯熱檸茶到，前面及隔離張枱遲過我落order都已經有得飲，所以我就叫 員工去追，咁都係過了一陣先有，點知飲緊途中又問係唔係有杯熱檸茶，我話到了，咁到個炒烏冬到，講真這碟o野真係好細碟，你唔係收我二十元一個餐，係二十八元一個餐，咁我都算，那度得你一間，咪當試下係唔係真係好食到咁少，食了落去又唔覺得特別好食，係新港城的泰國菜館的下午茶餐都係同佢地差唔多價錢，但係人地大碟過你地一倍，平日都唔駛加一呀!搞到我要埋個菠蘿油的餐，這次係個趕住收工的阿姐落，落之前都已經問佢係唔係9.9一個餐，佢話係，我都話要返熱檸茶淡茶，點知來了一杯好濃的茶，咁我都會試下係唔係澀到飲唔到先退，點知真係澀到飲唔到，我就話俾那個好似係叫周悅衡的經理知，佢竟然問我咁你想點，我咪話當然要換過杯淡d呀!食完就去埋單，這個經理竟然話要收我$43.5，我話有冇搞錯，我叫個菠蘿油餐時問過係唔係夠四點，我先叫，佢話唔緊要，睇返張單，咁張單上冇時間，佢先check 電腦先發覺真係16:01叫，所以先退返錢俾我，佢地個system都幾亂，我諗住算啦，可能剛剛開張有少少混亂，俾多次機會佢，會知係星期三上午諗住去食早餐，今次又係個周經理做錯事，佢幫我落單，我話要份白汁吞拿魚三文治烘底加個六元的火腿通粉(仲要指住個通粉那度講）跟住要埋杯熱檸茶淡茶，咁佢去落單，跟住print 返張單俾我，我一睇就知佢落錯晒，佢只係幫我落了白汁吞拿魚三文治、凍檸茶(淡d、淡d），跟住我就叫人話我係要熱檸茶同埋有個通粉同埋烘底，個女職員話幫我跟返同加返，點知print多次張單出來又只係加了個通粉，個檸茶都係凍，我咪叫住佢話係要熱，佢話整緊係熱，我又唔理佢住，到個吞拿魚三文治到竟然冇烘底，我就轉頭見到個經理問佢有冇帶腦返工，竟然幫我落的單冇樣o野o岩，其他的職員不停話唔好意思幫改整返，點知杯檸茶內面的檸檬竟然大片過杯的下半，搞到我一拮檸檬d 茶就出了來， 到個通粉，好難食，我真係冇點見過茶餐廳的通粉用有紋的大通粉這隻粉好難食，鹹到食唔落，叫佢拿碗熱水俾我沖淡佢，佢竟然拿了個大湯碗的熱水，我問佢我碗通粉係細的，你做什麼拿隻大碗來，仲要d 熱水盛到九分滿，佢話費事我又令到d 水彈出來，其實佢有冇腦諗到這麼大碗水咪仲容易彈出來呀?我都食唔晒碗粉，到埋單佢個收銀顯示器竟然話仲要俾27元，我都話我係飲熱檸茶，佢真係好似冇改單咁，個職員竟然答我你咪俾25元咪得，所以我叫佢俾返張單我，佢那時先改張單呀!你話你地這間不知所謂的餐廳點做生意呀?我一定以後唔去那度再幫襯呀!我亦會話俾其他我識得的人知呀!…Read More

好耐之前來過，我都係之前係open rice 睇過食評所以先來這度食lunch，今日得我一個人食lunch，咁我就叫了個set lunch 好似係什麼白汁雞意粉，咁佢lunch 得餐茶或湯，咁我choose 杯餐茶，叫了杯熱檸茶淡茶，點知這杯o野一d 都唔淡茶，好濃，係濃到苦，咁我冇同佢換，因為知道換都冇用，d 檸檬又澀，個意粉就唔係熱出來，只係暖，我份人最憎飯、粉係應該熱食，就變了暖，都已經減了一半分，點知佢所謂的白汁完全唔掂，我食開的白汁好香，但係這度沒完冇味，碟o野又細碟，我食完都好似唔係咁飽，最衰個電話剛剛拿去整完，所以冇了d 相。這度食晏仲要收加一服務費，我覺得好食貴都覺得抵，最慘這度係唔好食又唔抵食，加埋一要成$40，但係唔係食到想食的o野呀!雖然個個人口味唔同，但係我又唔覺得這度食物好似其他食評講得咁好呀!…Read More

應該係上個月，剛剛睇完飲食男女介紹這間店的cake話好食，仲要係個model話佢試晒咁多間，都話這間最好食，咁啱第二日一早出了旺角，所以就去買了三個返屋企食，一個朱古力爆炸糖、一個忌廉曲奇同埋一個蛋白檸檬，食了個朱古力爆炸糖，已經覺得甜了d，個朱古力蛋糕好硬身，又唔滑，可能我都係like 食d 又滑又軟的蛋糕，而個忌廉曲奇個底都係朱古力蛋糕，只係個面唔同，這個仲甜，個蛋白檸檬係三個之中最甜的一個，甜到食了兩啖就食唔到，好彩唔係貴，二十四蚊三個，不過我唔覺得值咁多人幫襯呀!總之一句唔好食送都係唔抵呀!不過佢個包裝都好貴，因為佢用了好厚的咭紙同埋好多的咭紙做個盒呀!好唔環保呀!但係現在d人真係好多like這些包裝，要靚的包裝就會對這個地球做多了傷害呀!其實我見係堂食或者外賣都係會紙碟或者紙盒呀!所以都希望佢地對社會做多d 環保的事情，唔好製造咁多廢物呀!…Read More

我地上個月去食飯，去到門口老公就睇到話九點入座就有例湯送，咁我地睇一睇錶差五分鐘，所以就問個職員現在入去有無，假如無就唔入住，咁個職員見到都係差少少又無人等住，所以就俾我地入去俾埋例湯我地，那晚的例湯係青紅蘿蔔湯，我地飲了一啖就知道係用所謂的「高湯」唔係用味精，不過亦都唔係佢地標榜的好似係屋企飲的老火湯，屋企煲湯點會用「高湯」煲呀？我地叫了三個餸、一個土魷馬蹄啄肉餅、三杯酒雞煲同埋個好似什麼鮮腐竹浸莧菜。這個菜我地就覺得可以接受佢話係少油，都幾清，但係個肉餅一上枱就知佢講大話，自己寫啄肉餅，根本係用機攪碎的免治肉，完全冇口感可言，我真係好想叫佢老闆出來問下佢點解這個係叫啄肉餅，自打嘴巴，唔係用人手啄就唔好咁大個字話俾人知係啄肉餅，好乞人憎，又油，好難食。個雞煲油到死，一睇就知佢用好多油起鑊，又唔會用第二個煲上枱，所以好油、又咸。或者好似老公話可能係希望諗住真係可以食到係屋企住的菜咁，所以對這間住家菜好失望，一定唔會有第二次。最後送個麥米粥，都唔係好甜，甜度可以接受，但係就應該加了生粉令佢咁杰呀!…Read More

這間萬豚屋，假如要我等位我就一定唔會去食，佢那些所謂手打烏冬，一d 唔好食，倒不如去海港集團食日式海鮮手打烏冬煲，好食過n倍，這度特別之處只係用個石鍋來熱住d 烏冬，但係d烏冬真係唔覺得係手打，都唔彈口，冇口感，最慘係食lunch冇其他choice 選擇，你想俾錢食其他都冇，只係得那幾款烏冬或者飯，我地兩個就叫了一個石鍋吉列豬扒烏冬同埋什麼饅魚拼雞扒大碗飯，但係我地食完這兩碗o野都好似冇食過什麼，碗飯好少呀!件吉列豬扒炸到好差，炸到乾到死，又"鞋"，得個"林"字，唔該唔好只係識得用"鬆肉粉去醃肉，識煮餸的人都唔駛用鬆肉粉去醃肉先好食，唔識就睇下d烹飪節目教你點醃肉，完全唔好食，d 吉列做法等如去了茶餐廳食，都唔係日式的做法。個饅魚拼雞扒大碗飯，都冇什麼特別，只係覺得細碗，食完真係可以去第二間再食，只係有o野要做呀!唔係真係去第二度食第二餐。有樣o野好得意，這間舖book了枱就真係唔做其他人生意，明明係十二點半有五個入來話幫襯，佢話book 晒位，但係book位時間係1:00pm呀!人地都話食完就走，佢話唔可以，我都未見過舖過咁stupid有生意都唔做，叫人下次打電話來book 位先，咁其實這間舖係唔憂做，一個下午我諗佢都只做一round生意呀!我地坐底都問我地可唔可以一點交返張枱俾佢，但係我地那時係12:10pm呀!我地答佢d o野食來得快時，我地咪食完就走，我老公問佢假如我地1:00真係唔走咁又點，佢又話冇o野!但係我想講佢個廚師出o野的時間真係幾耐，我地都等了幾個字先有得食，但係那時係等三枱人，仲要等我地order o野，其他都食緊!佢個廚師係一種好得意的人，多人時反而出得快，少人時就要你等呀!總之這間店要我排隊我一定覺得唔值，其實都唔會再有下一次呀!我都唔明點解好多人唔信自己把口，覺得人地話好食就要話好食，多人排隊的店舖亦都一定好食。我覺得有時d傳媒幫某些店舖吹噓得太勁，所以令到唔好食都大把人幫襯呀!…Read More

我舊年去過這度，這度的拿位方法真係好麻煩，講真返工食晏時間個個都係得1小時，咁諗住叫定o野食等老公來食，食完就走，佢話唔得，最慘那時係十二點三，都唔係full，都唔知我一個同佢經理嘈，另一個女士都係咁話佢，咁個個食晏時間都短，有人叫定o野食來咪可以快d 食完快d 走，佢地話唔得一定要跟返台灣做法，其實所有餐廳來到hk都要跟hk那套做呀!我又唔係話食dinner擺定個位有排坐呀!食晏個個都係食完就走，我地叫了蟹粉小籠包、什麼類似蝦肉燒賣、豆沙包、普通小籠包同埋好似係一個湯麵，佢所有O野的份量都好少，所以好似食極都唔夠，咁我地最欣賞都係個蟹粉小籠包同埋個豆沙包，真係幾好食，所以最終都叫多次蟹粉小籠包。個湯麵已經冇印象食過什麼，只係記得好細碗，兩啖就食完呀!而個蟹粉小籠包好食係因為真係食到好香的蟹味，D汁都係有蟹膏味呀!而個豆沙包就係D包的皮好滑，咁個豆沙又唔會好甜呀!個蝦肉燒賣就冇什麼特別呀!個普通小籠包就只係皮薄呀!不過食個晏都幾貴呀!…Read More

今朝我地去了這間酒樓飲茶，這度有個好處就係有得book枱，咁我地遲了到都冇問題，我地叫了炸饅頭、山竹牛肉、炸芝士蝦卷、魚湯津白雲吞、炸bb鴿、金銀菜燒骨粥、蝦餃、欖仁馬拉糕同埋個蟹粉小籠包。山竹牛肉我就冇食，就唔知道如何，但係食那個人都冇話唔好食，應該ok。炸饅頭就食到d油唔係咁新鮮但係又唔係去到"嗌"，只係個底脆，我係另一間食過好食d，係切到一片片炸的。個炸芝士蝦卷食到流出來的芝士，都幾有芝士味。蝦就唔係咁食到。個魚湯津白雲吞，來了一陣未食個部長本來想幫我地加水，點知佢件衫浸了落去，所以要換過 ，d 津白老d，d雲吞好細粒。個炸bb鴿真係好bb，不過都幾入味幾脆。個金銀菜燒骨粥，完全食唔到有d 燒骨粥味，只係食到d 菜乾味，咁都冇沙又唔咸。個蝦餃我就最like，因為個size好大粒，我係澳洲食過咁大粒，係hk 好難食到咁大粒呀!係利苑都冇咁大粒，個皮都幾薄。但係個欖仁馬拉糕就完全唔掂，又"鞋"呀!又唔香呀!真係好難食到細細個那時咁好食的馬拉糕呀!個蟹粉小籠包都幾大粒，食到好香的蟹粉味呀!都幾好食。d 侍應都冇記性，我地叫佢拿沙律醬俾我地，完全冇印象，要搵過第二個先有呀!咁佢d 茶都幾好飲呀!…Read More

成日睇雜誌都話這間店的薯條好好食，好多人排隊，咁今日一早出了去旺角，諗住試下，點知十二點佢都話d 油未得，叫我地行多十五分鐘先返來，咁我地都去行了，點知返來真係見到好多人係度等緊，心諗即叫即炸應該好食，咁我都等了十五分鐘先有得食，我地好似叫了個煙肉芝士加肉醬再加多支紅葡萄的飲品，一心抱著好大的期望去食，點知d 薯條唔脆，雖然就唔油，但係食薯條都係想食脆，咁佢都幾大條，但係唔知點解d 肉醬好辣，佢又冇標明，我唔食得辣，但係佢d 芝士又幾香，那支紅葡萄的飲品，真係飲唔出係紅葡萄的味道呀﹗這間o野我只會試一次，係唔抵食，好食的話，幾貴就都抵，唔好食就幾平都係waste 我的money呀!同埋佢其實要改善一下佢d 音樂聲，佢開到個喇叭好大聲，我地係收銀落order時又聽唔到個女仔講o野，佢又聽唔到我地講o野，要好大聲，佢d 員工長期係度做o野，聽覺一定受到好大的影響呀!我來買o野食，點解要我好似鬧交咁大聲呢？…Read More

這間舖頭由現在開始我唔會再幫襯佢，d 態度極之寸，俾錢佢時我都唔係throw係張枱度，佢竟然找錢俾我時係throw係張枱度，d麵包又越來越唔好食，食完好快肚餓，你話佢平係平，但係諗真一層，好似方包咁，真係食了陣風落個肚度，連佢隔離的新創發同佢拿麵包我去這間一定唔會食關於麵包的O野呀!d 麵包又開始唔滑，我仲試過佢d cake，都差了好多呀!…Read More

上星期日，我地兩個訓到成點鐘，就諗下去邊度食o野，本來諗住去食茶餐廳，點知經過這間見到d set lunch 價錢都ok，咁咪諗住俾次機會佢，咁就入了去試，本來位女侍應叫我地坐去sofa 那邊，點知坐底了先話原來有一個先生等緊，所以就要等過第二張準備走的枱，我地都覺得佢地都幾奇怪，點解星期日可以俾一個人坐晒一張坐到五至六個人的枱呀，所以搞到d 人等枱，咁我地已經好肚餓，所以立刻叫了兩個set ，一個係雞扒同埋一個係龍脷柳的set ，一個就配飯，一個就配意粉，等了幾耐，竟然係個湯同個main course一齊到，咁個湯就係甘荀忌廉湯，都幾好飲，唔會好咸，又好重甘荀味亦都唔會好重忌廉，個湯都幾大碗，咁個main course我地就覺得細了d ，隻碟就好大，但係d 意粉同埋d 飯就好少，龍脷柳d 汁都幾好，最衰就係有d 紅綠的椒，我唔係咁鍾意這d 味，但係d 龍脷柳幾滑，而個雞扒都好滑，因為佢切到好薄來煎所以可以好滑呀!我地已經叫定兩碗凍檸茶，點知都係我地食完都未到，咁吹下佢地，佢就話好快，之後來了一碗，佢話另一碗要等下，都幾大碗，不過就要飲完這杯再三吹四請都來埋另一杯，但係好得意，兩杯d 茶味都唔同，第一杯好飲好多。這間的食物都自係馬鞍山中好食d 起碼好食過椰林閣、溫莎同埋維苑呀!這度食lunch 唔係加一、凍飲都唔駛加錢呀!幾好呀!d 服務態度一定好過茶餐廳呀!…Read More

這間o野我都自己一個試過，不過真係好耐之前，所以唔係咁記得詳細內容，那日下午得返我一個食晏，咁市中心好多間都試過，咁咪諗住行去遠d 試下，其實那時都已經有下午茶餐，咁我又肚餓，所以咪叫了個午餐，滑蛋雞扒飯，仲有杯台式飲品，咁來了本台式飲品，唔凍，好甜呀!跟住來了滑雞雞扒飯，點知件雞扒冇味，咁我咪問佢有冇鰻魚汁，諗住用來點同埋伴飯，點知佢話冇，得豉油，冇理由一間日本料理冇鰻魚汁，佢擺明係唔想俾，咁算，諗住試下用豉油睇下好唔好d ，點知都係唔好食，佢d 飯俾我感覺唔係日本米呀!都唔好食，但係唔知點解可以做到咁耐，其實有時都開始懷疑住馬鞍山的人係唔係為求填飽個肚同埋總之要價錢平就得，這間o野自問就一定唔會有下次呀!但係間唔中都見到佢幾多人幫襯呀!唉、唉﹗難道真係唔會有一間用個心做的日本料理係馬鞍山呢？…Read More

之前去過這度一次，都唔會有下次，我地叫了一碗扎肉雞絲河同埋一碗香茅豬扒凍檬，咁碗扎肉雞絲河來了先，咁我地次次食都會試一試個湯底先，點知一試就好咸，咁試下食啖河粉，點知一樣咁咸，所以要問佢拿多碗熱水，過水食，碗湯又咸又重味精，食完一啖要不停飲o野，d 雞絲又唔滑，扎肉有d 辣。到個香茅豬扒凍檬來，塊豬扒"鞋"到食唔到，d 魚露又係得個辣字，都唔係酸酸地開胃呀!不過這間好得意，一間泰越餐廳，竟然會有公仔麵食，現在唔知有冇呀!這間真係算一間最難食的餐廳係馬鞍山。我地一定唔會再去呀!…Read More

其實這間o野好多年前開始食，不過係那頭返工，就會食得多d，唔係那頭返工就要等放假先去食，其實我同我老公都係最愛佢的方包，雖然係食完好似食了陣風落個肚度，但係佢真係好滑呀!這幾年由四元件奶醬多加到現在六元，次次去都最少買兩件走。返工時就係會那度食早餐，佢d 早餐真係上得好快，其實係佢度食個早餐，真係應該唔超過十五分鐘，因為一坐底就有人過來問你食什麼，一話早餐就問炒蛋定係煎蛋，我地兩隻都食過，d 炒蛋係幾滑，不過就油了d ，始終佢係不停炒，又要快，所以冇辦法，所以我老公都係like 佢d 多士多d。d 通粉係咸了少少，而個煎蛋我一定要大陽蛋，用來整落個通粉度，好好食。但係間唔中會見到d 湯有少少肉絲，即是證明唔係好似其他咁只係用味精開湯!佢木lemon tea 幾好飲，因為d 茶唔會咁濃，咁先飲到lemon 味，現在出面間門茶餐廳都係好濃，完全飲唔到lemon tea的味道。最衰這度d 餐冇得外賣，佢話外賣要當散叫呀!咁咪唔抵!…Read More

之前睇飲食男女介紹這間好食，所以昨晚去完街有少少肚餓，但係又唔可以食得晒一碗，所以叫老公駕車去買一碗外賣，咁去到問係唔係有什麼爆醬豬肉丸，個店員話係即是花膠豬肉丸，但係我覺得係出面食的花膠唔係咁好食，所以最終買了一碗墨魚丸拼魚皮餃河粉外賣，咁落單時已經同佢講了分開碗，唔係的話，返到屋企會冇晒湯，我仲話走走，點知上了車，行了一段時間，我就聞到好似好大陣的冬菜同芫茜的味，但係我記得我明明講了話唔要，咁就唔理住，點知返到屋企，一開就見到真係有這兩樣o野，d 員工真係唔睇o野呀!慣了手勢，咁我地都係抱住一個試下的心態去試下，點知d 魚皮餃都唔係好似雜誌講咁話好彈牙話係用魚肉做，真係唔覺，只係覺得冇什麼口感，食落去好似好散咁，咁翠華那些好食過佢，同埋我試過係超市買那些都好些過佢，至於個墨魚丸都幾彈牙同埋幾有墨魚味，但係碗河粉就好細碗呀，真係大酒樓那些碗仔少少呀!其實d 丸同餃都係total 五粒，d 粉都唔係好貴。俾我感覺佢仲貴過翠華，我成日都覺得收得貴唔緊要，只要好食就得，d 河粉好硬，一o舊o舊，唔好以為係同湯分了開所以致成，我都用湯浸了一陣先，都係咁呀!唔滑呀!…Read More

其實金滿庭這間都由佢係奧海城有時開始食，那時真係好巴閉，要一個月前book 位，仲要係得5:45要去拿位，不過覺得這間的上海食物係幾好食，到馬鞍山開了，就可以去這間食呀!我地多數都係度食lunch，因為唔駛點等位。其實次次大致都係叫那幾樣食物：一口小籠包：皮薄都幾多汁。不嬲都覺得這間係好薄，點知我試到之前的魯一居的仲薄，但係這度都唔差，已經好過好多上海舖。担担麵：這個我屋企人就覺得太重花生醬味，但係唔知點解我又好like呀!醉雞：我老公的至愛，不過真係幾貴，好似係六十五元好精緻呀!佢話好有酒味呀!d 雞又滑呀!和尚戴帽：其實這道菜係一個素菜，一d 肉都冇，不過佢就會俾你選擇配叉子燒餅同另一樣o野，我地次次都係配叉子燒餅，加埋類似海鮮醬，幾好食。鍋貼：我地就覺得皮唔夠薄同埋唔夠肉汁。之前的魯一居好食d招牌炒飯：有時炒得好靚，有時就炒得好油，千祈唔好係d 師傅差不多落場時間來食這碟飯，因為試過幾次都會好油。假如早d 就有心機炒。鐵板什麼羊肉：都幾好味，d 羊肉唔係好"so"呀!又唔硬。高力豆沙：食過幾次都幾好味，d 蛋白發得幾好，同埋有少少香蕉係內面好香香蕉味。豆沙鍋餅：好脆，我最喜愛食四隻角，因為係最脆。蕃薯鍋餅：這個唔係成日有得食，但係d 蕃薯好香又唔會好甜呀!好食。松子黃魚：都幾好味，又脆又酸酸甜甜，好開胃。杞子蘆薈桂花糕：這個就麻麻，因為本身唔係咁鍾意食杞子，但係又食唔到好香的桂花味。雲吞鍋雞：多數都係叫1/4鍋，因為唔駛食咁多，食多d 其他，雖然個湯有少少油，但係d 雞煲完都可以算滑食得到都算係咁。上海粗炒：比較油，食了兩次都係，可能始終炒麵。素鵝：幾好食，這個就好食過魯一居的。d 茶我地都好似試過晒，我就覺得人參烏龍係比較好飲。d 服務都係一時時，近排好似請了個新移民，成日都唔明我地講什麼。其實這間都算係馬鞍山比較好食同埋比較穩定的食店。…Read More