toby_iu's Profile

本身係去食越南牛肉河粉，點知過左Last order，所以揀左呢間餐廳試一試。個menu 好多嘢揀，睇都有排睇😜未落單就上咗一個小食脆脆，有2款醬，正。兩個人食，叫左咖哩雞，naan 薄餅，餃子，沙律，湯，薯塊，甜品🤣最後多到食唔晒，因為估唔到佢咁大份。咖哩雞唔好睇佢個桶好似好細，其實入面滿晒，個味唔係好辣，因為有番茄一齊煮，幾濃味，加埋個薄餅，唔錯。食食吓啲辣就會出嚟😳食客可以望到廚師飛薄餅，即叫即整咁，好新鮮熱辣。左邊👈🏻綠色嘅係湯，幾咸😂幾特別，少少酸，幾開胃，可以一試嘅右邊👉🏻沙律，係最淡嘅一碟菜式，清清哋，個沙律醬都唔係好濃味。所以食食吓咖哩可以清下個口😂薯塊我哋以為係好炸，好脆，原來唔係😅不過係好食嘅！完全唔洗加茄汁食。少少辣。另外叫左餃子，不過無特別，好似平時食開果種，不過多咗一個醬可以點。總結，有機會下次會再食👍🏻，想試埋lunch 自助餐。…Read More

夜晚9點先去食，其實差唔多Last order，店員叫我地即刻叫嘢食，10點前要食完，所以無咩時間揀食咩。$768 三人吉列拼盤有4款食物，如果第一次黎都可以叫呢個試下，有豬扒，豬柳，炸蠔，炸蝦。4款都唔錯，我中意豬扒，炸蠔，配他他醬都好夾。朋友就中意豬柳多啲。啲椰菜絲可以任fill ，配搭沙律汁幾清爽。$98 前菜拼盤可以叫三款，選左菠菜，秋葵，薯仔沙律，三樣都幾好，開胃，係個薯仔沙律普通左少少。Total 大約$950 三個人，係幾好食，不過貴左少少。…Read More

一個人平日lunch time 去食，午餐餐牌有七八個選擇，仲有常餐可以揀。叫咗一個午餐嘅鹹蛋肉餅飯，有例湯又凍飲，一碟好足料嘅肉餅，都係$60，覺得好抵食。🤩肉餅夠滑唔鞋口，又唔會太肥膩，夠肉味，鹹蛋撈飯好好食，我一個女仔就食唔晒，巳經好飽，男仔應該啱啱好。🤤叫咗個凍奶茶少甜，不過都係甜咗少少，唔緊要啦。見到旁邊有個男仔叫左個炒飯，食到一粒飯都無淨🤡應該都唔錯，下次可以試吓。店員好細心，好nice ，主動幫手跟下啲餐飲，又同客傾下計。見佢舖頭細細，原來有樓上，晚市有烤魚有乳鴿食，下次再試。💛…Read More

一直以來都幫襯呢間，好少去其他分店，因為覺得呢間最好食！先用電子點餐，然後坐低等食，如果要硬麵，腍麵，走蔥或者餃子走汁等等，記得出聲！靚仔會幫你搞掂🤠簡單最好食，加多一碟餃子🥟配冰凍煎茶，一流。第一次食的朋友可以叫套餐試下，唔洗煩，咩都試到。我自己最中意加辣芽菜，加蒜😳 如果有筍就仲好🤤大家去到可以試下自己配搭出個人口味👍🏻旁邊仲有紅薑，七味粉，胡椒粉等等湯底唔會太咸，叉燒又大舊，食晒一碗好滿足！🥰 男仔都應該夠飽。…Read More

人生第一次入馬會會所，難得今日有機會入去，當然咩都想試下。🥢門口有counter 會幫你整幾張卡，for你買嘢食，然後會帶你入座，如果可以book 窗邊就最好！平日Lunch time 都坐滿8成枱，記得book枱。🍽食物分幾個區域，有沙律海鮮，日式，東南亞，西式，甜品等等，旁邊有啲類似ipad機，電子點餐叫野食，然後拍卡就搞掂，會有人送去你枱面，注意唔好一次過叫好多野食，因為上菜速度都幾快，叫太多野食會無位擺🤤好似咁樣🔽四個人食，分別叫咗 : 枝豆，泰式串燒，壽司拼盆(七件)，生蠔六隻，潮洲蠔餅，白飯，炒菠菜，鴨肉包，滷水豆腐，大蝦Pizza 😻全部食物都好有水準，雖然係food Court模式，但係絕對唔係Hea貨，啱晒一班朋友傾偈食飯飲嘢，或者一家人一齊去食，無論大人定小朋友都一定有嘢啱食。🤌🏻可惜今日冇叫酒飲，飲酒配枝豆應該幾夾，再配🦪生蠔！當日生蠔都有四五款選擇，全部來自法國，可以去海鮮bar 揀。壽司都好新鮮，有拖羅，三文魚子，用赤醋飯。🍣鴨肉包🦆都幾好食，用刈包做，有興趣嘅朋友可以試埋烤鴨，應該仲好食。最驚喜係🍕意大利青瓜薄餅配鮮蝦及鳳尾魚，係時令菜式，餅底都做得幾好食🍤服務員態度非常好，又幫手換碟，good!…Read More

第二次去食晚餐，因為對上次的omakase 念念不忘今次就叫左一個$380 omakase ，一個$188壽司拼盤，無上次食得咁豪😂不過佢的食材好新鮮，食平啲更加覺得好扺食，所以講下$188壽司拼盤有咩食，有拖羅，油甘魚，三文魚，帶子，三文魚子，吞拿魚蓉，火炙金線鯛，甜蝦，池魚佢的壽司都係固定的，所以會係一啲普遍會見到的魚類比較多，但係新鮮既，又大舊。🤤如果想試一啲時令的魚類，咁叫omakase 就岩晒，例如有魴鮄，銀雪，鯖魚。銀雪魚壽司好好食，油香好正！牡丹蝦都好大條😍每次去都食到唔同既壽司，好多謝師傅咁比心機整壽司😍…Read More

第二次黎Murray Hotel staycation😊今次係慶祝生日。呢個package 係包埋 3 course dinner，我地就係The Thai Pan食，不過就坐左garden lounge 的位置，即係對面😂 因為實在好多人staycation ，可能唔夠位坐。我地坐低就好快送上面包，面包都仲少少熱既，鬆軟嘅😀食到一半先記得影相，有法包，有香草包，芝士脆脆，圓pretzel ，應該係餐廳自己整，好食！前菜:🥜 柑橘油甘魚(8/10分) 個魚係厚切😍柑橘汁同油甘魚幾夾，幾開胃，仲有埋啲沙律菜，不過當然唔可以當日式刺身咁諗，呢個係西餐😂🥜 蘑菇湯(7/10分) 西式做法，攪爛晒啲蘑菇，所以都幾濃菇味，不過就淡左啲，自己加左啲鹽😅主菜: (上主菜有啲慢，可能太多人)🥢 Ribeye Carving (9/10分) 呢個要另加$68，不過都扺食，值得試，用焗爐焗到好腍，有少少似牛腩的感覺，又香。個番薯都好好食！外面甜甜地。🥢 Wagyu Flank Steak (7.5/10分)呢個就正常牛排feel，配搭薯蓉，桃，菇。呢個牛都好食，係個表面唔夠脆，油香多過ribeye carving少少。甜品:🍰 Tiramisu (7.5/10分)🍰 Cheesecake (8/10分)甜品我地拎返房食，因為已經好飽，又夠鐘10點，最後無影相，不過兩樣都好食嘅，唔係hea貨。😛整體來講，成個套餐都好好，係有心機煮，有心機配搭食材🥰 雖然唔會食到驚天動地的感覺，但係酒店餐廳黎講都幾好食，所以先會黎食第二次！待應都好好，個場咁full ，唔會叫極唔應都算做得幾好😙不過呢，我上星期想book定枱(因為試過上次經歷，當日先知full booking ，要轉in room dinner )，酒店email就覆我係要當日先知去邊個餐廳食，呢一點就無咁好啦。…Read More

星期六，大約一點鐘去食lunch ，唔多人，唔洗等位，我地叫左lunch set / $80，有主菜，小食，飲品。主菜: 🥢牛肉湯河 (6/10分) 湯底有啲淡，又甜得滯，好在枱面有青檸，辣椒可以自己加，份量都正常🥢越式法包(豬扒) (7/10分) 個包幾鬆脆，豬扒夠腍夠味道，最好多啲酸羅白絲😁小食:🥄越式春卷 (8/10分) 炸野通常都唔會太難食，枱面仲有好多泰式醬料可以自由選擇😃🥄青木瓜沙律 (6/10分) 呢個就無乜汁，所以唔酸唔辣，無食晒飲品:🥤越式煉奶咖啡 (7/10分) 好有炭燒咖啡feel，幾甜，合乎要求🥤檸檬特飲 (7/10分) 正常味道啦，大杯啲就更好到我地食完的時候，就開始多人黎食，不過如果要等位，我下次就未必會再嚟食😅…Read More

我哋係星期六嘅2點半去食，上菜好慢，豬手飯同青木瓜沙律等左30分鐘先出到又上錯菜，叫青木瓜沙律就上泰式鳳爪，話整錯左，叫豬手飯就上海南雞飯，原來送錯枱。食物方面:1. 冬陰公比較淡，唔夠香料，唔夠辣，唔夠酸。2. 豬手算好，夠腍，夠味。3. 青木瓜沙律，太多汁，變左甜味，又唔夠辣，唔夠酸，最後放棄左。4. 凍檸茶要加6蚊，個茶底有泰國茶葉味，可能有泰國風味啲，不過我覺得普通待應姐姐都幾好服務態度嘅，都坐得舒服，不過食物質素真係有進步空間，希望出菜速度快啲，當日客人都唔算好多，都咁樣。最後埋單$164 ，希望價錢可以對得住味道，加油啦…Read More

兩個月前食過尖沙咀嗰間好食，今日星期六黎到荃灣再試下！9點去到，唔洗等位，即刻入去，因為十點就要關門。有晚餐set dinner供應，價錢由$98-178都有，相當實惠，叫左個魚生飯$98，仲包埋湯同前菜同沙律。魚生飯無乜特別，無影相，有三文魚，油甘魚，八爪魚，都扺食啦。另外叫左壽司十貫$298，都好食，火炙好香，海膽新鮮，仲有吞拿魚唔錯。不過好似上次尖沙咀店的壽司大份啲另外，待應都好有禮貌，會加茶，加分。…Read More

兩個月前去食，當時6:00pm後禁堂食，第二客omakase 半價，見咁扺就去試下！我5點左右先去到，食得有啲趕，下次要再去慢慢品賞！我地叫左omakase $680 ，有壽司有刺身，再揀手卷or 烏冬。先上刺身四款，新鮮，好食，無雪味！之後到壽司，有8款，有啲壽司無影到相就食左主要由淡味到濃味，師傅會等你食完一件先上第二件，亦會介紹每款壽司的海產係咩嚟，好細心好nice。佢的壽司唔會好似出面啲連鎖集團咁hea一式一樣，呢度會有大魚雞，秋刀魚等等，可以一試，海膽都好新鮮，正！牛肉烏冬，都唔錯，不過食完壽司其實都好飽。最後有魚湯，有雪糕，好完美的句號。下次會再去！…Read More

最近去左兩次，分別食左下午茶同午餐。💛lunch time 比較多人，tea time 明顯少人好多。冬蔭公湯好味，兩次都有飲，夠酸夠辣又夠香料。午餐+$20 就有小食有湯，好扺，下午茶既冬蔭公湯飯都好食，第一次試。海南雞飯，油飯，都唔錯wor ，個醬汁送飯好好食。香葉豬肉炒飯，其實好香口，好食，不過就咸左小小😅好大份，女仔可能食唔晒。如果叫午餐，記得叫小食，柚子沙律，青木瓜沙律，雞翼都好食！青檸梳打，跟餐好似唔洗加錢，扺飲。泰式奶茶就要加錢，不過我覺得味道一般啦。…Read More

當日係星期六，book左食晚飯，all you can eat menu，整體食物質素都可以，刺身新鮮，壽司飯太濕，唔好食，沙律偏向西式味道，main dish 幾好食，串燒都可以，天婦羅就等得耐啲，如果有得tick 紙仔就更好，唔洗次次叫人落單。主要係，侍應服務態度唔好，曾經問過可唔可以調枱，當時侍應表示唔可以，但係10分鐘後又幫另外一台客人調枱，所以我哋再次詢問，搞左一輪先調到，其實當日唔多客，都搞到咁混亂。整體來講冇下次。…Read More

早幾日book左枱，晚上9點，到食飯當日，收到whatsapp要晏啲先有位入坐，我地10點去到，到達之後，侍應話有啲串燒(牛肉，牛舌，撈面，茄子等等)賣晒，問我地改唔改期，😟希望下次可以早啲係whatsapp講聲，等我地改期再食，不過因為已經10點，朋友唔想再搵第二間餐廳，所以照入去食。女侍應好好，好快就上左唔少串燒，炸物，都係即燒即炸，夠熱，唔乾，燒得幾好，🥰中意車厘茄，冬菇，韭菜，炸蠔，翠玉瓜，雞翼。海鮮就要自己燒，😍蝦同象拔蚌好味，同埋鮑魚都幾大隻，枱面有調味料(蒜蓉，孜然粉)可以加，建議加埋黑椒同鹽就更好。最後希望男侍應們可以加強服務，多啲笑容，同客人多啲溝通就更好😃…Read More

因為疫情關係，枱與枱之間比較疏，坐得舒服👍🏻裝修幾靚，燈光又唔太暗👍🏻👍🏻有生蠔(比較細隻)，有凍蝦凍蟹青口，全部都幾新鮮👍🏻呢一區嘅侍應都幾好服務態度😃😃仲有芝士區都幾好味，沙律吧好多醬汁，黑醋，橄欖油，都係好食既。西冷牛扒，好多醬汁可以揀，幾好味👍🏻不過有個外籍女員工既服務態度嘛嘛地，有改善下😖天婦羅成日炸唔切，得1個人炸，好多時候要排隊等，所以個員工都做到有啲燥底😣不過天婦羅區都有好多唔同既日式鹽比你揀，幾有心思👍🏻有海膽手卷，三文魚，吞拿魚，蝦，帶子，overall 新鮮，唔算好特別，如果有多啲款仲好。🥺甜品不過不失，有movenpick雪糕搭救，仲有心太軟❗️，窩夫，個忌廉似係自己整，好味，唔太甜👍🏻有海南雞飯，太飽無試，下次再試。兩個人，埋單$1000 ，依家加氣水啤酒都係10蚊，都抵既，可以一試。…Read More