Coco ball的個人專頁

This was my second time visiting Tonkichi, the gried pork chop set was as great as the first visit. The fun part is definitely grinding your own sesame sauce, the fragrance is unforgettable. You can choose different cut of meat, depending on if you prefer a more balanced texture or leaner meat. I will come back again!…查看更多

雖然呢排天氣咁熱但係好想食煲仔飯， 聽朋友介紹今日去咗太古嘅點煲， 聽講啲煲仔飯做得非常出色， 果然冇失望！ 午市嚟到呢度65蚊有一個煲仔飯不特止仲可以加一款點心， 一啲都唔馬虎！！！！ 呢個價錢， 喺出面一煲煲仔飯都食唔到呀😭 記得廟街嗰度淨係一個普通煲仔飯都要過80。 同朋友一日嗌咗一個煲仔飯， 試咗臘鴨臘腸同埋排骨臘腸煲仔飯， 兩個都非常之好， 係飯焦飯焦飯焦呀！ 落埋店舖提供嘅豬油， 嗰陣香味真係好過份！！燒賣都好好食啖啖肉， 期待再次幫襯。…查看更多

喺北角嘅harbourview grill分店做嘅海鮮菜式做得十分出色。餐廳嘅環境適合同朋友聚會慶生， 不會過於嘈吵。 食物方面， 青口配上特別嘅調味醬汁非常開位先甜。吞拿魚扒生熟剛剛好， 好有質感， 配上酸酸地嘅芒果粒， 令人食完一啖又一啖。 seafood risotto 煮度剛剛好al dente 唔會過硬或者一pat pat， 海鮮嘅味道完全融入米粒， 令人食完一啖又一啖。最後嗌咗個心太軟嚟做甜品， 配埋好creamy嘅雪糕一齊食簡直係絕配。 …查看更多

雖然有咁多大間嘅韓國過江龍， 但出奇地好食嘅韓式炸雞其實一啲都唔容易搵到。 竟然畀我喺大角咀呢間唔起眼嘅小店食到超級好味嘅炸雞！ 另外要推介嘅係佢嘅韓式湯飯同冷麵, 製作認真 👍韓國嘅老闆同老闆娘好友善， 我帶過去嗰度食嘅韓國朋友山長水遠都要經常去光顧， 咁質量同性價比都唔需要多講 🫰檸檬蜜糖炸雞炸雞整到外脆內滑好juicy。 70蚊可以有半份（六塊）抵食。辣牛肉湯飯 好足料嘅辣牛肉湯， 牛肉好淋好入味， 再加上韓國特色蔬菜同粉絲， 配飯一流。海鮮煎餅每一嚿仔都有好多海鮮。辣年糕粉絲裏面仲有魚板塊食完一啖又一啖…查看更多

好多人都唔知道位於尖沙咀k11 Hyatt酒店嘅Chin Chin Bar其實有好抵飲嘅happy hour🤭🤭 生啤隨時抵飲過你喺街舖酒吧嘅開心鐘👍酒吧非常寬敞，有室內室外座位， 坐得非常闊落。 當然五星級嘅酒店裏面嘅酒吧應該有五星級嘅服務， 係呢間酒吧嘅員工都非常之親切。 佢冇咗出面酒吧嘅嘈吵， 坐得舒服， 可以欣賞音樂之餘同朋友輕鬆聊天。 值得一提既係佢呢度有live band， 樂隊歌手質素非常之高， 佢哋平時都會到其他五星酒店嘅酒吧表演。喜歡的話仲可以點歌俾自己或者朋友或者所有人客聽 🤭…查看更多

想食印度嘢嘅時候又唔想去重慶被推銷轟炸再加上坐得舒服， 一定會諗起中環嘅 Chaiwala. 上嚟呢間餐廳如果唔識走捷徑搭𨋢嘅話就要有少少腳骨力。 行過大門已經畀佢嘅色彩吸引！ 好多唔係入餐廳嘅人都忍唔住停步打卡🤭Pirata 集團認真計劃呢間印度餐廳嘅裝修， 一打開大門就好似行入咗一個異國世界， 充滿咗印度嘅元素， 周圍都係打卡位。 佢嘅食物menu好豐富， 除咗香港人一般鍾意嘅印度菜必點以外仲包咗好多香港人少啲食嘅啲嘅出色印度菜式。 建議大家去到餐廳大膽嘗試一定會有驚喜！除咗咖哩好食之外， 食物推介要食 chicken tikka, panipuri 同埋dosa 薯仔夾薄餅！ 最後要推介嘅係佢嘅mango lassi, 酸甜度剛剛好！ 感覺係新鮮芒果做嘅， 飲完一杯又一杯好開胃之餘又飲到好飽🤭🤭🤭…查看更多

原來呢間高人氣酒吧食物質素也非常出眾！ 對上一次嚟到中環蘇豪Stockton 估計係已經是疫情前嘅事了。當年呢間酒吧人氣好高每次到訪都係塞爆曬非常熱鬧。佢嘅裝修好特別， 係傳統嘅英式酒吧裝修再加一啲古舊嘅元素， 喺中環打卡必到嘅餐廳酒吧之一。今次朋友提出嚟到呢間酒吧食晚飯估唔到一間酒吧會做到咁好嘅食物質素！ 我哋嗌咗一個芝士切肉拼盤同埋fish n chips! 💕 再加埋特別調製嘅特飲， 呢個鐘數酒吧未算好多人非常之speakeasy， 度過咗愉快輕鬆嘅兩小時。 芝士切肉拼盤嘅portion好大我哋兩個人食唔曬 🤭🤭 芝士同肉嘅選擇非常剛好。 佢嘅fish n chips炸到非常鬆化, 裏面嘅魚都非常香甜。 薯條更加叫人食到停唔到口。 …查看更多

今日同兩個朋友嚟到旺角附近嘅成都老碼頭打邊爐。 行過去嘅路上喺遠處已經見到非常搶眼嘅店舖裝修， 十足十去咗大陸古代咁樣。 由旺角地鐵站行過去大概十分鐘嘅路程。 因為又想打邊爐又需要清下腸胃🤭 所以決定唔嗌佢哋嘅招牌麻辣火鍋， 點咗佢哋嘅花膠雞湯火鍋！ 親切嘅店員好快就捧上好大一盤嘅花膠雞湯見到就覺得夠老火好濃郁, 我同朋友忍唔住飲完一碗又一碗， 最尾飲淨半煲雞湯先至叫店員加湯打邊爐😅😅😅打邊爐我哋就嗌咗澳洲雪花肥牛， 餃子同一啲配菜。 牛肉雪花好靚味道都唔錯， 餃子唔識欣賞， 配菜都還算新鮮。 下次會再嚟飲雞湯 🤣🤣…查看更多

鰂魚沖餐廳選擇眾多有平有貴。 經常想食嘅餐廳list內，campers一定係其中之一。 但係係各位午飯或者晚飯嘅時間要預排一陣隊， 因為呢間餐廳真係好有人氣。豬軟骨野菜咖哩加烤雞campers嘅咖哩係屬於質地稀一啲嗰種日式咖哩， 帶點甜同埋微微嘅辣， 好好餸飯。 佢嘅豬軟骨煮到肉質好淋好入味！ 😋😋 野菜亦都非常新鮮唔會過度煮到冧bet bet。 嗌埋烤雞純粹係因為想食多啲肉 😋😋 一碟飯嘅份量好足。 雖然佢同區快餐餐廳嚟比唔算係平，但係絕對係一間性價比好高可以返炒再返炒嘅餐廳。 …查看更多

中環普普通通買件外賣三文治加個湯都已經100蚊，畀多幾十蚊就可以嚟到 Jardine House base hall呢個高級food court選擇眾多， 係好多出面做得幾好嘅餐廳進駐嘅集中地。 今日就嚟試韓國餐廳 MOYO進住呢個foodhall嘅 counter MOYO Sik。 menu唔係話好多嘢揀， 但係一般香港人鍾意食嘅韓食都包含在內。 例如韓式豆腐湯飯， 即食麵，炸雞等等。 我今日就嗌咗一個韓式豆腐湯飯餐成惠128蚊。 外籍員工好快就將食物送上，快餐餐盤上面有幾個韓式前菜做得幾好味。 湯飯嘅湯一啲都唔馬虎，濃鬱嘅辣椒粉紅湯配上雞蛋豬腩肉同豆腐，送飯一絕。 仲包一罐普通飲品。 …查看更多

開頭仲以為呢間餐廳係普通嘅茶餐廳，但係裏面嘅菜式好有新意，中西合璧。坐得舒服，食物質素好，值得推介。 侍應好友善， 裏面嘅裝修光猛乾淨仲有少少特色🤭 西餐嘅話喺餐牌嘅介紹睇得出係好有誠意， 西蘭花都要係特別嘅長西蘭花 🤭 牛扒肉質軟， 並且不會煮得過乾。 抵食👍 最鍾意係佢嘅菠蘿咕嚕肉， 淨係個賣相已經贏曬。菠蘿咕嚕肉好難整得難食， 四季嘅菠蘿咕嚕肉都一樣夠脆夠甜酸， 好好送飯 。 四季餐廳茶餐廳嘅價錢， 西餐廳嘅質素， 係一個旺角開飯嘅好選擇。 …查看更多

已經幫襯過好多次。 而家畀以前有進步嘅地方係終於可以book枱唔使再喺舖頭門口等。 雖然佢嘅價錢比之前貴咗都幾多但係都係有性價比嘅😋 前兩次幫襯用openrice book仲有紅酒或者蛋糕送。La Vache 係一個燈光昏暗嘅法式牛扒餐廳。 佢喺幾個地區都有分店。 佢哋嘅侍應全部都係南東南亞國籍嘅侍應 ，所以大家要準備講英文。 入到去你淨係得一個套餐嘅選擇， 套餐裏面包含沙律牛扒同埋薯條。 沙律喺standard嘅沙律菜 ， 幾 fresh 。牛扒會喺個保暖碟嗰度用蠟燭保溫。 我哋叫medium rare， 做得剛剛好。 肉汁味濃。佢哋嘅蛋糕我就唔太推薦了。 我試過好多款都非常一般甚至難食， 價錢仲要非常貴冇記錯要過百蚊一嚿。 但係嗰啲蛋糕好賣得, 原因係唔知點解好多人鍾意喺嗰度做生日。 喺嗰度食嘢個半鐘可能會聽到六七次生日歌大大聲喺度播 ， 仲要敲曬鐘。 低調嘅朋友就唔好畀佢哋知道你喺嗰度做生日喇， 如果唔係都會幾尷尬🤭。 …查看更多

你到廟街興記想食到好食多飯焦嘅煲仔飯， 唔知係要睇你好唔好彩定睇下你點安排食飯嘅時間。 幫襯過兩次。 第一次係喺少人啲嘅星期一夜晚去食嘅。 當時去嘅時候仲可以啲枱枱櫈櫈擺曬出街， 所以唔使等位好快就坐低了。 落單嘅時候同店員講話要多飯焦，店員都有聽入耳記低係落單紙度。粟米雞肉羹份量好足味道幾好味。推介。炒通菜好大一碟。菜夠新鮮，夠鑊氣。 雞肉臘腸煲仔飯飯焦做到啱啱好脆卜卜恰到好處。 臘腸就一般般平價質素 , 可以skip。 第二次去嘅時候係人多要等位嘅時候， 同時因為冇得坐喺街等咗特別耐。 可能因為人多要趕單，煲仔飯嘅質素大不如前， 一啲飯焦都冇。 通菜唔夠新鮮 。 粟米羹都係好味。 等冬天嚟到會再戰。…查看更多

牛角老闆公佈咗會行平民路線之後的確好快就已經行緊平民路線了不過我講嘅係肉類質素下降價錢不變。近來喺呢間牛角食咗兩次，一次係buffet一次係單點。 餐廳環境係standard嘅牛角buffet setting。 先講單點。以前喺牛角食單點肉類質素還ok， 日本和牛都有應有嘅質素。 話曬價錢都唔算低。而家畀緊嘅係一樣嘅價錢食緊街市特價所謂嘅和牛嘅質素。其中我哋嗌咗一個和牛十勝拼盤。應該最靚嘅雪花牛個樣請見照片。我哋立刻同送嘢食嘅職員反映佢答都冇答一句令轉頭就走咗。 當然唔會覺得有咩服務質素，但係都唔使咁呀嘛。我再嘗試同其他職員溝通，經理好快都過咗嚟去講解。 經理態度可以還會認真講解，我要求佢換過兩塊唔好咁核突嘅畀我，不過傾咗幾句我意識到再要求都唔會有結果， 所以就放棄。只能說牛角呢間嘢不會有下次。 再講下任食其實燒肉任食而家有好多選擇。 性價比高嘅一定唔係牛角。 今次去幫襯純粹因為就腳， 再一次買個教訓，行多兩步去旺角食。我哋嗌咗一個安格斯牛任食餐。呢度上菜算快， 但係啲肉真係好難食。 牛冇牛肉味，豬冇豬肉味 。 自助區選擇好少。 同同集團的牛涮鍋一樣 ， 好寒酸嘅感覺。 總括嚟講呢個集團嘅嘢每況愈下。而家同人講開牛角牛涮鍋個個都拿埋口面講好難食。 以後唔會再去。自己貪方便抵死。 …查看更多