Jaffelee's Profile

點了意大利鴨肉雲吞，汁底是不錯，但內裡的鴨肉是暖，不熱。我以為只係呢個雲吞係咁，點知。。。（$268 得3隻）。其實都唔叫雲吞 只係兩塊皮 上下蓋住啲肉，毫無技術可言。之後龍蝦意粉，簡直是冷的，碟面係出煙呀，但意粉是凍食，龍蝦肉又癡殼，唔新鮮，投訴左之後，可能再幫我翻叮，食得出意粉大部分是有暖意，但仍然有小部份是冷的。龍蝦汁經過翻叮後，變得愈來愈結身。濃縮左。我覺得如果點一個差不多$300意粉，只係用微波爐煮既感覺，不如我去快餐店食個50蚊仲有誠意，試問即煮既意粉點會是冷盤？然後叫左個薄餅，等左勁耐先話同事唔記得。勁嬲！唔會再黎食！亦唔建議黎食。…Read More

週日時間 放題排隊既人數都好多, book 了8點～ 任食兩個鐘！  工作人員一到時間就好快帶入座, 快 靚 正！ 落完order 之後就走出去攞小食！  小食 都好多選擇,  甜品 湯 炸嘢小食都應有盡有！  一邊飲一邊等刺身黎～  10分鐘左右啦～ 刺身就上台！ 快！ 最大的驚喜有這里的油金魚刺身，魚身有光繹够肥美非常之好食，食落口好有滿足感，還有帶子刺身冇渣，好鮮甜。三文魚都很肥美～ ！ 蝦都好鮮甜！   海蛋手卷都值得贊。海膽多冇腥未，食落甘香喜歡食蠔的一定要食美國生蠔天婦羅外 外脆內軟多汁肥美 每口都感受到肥美！ 還有蟹粥够曬鮮甜，食落口就知道這蟹是新鮮的不是冰鮮串燒都好多選擇～ 鴨舌 雞翼  仲有菠蘿 細蕃薯～ 味道好好～  食物選擇多  而且刺身夠鮮美！ …Read More

前幾天跟朋友試了這間餐廳，叫了一個例牌的去骨海南雞及蜀味口水雞。 兩款菜色雞肉都挺嫩滑，沒有太多脂肪夾在雞皮雞肉中間，配合醬汁味道口感十分不錯。喜歡吃辣的可以試一下蜀味口水雞，辣道有三少辣，愛吃辣的我愈吃愈起勁，還用辣汁伴飯呢😆順帶一提，因為雞肉份量不大，只有五六塊雞肉，我們原本以為七十幾蚊的例牌是包括一碗飯的，店員告訴我們才知道飯要另外叫的。那我們就叫了一碗油飯，可惜不太吃得到油飯香，之後就用辣汁伴飯了哈哈！我們還叫了一串燒雞翼，味道偏咸，感受師傳好像重手了。…Read More

首先一定要推薦下店裡既牛肉一碟上分量好多，肉質鮮美又唔會過分厚身同多脂肪。就算淥得太耐都好，都唔會因為過分熟而令肉質變得硬同難以入口。極力推介尼間既牛俾大家，可以按自己口味而點唔同牛既部位食其次好想讚下店既炸響鈴！中意食既一定要叫一碟試下！因為店內全部響鈴都係新鮮炸，味道一食就知同出面食到既冷凍響鈴有差天共地既分別，成個口感都好脆好爽口，超級好食！其他食物例如四式手打丸，唔同款式既丸都好足料，各有風味，單單叫一碟已經可以食到舔曬脷湯底方面，花膠湯底好濃味，就算淨係食湯底材料，例如花膠同雞肉，都好夠味！即使唔點醬油食，個湯底肴出黎d味道都好足夠。落埋個烏冬食就已經完全知個湯底真係好夠味;)店裡環境舒適，唔會好似其他火鍋店好嘈，又唔會因爲爐火而變得大煙侷促，好啱一家大小或者同朋友一路食一路傾計。店員超級貼心有禮，洗手間仲要好貼心有提供漱口水，咁就唔怕食完火鍋個口成陣味絕對係值得一試既火鍋店！…Read More

經朋友推薦下，今晚同朋友特登黎呢到試下吉列牛扒定食，餐廳既裝修幾有格調。空間感夠大。今次我點左一份吉列安格斯牛定食，另外點多兩支日本手本啤酒-和風香柚啤酒， 及小麥柑橘白啤酒兩支啤酒感覺都好清新.之後就上左個定食，同埋點著個爐侍應介紹牛塊就可放在爐上烤10秒左右。介紹一下定食有d咩，包括味增湯，溫泉蛋，沙律薯泥，同姑。唔少得既係吉列牛同白餅一碗另外仲有三款醬汁及三款調味比你點芝麻燒肉//柚子芥末/燒肉汁岩鹽/柚子醬/芥末當我食牛塊時，係意想不到既外脆內軟。 肉汁豐富。點埋佢地自家既醬汁，加一口白飯。真係好好食！好少食到咁好味既吉列牛！…Read More

今次黎呢間放題試下，佢地既選擇真係好多，無論日式，泰式，越式都有。一場黎到當然要乜都試下啦。刺身選擇，簡左三文魚，甜蝦，赤蝦，帶子，馬刀貝等等。另外又試左一口海膽手卷，黑松露各款唔同壽司先講下刺身，都幾新鮮，不過赤蝦有點沙。大致上都不錯壽司方面大小適中。可以令人食多幾件，配上黑松露好惹味至於烤物選擇多，我至愛既人非香芋丸非屬，一口氣吃了幾球。還有蠔及帶子都非常不錯👍至於我朋友就好喜歡食佢地自家制既醉雞翼。雞翼入味又夠酒香。總括黎講性價比都高，可以繼續黎再食…Read More

今晚一行人黎呢到食火鍋，點了個清湯同麻辣湯底，湯底估唔到都有配料，好似豬紅，豬皮，豬肚，幾入味。 至於清湯有瓜片同豆腐。飲品都點了竹庶水，成樽都好足料，又唔太甜。之前就上菜點左韮菜餃，萵荀，芝士獅子狗，烏冬，豬頸肉，同脆腩骨。首先所有配料都睇得出好新鮮。賣相已經加分。韮菜餃皮薄多汁，推薦大家再點豬頸肉都好嫩滑但脆腩骨真係要講下，好少食口咁彈牙，又肥美既脆腩。真係啖啖彈牙爽口，魚油豐富。好少係海火鍋店可以食到。真心推薦！整體餐廳坐得舒服，唔迫。有空間感。會回頭再食！…Read More

今晚同朋有黎慶生，就試下呢間有格調既西餐廳啦，一入到去果然每個擺設都係離不開凡高既作品，佈置非常用心！我同朋有點了一份極之牛盛宴同埋一份晚餐墨汁帶子蝦意粉首先上左個水牛芝左伴番茄，之後就到煙三文魚沙律帶子塔。我覺得帶子塔有創意，將煙三文魚包埋沙律食，好fresh . 之後就到上田螺，田螺配薯蓉無得輸然後就上了洋蔥湯同磨菇湯，洋蔥湯是有別於外面既煮法，成個湯都好濃味既清湯，做味簡單，但味道夠濃而不油。 至於個磨菇湯真係98%用菇煮成，非常濃郁，每啖都係菇。好飲！然後到主菜墨魚汁意粉,個汁好重芝士味，海鮮亦新鮮。牛扒比想像中薄了點，但黑松露汁好香，配塔一起都不錯。至於甜品是焦糖布到同心太軟。畫上完美既句號…Read More

今晚黎呢到食晚餐，見到佢地既海鮮餐好似好正，就點左個象拔蚌海鮮餐試下。一點餐後，侍應會立即問你想飲咩，呢個餐竟然包白酒，紅酒。 都真係未試過打包爐食放題會有紅白酒點。我今次點左個魚頭鍋，上鍋速度都好快，果然有大魚頭，仲有似人參片同紅棗。之後就上左個海鮮盤，海鮮料好新鮮，有海星班，蠔，珊瑚蚌，鮑魚仔，聖子，象拔蚌。好抵食！所以海鮮唔會有雪味，食落口覺得好新鮮。除了海鮮外，仲可以加刺身，同埋其他配料。有蝦，白鱔，牛肉粒同手切肥牛、同埋稻庭烏冬。火鍋配料質素非常之好。另外我覺得佢地上菜既時間都幾快，同埋唔會份量太多，真係抵讚。最怕餐廳上配料時一大堆。食唔晒又浪費。間餐廳員工既服務態度好好，又有禮貌。我要下次再幫襯先得！…Read More

今晚收後同個同事就黎呢到食佢既雞煲，想滋潤下就點左個椰子雞煲，係等緊既時候，我地就點左啤酒同整碟調味粉，估唔到佢地會有辣椒粉提供，一般出面既火鍋店都未必有，正！店員話個雞煲個湯底係原個椰子整，所以煲內都有好多椰肉，煲滾後好香既椰味，之後店員就幫我地加雞，過多陣就食得，雞肉好滑，同埋沾滿啖啖既椰香。真係好味！食完雞後就上了蟹子蝦滑。佢地打得好好，蝦肉夠滑，就沾上蟹子一齊食，真係夾。鮮蝦水餃係佢地自己包的，入面除了蝦外，還有木耳，料多豐富，好食。另外再點了生蠔，墨魚丸，牛肉，材料都好新鮮。成餐飯都係每人百幾蚊，真係好抵食。雖然街市環境慢慢，但佢地既裝修都乾淨企理，我下次都會再番黎食。…Read More

每次想食北京餡餅時，就會自自然然黎到呢間店幫襯。今次同朋友一齊黎食晚餐，就點了北京煎餃，北京餡餅，煎蛋餅，油豆腐粉絲，同豆漿煎餃- 佢既煎餃皮脆，肉汁多，加上差韭菜豬肉，配埋豆板醬更好食餡餅-佢煎到個皮脆，餡料既肉同韭菜又多汁，咬落去時，仲非常之熱辣辣，全個餡餅都非常之足料。所以如果食晒全個都幾夠飽煎蛋餅-說真的有點失望，首先成塊餅都好油，然後又淋，又甜甜地，咬落去又多粉咁，唔見議食。油豆腐粉絲。- 非常難食、湯底已經係淡，豆卜成個上又無味，粉絲好似用完熱水滾散就擺上碗。完全無味又一舊舊咁。豆漿- 太甜…Read More

其實我成日都會食米線，但講到米線湯底，我覺得呢間小雨子係幾好食。因為佢地既湯底唔似外面清湯加辣就算，所以米線癮起時，都會黎呢間食下。今次點了豬骨湯底中辣水餃酸辣米線，再配個可樂。首先一上碗米線時已經有好香既酸辣氣味，佢地會係麵到加了莞茜，豆芽，肉碎，腐皮。個湯底一飲時已經好惹味，再加上用豬骨湯底煲成，成件事都好好食，而米線既軟硬情度剛好，不會太淋。酸辣味又夠出，而餃子既皮就有點厚同埋熟到有點高淋。不過味道也不錯。…Read More

呢間餐廳係葵芳已經有多年，愈開愈大間。好耐都無黎食過，所以就同朋友黎重溫一下。我地點左個冬瓜肉粒湯飯，蠔仔湯飯同招牌水餃。買飛後就等佢地送黎。首先講下餃子。個餃子皮厚薄均勻，入面有白菜豬肉，食起時多汁料多。再點埋醋一流。冬瓜肉粒湯飯-入面有冬瓜，肉粒外，仲有蟹柳，冬菇，都算幾多料，個湯就清清地,都唔錯之後就到蠔仔湯飯，最喜歡佢地有加方魚塊，同莞茜，再加埋白胡椒粉，惹味非常。不過蠔仔就唔算多以呢到既價錢，性價比算高…Read More

呢間粥店都開左好多年，由於今日好想食下粥，所以就黎食下。今日就點左個艇仔粥，淨腸，炒米。艇仔粥-粥底係無米粥，好似粥水咁，料方面都係魷魚，豬肚，花生同肉碎。雖然材料充足，但就無米粥，同埋食得出加左味精。我覺得麻麻地淨腸 - 腸粉又唔滑，又孩，又凍。一d都唔似岩岩蒸完，似放左好耐叮一叮咁上。唔好食炒米-無乜料，但炒米都算幾多油 同埋都多味精。雖然大份，但食完都覺得滿口油。呢間肥妹雖然唔好食，但唯一一個字平，街坊食堂。…Read More

見到open rice 介紹就特登黎左呢間小店試下，一入門口就見到個制麵工場，更加令我期待。我就點了兩款佢地有名既美食，蝦子撈麵同肉絲竹昇麵。蝦子撈麵- 個麵底好好食，好煙韌,個麵果然好食，但蝦子就有點少，再多試會更好到了肉絲竹昇麵 -講真的，完全失望，佢炸到破壞左麵既煙韌，炸到好油同脆，但咬落下好粉咁，完成唔覺得自己食緊係麵，個汁又好結，結到一pat pat 咁，肉絲又唔算多，完全似醬撈麵粉咁。我食左一半都食唔落去…Read More