豆豆&忌廉's Profile

其實建議呢間野8:30後就唔好再接客，未到9:30竟然叫我哋食快啲，9:30鬆啲再催促我哋食快啲，佢哋要搞衛生，態度超級差，我從來未試過比服務員咁樣催促，叫佢叫經理過嚟同我講佢就叫我慢慢食，普通茶餐廳嘅服務態度都不如！唔會再幫襯…Read More

本身呢間嘢食啲嘢唔算太差，記得第一次去食，因為係星期六嘅關係多人啲侍應唔係好理客人，諗住係佢哋太忙，到到琴日再去食，已經係平日仲要過咗lunch time係下午茶時間入到去客人並唔多，但係全程冇人招呼，坐低咗因為未有下午茶餐牌於是叫侍應拎，點知兩個侍應掛住自己傾偈，完全聽唔到我嗌佢，咁啱有第三個侍應經過係見到我，不過當聽到我問佢拎下午茶餐牌，佢就話派緊等一陣啦，啲語氣超級唔願意做，都等咗5分鐘有個阿叔終於將下午茶餐牌派到過嚟，我見佢想插入個餐牌架道，因為我想睇所以即時叫佢俾我就可以了，但係我唔知道原來呢個阿叔係有強迫症唔理客人係咪需要佢都夾硬一定要放落去個架到，仲要啤我，呢間餐廳基本10個裏邊有九個都係唔願做嘅，永遠唔會再去，不知所謂…Read More

Book左28/12同朋友第一次試，去到唔使1分鐘已經安排到座位，職員服務態度都好好，落完單之後我哋發覺落少咗兩杯嘢飲，好快職員就幫我哋處理，食物比想像中好食，特別係個雞煲，仲有水煮魚，不過水煮魚啲魚片真係比較薄同份量少，但食得出冇加太多味精，食完唔會好口渴，炸豆腐有少少過咗火豆腐唔夠軟熟，其他食物都好食，如果要比分可以比70分…Read More

座位空間大，唔會覺得逼夾，店員服務好好，有不同牛嘅部位嘗試，有口感，而且有鮮味，特別有個叫蛋餃，入面有雞同豬，食落似奄列嘅感覺好特別，另外有一個麻辣牛肉餃，不過可能會食到啲麻籽，會有啲苦嘅感覺，手工啤酒好飲， 可惜可能係星期六嘅關係 我最鍾意嘅羽衣甘藍同埋鴨血都已經冇，會再去…Read More

第一次試，叫左個越式法包同洛神花蜜外賣😋 材料好充足職員亦都好細心，會問客人要唔要走芫茜或者辣椒，即叫即整的， 都係大約等十分鐘左右， 因為佢啲料有酸蘿蔔，又有少少辣椒所以食落去有少少酸酸辣辣， 呢兩種味道配合得非常好， 微酸微辣好開胃👍👍 下次一定要試埋個軟殼蟹蛋包😁…Read More

估唔到第一次試有驚喜， 價錢好優惠， 叫咗五樣嘢都係$129連野飲， 食物質素媲美度大型韓店 👍 職員又有善🤩!外買咗個糯米雞翼，漢堡芝士扒， 稻庭烏冬同韓式微辣年糕仲有東京熱丼飯，食物濃度啱啱好，唔太濃， 唔太淡!漢堡芝士扒唔會好漏👍，糯米雞翼好大隻又好食，熱丼飯D飯軟度啱啱好😋 年糕辣度好適中😁 值得繼續支持🤩🤩掛住食唔記得影相🙄…Read More

已經第三次食了今次叫左 芹菜豬肉煎餃配酸辣湯, 醉雞 ,仲有京式炸醬拌麵, 酸辣湯其實每次啲味都有少少唔同,第ㄧ次酸辣適中,上次同今次偏辣, 豆瓣醬味偏濃, 如果偏酸多少少會好飲啲 但係都好飲，食落好有芹菜味道，京式炸醬拌麵味道啱啱好,但醉雞汁偏鹹,食3次呢講 水準算平均所有菜式上枱都係熱的係坐嘅環境有少少狹窄,背對背,較胖體形不能太大動作服務 質素唔差, 侍應就算忙都會重複ㄧ次落單嘅食品以西九龍中心黎講,呢間上海店食物水準响我心目中係第ㄧ之選…Read More

今日叫左個tea蕃茄湯牛肉米線,味道幾好,米線有口感,鮮牛夠淋,個蕃茄湯唔重味精,仲可以配其他小食,值得ㄧ試,可惜今日得ㄧ個人食得唔多,下次再試其他!職員態度都好,不過不要再在客人面前教訓同事會好D…Read More

26/9/2017晚上2130第ㄧ次去心煱試,第ㄧ輪係ㄧ人ㄧ蒸蠔,味道口感唔錯,唯ㄧ係蠔殼好多泥,賣相較污糟第二輪係ㄧ人半隻炸鴿子,味道偏鹹,但都好食的,第三輪係雞煲,可惜怕食唔哂,所以無要度,最後就打邊邊了D食材大部份都好食,唯ㄧ係蜆好多都唔開口同有沙及脆魚腩只係普通魚腩,其他肥牛,鵝腸,蝦....都好食,值得再去食!價錢ㄧd都唔貴,二人埋單300幾!不過記得要早ㄧ日訂先有冬瓜湯送,但餐牌無寫及原來隻蠔係要自己開的,如果唔識開亦可叫服務員幫助,呢度嘅服務員好nice 的…Read More

今晚收工唔知食乜好,兩個人行行下就經過金仔,之前都想試下,於是入左去,walk in 都唔洗等!上左去職員安排嘅坐位,雖然兩人坐四座位,但已經好迫,前後背貼背,肥d都坐唔到,個雞煲賣相唔差,但食落好油淋淋,d雞勁多肥膏,叫左d小食(青瓜,蒜泥白肉,木耳)唔錯,到叫其他本身種類選擇唔多肥牛,午餐肉,牛栢葉....等等ㄧ食落口午餐肉ㄧ夾就散,肥牛唔滑但都有推介(炸魚皮)唔會再去…Read More

如果以價錢黎講食品尚可接受,我同兩個朋友都係第ㄧ次上去,服務態度好,坐得都舒服!食品方面選擇唔太多,刺生唔夠新鮮,賣相都ㄧ般,而飲品選擇都算多!邊爐方面湯底夠味,食材方面牛肉唔夠鮮,但海鮮唔差😉如果對食嘅要求唔高或只係想聚下傾下計都可以,須然話限時兩小時,但個場唔爆都唔會叫客人走!…Read More

前ㄧ日打電話去book7:00 6位,話有位,第二日到去竟然話我無book,話如果有位同事會比booking no.之後我話你d同事响電話答我ok,無問題,禁呢句説話已經示意ok左啦,之後走左個無厘頭嘅職員話係咪打錯電話,語氣勁差,我即時比埋我打出記錄比佢地睇問係咪呢個呀,佢地話係,之後個無厘頭職員即時閃左,跟住我再問禁而家可以點?個職員好串咀答無辦法!!究竟佢地乜野態度!!唔會再去low!…Read More