Chit Chat's Profile

今個周末有時間去上水行下，搵到呢間超正既日本野決定試吓。第一道菜係豚肉生薑燒定食 上餐既時候好驚喜，很齊全的配搭，有滿滿的一碟肉配上一點香口的洋蔥和菜，食到停不了口，定食可以叫烏冬亦可以叫一碗飯，不過我嘗試減肥覺得烏冬卡路里比較低，便嘗試烏冬不過好驚喜，烏冬湯底有一份鮮甜亦好易上口。如果鐘意食飯既朋友應該食飯會好d,因為豚肉好下飯而且洋蔥都好入味。面豉湯我要走蔥，非常適合我，暖胃。食完烏冬還要泡芙非常貼心，飲品綠茶亦非常濃郁。仲有溫泉蛋牛肉丼飯好多牛肉既牛肉丼飯。牛肉幾大塊和幾厚。牛肉丼飯裡面有洋蔥和蔥花粒。配上牛肉料味道甜甜地。半熟既溫泉蛋撈飯非常野味。飯底既飯都大粒，應該係日本米。最後有甜品宇治抹茶班戟，一來到賣相十分挑好，一層滿滿綠油油的綠茶粉配上綠茶雪糕朱古力牌，一層pancake,沾少少糖漿，急不及待一口吞下這幸福的滋味，上邊有一嚿牛油快要似滑梯咁滑落，空氣感十足滋味十足。 配有抹茶紅豆蓉細湯圓幸福感十足，就係完美嘅配搭。味道層次相當豐富！…Read More

中環近蘭桂坊餐廳樓上鋪選擇唔多，呢間係我嘅首選，上到去個景非常之靚，景色開陽，窗邊可以見到教堂好浪漫，居高臨下望到歷史建築同禮賓府同百年歷史教堂，個感覺好震撼。室內的氛圍亦非常舒適，環境非常之優雅，可以同朋友傾密計。1/2非洲雞配薯條 非洲雞味道唔算好濃，個皮好脆口而且薄身，辣既位置都係雞皮上， 雞脾肉算嫩，但雞胸位置就比較乾，仲有三色椒同薯蓉食，我比較鍾意食三色椒嘅味道，既鮮甜又容易上口，個醬有小小辣，建議唔食得太辣嘅朋友可以適可而止。薯條非常炸得啱啱好，同埋個顏色特別好睇，金黃色係燈光下特別靚，一飽口福之後還可以欣賞菜色。香烤美國安格斯肉眼牛扒，嗌咗五成熟，嚟到其實應該都已經有六至七成，切開都有粉紅粉紅嘅肉質，食落去牛肉味都算濃，入去口嫩滑多汁，口感豐富，非常JUICY ,入面仲有三色椒同薯蓉食，非常豐盛亦很美味。第一次飲西班牙果酒，係因為有人講沒有西班牙的果酒就是不完整的，趁着夏天的尾巴終於一飽口福，酒精含量不算多，仲有水果食，有蘋果橙浮在表面幾有浪漫情懷。重口味朱古力窩夫真係好重口味，好濃郁的朱古力味道，窩夫鬆軟香脆，忌廉又唔會過我，入口再度爆漿，非常有誠意的甜品！…Read More

趁住秋天秋高氣爽的日子同朋友去西貢chill下，可以行吓街食吓野遠離市區嘈雜的環境都係別具一番享受，做完運動特別肚餓嗌咗三個餐。經典芝士漢堡聽講係佢哋必食之一，果然特別juicy，配料超多，沙律菜亦特別新鮮，包裡面有洋蔥，蕃茄，青瓜，芝士，有豐富口感，睇相都令人流晒口水，漢堡夾著厚厚的牛肉，一咬湧現多到爆出來的芝士，相當滿足。泰式香辣肉碎金不換煎蛋飯，嗌咗小辣不過還有小小辣，小辣程度啱啱好，建議鐘意食辣的朋友可以一試，有時間的話，燶邊蛋把流心蛋黃戳穿後才拌勻吃，又是另一番滋味。還配有生菜， 可以同肉碎一起包來食， 生菜好新鮮，脆口好味， 肉碎辣辣地，好惹味。黑松露野菌忌廉意粉，意粉有濃郁的黑松露味道，好入位，而且忌廉味好重。味道配合得剛剛好，意粉的口感都彈牙充足，有口感。入邊還有菇有野菌，份量不算太多，哈哈，男士應該唔太夠食，不過我哋嗌咗三個餐就絕對夠食。整間餐廳環境就非常舒適，暖暖的陽光照進用餐區特別有Relax感覺，同朋友傾解心情都放鬆很多。…Read More

終於去了大坑的高級日本料理潮聖，適合聚會和拍拖。來到門外好像來到室外桃園，入口感覺比較幽靜及僻靜，仿佛去到日本小街道。尤其給人「精緻」氛圍，其中最值一提的，有一些古樸典雅的用餐環境。很快就可以入座，服務也很親切。前菜柑橘醋配海蜇是我比較鐘意的味道，因為比較喜歡吃醋哈哈，海蜇頭脆，爽口開胃亦層次豐富。陳醋亦非常香。前菜還有凍日本高糖番茄配柚子汁，表面仲有薄薄一層啫喱，酸酸甜甜口感非常開胃。吞拿魚三貫壽司分別有大拖羅壽司、中拖羅壽司、赤身壽司，柔軟度適中，肉質緊實，食落幾有咬口，充滿油香。照燒法國鵝肝有兩件，香噴入鼻，燒汁醬幾濃郁，好食也不會觉得腻，細嫩口感，加上香脆多士，每口都是雙重口感和滋味。味淋河豚魚干賣相非常棒，配有沙律醬，食落幾有咬口，有油脂感但不會膩，肉質佳，精緻。海膽壽司幾適合夏天食，聽講係當造的季節，橙黃色的海膽味道甘甜，質感細膩，幾乎入口即溶，味道甘甜而帶有香氣，口感幼滑而略帶黏稠。海鯛薄切，肉質爽脆，富有彈性的肉質，肥美但不油膩，每一口，甘美良久不散，令人回味無窮。 吞拿魚腩刺身，鮮味又帶魚油香，佈滿精緻的魚油花紋，口感入口即溶油香四溢而又鮮味無比。鮑魚鮮嫩的肉質，味道十分鮮甜呢 西京燒銀鱈魚是我最最最鐘意的主菜，配有沙律菜，擺盤亦非常靚，單單個款已經令人垂涎三尺，微甜加焦香的效果，入口即溶。甜品有南瓜外觀但內裡卻是紅豆蓉，不算太甜亦不會太滯。其實整個餐稱得上是藝術品，雖然簡約但不失清雅，會讓人流連忘返、樂不思蜀。…Read More

一直都想試吓樓上café同埋又可以玩下UNO撲克牌，同 friend吹吓水之餘仲可以有遊戲節目，大人小孩玩起來都很OK，用餐及遊戲過程也很chill，幾適合年輕人或者一家大細休閒傾解，仲有多款boardgame可供選擇，卡座位都坐的幾舒服之餘，可以同朋友家人談天說地。而且交通亦十分方便，環境舒適，近油麻地地鐵站非常易搵。嗌主食有配加飲品，飲品仲非常大杯，夏日飲非常消暑。我同朋友兩個人嗌咗三個主食兩個甜品，並附送兩杯特飲。軟角蟹黑松露意大利粉，有濃郁的軟殼蟹意味道，黑松露味獨特香氣令人食慾加強，真係超級正又好味，上到嚟係有一隻軟殼蟹擺放在係意粉上面，好又趣同埋好得意啊煙三文魚意大利烘飽配薯條，女仔應該會好鐘意因為卡路里非常低，鋪上洋蔥絲、青瓜、青椒，並有薄薄一層芝士絲，香味非常到位。 豬仔骨配薯條，豬肋骨骨的紋路有一條條，看上去非常有食慾，茄汁很香，鐘意酸甜的朋友值得一試。薯條亦很脆，健康沙律也是我所愛。最後甜品係我至愛，有心太軟+雪糕，甜得來又唔會好滯，比例很好，朱古力流漿夠多亦擺放得靚。牛角窩夫d牛角夠脆，非常易入口。Oreo奶昔，炎炎夏日有杯奶昔真係一流。熱花茶內含有薰衣草，茉莉花，檸檬馬鞭草；可安定情緒，解抑鬱，對我地經常需要捱夜而且睡眠質素唔好既人非常有幫助。…Read More

呢幾年去唔到日本都幾懷念日本美食，今次計划試呢間十和田尖沙咀餐廳，朋友推介呢間餐廳話幾好食，真心環境唔錯。我哋第一個最想叫嘅係就係招牌鰻魚飯，毫無疑問食材非常新鮮，朗朗入口，超多鰻魚汁，相當划算。第二個係味噌牛肉飯，牛肉非常新鮮，配搭赠送的調味料非常過癮，還有淡淡的洋蔥香味，加上辣椒和蘿蔔絲的配料，質感細膩。第三個係吉列炸蝦卷，食得出新鮮蝦的味道，鮮味非常，新鮮得來仲有清甜味道，口感相當值得推介，絕對不能錯過。…Read More

今日同朋友一齊想去短暫郊外之旅，放松心情去享受郊外生活。計划去大學附近的科學園今次科學園之行第一站就去這間HUNKY DORY西餐廳。我哋第一個最想叫嘅係英國皇家牛肉漢堡，入邊有蕃茄 生菜 煙肉 牛肉味好濃郁，份量剛剛好夠兩個人進食，最好嘅仲有薯條送，幾脆口，仲有沙律菜送啱晒健康的女仔。第二個係蕃茄蓉肉丸寬條麵，蕃茄醬的味道非常濃厚，同埋有小小甜味，肉丸食得出係新鮮既豬肉味道，食得飽又唔係好滯第三個係野菌菠菜燴椰菜花飯，明顯食出椰菜花碎咗嘅味道，新鮮得來仲有清甜味道。…Read More

今日lunch想食沙律，因為夜晚約咗人食嘢，唔想食太多，搵到呢間嘅沙律都覺得幾唔錯幾正，其實平時我lunch都要食飯，不過呢間沙律食完之後六點都唔會覺得肚餓，可能入邊有雞有牛油果又有菜都幾豐富..…Read More

今日嚟到旺角睇戲搵到呢間食抵食湯麵，不過今日既湯麵只有米線，醉雞米線個湯底會有酒嘅味道，建議唔係好慣食有酒味湯底嘅朋友可以諗下，喇沙湯底米線就幾好食，因為我個幾鍾意食喇沙…Read More

今日行到屯門附近，想試吓特色米線舖頭，搵到呢間都有人排隊，所以覺得應該都幾好食，嗌咗一碗腩肉米線同豬膶米線，我淨係嗌咗小辣，但係覺得有啲辣囉，應該嗌少少辣，建議食唔到辣嘅但又唔想食清湯既朋友可以嗌少少辣…Read More

今日突然想食粥，有皮蛋瘦肉粥同艇仔粥，速度非常之快，不過唔算好熱，油炸鬼都唔算太熱太脆，都算幾平價，同埋服務態度都幾好喎…鐘意食平價嘅朋友可以一試，粥鋪都坐得舒服😌…Read More

今日lunch同同事諗住食海南雞飯搵到呢間餐廳，覺得呢度海南雞飯都算正宗，不過有少少貴囉，喺太古來講算少少貴，啲服務態度都幾好，同埋非常之快，個份量都唔算多囉……Read More

朋友生日book咗呢間餐廳，用OpenRice book有九折，不過只限散叫餐，happy hour飲品冇折，感覺都有啲小貴，薯條都幾脆口不過唔似現做，個雞都算幾好食似係現整，passion colada好好飲，其他嘢就係正常……Read More

同屋企人出去食午餐，諗住呢間喺海港城都算平，不過最後都識咗八百幾蚊唔算好平，四川擔擔麵有少少辣，不過面底唔算好熱，松子魚酸酸甜甜幾好食，啱晒老人家嘅味口，水煮牛肉入邊嘅配菜就比較多，豆砂鍋餅個甜品味道都唔錯，服務態度做麻麻哋……Read More

同朋友行到銅鑼灣想食馬拉嘢，雖然唔算好肚餓，叫咗個椰香咖央多士，都算幾好食，唔算太甜，上時都幾夠火候，不過辣死你阿媽配參巴魷魚味道就有啲辣，建議唔食得辣嘅朋友，唔好嗌呢樣嘢呀……Read More