soooooboring's Profile

今日返工好忙，隨便喺辦公室附近買個外賣醫下肚見呢間d食評都唔錯，就去買個外賣試下！呢間舖d嘢食主打無味精養生系列，麵有分撈麵同湯麵，湯麵嘅湯底主要係人蔘雞湯同蕃茄濃湯其實我都幾驚人蔘味，所以我就叫咗蕃茄濃湯米線啦其實佢有將湯同米線分碗裝嘅，不過我倒埋咗一齊先記得影相配料主要有瘦肉、西蘭花、糖心蛋同埋木耳，絕對夠食！湯底較甜，都飲得出有蕃茄味，不過就不太掛湯啦另外，我係鯖魚忠實fans！所以一睇到張圖，就叫咗個柚子汁燒鯖魚黎食個鯖魚雖然較多骨，但係燒得好脆，加上柚子汁係好新奇嘅配搭，大家都可以試下呀！…Read More

是日由大圍踩到沙田，見攰又未到交車時間，趁時間尚早，帶埋架單車去試試個間遠近馳名嘅陳根記！好彩陳根記係冬菇亭，都幾多位可以泊下單車。我地到嘅時候差唔多6點，但係都已經坐滿人我地兩個嚇到即刻揾位，最後都同人搭咗枱！所以提提各位有心人係6點前好到啦，真係會揾唔到位架！秉持著運動完只食3分飽嘅原則，我地兩個都係叫咗碟手撕雞就算其他美味小菜就要下次先試啦！佢超快到，大約只需5分鐘，應該係因應人流都整定不少係肚餓人士嘅福音！個醬十分惹味！Wasabi味好出！不過可能有d唔平均，所以食到幾啖會直衝腦門總括而言都係achievement unlocked!…Read More

呢期行開銅鑼灣，本身諗住買雞蛋仔，發現有間買煎餅同茶嘅小店，諗住就買杯嚟試吓啦！我叫左芝士奶蓋烏龍茶走甜少冰，係我平時叫開嘅配搭，打算同其他鋪頭比較下驟眼睇同其他鋪頭冇咩分別，奶蓋仲比其他鋪頭厚，蓋面用抹茶粉印着佢哋店舖名，都幾特別架！第一啖飲落，飲到少少奶蓋同茶，味道好平衡，亦都試到茶嘅清香，同埋奶蓋嘅濃郁口感，真係值得一讚！不過之後咁多啖，唔知係咪因為個奶蓋太厚定點，淨係飲到茶，飲唔到奶蓋:(結果飲到最後有成層奶蓋完全飲唔到，真係好晒！希望舖頭可以諗下點改善啦…Read More

今日同朋友去咗屯門行山，我返嚟嘅時候就想試吓屯門好味嘅小食，於是就去咗紅橋附近搵好嘢食～呢間章魚燒主打大阪章魚燒，即係冇脆皮、唔似平時食開築地章魚燒咁，但係喺網上面都非常出名，好似話成日都有人排隊咁難得嚟到一定要過嚟試吓啦！我同朋友叫咗個明太子章魚燒，要等大概10分鐘係等嘅時候，見到佢一粒粒咁整，真係好吸引啊！係等嘅時候，都一直不斷有人嚟買，證明網上嘅傳言係真㗎！等左10分鐘之後，佢就送到黎我手上啦～雖然我影咗好耐相，但係嗰四粒章魚燒都係脹卜卜，唔會好似大阪嗰啲塌晒落去！車落去雖然冇脆皮，但係係好滑嘅粉團，而且章魚俾得好足料㗎！真係好好味！雖然啲人話如果鍾意食脆皮嘅章魚燒，就唔會想食呢種大阪章魚燒，但係我都會極力推薦大家去試一試，因為真係好好味架！…Read More

樓下開咗間新嘅餃子舖，一直都想去試吓，但係各區都有唔同嘅餃子舖，仲未試到呢間。難得今日屋企冇煮飯，又遲咗放工，就趁呢個機會同朋友試試呢間啦！佢哋個餐牌入面都幾多選擇，唔同我之前食過嘅餃子舖，佢哋有招牌之選，入邊有好多唔同餡料嘅餃子，當中最特別嘅就係有紫菜餃，喺其他鋪頭都好似未見過！不過我又想食佢哋個椰菜木耳餃，又想試吓新野，所以最終就揀咗番茄湯嘅餃子樂園已朋友就想試吓佢哋個芝士餃子，所以呢就揀咗一個三重芝士煎餃配米線，湯底就揀咗酸辣湯佢哋個餃子有招牌之選入邊全部八款，但係今日可能太夜啦，冇咗素餃，於是侍應就俾我揀多一款，我梗係試吓椰菜木耳餃啦！首先值得一讚嘅係椰菜木耳餃真係好好味，個餡料非常充足，調味都啱啱好，但係最大個問題係皮太厚！！！！有幾隻仲要個接合位有啲唔熟，呈現麵粉嘅白色，而唔係熟透嘅白色其實佢啲餡料真係唔錯，不如試吓整薄啲個皮？另外個番茄湯只係飄浮左幾舊蕃茄，味道冇新鮮蕃茄味， 十分單薄，鍾意番茄嘅fans可能會有啲失望啦:(我就冇乜點試朋友嗰個煎餃，不過聽佢講都不錯，可能厚皮嘅餃子係比較適合煎，而唔係放湯，大家都可以試吓佢個煎餃嘅！不過聽說佢個酸辣湯都係比較單薄，可能餐廳要好好研究下個湯底可以點樣改善啦！…Read More

心血來潮想食拉麵，去到希慎廣場發現都有幾間可以揀， 撇除咗食過嘅嗰兩間，決定試吓呢間位於地庫嘅梅光軒呢間分店貼晒米之蓮介紹，諗住實冇死啦！喺收銀處見到有套餐可以揀，就想試吓佢個鹽味拉麵套餐可以揀煎餃子或者炸雞粒，不過呢排都係鍾意食餃子，就揀咗煎餃子，仲送咗罐汽水添我拉麵同餃子一嚟到，就見到個餃子甩皮甩骨，都幾多油，唔係好想食:(拉麵嘅面底就幾好食，不過舊叉燒偏瘦同柴，整體味道一般，冇咩特別，唔係好諗得明點解上到米之蓮好期待試吓真正拎到米之蓮嗰間梅光軒究竟有幾好食呀~…Read More

今日同朋友去開尖沙咀食飯，諗唔到食乜嘢，Search下openrice之後決定試吓呢間！ （不過呢間相對難搵，佢係服務式住宅大廈入面，而且冇大招牌，睇Google Map可能都有困難）之前已經睇過一啲相，覺得佢嘅扒好吸引，就一於試吓佢嘅肉眼啦！我嘅朋友就揀咗燉牛面肉，再叫咗個沙律，均衡飲食呀嘛！我哋叫咗個巴馬火腿Grill Room主題沙律，冇乜沙律汁，夠晒健康！不過沙律菜太碎，有d難夾起⋯⋯而我個朋友嘅燉牛面肉相當軟腍，味道好濃厚，但又唔會過鹹，真係好好味！而我個肉眼扒嘅肉味好濃，又腍滑！黑松露薯蓉反而唔夠松露味，不過都好好味，可能因為我係薯蓉fans na~呢間餐廳啲質素中上，但係可能位置真係比較隱蔽，所以都好似唔係好多人去，所以大家都可以去試吓！…Read More