Gabe.'s Profile

環境: 裝有少少舊，但算係闊落同坐得唔迫。比較嘈， 想靜嘅不了， 不過中菜係咁，無得好講服務：平庸，雖然只係holiday inn，但一定無酒店水準食物：一定差過美心d中菜館 ，最多二線美心中菜館水平，可能仲差dd所謂招牌菜都極之平庸份量中規中矩，略為偏細生炒骨皮硬又過酸，衰過大排檔燒鵝ok正常，算係最好食黃金蝦球唔夠香龍蝦伊面無特別不值一提雜菜煲 - 仲難食過屋企整甜品menu 7樣有3樣無，玩野，出去食算tst大把野食，不值一試，後悔…Read More

其實無乜期望，因為香港十間賣burger嘅9.5間都唔識整burger。以為求其搭夠一塊厚d嘅牛肉一塊芝士兩塊包就叫做識整burger。唉。同其他港式cafe/burger shop一樣難聽d講句，塊牛肉同嘅走左芫茜腐皮嘅山竹牛肉差唔多level😩舊牛唔掂，你點整佢點打佢點燒佢加乜上去都係難食。你叫佢安乜鬼格斯都係唔會好食左。最後錦上添花嘅係，食食吓唔知點解有點兒中餐的味道？ 原來有塊焗到熟嘅唐山菜喺入面。。。唉不過最可悲嘅可能係，好多人以為大大件有d汁，有d所謂"juicy"就叫好食。好難想像點比得落正評。…Read More

After years of trying out different so-called specialty burger joints in HK, I was sick of eating burgers that look good but are otherwise a piece of overcooked tasteless meat between a bun. They never live up to the hype. I thought, Hong Kong people don't know how to make burgers, and even white people who came to HK suddenly forgot how to make burgers. And then I randomly popped into this remote place in the middle of nowhere. A simple cheeseburger flamegrilled to perfection, with a patty that actually tastes like beef and remains juicy. No bullcrap labels boasting itself to be of so-called premium origin. No gimmicky grass-fed or dry-aged beef used (I believe). No stupid exotic ingredients put into the mix a la Burgeroom style.  And it costs only half of what the other places would charge you. I think this is the best representation of what (North) American burgers should taste like.  And the other stuff coming from this kitchen are equally amazing as well...from shakes to onion rings to fish n' chips to mac n' cheese.  I have visited a few times, and I'm gonna try everything from the menu one day.…Read More

九龍城中菜選擇不多，見食評幾好，以前經過好似都唔少人幫趁，就諗住試吓。睇見個名同牌面仲以為有咩神秘大廚坐鎮，點知原來都係平平無奇，同普通茶樓食晚餐差唔多，冇乜特別好食。叫左三個餸, xxxx牛仔煲:太咸，同普通餐館食d炒牛肉無異，一樣都係d軟淋淋一d牛肉味都冇嘅劣食..xxxxx炒蜆: 唔啱時候定點，d蜆冇肉，唔新鮮，汁冇咩特別鐵板野箘豆腐: 算係正常常，冇咩投訴最後，d 白飯真係好_硬，連白飯都咁難食真係好失敗。…Read More

上個月食過一次lunch, 覺得真係幾好味今次就同其他朋友食多次入到去冇menu, 要同格離枱借, 已經開始覺得奇怪....上次唔係咁點知原來成間店得一張手寫menud字仲要咁鬼樣衰, 潦過幾次, 睇倒佢係連自己想set咩價錢都唔知 (見圖)個lunch menu同以前完全唔一樣以前d chicken masala同其他印度野唔見曬得返d普通咖喱雞羊牛同茶餐廳野d staff話啱啱裝修喎，但好明顯根本冇裝修過, 因為我上個月黎過都係咁既樣諗住一場黎到是旦叫d咖喱食啦，唔通食雞扒飯咩點知要哎嗰陣個staff話淨係得飯，冇薄餅，話個爐壞左喎，都唔知係咪真算啦一場黎到都照哎啦(喺呢個侯見到2分鐘前入黎嘅客都走人唔食，心知不妙)餐湯冇咩特別, 同以前差唔多但d 咖喱就不知所謂！完全係水黎！我講多次, 係水黎完全冇咖喱味, 仲衰過自己係超級市場買咖喱粉溝水同一個月前我食過既完完全全係兩樣野黎, 好明顯係唔同廚房煮出黎既d雞....唔好話雞味..直情係連味都冇, 仲差過百佳賣唔曬d急凍雞唔好話茶餐廳/大x活啦...我肯定我大學外判d飯堂仲好食過佢!OK, 想飲啖熱檸茶濕嚇口沖嚇d咁難食嘅野落肚點知係苦嘅! 苦過涼茶，飲左一啖冇飲，小學雞都沖得好飲過佢好x嬲, 求其食左十五分鐘塞曬入口即走 (咁難食當然食唔曬)我重申，呢間已經唔係以前間恆河如果真係好似d staff講, 係裝緊修既話, 唔該佢地就摺埋一個月先serve人啦而家係差到連杯熱檸茶都唔識沖好似得返d二打六都識煮既碟頭飯，掛羊頭賣狗肉！(成張menu影埋比你睇, 絕冇所謂既"食評內容失實而導致的任何法律責任" 可言, 咪告我囉)未試過咁荒謬$150食三個碟頭飯！臨走前見到格離枱個呀叔鋸緊塊鋸左廿嚇都鋸唔開嘅所謂西冷扒，我好同情佢.....如果各位仲想黎試既話, 睇清楚係咪以前張舊menu (我幾日之後食過筲箕灣分店, 質素冇變)唔係既話就勸你千祈唔好試, 難食過工廠飯堂…Read More

預左要排隊, 最後大約等左個半鐘度啦不過而家夏天, 排到上樓梯有d焗冰鮮果茶: 有少少酸, 生果新鮮, 等d冰溶左少少好飲d冰滴咖啡: 本人唔係d咩咖啡達人, 好似幾好, 咖啡有咖啡味咁囉, 都幾得意既Strawberry waffle: waffle 好大件, 軟硬適中, 幾好咩芝士xx croissant (是旦啦d台灣名好"論盡"): 大件, 足料, 新鮮出爐, 幾好味雖然叫做"cafe", 但其實食得飽…Read More

友人以前試過係呢度食過赤貝刺身, 話幾新鮮如是者這位友人有一晚建議叫壽司外賣做晚餐叫了一個套餐, 可自選大約十件壽司 和 幾款太卷 (一條太卷可切開十二件)計計埋埋, 大約$6一件, 價錢還算可以但係要講究味道同質素既話, 就免了....呢度d壽司同劣質壽司有一個共通點就係件件壽司都好大舊飯, 勁實咁包埋一舊好似係包真空米度切一舊飯出黎再擺d料上去咁 )材料唔算得上新鮮鰻魚, 八爪魚冇乜色澤, 前者腥味比較重三文魚就不過不失最差就係d太卷...加州卷同其他一兩隻太卷有罐頭吞拿魚, 味道奇異, 失敗未夾上筷子就已經散哂, 失敗之中既失敗飯量極之多, d飯好實要用力咬(但係夾上黎就散晒變一舊舊好硬既飯)d"師傅"唔知係咪以為用塊蓆用力卷用埋一舊就可以開壽司店 )總括黎講, 如果你係想是旦食飽既或者覺得OK要好食既話就算罷啦同普通超市d壽司差唔多…Read More

七十幾蚊一個set, 有幾隻餃, 一會拉面有d 人可能覺得算係咁, 唔算貴但係以呢間野既質素, 就真係唔抵夜晚九點鐘上到去食, 汽水賣晒, 跟餐得一杯茶包OK, 算, 當我晏黎食坐低, 畢啖湯飲吓, 就知中伏d湯好似味精包沖水咁, 唔香, 得陣咸咸地既味最慘就係連d湯都唔熱, 最多只可以叫做暖暖地, 食欲大減d所謂拉面質感其差, 好似茶餐廳d偽拉面咁咬落似出前一丁多個拉面, 唔係講笑 (看圖)面里的一塊叉燒也是平庸之作, 淡, 同太肥餃子都唔係好熱, 用筷子夾落去好似就黎散咁皮唔脆, 味道更是十分之普通, 不予置評總括黎講, 仲老千過老千拉面劣食!…Read More

雖然油左少少, 但鍋貼味道還可以通常都係啱啱煎好, 所以通常都仲係熱同唔會淋左鐘意香口野/重口味野 + 身上冇乜錢 + 唔想成日食老麥, 呢間係唔錯既選擇唯一敗北就係員工做野既速度就真係極度之慢冇乜人排隊都要等差唔多十分鐘先有野食如果好多人排隊我肯定我食完個老麥落黎揾你你仲未攞得野食係一間foodcourt既食肆, 呢個工作效率係完全不可以接受…Read More

新開張諗住試下, 點知中左大伏晚餐同佢同公司既兄弟大快活一樣, 係一個個set咁叫仲要得八個set......仲要係同大快活差唔多d野..咩扒餐呀, 生炒骨呀果d環境唔係太迫但有幾張枱係正大門口中間, 唔夠兩步就係商場既通道人來人往咁啱呢晚我又係坐正門口, 外面又有十幾兩十個人等位個感覺就好似動物園入面d動物咁, 比幾十對眼望住你食野....心理上一d都唔舒服講返野食...第一, 個份量真係好細, 我叫左個牛肉絲意紛, 原來得果一碟仔, 細都我都O左咀, 一個男人叫兩個set都未必飽第二, 味道唔係真係咁差但係同大快活唔會有太大方別普通到唔普通, 同茶餐廳差唔多味道, 唔咸唔淡, d意粉"散收收"咁跟餐既珍珠奶茶唔知落左咩香料, 同出面個d唔同, 唔係話難飲但個味怪怪地總知質素就係average到唔average (已經儘量形容廢事個食評又唔批 ) )但個價錢就起碼$55 up, 又食唔飽, 所以係完全唔值得去食係個環境光d同懶係有feel咁我就唔會咁傻比多廿幾三十蚊食你個環境喇總括黎講....咪姐大X活 (唔信睇下連d碗碗碟碟都係一樣樣不過唔同色)改下個名set高少少個價錢就唔認得你咩哈哈哈…Read More

家庭式經營, 主要賣車仔面的威記可能係之前冇乜競爭既關係d車仔面可以話係hea到唔head 料真係唔係好掂 (其實可以話係好唔掂, 但當係同情佢係家庭小生意, 唔好咁harsh)食材感覺上好cheap同唔新鮮 (例如: d魚蛋唔洗點用力咬就斷開兩截)色,香,味普遍都係偏淡食落去既感覺...就好似喺冰箱度攞d野出黎"係咁二"滾兩滾就算再加上淡到唔淡既湯底....唉就連醫院飯堂既車仔面都好食(同平!!!)過佢再諗下, 香港仔某著名魚蛋河, 真材實料, 都只係賣$21佢賣d急凍食材由$20賣到而加$24....叫人點食得落....呢排可能附近開多幾間食肆, 自己知衰加推各式炒粉面我食左兩三次...第一次食個星州炒米, 都叫可以接受第二次就食個菠蘿炒飯....但係d飯真係好淡, 完全冇炒飯應有既香味最後一次食叫返個星州炒米諗住安全d啦,點知又係變得好淡好淡, 好明䫀係落得太少星州醬 !!大佬, 成日咁慳料 (定偷工減料?)早餐又冇隔離個檔咁有少少特色, (自己屋企整仲好食過佢唔係講笑)叫人點幫襯你...人地隔離排隊排到你門口, 係有原因的應該反省下, 一味唔耐煩叫人排開d係冇用架....…Read More

KFC d 食物其實間間都係差唔多呢間D食物質素都係參差, 要睇下你好唔好彩好似D葡tart咁...一時熱, 一時凍D飯就點都唔好食架喇, 一舊舊好難食不過, 食物唔係呢間KFC既重點....而係個環境唔信可以去試吓, 一入到去就會隱約聞到一陣怪味有d似廁所個d化學清潔劑個種味, 種之就好唔開胃之前比我email去投訴而家都叫做好返d點之......前兩日去食又比我見到一個奇境佢地清理垃圾原來係會成架垃圾車推入黎!而我就咁啱坐係成架垃圾車後面真係色香味俱全呀!我諗住食個快餐姐大佬洗唔洗次次都迫人聯想到係廁所垃圾房開餐呀?呢間KFC連樓面衛生都做到咁差好難想像入面個廚房係點既樣所以我諗都會永久blacklist…Read More

好感動....置富終於有返間正常既食肆唔洗迫住食D連鎖快餐店同樓上幾間連茶餐廳都不如既垃圾早茶$13兩個點心, 連茶位$20有得埋單....抵到爛啦環境都好好多啦...唔洗坐food court D爛枱...(或者上面台灣果間唔知發左幾多年霉既欄鬼梳化櫈)質素方面都係好似其他稻香咁啦, 唔錯架喇係咁e講幾樣啦...如果唔係又唔批架喇牛肉球細粒左少少, 但都熱同好食既秋刀魚炸得幾香...唔錯炸腸就真係麻麻地, 叫過幾次都唔熱同唔脆到中午, 個外賣燒味飯都OK呀, 唔洗$30蚊新開張而家D碗呀碟呀都好新淨...服務都OK (除左有時會漏單....其實好多滔香成日都係咁唉)希望佢可以搶多D客, 樓上個幾間野可以早D消失啦…Read More

入到去, 永遠冇人理你我唔係VIP, 我唔洗人鞠曬躬同我講歡迎光臨但係.....坐邊先得架大佬?所以我建議大家一入去有位就坐, 睬佢都傻總結過去一年, 好多野都食過喇, 但係呢d 野就越來越嘔心基本上>90%既野都係唔好食, 呢個食評唯有是旦講幾個最惡頂既"食物"1)午市套餐通常都有個X汁Y扒飯既:如圖所見, 係一碟典型既港式頹飯, 姐係一塊扒上面撈d汁個汁唔知係咩溝出黎, 唔係好重味但種之就怪怪地但最大問題唔係o係個汁, 而係個汁」襟」唔到果塊劣扒唔新鮮既果陣臭味搞到好似食隔夜餸咁最難忘係記得第一次去食呢間野聽到個阿姐待應都話"呢個好難食架喎"......2)咕嚕肉, 西檸雞, 京都肉晚市個套餐, 通常個list都有呢幾款餸大家諗住呢d餸酸酸甜甜會開胃d啦嚇但係佢個汁係有一種獨一無二既酸臭怪味第一口食落去好似冇乜野. 但咬多兩啖就會食到勁大陣化學味, 有d似阿犘尼亞味(baking soda?)總之呢間野所有酸酸味味既食物就會有呢種怪味3)晚市套餐, 叫兩個餸就會送一個灼菜 (而家好似要加錢?)呢個真係直接同佢講唔要都罷仲難食過大快活個D灼菜以前都會話滴幾滴蠔油或者腐乳醬上去而家滴上去果d都唔知係咩黎, 淺啡色一逹水淋上去d灼菜度應該都係蠔油黎卦不過溝到勁稀比佢咁搞法真係浪費曬d食物4) 各式炒粉面睇圖都知好冇食啦, 唔洗多講5) 最後, 附送一幅靚相解釋返呢個不明物體先....一patpat個D係腐竹黎中間成兩隻手指公咁大粒既係磨菇既其中一忽其他個D都應該係食物黎.....呢碟神作令我發誓以後都唔會食呢間野講完…Read More

呢間淨係做朝早同晏晝生意, 夜市收工唔係好明lunch點解會咁多人食可能因為置富呢個商場太失敗, 冇野好食D學生哥被迫要黎呢度填飽個肚anyways, 呢度呢, 係冇乜野食既十隻手指差唔多數得晒，而且永遠日日都係果D野,食咩呢咁? 一律都係頹飯系列姐係好似大學食堂果D最經濟, 而通常係最難食既果種飯雞脾(?)飯呀, 豬扒飯呀,雞扒飯呀呢三種, 日日如是 配豉油汁或者另一種汁, 盛惠30大元 (姐係貴大學果D一倍左右, 不過都差唔多算係市價啦吓...喺而家呢個地產商橫行既香港)oh, 要有野飲濕吓個口? 加多$2 sorry唔食頹飯有炒烏冬呀, 豬扒烏冬呀, 豬扒飽呀果四五樣野, 極少選擇...呢個就係佢地既business model黎黎去去都係果D野, 廚房應該好易搞, 好快出到order啦?錯!lunch繁忙時段出野龜速咁慢試過叫一個湯豬扒烏冬足足等左廿幾分鐘!!!諗返起都火滾味道方面更加係講多無謂, 擺到明就係一間頹飯專門店烏冬, 冇味湯, 鹽水黎, 冇味豬扒, 冇味, 上面講果三個套餐飯, 費事講大家心照不過咁, 做人唔好咁harsh, 所以個豬扒飽我比個合格佢最後要感嘆既係....真係佩服置富居民既能耐,可以容忍呢D咁冇誠意既食肆咁都有生意做, 唔怪得置富永遠冇啖好食唉…Read More