m.anson's Profile

天氣咁凍除咗打邊爐仲有咩好揀？梗係韓燒喇！難得幾個男仔咁啱得閒一於食韓燒！朋友話之前食過平昌佢話好食，一於食呢間！平昌響兆萬13樓，同其他兆萬食市一樣一出lift就係，環境地幾大。入到來第一個感覺就係空氣清新，我個人就驚就係食燒烤食到成身味同大煙。平昌完全免除我呢個煩惱！未叫野食食住泡菜先，d泡菜好好食，佢同一般韓燒一樣有生菜同醬油、豆瓣醬。碗筷好乾淨！188蚊來講有得任飲同咁多選擇真係正有部份野食要加錢，不過唔算貴對我呢d中意飲返兩杯嘅人來講，睇下雪櫃有咩飲係好重要的。佢有2種hite，同max。本人感得max好好飲！仲有其他飲品，如圖。我個人好中意食肉，所以勁叫肉。平昌會提供有醃製過同無醃製過的肉食。我響香港都係第一次食無醃製過肉食的韓燒，因為好多食市d肉唔新鮮所以一定要醃。但平昌的生肉十分新鮮，所以佢夠膽提供無醃製過的生肉那牛脷係本人最愛，爽口彈牙，食落陣陣牛香朋友話想食海鮮，我地叫左鮑魚同蝦、蠔，一樣係好新鮮。d鮑魚同蝦係有芝士響中間架，咁樣嘅食法真係第一次，燒完d芝士熔左可以拉絲！蝦同鮑魚好大只，加錢都係值得架蠔雖然細隻，但蠔味好濃係值得我不斷Encore!因為我地之前四個人book咗位，所以有好精美的甜品送。一人每樣甜品食少少將今餐劃上完美的句號！平昌的食物質素同CP值都好高，尤其佢地的服務態度真係值得一讚，若再想食韓燒我一定返來平昌。…Read More

老婆想食拉麵，身處銅鑼灣所以帶咗佢去一蘭，因為出名所以想試吓佢有幾好食！去到一蘭排隊是常識吧！由於我地叫早去(六點幾），所以只需喺鋪頭內排。身邊充滿國內同胞慕名前來。店員順道派發點菜紙，選擇個人口味的拉麵。但發覺本身＄89未加一的價錢包的只有叉燒，若追加蛋丶木耳丶紫菜等配菜，樣樣同你計錢！終於入座，一格格咁好似去咗自修室咁。一個人食最啱唔怕尷尬，兩個人傾計不太方便，三個人以上就唔駛諗傾計。可能想你食完快d走！碗麵嚟到，個湯第一印象是好油。湯底不過不失，但原來叉燒好細塊又薄，唔另外追加的話絕對滿足不了我這個食肉獸。咁嘅價錢真的好不值，出面大把拉麵店更出色，所以確實係失望！離開時，條隊已經排到出門口😓…Read More

秋風起，最啱就係打邊爐架喇！好耐無同呀媽食飯，難得同呀媽食飯緊係要食好d架啦！恰巧有朋友介紹油塘有間不錯的粥底火鍋吃，就即管試試看吧！來到門口，一對城門，一種兵臨城下的感覺，格離放住個大魚缸，今晚有生猛海鮮食喇坐低睇餐牌先知呢間食店唔只打邊爐，原來有川菜食架，不過今次來嘅目的就係打邊爐，川菜留返下次先試。我地先叫咗原隻大蜆龍蝦粥。醬料有鹹丶甜豉油選擇，還有我至愛的芫茜。個鍋未到，前菜先到！個皮蛋唔係我地平時食開黑色果種，而係金黄的！呢種皮蛋無普通果種咁重鹼味，令人平時唔食的人也容易接受！加埋個辣油及尖椒十分惹味，令到食慾大增！加咗板海膽送粥。份量夠曬多！粥底嚟到，真係嘩咗一聲！d蜆巨型又有肉地！龍蝦係本地龍蝦，大大隻好肥美！我地就放海膽入去煮，食落啲粥好鮮甜打邊爐又點少得牛！手切牛頸脊牛味濃郁肥膏偏少使怕肥又愛牛的老婆食咗好多。安格斯牛肉就較多肥膏，有牛味，深得我心。海生蝦既大隻又爽口，好新鮮！黃鱔片唔多地方有得食！都幾爽口！桶蠔就好肥美！熟咗都冇縮水，好驚喜！大連活鮑魚：嚟果陣真係仍然郁緊，唔韌且彈牙，調味也冇點就咁食夠曬鮮味！除咗鍋物，另叫即燒大扇貝。其實還有很多燒物和熟食可以嗌。綠茶芋泥餅：嚟到仲係熱辣辣，外脆內軟，芝麻甚香，綠茶皮包著𥚃面的芋泥又不太甜，配搭新鮮，值得一試黑牛柏葉：好少地方有得食！想不到這裡供應！十分驚喜！而且夠爽口！可惜已經好飽，否則一定encore!今晚食物種類多，質素又高，呀媽梗係滿意啦！…Read More

心血來潮想食吓素，咁啱身處觀塘，揾到呢間位於中海日升中心似係新派食齋嘅餐廳，就一於試試喇！裡面環境清靜，裝修優雅，又夠曬闊落，都坐得幾舒服，好適合傾計、傾工事！睇過餐牌後，我們決定吃個二人餐。友人身懷六甲，問職員有什麼適合孕婦吃，她好有耐性介紹和幫我們分析。我們叫了蜜汁叉燒拼麻辣海蜇，她還細心地説會幫我們分開兩碟上（孕婦不可吃冷盤），服務超讚由於餐免費自動升級燉湯，所以叫了個羊肚菌松茸燉湯和紅燒竹笙燴素翅試吓。足料燉湯清甜滋潤，啱曬秋意濃的今天，飲完唔口乾，真材實料，好濃的松茸味。我們都是反對吃魚翅的，所以呢個仿真度很似魚翅的素翅真是好選擇！材料十足！我覺得個蜜汁叉燒賣樣十足，少少的煙熏味食落味道有8、9成似！海蜇爽口彈牙，望落去以為會好辣，食落好少辣 ，食完一舊接一舊，好食到停唔到口！椒鹽金針菇：份量都幾多，菇炸得好乾身一啲都唔油膩，上咗炸粉但每條都係獨立無癡埋真係考廚師的功夫！每條菇都炸到又脆又香就好似食薯條香口，食到無停口！竹笙榆耳腐皮卷：腐皮卷炸至金黄後落汁燴，令到入面d菇有好多汁而外層腐皮唔散，真係皮薄饀靚！牛肝菌炒飯：喺面啲合桃勁香！飯炒得粒粒分明乾身，完全唔油膩，非常香口！份量也很多！中意食飯的人一定係最好的選擇！！豆漿真係好驚喜，主因係本身冇特別期望，賣相也不是特別，但它就是特別濃特別有豆味！飲到尾仲微微有渣，證明係賣材實料！自家製造！好耐冇飲過咁有水準的豆漿了最後有紅豆沙。由於我同友人已經很飽，只叫了一碗share, 將是日晚餐劃上完美的句號。…Read More

老婆要喺大角嘴上堂，所以上堂前同佢食個晚餐。經過呢間舖頭俾佢吸引住，因為佢門口係開放式，好有感覺。望吓menu,既有得食串燒亦可Shabu Shabu, 滿足曬我地2個慾望，所以一試。我地叫了兩個套餐，一個串燒加啤酒，一個冬祭唰唰鍋。串燒叫咗豬頸肉丶雞腎丶雞翼，我另外叫咗燒白鱔。燒物賣相吸引，燒得夠香夠惹味，配啤酒真係一流！98蚊有4樣野真係好底！尤其串白鱔夠曬肥厚，咬入去既多汁又香口Shabu Shabu本來揀北海道牛乳湯底，可惜是日不供應所以試吓昆布湯底。嚟到見到個湯底好多配料！昆布味濃又清甜，忍不住喝了幾口！牛肉有少少肥膏，食落唔會鞋口，佩芝麻醬吃十分惹味。再追加一個拉麵，兩人吃得很飽很滿足:)天氣再凍d一於叫埋成班朋友落來飲酒打邊爐！…Read More

今晚約左朋友響諾士佛臺飲酒，飲酒前緊係要打定底先。之前朋友介紹過一間呢間拉麵，咁啱又響附近，啱哂！因為時間尚早，客人不多唔使等就可以用膳。入到去感覺環境比較細，但坐得都幾舒適的。因為坐響吧台到，可以好近距離咁睇到老闆用心地泡制每一碗拉麵！沾麵最重要係佢d湯汁，而呢個武士拉麵嘅汁就做得十分出色。濃濃的魚介味加上清淡的wasabi味，呢個佩搭刻到好處，魚介的鮮味無畀霸道的wasabi盖過，而又有少少wasabi味令到濃濃的湯汁食上來唔會有膩！個麵就指定用粗身麵條，食上來口感更彈牙爽口。仲有果兩塊自家日式叉燒肥而不膩，真係想加多兩塊！朋友揀左黑蒜油豬骨拉麵，上枱時係熱辣辣的，陣陣黑蒜香味沖入個鼻，朋友話個湯底十分濃郁，食落個口膠膠地，應該就係因用真豬骨煲出來的。揀左幼麵口感也是爽口彈牙！最後加入本店特製魚油，又有呢一番風味！今次的食物真係令我和友人十分滿意，大家都異口同聲話食好拉麵唔一定要去日本！…Read More

老婆夜晚要喺大角咀上堂，於是陪佢食個晚餐。同佢經過依間，老婆覺得門面粒卡通米好可愛，𥚃面啲裝修又唔錯，d位好闊落咁，於是入咗去試試。我地兩個人坐卡位十分舒服闊落呢。牆上仲有寫著店名的塗鴉，好型格吸睛。店員説有個新的合雞套餐。我見佢兩個人只需＄128，加上我地都懶得諗食乜，就即管試試！想不到白飯上竟灑上黑芝麻呢！好有心思。想不到隻雞有點雞味，份量也多。嚟到個石鍋仲係滾熱辣的！肥牛份量足，d沙爹汁好夠亦好惹味，啲粉絲索曬d汁送飯真係無得頂！嚟到時職員才倒咖哩汁，由於個鍋仲好熱所以d煙立即噴上來，咖哩味勁香！仲有個炒雜菜，上面有不少煙肉碎。用橄欖油炒令成件事健康咗。我叫咗杯椰汁紫米冰，賣相吸引，唔太甜啱曬我口味。呢個價錢真係抵到爛:)！…Read More

已經好耐冇打邊爐。今晚又響觀塘附近，所以嚟咗呢度試吓。呢度地方好新淨，個場好大！就算推BB車入來也闊落有餘。冇諗過食雞煲的地方咁有情調！有設計有裝修，坐得好舒服。竟然有電子籃球機！仲可以玩飛標𠻹。抽油煙系統做得好好，店內冇味冇煙。走時個身都冇油煙味。最新奇係一路打邊爐一路聽Live! 好有情調。而且仲有得點歌！我同老婆分別點了兩首歌，歌手自彈自唱，唱得好有水準而且首首歌都啱曬我口味。講返嘢食，呢度湯底和食物選擇很多。我們叫了個蕃茄粟米湯底，個湯底好濃郁，老婆連醬油也冇點就直接食。湯底d料都好足！d粟米大大舊，仲有蕃茄和紅蘿蔔。啲菜都好新鮮。韮菜餃大大粒，皮夠曬薄，饀又足。而手打五寶丸拼盤一次過滿足曬五個願望，同老婆一人一粒，肉丸係手打自家製新鮮且彈牙！烏冬好滑身，撈埋d濃湯真係不得了！如果你鍾意食響鈴，你一定要叫！佢係自家製丶新鮮炸的。就咁食好脆囗。佢個size真係好大，放入鍋的話索曬啲汁，極之惹味！好邪惡足足有五大舊。牛肉嚟到齋係賣相已令人垂涎！手切的牛肉牛味濃又唔酥，鮮嫩又唔韌，好有質素！同老婆一路聽Live一路食咁有質素的食物，既浪漫又滿足。…Read More

又要響黃埔一帶搵食，今次行左去美食坊，老婆話想食越南菜，所以試吓依間。裝修好有特色，裡面環境都好有情調。啱哂我地D有型一族！由於唔想太煩揀嘢食，所以我地食咗個套餐B枱上仲有自助調味料。不過由於啲餸都好惹味或有跟汁，最後都冇用過。藥材味濃，配啱啱炸好的油炸鬼實在太惹味。排骨已經煲得好淋，夠哂火喉。份量約分到4碗仔。海南雞係我的最愛，每次見到我都會叫，呢碟雞好滑，d雞無肥油，舊舊都無骨。好多地方d醬料都係細細碟，好易點哂，而呢度d醬夠曬大碟，尤其薑茸份量多！豬勁肉好大份，外面燒得好脆，入面d肉仍然好嫩，食落口陣陣香茅味，爽口之餘唔會好油，正！馬拉盞味夠但不會太鹹，西蘭花炒得香又不會淋。蒜茸包好脆口，蒜茸同香草味好出，加上d乾煙肉碎令到更為香口。一籃有8塊好足夠！椰汁紅豆椰汁好香濃。我們成枱都係餸，迫到冇地方放，店員主動好細心幫我地執得整整齊齊，真係要俾個like佢。老婆本身擔心唔夠食！但佢啲份量好大！所以我同佢攬住個肚走。…Read More

喺九龍城附近做嘢，知道有間新開食放題的地方，所以叫咗老婆嚟食。由於新開，環境不錯d嘢好新淨和乾淨，光源充足，感覺良好。店員好友善，分別有2個嚟提示我地叫嘢食時應該寫幾多枱號。當我地仲硏究緊食咩果陣，分別又有3丶4個店員諗住幫我地收點餐紙。點餐紙上面d食物影得好靚，好多嘢都想試呢！手卷size細細件，唔駛怕食一件已經食到飽曬！海膽手卷：海膽好新鮮，完全冇腥味，好鮮甜，超推！我足足食咗5件軟殻蟹手卷亦炸得香脆。刺身非常新鮮。三文魚尤其肥美甘甜。火炙壽司：牛油玻璃蝦壽司好香牛油味，蒜香熟蝦壽司和岩鹽左口魚邊壽司亦不錯。燒物都是即叫即燒，鹽燒牛舌爽口但不韌，好味！燒秋葵對秋葵控來說真是驚喜，從沒嘗過如此食法！不用點醬已經很好味！串燒日本甜薯和燒菠蘿都好香甜！雞軟骨串香口送酒一流。全部燒物均有沙律菜伴碟，色香味俱全！韓式炒墨魚咀：好爽口彈牙，辣辣哋好惹味炸物都是即叫即炸，榴蓮炸彈好出色，好香的榴蓮流心，一吃難忘。一口芝士亦十分好味，因為芝士味香濃，很不錯！如果唔係怕熱氣一定會叫好多！香草帆立貝和蒜片牛柳粒都炒得好香。日式炒野菜炒得好香好惹味，是日式餐廳的味道。飲料方面，除了雪櫃好多選擇外，仲有清酒供選擇。甜品有雀巢雪糕和很多雪條，榴蓮雪條勁好食！另外北海道牛乳布甸有超香濃的牛奶味！值得一試埋單都係$251，性價比好高！值得推介！…Read More

我地成14個人嚟食飯，本身諗住普通食個飯啫，想不到有少少驚喜！因為先前搞手已經訂咗隻有米豬，方知原來有d咁有特色的菜色。隻豬嚟到時，侍應叫我地影張先！之後佢就切一份份比我地食。隻豬成為咗成晚的重點！下面d飯有蝦米香，乾身，索曬豬d精華(豬油)，雖然好肥但夠曬香口，忍不住encore!豬皮都好脆口！個雞煲是今晚另一重點，好入味，唔算辣，配料又多，撈飯食真係一流！另外仲叫咗龍蝦伊麵，龍蝦都好新鮮，伊麵底就味道麻麻。其他小菜都係好麻麻冇特別影相。最後問阿姐有冇糖水送，有紅或綠豆沙。今晚每人都係$125，都算抵食喎！…Read More

同長輩吃早餐都係飲啖茶食個包。去依間因為唔貴又就腳。去到阿姐叫我地自己揾位，但我地入去行咗個圈都冇位，唯有搭枱。坐低後阿姐除左幫你寫要咩茶丶拎茶嚟和點餐外，都冇service，加茶都係要自己嚟。亦冇人嚟收嘢。我地叫咗兩個點心加一個粥餐個粥一食第一啖已經feel到好勁味精，料唔係多，偏稀，麻麻。蘿蔔糕OK，煎得幾香。蝦餃皮厚，入面d蝦散收收，好似將d碎片合併埋一齊咁，唔得掂。偏細粒，肥豬肉多過牛肉好多，比例失衡，都係唔得掂。埋單位位＄34，係飽嘅。抵就抵，不過唔好抱太大期望入嚟。…Read More

是日要慶生，揀咗去Novotel食自助晚餐，因為有summer sale好似幾抵食。未入座已見要排長龍拎嘢！勁多人！排成幾分鐘先攞到嘢食。聞説呢度嘢食種類好少，不過去到又覺得比預期多，有生有熟，有湯麵又有炒意粉，呢個價錢算係咁！唯獨飲品選擇稀少。甜品種類不算多，雪糕是雀巢。有黑白朱古力噴泉，白噴泉較少見。不過服務整體欠佳，有小朋友想order炒意粉但職員唔理佢。老婆問職員攞窩夫佢完全唔理你，仲黑口黑面，直到隔離有人隊隻碟去佢面前佢才放上碟。開頭收嘢速度都快，後期d職員兩手空空行過望住我地d碗碟堆積如山都無視，仲掂行掂過！隔離枱都係層層疊咁。出面拎嘢食又冇碟！同埋偶有大大小小烏蠅飛過！最後每人三百蚊有找，酒店來說又堅係平！如果服務質數提高其實係一個不錯的選擇。…Read More

最近發現原來藍田都有放題食！價錢唔貴，可以一試！啤酒丶清酒任飲，正喎！啤酒仲要係喜力！其他飲品選擇都好多，放滿2個大雪櫃！甜品選擇多，尤其推介呢個榴蓮雪條！隔離台食果陣d濃烈的榴蓮味飄過來令我知道不吃不可！好好味黃金燒蠔：芝士和沙律醬味濃，即叫即燒。沖繩牛柳粒：嫩口唔韌，黑椒味濃，一定要試！蟹粥綿料又多，仲有2隻蝦喺入面！多春魚天婦羅：吃得出是新鮮炸，炸粉薄身好脆炸物：有日式雙皮奶好特別，炸蠔份外惹味刺身：夠新鮮！所以encore咗！可惜眼濶肚窄！沙律：最特別是海蜇，夠爽口惹味。服務態度很好，嘢食冇漏單，上菜速度快(除左燒蠔即叫即燒要d時間外)，店員又間中會嚟收嘢唔駛。最後埋單都係＄218，夠曬抵食呀！…Read More

行青衣自然徑，喺呢樹食早餐夠曬近個起點。依間翠河喺巴士總站旁，早上八時多人唔算多。我地坐卡位都OK舒服。我都係食基本嘢：沙爹牛公仔麵加火腿滑蛋，質素一般般，塊蒜香牛油多士好似擺咗好耐，唔係好脆。反而個茄湯通有d驚喜，湯夠濃。塊煙肉就偏多肥膏，肉少。平均每人三十蚊，而家食早餐呢個價都算平。…Read More