Jessica Yim's Profile

Happy Friday 同舊同學聚一聚,0係FB見到好多LIKED,所以BOOK位試下先.我地BOOK左6位,坐左戶外,感覺好舒服,因為天氣又涼涼地~!!我地開頭叫左一碟生蝦刺身,食落好彈牙,好味道!!之後即刻叫多一碟.串燒就OK啦~同九龍城果D差唔多.咖哩牛腩好想試,因為黃咖哩配薄餅好鬼正,但穩陣起見點左個咖哩炒蟹,個汁真係正!!蟹又新鮮,必食推介.仲有原個菠羅炒飯,菠羅好甜,賣相一流.反而炒金邊粉就個樣靘靓,食落就無咁驚喜.小食:炸蝦餅好好味,好彈,好彈.燒豬頸肉就好香口.其實整體食物都有80分以上.服務態度都唔錯,我地坐戶外,不停有暖水供應,因為怕我地凍親喎~~so warm~!!下次朋友生日都會再去食過.:):):)…Read More

<<女店員服務極差,疑似Manager的中年女人>>UnoMas係尋日我0係本雜誌"JESSICA"入面見到有介紹…所以,今日突登帶埋2個朋友一齊去食Lunch~點知一入到去,就發生以下不愉快的事：我地三個女仔一入到去，一個疑似Manager膚色很黑的中年女人用個極級睇唔起人既眼神咁問我地幾多位，我話:"3位"，佢又再細細聲咁問我地"有無Book位"，我話無,之後佢話"咁你地坐呢邊丫".(指住近門口的高檯加一個不肖的眼神)。我地諗住坐低傾下計，所以唔想坐得唔舒服，所以，我就話："可唔可坐d低d既檯?"然後個女人答："暫時無喎！" 嘩！無就算啦…唔洗d態度咁差嘛…我地三個忍唔住，即刻轉身走就去第二間啦…我保證呢一間餐廳呢一世都唔會再去！！…Read More

一行12人去試下街市內的意大利餐…個感覺真係幾特別。一坐底既感覺係：好似九龍城街市上面咁。不過，呢間老闆都好有堅持，就係依然要有:1.意大利紅色格仔檯布.2.水杯、叉、刀係同高級餐廳一樣，絕無痕漬.呢d咁細微既地方，0係街市都搵到！讚！食物方面：:自家制麵包 (真係好好食！又熱又軟，連牛油都放得靚過人架。):大蝦沙律 (蝦夠新鮮，大大隻，配菜都OK~):脆皮豬 (一定要試下，脆脆的，好夠味，份量唔多，2個人岩岩好！):白汁煙肉意粉 (呢個反而覺得唔夠味，可以再濃味d.)甜品就一般般:Cheese Cake係軟身，唔岩食…:焦糖蛋就個底仲有好多糖，過量左…同埋仲稀稀地…總括所有野都幾OK…不妨一試！但甜品就轉場食會好d~~~食晚餐會有一杯野飲送…(鮮橙汁、可樂(好大杯)、紅酒，白酒.)…Read More

呢間日本野我食過好多次，食物質素穩定…最緊要服務態度一流！點傾計都得，唔會趕你走。上菜次序唔會亂龍.…一定係前菜、刺身先到熟食。而家出面好多餐廳都唔會注意。雖然呢間係日本野，但都試過我朋友想食生蠔，搵佢地代我預訂生蠔，食過幾次，絕對新鮮，配埋白酒就Good喇！見議早幾日打去Book左先。:燒骨付豬肉腸$16@ (勁好食！！必食推介！):帆立貝黃金燒 (又係好得！d汁好甜甜地，好特別！):清酒煮蜆~(清酒d味岩岩好，好清甜！):串燒 (有太多款選擇，可慢慢試，都好食！):玉子奄列炒麵 (都ok~唔夠飽就要叫！)…Read More