ley's Profile

晚上8點，一進店，只有我一枱客，所以位置可任坐，設計簡單，冷氣充足。原本諗住睇喵，點知喵喵無返工。看看餐牌，點選了＜店家推介＞：1。手打牛肉漢堡 + 炒磨菇2。至尊雙層漢堡面包又凍又乾又硬，牛肉無味，又乾又勁咸，鞋到瘦肉甘。完全唔似即製，除了炸薯條還好，無樣值得放入口 個價錢仲要唔平，50蚊以上一個包，轉套餐又要加錢。本想支持小店，但其表現。。寧願去當當食 Signature burger。真係一試難忘，無下次。88。…Read More

感覺非常差，事源一早喺 OR 預訂枱，睇過食評明明正正常常，但現實同網絡世界嘅作文，真係好大分別。1。無服務，明明訂左枱，無人 SERVE 你。但全場係無客，叫我自我揀枱，到我想揀我喜歡嘅位置，又唔比我坐，要我坐門口位。冷氣又唔夠，全程熱到飛起，滴晒汗黎食野，自己開住風扇仔都唔掂。全場得我一枱，服務非凡。2。由於環境已經差，啲枱仲要唔整淨嘅，成枱面都係灰，足足抹左2張紙巾。所以之後用餐已經無心情影相。3。食物：差差差除左2人餐會有餐飲外，全部野食都係散叫，所以4人焗住叫左個2人餐同埋加左個喵耳粉。得沙律同喵耳粉正常。牛扒同豬扒完全 overcooked 鞋到不能，連 大xx 都好食過佢。全程用餐體驗異常地差，呢個價錢比甘嘅質素我，絕對唔會再幫襯。…Read More

喺鑽石山地鐵站外收到呢間店嘅宣傳單張，個價錢幾吸引啊！致電店家查詢，佢話夜市有海鮮供應。再喺度睇到第一位J小姐嘅相，就勇敢地去試下晚餐。嘩 。。一入到場，環境新淨，座位分佈都唔錯，又唔需要搭枱，第一感覺OK的。埋到枱坐低，職員話有燉湯送，之後就上左個沙律，灼菜同龍蝦伊。 好似幾吸引啊！然後 。。。就開始 。。。伏伏伏之旅！龍蝦伊：賣相 OK，但實際頭頭尾尾的殼，只係搵好多汁放上面，扮有肉。啲伊面有一半乾到無煮過一樣。炸物：正常沙律菜，生果，甜品：新鮮，最好食嘅食物車仔面：好多雜丸，不過無菜提供，比較奇怪，而且湯底唔得，好腥。令成個面同啲餸都好難食。點心：得蒸包，馬拉糕，魚肉燒賣，都肉片飯。總結：一定食得飽，但並無海鮮供應，呢個價錢試一次就夠，唔會再試，伏伏伏。千祈咪相信 J小姐嘅相片，假假假。…Read More

平時喺數碼港返工，都有幫襯開午餐，今日遲左少少食，試下佢個下午茶啦！我都係買外賣，其實價錢同午餐差不多，55蚊。但質素份量差勁得很。個外賣碗就好大，但裡面上下層都係空心，河粉得2-3啖，餸得2-3啖，汁多過餸，真係超過份！ 可以 Blacklisted。…Read More

一早已預訂8點餐枱，7:50 到場可先入座，入座後經理再確認原先已預訂的餐單，服務感覺不錯，但之後 。。。要求上菜後，15分鐘開始有第一樣菜餚：百花脆皮雞，即係芝麻雞皮蝦餅，蝦餅彈牙，但蝦膠分佈並不平均，有些1.5cm厚身，有些只有5mm，師傅手功略嫌求其，而且汁醬淡如水，什麼味道也沒有，可有可無，失敗 。。第二樣：濃湯雞煲翅，聞到香濃雞湯，還可。第三樣：頭抽煎大虎蝦，唯一滿意之作，大蝦新鮮。之後等了30分鐘，什麼食物也沒有。整家餐廳只有6枱客人，職員有6人，一對一的服務比例正常，效率應該相當高，但職員除了不停換碟外，不會跟單，亦不會催單，還錯漏百出，不屬於我枱的食物送上枱，人家比我們遲點的東西，還可更早享受。距離關門時間只余30分鐘還欠3樣菜餚。不停空著肚子呆等，迫於無奈叫其他小食。金沙炸大魚皮，全為呃 Like 已設。之後20分鐘，才連上3個餸：～ 燒乳鴿：正常，唔鞋，但係我叫左成粒鐘都無，對面枱遲我半粒鐘都食緊囉！多謝晒 ～ 香煎米粉配海中寶，直情係搵笨之作，米粉無味都估到，個汁又水，又無料。～ 牡丹蝦汁脆米伴北海道帶子，原本應該係有汁淋上帶子面同埋汁撈到下面啲飯，但結果上枱完全無汁，下面個白飯乜味都無。總結：廚房唔夠人做野，餸菜淡而無味；無服務，員工無心工作，只係派碟員；甘嘅價錢，甘嘅質素，可一不可再，完。…Read More

一向食開呢個品牌嘅旦糕，一向都覺得佢啲旦糕質地好軟熟，忌廉好輕好滑，而且價錢合理，性價比高。所以生日都選擇呢個品牌，覺得中伏程度應該唔高啦！啲食材用料都係日本直送嘛！誰知呢款季節限定：日本柑，酸到飛起，等同檸檬一樣。生果唔靚都算啦！食落個旦糕到又乾又鞋又硬，完全同佢平時嘅水準，差天共地，究竟係咪個造餅師換左人？定係啲面粉轉左，唔係用日本面粉？整體簡直差到不能接受，下次一定唔會試季節限定，無水準可言。…Read More

之前經過過幾次，都係要排長龍，甘岩今次經過唔洗排隊即入去試。叫左期間限定：甜醬油牛舌拉面+旦。本身係牛舌控，呢個牛舌比圖片更厚切，非常軟林但好有口感，簡直係10分滿分。唯一不足係旦，overcooked 做唔到溏心流心效果。另一款係白熊拉面，湯底不俗，叉燒可選半肥，全瘦，角切，我選左全瘦，入口一啲都唔鞋，而且無甘肥，適合女士可減輕罪惡感。🤣🤣另外，亦試左大坂燒餃子，裡面係芝士粟米餡，感覺古怪，粟米亦好乾好硬，唔建議試食。整體拉面表現不錯，必定要食期間限定：甜醬油牛舌拉面，正！…Read More

見到網上推介有抗疫價套餐，於是訂枱試下。呢個套餐$168，有海鮮，小食，串燒同埋迷你飯，但唔包飲品。是日海鮮有8款，我地選左鮑魚，聖子，象拔蚌，花甲刀貝，海蝦。全部都好新鮮，無沙，啖啖肉。小食有廿幾款，我地揀左葡汁椰菜花同炸墨魚餅，不過不失。串燒都有廿幾款，我地揀左孜然羊肉串 （好細粒肉，麻麻地），韓式豬頸肉 （不過不失），汁燒豬護心 （幾好味），汁燒雞脾菇牛肉 （有驚喜，好好味）。蒸飯有6款，我地揀左蒜蓉蒸蝦飯同葡汁牛脷飯，普普通通，如果個size可以再大少少更佳。呢個套餐真係岩晒2個人，可以用一個幾抵嘅價錢，$168 又食到海鮮，又可以試甘多款食物，滿足晒女女嘅喜好。而且上菜好快，唔怕仔仔等到肚餓，唔錯唔錯。😊😊…Read More

今日下午茶時段黎到，全場客人一隻手數得晒，職員多過客。所以職員安排座位時，可以分隔得好開，唔怕會坐得好迫夾。環境好整潔，餐廳有免費樽裝搓手液提供比客人使用，而且提供餐具時附上一杯熱水比客人自行再清潔餐具，令客人可以安心使用，值得加分。午餐選擇都幾多，有十幾款，下午茶時段叫，有5蚊折扣，包埋飲品都係4x蚊。我叫左三寶飯，豬扒鬆軟，春卷炸得好脆，係扎肉辣左少少，因為裡面有黑椒粒，我本人唔食得辣。白飯都煮得好好，粒粒分明，小女子一人食晒，因為真係幾好食。#下次會再幫襯 …Read More

公司附近無乜餐廳揀，見金記裝修完，仲有現金劵未用晒，去金記買個午餐，希望個廚房啲質素有啲改善。叫左個翠玉瓜炒肉片，打開個飯盒，見到嘅係獻汁浸翠玉瓜。成62蚊個午餐，啲質素仲差過出面啲40蚊2餸飯。啲瓜又薄切，又煮到爛晒，明明係炒，就變左湯浸。真係頹爆，仲衰過之前，唔會再比機會，完。…Read More

路過附近，被店外照片吸引，而且價錢實惠，於是乎買左一盒霸王雞菜飯返屋企試下。原本賣相都幾吸引，雞件不少，飯量亦好多，菜飯嘅菜好新鮮，一個女士應該食唔晒。但係當我夾開啲雞件望望時，就發現驚喜 。。芽菜鋪底，啲芽菜醃得唔錯入味的，重點係翼尖。。翼尖。。同翼尖 ，如果鍾意食翼尖嘅朋友，不妨去幫襯下。…Read More

網上見到呢間小店個煎腸粉幾吸引，於是今日慕名而來，見到堂食滿左，所以選擇外賣，甘岩下午茶時段，就揀左1号餐試下，有喳咋同煎腸粉，我加左旦聽聞會好食啲。先論味道，個煎腸粉加旦係幾好味，被秒清，呢個煎腸粉絕對需要加埋旦，先可以增加美味度。否則只係食到普通嘅混醬。個喳咋係足料，味道唔會太甜，食完唔會話勁口渴，呢個組合唔錯的。但論價錢同份量，就真係比較失色。呢個餐成為42蚊：18蚊煎腸粉＋5蚊旦＋1蚊外賣盒＋17蚊杯裝喳咋＋1杯外賣杯。呢個價錢真係偏貴，尤其係個糖水，我從未見過十幾杯係得熱飲杯裝，仲要比外賣杯錢。經常外面都係云吞面兜甘大，最多入面係7－8成滿，從來無諗過係杯裝。如果知道係杯裝，我諗我唔會選擇呢個餐。但整體除左呢個特點，其實都可以一試，但一定要堂食囉！否則都幾蝕下。…Read More

見到好多食評都話呢間厚切豬扒幾吸引，所以搵晚去試左。試左2款晚市常餐：厚切豬扒併菠蘿包＆雞脾併肉醬意粉。2個餐嘅賣相都幾唔錯塊豬扒真係幾大下，而且真係好厚身，但係切落又Ok啊！好易切，咬落去好林，好入味。 個菠蘿包同蒜蓉多士都好味。雞脾同肉醬意都正常嘅，不過整體份量就少左啲，女士OK，男士就會唔夠飽。…Read More

朋友生日，甘岩晚市放寛，朋友想黎呢度試下個半自助晚餐，話買一送一，咪試下囉！每位有一份主菜, 同枱有一份海鮮盤: 每位半隻龍蝦, 2隻生蠔, 半隻蟹, 2隻蝦同2隻螺。另外加送刺身一碟同壽司一碟。主菜有6款, 但原來只有2款唔使加錢: 燒春雞&帶子意大利飯；另外4款都要加錢：黑毛豬+$20, 羊架/牛扒+$38, 爷頭扒（2位用+$200.）。海鮮盤：龍蝦，蝦＆生蠔，味道普通。蟹，完全無味。翡翠螺，得個大字，隻隻都有沙，切到粒狀入口都仲係有沙。刺身：啲色假假地，但OK新鮮。壽司：簡直離譜，啲壽司飯硬都算，唔係珍珠米，係茶記米。 外面自助吧，無乜野食，所以無影相。有新鮮沙律菜，但係啲 Prama Ham 係un到切唔開 。。啲磨菇湯好稀連少少菇粒都無 。。其餘正常食物：咖喱魚旦，炸魚柳，炸雞翼，灼菜心 。係第二轉好少少，有烤磨菇同長通粉叫做好味少少。等左個幾鐘，終於上主菜啦！啲速度慢到呢？！主菜加錢叫左黑毛豬，羊架同牛扒。首先上枱係2份5成熟牛扒，每碟有2塊，但係好好笑，其中一碟：一塊係全熟，一塊係7成。另一碟：一塊5成，一塊7成。 試左啖已經驚驚地 。。之後，上黑毛豬同羊架。個黑毛豬幫你切好晒，擺位幾靚仔甘，但最伏就係佢 。。🤬🤬🤬 鞋過瘦肉 。。一人分一件都仲有淨 。。唉！心諗死啦！個羊架會點？！好彩個羊架係最好味嗰樣，唯一係肥膏多左啲！ 喺無啖好食又食唔飽嘅狀態，唯有向生果同甜品埋手。好彩佢啲朱古力雪芭都仲有朱古力味，幾香濃，啲旦糕仔都尚算OK，可以食2件。但綜觀 $568+10％ (2位)，主菜又要加錢，得一個唔掂嘅海鮮盤，唔得嘅刺身同壽司，合乎水準嘅甜品，同埋普普通通嘅茶記小食，加加埋埋都要3百幾蚊@位。真係性價比極差，唔會有下次 。。…Read More

今日經過見到呢間小店，有種似曾相識嘅感覺，再望望門外餐牌，原來就係之前成日喺深水埗幫襯嘅小店，而家搬左黎佐敦，仲方便左。於是乎晚上就試左呢度嘅晚餐，入到店內，座位間格都適中，有唔少嘅卡位供選擇，而且店員姐姐都好細心，幫我揀選無甘大風嘅位置，以防我凍親，值得加分。打開餐牌，晚餐有好多選擇，有焗飯意粉喇沙同扒餐，價錢約4x~9x，非常經濟實惠，適合慳家嘅小情侶。今晚我地叫左2個扒餐，一份係魚柳併牛柳配天使面，另一份係牛肩扒配天使面，上枱時份量十足。有餐湯，墨西哥薄餅，又有沙律菜伴碟，男士都唔會餓親。特別要讚賞下，牛肩扒牛味濃，而且廚師煎扒外脆內軟，保持到肉汁， 而且天使面唔係煮到爛晒，入口時仲有彈性。下次經過一定要試埋呢度嘅焗飯水準如何。:)…Read More