ritaxdd's Profile

炒米粉好鹹同碎碎地 啲人話間粥舖冇咩味精，但係個炒米粉一食成口都係味精上次食咗碗粥都已經覺得佢係有落味精 同屋企自己煲個口感唔同而且加價加得快 見到上年岩岩開炒米粉賣緊$20五個月後嘅今日已經賣緊$22 唔知係咪因為太多人食太好生意 好多買$25嘅粥都加到$28 不過依家粥舖買少見少 加上啟德呢邊冇競爭 呢個都算係冇選擇之中嘅選擇…Read More

上次嚟嘅時候已經食過一次個魚蛋覺得太辣，但係因為個辣汁甜甜地，真係好好味，所以就算太辣都好想食多次。今次都係叫咗陳皮魚蛋想試埋佢蘿蔔。姐姐話辣汁可以揀辣度（小辣、中辣、大辣同特辣），仲有唔辣可以揀。見到前面嗰啲人買個撈麵都會落辣汁。根據睇YouTube同埋上次嘅經驗，今次叫咗小辣。真係好好味，但都幾辣下，佢甜甜地，但食食下後面會有個辣嘅味道湧上嚟，好有層次，點魚蛋同蘿蔔都好夾，至於啲蘿蔔就同平時嗰啲差唔多都係炆到好腍。…Read More

佢岩岩開張個周末黎試，都多人，但當然葵廣多人好多，落單之後5-10分鐘就有得拎。同其他分店一樣，個皮係硬硬地脆脆地嘅（無醬個啲位），一粒入面有兩三粒章魚，好足料。明太子拼蟹籽（$44）明太子3.5/5分｜蟹籽5/5分滿滿嘅蟹籽，令我覺得佢比起原味貴幾蚊好合理，明太子偏鹹黑松露拼蟹膏（$46）黑松露5/5分｜蟹膏4/5分蟹膏冇乜蟹味普普通通同明太子味差唔多，不過冇咁鹹，黑松露就好好味，有好重嘅黑松露味（不過當然就係有少少煤氣味嗰種啊）蟹籽拼蜜糖芥末（$44）蟹籽5/5分，蜜糖芥末3/5蟹籽好多好正，不過蜜糖芥末佢冇乜蜜糖味，亦都冇芥末味，最主要係沙律醬味有啲失望。總體嚟講水準keep到，同埋佢好嘅地方係個地方比較大排隊同埋拎章魚燒嘅時候唔使好似葵廣咁人逼人，所以會再黎食…Read More

我係平日中午時間去食，本來諗住應該好多人，點知去到唔使等位直接就可以入去佢嘅幾個招牌菜，例如：炸牛腩炒飯 蝦油炒飯全部望上去都好吸引我叫咗椒鹽豬扒炒飯，飯上面起碼有五舊大塊嘅豬扒。平時都有用筷子食飯嘅習慣，但係佢呢個炒飯係炒得粒粒分明，完全夾唔起，超級乾身，好正👍🏻至於佢個豬扒，出面食椒鹽豬扒，好容易有好大浸用化學野醃過怪味，但係佢呢個冇佢上面配咗好多炒過炸過嘅蒜，同埋一啲乾辣椒，好惹味。份量好大，最尾食唔晒。…Read More

一直見到有人推介，想食好耐。佢menu係有啲推介組合，不過我個人覺得佢似係求其諗出嚟個味道未必一定最岩，因為叫嘅時候個店員都load唔到其實係乜嘢味，同埋佢最尾入單嘅時候其實都係逐隻味逐隻味打單。不過一開始唔知道佢其實係求其拼嘅，叫咗個葬送的芙莉蓮（churros拼茉莉毛尖雪糕加黑糖醬），其實見到仲有豆腐同埋開心果味都好想試，不過茉莉毛尖做雪糕出面比較少見到，個茶味好濃好好食，口感好滑（畢竟係gelato)。churros即叫即炸，所以要等十五分鐘。我會期待佢好好食。因為係即炸嘅關係，所以真係外脆內軟，但可惜好油，每食一啖都好成羹油放入口個口度咁樣。雪糕好好味，下次應該會嘗試買豆腐同埋開心果，但應該就唔會再叫個churros.…Read More

上網見到咁多好評 就同朋友去試入到去兩個人都叫咗雞白湯拉麵個麵係太麵 偏硬個雞白湯唔算太濃郁 上黎個時唔太熱 最重要個重點係佢有燶味問過侍應 佢話個湯底正常係咁樣嘅味 可能係因為啲叉燒燒過影響 但係我哋食過啲叉燒冇味係得個麵同埋湯底有燶味話如果我哋食唔慣可以換（當時唔想麻煩所以無換）之後佢就叉燒，超級肥 亦都唔知點解超級鹹咁多樣嘢加埋，令到我哋最尾冇食晒就走咗兩碗雞白湯拉麵加一支果汁梳打，埋單差唔多$300應該唔會再去，因為個湯底真係太得人驚…Read More

去咗兩次 試咗兩款甜品都唔錯❤️第一次食咗焙茶蛋捲 蛋捲十分之軟熟 原味忌廉口味偏輕盈 入面再包有有濃濃嘅焙茶忌廉 十分之好食 去嘅時候平日中午唔知點解冇乜人排隊 所以食完飯就入咗去食甜品 如果甜品內用嘅話收加一 拎走就唔使第二次綠茶蕨餅軟雪糕🍦綠茶味幾濃蕨餅係軟冧冧個種 但帶有口感 好味 堂食嘅話要排隊中間都有經過過呢間店 經常有人排隊（包括買雪糕拎走）因為我唔係好鍾意排隊 所以嚟咗幾次先至食到 如果想嚟食嘅話要有心理準備…Read More

叫咗一個Set同埋一堆火炙壽司，三文魚火炙壽司薄到可以見到師傅嘅刀工，食落去口感差咗啲。$28 1件有啲貴。另外果set廚師發辦壽司，雖然用嘅魚都係貴啲嘅品種，但啲魚都冇乜味。帶子更加似係雪藏咗好耐，因為冇味。另外，個set壽司拎上嚟嘅時候仲有粒飯癡係底。個set仲跟咗一個茶碗蒸，咁茶碗蒸大家梗係覺得係日式㗎喇，但茶碗蒸上面有中菜嘅芡汁，食落去亦都似中式蒸蛋。過但係畫嘅不過完全就唔係茶碗蒸。如果好堅持一定要立食嘅可以一試，否則唔推薦。…Read More

下午兩點幾去食 唔洗排隊 先係出面買咗野食 有位就有人帶你入去坐 整體嚟講普普通通雞白湯叉燒烏龍麵味道OK 偏清淡 但食得出冇味精 烏冬係偏彈牙嗰隻 個叉燒口感軟熟 但味道冇乜特別櫻花蝦芫茜餅夭婦羅難食到喊 識落有油益味 同埋辛味 點咗個汁先至勉強擺到入口 亦都冇乜芫荽味 不過食落去係幾碎嘅SOLO TEA 炭焙烏龍係一般嘅烏龍茶 但飲落去會有一浸回甘嘅味道 因為佢加咗甘草粉 我個人嚟講就唔係太鍾意 因為浸味道有啲假 不過呢啲口味好個人整體來講服務OK（因為其實都唔expect佢有咩服務） 嘢食一般 應該唔會再嚟…Read More