yaumak's Profile

點解咁遲發現佢嘅存在? 其實因為之前太古坊有大工程, 好少行入去.雖然佢好多人, 仲要人齊入坐, 不過佢翻枱快, 一兩個人的話差不多都唔洗等.第一次:豬軟骨野菜咖喱飯($75) - 上菜超快, 豬軟骨真係透透地嘅軟骨, 啲肉又腍, 酸酸的味道, 開胃又好味第二次:黑芝麻牛肋野菜咖喱飯($72) - 牛肋條唔韌, 有真係有芝麻香, 好味第三次:棷香烤雞野菜咖喱飯($唔記得) - 其實我唔鍾意食棷香, 雞肉算嫩滑, 有少少香烤味, 好味佢啲飯仲要唔係淨白飯, 有味有粟米粒…Read More

見熊仔火鍋廣告好吸睛，終於有機會去試。把握時機，12點前去到就大把位，食完果陣基本上滿座。熊仔真係好得意，不過唔知加咗咩令湯底凝固成熊仔，食物上面滴入碗嘅湯好快就滰成一坺。開爐一兩分鐘，隻熊仔就自己瞓低咗。主菜揀咗牛肩脊，味道肉質都正常。不過，唔知係唔係我又黑仔，每片牛有五份一係牛脂(唔係雪花)。基本都有三幾種蔬菜同三款菇。汁方面點咗麻醬，但唔知點解好酸，懷疑佢比錯左柚子醬，但又好似見到芝麻。🤷服務方面，無水，要出門口埋單。…Read More

友人話個師傅喺觀糖果邊嘅時候食過, 啲蝦餃好好味.  今日專登蒞試下.第一次來唔知要等人帶位定點, 猶疑咗一陣致行入去, 個侍應好好笑容噉打招呼, 話可以隨便坐, 仲話下次見無人理直接行入去同佢哋打個招呼就得.今餐點左一籠温泉蛋牛肉飯及一籠豉汁蒸鳳爪:温泉蛋牛肉飯($44) - 我就好奇嘞, 蒸飯又點樣做到温泉蛋嘅效果呢, 除非係後加生蛋遮, 果然上菜嘅係一粒熟蛋. 牛肉好滑又美味, 就係山竹牛肉嘅質地與味道, 我鍾意呀. 致於飯係粒粒分明, 又唔會過硬, 可惜我本身喜歡食軟飯.:)豉汁蒸鳳爪($34) - 我最愛點心頭三名之一, 好味, 軟硬都正常, 不過我怕我太鍾意食唔夠中肯(哈哈).茶芥$10一位, 無加一…Read More

外子鍾意食唐揚雞飯，睇完一個 YouTuber 介紹麵樂係一間被拉麵耽誤咗嘅炸雞店之後，即刻蒞食。傳聞話唐揚げ發明者個孫喺香港開咗間鋪頭。YouTuber介紹話日本唐揚げ協會唔知比咩qualification佢。外子對麵樂嘅炸雞飯讚不絕口。佢話果舊炸雞又大又炸到脆卜卜，啲mayonnaise同邪惡沙律醬又鬼死咁好味，沙律菜又有邪惡胡麻醬。價錢唔平，但唐揚雞飯性價ok。地方淺窄 。無其他補充。要食就要乖乖地門口排隊了。…Read More

第一次蒞到港鐵啟德站，成個大鄉里噉。一踏出路面，附近都係地盤圍哂板，好在指示尚算清晰，跟住行就去到屋苑範圍。上到餐廳門口，完全另一種感覺，地方闊落，裝修又靚又寫意，好啱打卡。同友人亂點一通，以為自己點了格仔餅，原來點了芭菲杯，不過，都幾靚，味道又 ok ，只係唔方便share。其他飲品、食物都係靚靚的。全日早餐，薯條味道唔算超好味，但對得住個價錢。我哋幾個人，傾偈坐咗比較耐，無被人趕，整體服務都很好。…Read More

Phadthai 喺新開嘅太古城中心 food court 最入面.佢分 food court 同餐廳食兩個餐牌.food court 餐牌款式較少, 而且平幾文. 例如: 香葉肉碎飯, food court $62, 入餐廳 $68.今次我坐餐廳裏面.  有少少裝修, 氣份好過坐 food court.今日兩個人分享無骨海南雞飯($88), 豬頸肉 ($72), 馬拉盞通菜($74).無骨海南雞飯($88)有雞翼, 雞翼有骨, 哈哈! 油飯唔膩, 雞肉質正常, 三隻醬調味幾好.豬頸肉 ($72)隻豬應該係肥豬, 頸肉都有少少肥, 肉質鬆, 唔算燒得好香, 附幾片生菜都OK新鮮, 可以夾肉食, 個汁就有少少辣.馬拉盞通菜($74)正常, 正常就夠啦.btw, 見隔離枱碟豬頸肉炒金邊粉好大碟, 好似好開心.…Read More

本來打算平平地去轉角間茶餐廳，吖！佢五月一號致開返堂食。於是，行幾步蒞到 Salted Pig。我哋兩個人，揀咗一味原個芝士焗椰菜花，同埋喺侍應推介下揀咗隻焗豬手。芝士焗椰菜花，原棵上個大少都幾震撼，椰菜花連條莖都夠晒腍，而啲花又 keep 到口感，啲芝士又好味，最衰芝士並唔係勁多 因為舖名主打豬，所以對隻豬手都有期望。上枱無叫都拆咗肉，好方便。配菜無咩特別，唔講了。嘩！啲肉！啲肉軟硬適中，豬味算香 (雖然打破唔到我食過最香果間 - 已經無做嘅某間紅茶館分店)，啲皮又唔會硬掘掘，好正呀！食唔哂，打包回家，第二日翻熱都還可以。…Read More

第一次用 Openrice app 落柯打外賣自取，完來都幾方便。我比預定時間遲咗三分鐘去攞外賣，外賣已經預備好，而且一上手就聞到好香。今日點咗個燒烤醬肉丸薄餅 ($178)，相比 pizza box pizza hut 係比較貴；不過，亦比較好味：個燒烤醬好味，芝士好味，肉腸好味，成個配合又無違和感。仲有，平時食薄餅個批邊超唔想食，今次撕細細件點佢嘅 dip 食，個餅底煙煙韌韌，個 dip 又好味，極少有噉食哂條邊。我諗大食嘅人可以自己食一個(我食咗三份二個)。…Read More

飲開酒嘅友人蒞過，所以我只係負責飲飲食食同夾錢。特別有印象個鴨肉漢堡，因為第一次食鴨肉造漢堡，醬汁味度不錯，不過分享有點困難，最好都係自私食，哈哈。令外個牛油果醬點墨餅都幾好味。後段唔知做乜，請我哋飲咗幾杯仔飲品，個杯仔幾得意。…Read More

簡單來講，無十二味咁辣，少咗啲椒，多返啲餸，多咗走辣選擇。裝修好似無乜點變，但張枱中間一隻好粗嘅腳，唔知點坐好，一係丫開對腳，一係就坐後啲要烏前食。今餐點咗麻婆豆腐，我覺得ok，但友人話白飯凍，可能個麻婆豆腐好熱，我撈住食又唔係好覺。…Read More

自從佢8月中開舖，我食咗一次下午茶餐兩次午餐，今日試埋晚市散叫，簡單總結都係大件味正常抵食。大串燒拼盤($118)：豬頸肉正常唔靭，個汁好味。豬雞串燒唔鞋，普通啦，牛串燒有少少過熟，但個汁似乎唔夠香。馬拉盞通菜($68)：好抵！好大碟！質素味道都正常。黃咖哩牛腩($88)加蒜蓉包($30)：蒜蓉包無蒜粒，蒜味唔重，但個包非常鬆脆，點咖哩好正。黃咖哩牛腩，牛腩正常，黃咖喱就看似好稀，但點住個蒜蓉包又幾好味喎。今餐係食唔哂要打包。下午茶餐基本上都$48，除咗豬手飯同海南雞飯$58。我試咗海南雞飯($58)：飯唔太油，不過凍咗有啲硬，雞肉正常，不過無我最喜歡嘅甜豉油汁。午餐都$58。試過咕嚕魚，因為太少肉，仲要係魚，我唔夠飽，但味道正常。另一次試咗香葉肉碎煎蛋，肉碎比較濕，我覺得做生菜包會比較好。外子就試過牛柳粒紅飯，佢話個紅飯嘅酸味同甜味都可以重啲，牛柳粒就有微過熟。跟餐小食試過魚餅同春卷，魚餅香，春卷脆。…Read More

今次帶外子(下稱“大叔”)來食，地方大，都唔怕無位，無訂位。大叔點咗牛扒($188)medium，大叔話加少少鹽就好味。我見啲肉紅紅的，表面有網紋，試咗一口，唔靭唔靯，比起銅鑼灣啲餐廳真係好抵食。我呢，上次食過牛扒，今次試煎三文魚($148)，塊皮脆，但三文魚肉有少少過熟，入口有啲啲鞋。份量係夠嘅，不過無碳水化合物，好快就餓了。前菜我點了沙律，照樣新鮮，大叔點了湯，喝到自家制嘅味度。餐飲係 drink menu 任何一款($28)，$28以上要補錢。我嘅黃桃汁同上次一樣，好以攪難了罐頭桃。大叔嘅咖啡(加$2)好一般。…Read More

入到去致知，呢間餐廳好大，喺西環村附近來講係非常非常非常大。真係有兩三台客，一入來就問邊個位拍大叔的愛我今日點咗份午市套餐美國頂級西冷牛扒($188)：前菜揀咗沙律：原來舖頭有自己水種菜，好新鮮只係落咗少少醋已經好正。主菜牛扒(medium)：份量唔少啊！配菜同沙律差不多，不過唔同味。塊牛扒邊邊有少少肥膏，一陣一陣 grill 香味，肉質亦都剛剛好，Q彈不韌又唔鞋餐飲(包$28飲品一杯)揀咗桃汁：似罐頭黃桃攪拌成汁友人話佢食嘅煎東星柳都好味。…Read More

希慎廣場地點 OK。枱與枱之間嘅距離都 OK。明明話係上海菜 crossover 日本菜，但我點嘅偏偏都係上海菜：:)豚肉小籠包：OK，正常，皮可以更薄。煎韮菜豚肉餃子：呢個驚喜喎，大大隻，有肉汁，韮菜比例唔太多又啱啱有啲味，如果塊皮煎得再脆啲就正喇。紅油抄手：雖然肉饀同煎餃子一樣，但紅海抄手來講皮太厚兼奇形怪狀，而且重麻感 (麻辣嘅麻 - 我同外子都唔喜歡)。千層豬扒擔擔烏冬(轉拉麪)：湯偏稀，無花生香，重麻感 (麻辣嘅麻 - 我同外子都唔喜歡)，蓋過咗對塊豬扒同麪嘅任何感覺。埋單時問有無 yuu 會員，才知道係美心集團。…Read More

好少蒞到呢頭，覺得唔就腳，但呢個小圈都係翻新舊樓，感覺好特別。唔知係咪限聚座位少咗，排咗好耐隊，但專程蒞到，都唔想放棄。講返個漢堡：味道幾好，肉質幾好，無啲生嘢整到個包吸哂水最好。塊漢堡煎到非常香，但正因如此，肉味比較食唔出，而且比較油。同我自己鍾意嘅肉味重剛啱相反，不過，我仍然覺得佢好味。包係有煎過的，有啲香脆。枱上面放咗幾種食漢堡常加嘅醬料，茄汁，芥辣，辣醬都有。整體味道好好，只係對我來講太油。…Read More