littlekim's Profile

星期二食晚飯時間，行經尖沙咀金巴利道想食燒味飯，見佢大大間好似幾好坐就行咗入去，一入門口，已經有兩三個夥計，指示我行去中間坐低，服務態度又唔算差，一般茶餐廳水準。餐牌望落去好多款式揀，一心想食燒味飯，最後叫咗碟燒鵝叉燒飯，再加一杯凍檸茶，上菜都幾快，燒鵝皮顏色都幾靚，可惜燒鵝肉又勒又乾，不過啲皮都有少少脆，叉燒又乾又瘦好柴皮，整體就係唔好食。其實附近都有幾間燒味茶餐廳，如果冇乜特別，真係唔使試呢間。…Read More

上星期日去咗銅鑼灣新店，新店地方大，坐得舒服。未到12點去到由於時間尚早，所以冇乜人，坐咗大約半個鐘已經冇乜位了。試咗招牌豬腩包，三黃雞包，豆豉鯪魚沙律，墨西哥炸雲吞。兩個包係用中式饅頭嗰啲包做，好鬆軟好味，招牌豬腩包好食意料中事, 估唔到三黃雞包配黑醋汁都好正，雞好冧，炸雲吞好脆仲有我鐘意嘅菠蘿，不過豆豉鯪魚沙律咸左D，冇乜豆豉鯪魚味。另外可惜只有水及酒精類飲品提供，中午真係唔習慣飲酒，如果有咖啡飲就最好。我一定會再嚟試其他野。…Read More