susude's Profile

之前公司食飯黎過呢度，當時食左個溫泉蛋肉醬長通粉係幾ok幾正常的，餐廳環境坐得都幾舒服，於是同同事再黎過食，點知有伏...同事點左呢個黑蒜帆立貝意粉，佢話呢個味道稍淡，但都還可以接受既。而我點左呢一個黑松露野菌意大利飯，我一食就覺得超級咸呀！！係我人生中食過最咸既意飯，而我對咸既接受程度係好高，由細食媽咪麵公仔麵d勁咸味精都ok但一山還有一山高，呢個飯咸既程度太勁啦，我頂唔順基本上食完係飲野都係冇味的同事話上次聽過其他人點呢碟意飯又係勁咸，到底點先可以整到咁架😂希望餐廳會改善下，不過短期內應該唔會再去.... …Read More

終於等到星期六，想搵個輕輕鬆坐低食飯既地方。行到黎呢間一直都冇試既小小西餐廳，由於佢外表似一間cafe，都怕冇飽肚既野食，睇睇餐牌，係有午餐既，於是入去一試～我地叫左兩個意粉午餐，分別係黑松露雜菌忌廉汁意粉同西班牙辣肉腸煙肉茄汁意粉份量還可以，配料都足料，總體味道不錯黑松露都幾香幾惹味，茄汁意粉唔會好酸，d汁既味做得幾平均，辣肉腸味道都冇令人失望，因為真係幾惹味，我地好快就食完，但唔會好飽，係唔會有負擔的一餐，環境靜靜地幾舒服，適合放假同幾個朋友黎傾計聚會下既地方。…Read More

同男友收工後去尖沙咀搵野食，間間都長龍，行到一條靜靜地的小巷，有一間裝修好日本的拉麵店，懷念日本鄉下既我地就走左入去試試我地叫左個二人餐，可以叫兩個拉麵同三款小食。我叫左茶香蒜豚骨拉麵，男友叫既係赤豚拉麵，個湯唔算好咸，都幾香，拉麵彈牙，份量都足料所以我地都覺得覺得幾唔錯～小食可以配三款，熱愛炸野既我地揀晒炸物分別係唐揚雞，炸蝦同炸北海道南瓜薯餅我覺得小食好食過拉麵～特別係薯餅，食落去幾甜幾好味，呢幾樣炸物都唔會好油膩，冇炸過龍同新鮮所以我地覺得呢間拉麵店都相當抵食～…Read More

因為近新公司，之前逛逛下就去左，一試難忘於是又再帶朋友黎幫襯，職員會係門口幫人量體溫同消毒對手，終於有一間餐廳會量完體溫之後話我知我幾多度。不過今次黎到個餐牌唔同左～漢堡加小食或者漢堡加意飯/意粉，以前一個漢堡同意飯/粉係唔同既餐，我諗咁樣方便照顧大食同細食人士最後我點左流心蛋牛肉漢堡加薯條漢堡比以前未改餐單時迷你左，易切左，依然美味～d蛋汁非常正，漢堡啖啖肉對於正常食量的女士，呢個份量相當不錯～細食的應該會食唔晒朋友叫左個芝士鰻魚漢堡配薯條，都係超級正～賣相同餐牌圖片一樣啊…Read More

成日去紅米支持蕭生👍而家入紅米前要量體溫，侍應安排座位都盡量坐疏d, 店面清潔度都高，所以雖然多人但感覺衛生的。今次試左重量級西冷牛扒，呢個價錢算好優惠啦～可惜牛扒有d un，都有d 難咬，薯條有d都凍左, 希望之後會有改善男友食左呢個芝士溫泉蛋肉醬飯，一開頭比錯左意粉，同返佢地講佢地都好快上返個飯比我地男友講幾好食，d汁好多同足料，飯既份量會比較少，食完覺得岩岩好，唔會太飽又唔會唔夠都幾適合放完工打算簡簡單單食一餐～ …Read More