PeLee7480's Profile

早排聖誕節黎左尖沙咀海港城港威酒店嘅Three on Canton自助餐，💰人均780蚊，早一日收到📞通知話無生蠔🦪供應，會由亞拉斯加蟹🦀代替，無得食生蠔有啲可惜，不過一樣咁好味。場內有唔同地方食品選擇，我最鐘意嘅就係海鮮類，選擇唔多不過夠哂新鮮。另外扒類都唔少選擇，有齊豬牛羊雞🐖🐂🐏🐓，佢個羊架真係燒得唔錯。甜品種類多，賣相吸引仲有🍫朱古力噴泉同豆腐花，不過就唔係喇推薦喇，食落嘛嘛地，都係拎個Häagen-Dazs🍦食開心啲。 …Read More

路過見到而家做緊優惠，堂食都可以有85折，所以就入左黎食晚飯。呢度環境乾淨整潔，佈滿貓貓元素，好可愛中。芝士吉列黑豚🐷石鍋飯塊吉列豬排中間夾住厚厚嘅芝士，鐘意食芝士嘅芝士迷唔可以錯過呀，不過食完塊扒就有啲空虛，因為淨底嘅只有一碗白雪雪乾爭爭嘅白飯🍚，無汁無味😂好在叫左另一碗係辛味牛柳粒泡菜溫蛋丼，偷左啲醬黎撈飯食。辛味🐮牛柳粒泡菜溫蛋丼係韓國口味，超級辣，不過好野味。小食有日式炸雞同鐵板日式鮮燒餅，2樣都好好味😋。…Read More

又黎到ABC Cooking Studio上堂喇，今堂嘅作品係：Chocolate Noel特濃朱古力蛋糕💁‍♀️🎂，老師話呢個蛋糕喺外國係個聖誕節蛋糕黎嘅。蛋糕堂大概2小時，今次只有我同另一個同學仔再加導師，3個人一枱，原本已經係小班教學，而家少人上堂更加似私人授課咁🤩。成個製作過程都有導師指引，佢會根據我地嘅製作速度黎講解下一個步驟，主要都係我自己動手整，唔明嘅地方，可以請導師落手示範。而食材全部都係導師上堂前準備好，用完嘅煮食工具亦有職員幫手清洗，真係啱哂我呢啲唔鐘意洗碗嘅懶人😎…Read More

今次黎左油麻地分店買，知道佢好受歡迎，所以一早去排定隊，⏳️每日4點半開賣，當日3點45分去到，已經好長龍喇😱最後終於成功買到✌️買左原味同埋綠茶紅豆味，綠茶味布甸餡配煙韌麻糬，賣相靚靚。布甸包一邊喺廚房熱辣辣新鮮出爐，即刻遞出黎前檯售賣，保證拎上手一定係新鮮滾熱辣😍👍一人只可以限買2個，非常搶手，好快就無貨了。原味就限買4個，流心蛋漿配香脆法包，新鮮熱食嘅時候好香奶香味，好味，不過個人覺得雪凍食更加好味😋…Read More

觀塘工廈區一向係個美食天堂，聚集左唔少隱世美食。今次呢間餐廳想食好耐，不過成日都好長龍，所以特登趁weekday 10點半去食😂餐廳位置比較偏僻，第一次搵左好耐至搵到入口，入口再上一層至係餐廳。今次叫左：明太子忌廉大蝦燉飯$148網上推介必食，粉紅色賣相幾靚，食落又幾好味。蒜香蟹肉炒意粉$118蒜香味十足，配上鮮甜蟹肉，唔錯。黑松露忌廉磨菇大蝦意粉$112黑松露迷一定唔可以錯過嘅好味。鹹蛋黃薯條$68：好邪惡嘅配搭，不過有少少油。整體黎講，唔錯唔錯，食物比較偏濃味，推介鐘意濃味嘅朋友仔試食。…Read More

自從Edan上年個MV📺之後，A1 Bakery個蘋果派🍎而家都經常被搶購一空，其實今已經係唔知第幾次回購喇，📸影張相黎分享下比大家啦🙈蘋果派上面嘅格仔酥皮充滿香濃嘅油味，切粒嘅🍎蘋果餡酸酸甜甜，夾埋一齊perfect👍唯一美中不足嘅係派底，派底用牛油蛋糕整成，偏厚而且偏甜，有少少搶左蘋果味，所以我每次都會批走個底分開🍴食架。💰58蚊大大個，🔪切成4件一人一件都飽，性價比認真唔錯👍…Read More

壽司郎係來自大阪嘅日本第一迴轉壽司品牌，喺香港已經開張左一段日子，分店亦都愈黎愈多，不過排隊堂食嘅人龍一樣係咁長，大家對佢嘅熱情無減退過！食過一次，應該都體會到點解佢可以一直咁受歡迎。佢地嘅衛生同服務態度做得唔錯，有提供濕紙巾消毒雙手、膠袋包口罩，又見到啲員工成日消毒雙手。而且壽司價錢平，最平12蚊就有2件壽司，質素都對得起個價錢，試問點會唔吸引呢🤩🤩今次叫左壽司加甜品，總共28碟，埋單440蚊。除左必食壽司之外，好多人都話壽司郎係被壽司耽誤嘅甜品店，所以我都另外仲叫左2個甜品，卡達拉娜、朱古力香莓芭菲。卡達拉娜食落口感似雪糕、芝士蛋糕及焦糖布丁嘅混合版，表面再灑上砂糖用火槍烤成香脆嘅焦糖，有唔同口感嘅層次，極推薦🤤👍👍👍朱古力香莓芭菲就嘛嘛地喇，偏甜而且都幾多忌廉（怕肥🙈）不過上面嗰粒朱古力布朗尼好濃朱古力味，好好味，搭埋啲雪糕一齊食就啱啱好。…Read More

Godiva定期都會做買一送一優惠，每次都大排長龍，今次開賣半個鐘後⏰️去排隊，人龍唔算長，排左大概20分鐘🕕就買到。今次呢個朱古力卷黑朱古力軟雪糕🍦限定4日，每日限售200套。黑朱克力味軟雪糕再配埋朱克力味雪糕筒，上面仲灑左唔少嘅朱古力碎🍫，食落口就係濃濃嘅朱古力，朱古力迷一定唔可以放過呀🤩。…Read More

每次同朋友黎親朗豪坊行街，我都會過黎買杯野飲🧋，花果飄零係香港本地品牌嘅小店，店內主打🥀🍊花果茶系列飲品。而我最鐘意飲佢嘅Made in 852📞，一開始係比呢個名吸引左至叫黎試下，因為個名好有香港嘅感覺852，Made in 852呢杯係咸檸柑桔話梅龍井，咸咸酸酸咁，既消暑又解渴🥵，係夏天必飲嘅消暑好物🔥。攞飲品嗰度仲有個佈置得靚靚嘅角落連埋個食物轉盆，將杯飲品放喺度影相真係幾呃like架。…Read More

一向鐘情芋頭嘅我，見到milksha嘅芋頭鮮奶係店內排名top1🥇，即刻忍唔住買黎試下。 芋泥飲品無得選甜度🌡，飲落少少甜。唔想太凍❄，揀左最最最少冰，真係得3粒冰👍芋泥中間夾雜左粒粒芋頭碎，食落有啲咬感，又幾好味。如果想健康啲，可以加5蚊💰揀燕麥奶，我就咁普通奶，都好好飲😋 簡約風佈置，有行燈字可以喺前面打卡。桌椅都收起反轉，唔可以喺店內飲用，店員都有戴好手套口罩，調配飲品之前都有酒精消毒雙手👍👍廚房用玻璃間隔，清晰見到飲品嘅製作，衛生整潔。 …Read More

今次去Odelice！同朋友慶祝生日🎂。一直都想試食，次次尖沙咀行完街食飯想入去，但係間店都滿座，今次終於📞book左位入去食。 🍽💨生蠔新鮮juicy，壽星女表示超滿意，唔夠喉，要再追加一盆🤣🤣🍽💨特色主廚拼盤有牛油果蓉、煙三文魚同巴拿馬火腿配烤多士，食落咸香咸香唔錯👌🍽💨蕃紅花海鮮燴飯內有青紅椒🫑‼️唔鐘意食椒嘅都係唔好叫呢碟喇😂🍽💨低溫慢煮伊比利豬黑毛豬低溫慢煮可以保留豬肉嘅肉汁，我最鐘意呢碟👍🍽💨新鮮大蜆鍋份量好多，滿滿嘅一碟蜆，個汁係蘋果白蘭地忌廉汁，都幾惹味😋🍽💨無麩質煙三文魚蕎麥薄餅隻蛋煎得好靚。不過個蕎麥薄餅都幾硬，又有啲乾，恕我唔係咁識欣賞呢個餅，唔推薦🙈🍽💨白雪公主可麗餅慶祝生日邊少得甜品，book位講定係慶祝生日。廚房有幫手寫生日句子同點埋🕯上枱，賣相唔錯，不過入面全都是cream，怕肥嘅美女們就淨打卡好喇📸…Read More

Cocolo蘋果派選用嘅食材都係由日本直送：青森縣蘋果🍎、和歌山嘅吉士醬製作。入面啲蘋果係一粒粒正方體，好有咬感，仲帶少少蘋果酸味，再配搭吉士醬，一啲都唔膩。酥皮層次分明，牛油味香濃，而且口感酥脆，無比蘋果醬浸淋左。好味，性價比唔錯👍…Read More