soulqueen's Profile

最近和幾位朋友到餐廳聚會，整體體驗非常愉快！餐廳的氛圍輕鬆而熱鬧，適合朋友聚會和慶祝特別時刻。食物：我們點了幾道小食，特別推薦他們的雞翅，外脆內嫩，味道十分入味飲品：酒吧的飲品選擇多樣，特別是雞尾酒，調酒師非常專業，調製的飲品口感絕佳，令人驚喜。環境：餐廳的裝潢舒適，音樂也不會太吵，讓人可以輕鬆聊天。服務員，老闆同埋老闆娘熱情友好，大家都好好傾！總結來說，這是一個非常適合與朋友聚會的地方，無論是食物還是飲品都讓人滿意。下次一定會再來！…Read More

自從上年去完西安之後，就對陝西菜念念不忘。今日過咗嚟呢度食午餐$60個一個餐，包晒呢三樣嘢，一個食，一個餸，一杯嘢飲。豆漿好香，唔知係咪有另外加咗啲嘢落去，同平時飲啲豆漿嗰味有啲唔同，我覺得特別好味～跟住到個蔥油豬扒，意想不到地好食！好鬆軟，個皮剪得好脆，蔥油好香，最後食完啲豬扒，啲蔥油忍唔住都倒埋落去撈麵。最後就係個麵，超鍾意食佢個質地，我唔太食得辣，就叫咗小辣，有啲辣椒粉同辣椒油，我覺得如果再香濃啲會好啲，但係我都唔知點樣調味，不過我都好滿意👍🏻…Read More

聽朋友講招牌草莓西瓜蛋糕好好味，今日專登排咗一陣隊堂食，$78一個蛋糕，堂食最低消費$100，一個蛋糕$78嘅價錢當然會有啲期望。蛋糕味道清新，口感豐富（因為真係有好多唔同野咬，但又唔會因為咁而覺得好好味），最面有少少玫瑰花瓣和開心果，成個蛋糕都食到少少玫瑰花味，上面嘅士多啤梨夠酸，中和左啲甜味。中間有一層西瓜係佢一大特色，但唔覺得因為加咗西瓜而令個蛋糕好味咗，整體味道普通，唔會有慾望想食第二次。…Read More

用ubereats訂左呢間外賣，超難食，又唔抵，不可再！未食過咁差的午餐😖 平時呢個價錢已經係食到個不錯的set lunch,呢間唔抵又冇誠意。西班牙海鮮飯 $102， 得隻唔新鮮蝦，青口就冇，但係冇端端有隻青口外殼，又尖，好左睇到，如果唔係實整損個嘴冇端端有青口殼，明明冇青口食煙三文魚蒜香欖油意粉$72， 得個鹹字…Read More

近來試左間新開的西餐廳，位於觀塘工廠區，近年觀塘工廠區都開了不少有誠意的餐廳，呢間喺其中一間。因為book左枱的關係，中午時分1點去到就有位。餐廳唔算太大，但坐得幾舒服。我同朋友各點了set lunch, 有餐包，湯/沙津，主菜，仲有餐飲，另外可以加錢叫特飲同甜品。本來以為呢間西餐廳d野都係d普通白汁意粉之類，但一上菜時即刻呆一呆，因為個presentation 好靚!我試左朋友的南瓜湯，好香，好滑👍🏻我的沙津的汁調得剛剛好，甜甜地，酸酸地，幾清新開胃主菜出場，我點左個豬仔肶，個汁好香，豬仔肶夠淋，配菜的粟米都好食至於服務方面，我本身就好怕d冇禮貌的侍應，呢間餐廳的人都好有禮貌，合格睇黎以後中午又多個好去處～…Read More

叫得awfully chocolate,當然強項係朱古力。今次叫左件sliced cake, 嗰樣好吸引，食落朱古力甜度亦恰到好處，蛋糕質地係普通蛋糕咁，唔係唔好食，不過冇廿驚喜，同我自己整的chocolate cupcake 都係咁嘅味，加上$50個，絕對overpriced...…Read More

今晚叫左一盆大的盆菜做晚餐, 一盆$898 都好大盆. 以前我食開另外一間, 今年聽uncle講話呢間都幾好味, 就試下啦. 今日下午6點幾去拿, 好多人 , 不過等左一陣就拿到.返到屋企一打開, 都有好多料, 有鮑片, 大蝦, 豬皮, 腐竹, 蘿蔔, 半隻白切雞, 半色鴨, 魚蛋, 腩肉, 蠔豉, 但係就好油, 因為入面有好多大大舊ge肥豬肉. 我覺得個味都幾香濃, d 料都好入味, 用黎配飯就一流 不過間唔中食下就好啦, 實在太油啦.我今晚有成十七個人食飯, 一個大盆其實都係僅僅夠食.…Read More