Thechillchillday's Profile

今日心心念念一間湯份，所以即使30幾度高溫都要行去買🤣🤣 今日的午餐係「迎麵」嘅 招牌瑤柱金湯米線。🍜 招牌瑤柱金湯湯底色澤金黃，入口帶瑤柱鮮香同濃厚骨湯味，飲落幾順喉。外賣返到屋企都仲有熱度，油份唔算太重，唔會覺得膩。🍲 配料我加左4蚊食魚肉春卷、豬耳同牛肚❤️豬耳同牛肚都係炆到好淋，係我鐘意的口感😆😆🍜 米粉米粉份量足，質地爽滑，拌埋金湯一齊食，鹹鮮味啱啱好。🧃飲品我加左$7加佢既檸檬茶，係好好飲！見到有人用$20淨係買黎飲，就知幾有質素😍🌟 推介指數：★★★★☆🍃 Chill 指數：★★★★☆…Read More

知道第二日有颱風假，夜晚決定唔煮，食完仲要去做gym～見到 Supersandwich 出左新嘢（太耐冇食🙈），價錢合理又有位，就坐低試試。🥔 三文魚沙律焗薯薯仔好大隻，焗到超軟甜，入口好滿足～配上酸酸地嘅三文魚沙律，清爽解膩，好食！🍚 希臘式檸檬薑黃燒雞低碳米炒飯今次最大驚喜！薑黃飯粒粒分明又軟淋淋，係我最鐘意嘅口感 😍雞扒偏薄，但好軟熟，唔會乾柴，只係食唔到太多檸檬酸味～🥗 雞扒沙律份量十足，菜底新鮮，仲有兩隻溏心蛋＋雞扒，蛋白質滿滿，絕對夠哂飽。老公一個人KO晒成碗。💡 總結：整體感覺清新健康，份量足夠，價錢合理，對想食得清淡又飽肚嘅人幾啱～⭐️ 推介指數：4.5粒星🛋 Chill指數：4粒星…Read More

今次嚟尖沙咀肉屋慶祝生日🎂，呢間店真係超受歡迎，必須提前book，walk in 好大機會要等位。🥩 壽喜燒特色肉屋用嘅係 關西風壽喜燒做法：先將白砂糖放喺鍋中間慢慢熔化，炒到出焦糖香，再放牛肉落去煎。跟住啲砂糖慢慢溶化，真係好療癒！每片肉片都有專人煎，火候啱啱好，令牛肉外香內嫩，仲帶有焦糖香味❤️佢呢度特別之處，係有兩種唔同種類嘅蛋，食嘅時候點一點蛋汁，成塊肉即刻滑溜到不得了；再加埋香噴噴白飯一齊撈，濃郁滿足。蔬菜、豆腐、蒟蒻絲等就放喺邊邊慢慢吸收醬汁，味道愈煮愈香。🍚 必試推介1️⃣極上牛肩肉押飯配蘭王蛋黃：牛肉吸滿壽喜燒醬汁，撈飯一流。2️⃣厚切牛舌：有咬口又唔韌，肉汁鎖得好緊，入口香滑。3️⃣日本和牛菲力壽喜燒（特選部位）：油花分布靚，肉質嫩得嚟入口即化，完全係亮點。🍨 甜品柚子雪芭清爽解膩，不過就⋯甜咗少少。⭐️ 推介指數：⭐️⭐️⭐️⭐️⭐️🍷 Chill指數：⭐️⭐️⭐️（可能因為人多，上菜節奏偏快）…Read More

咁熱嘅天氣，真係要食返枝凍冰冰雪糕先至舒服呀！🍦未行到門口，已經聞到陣陣香味。點咗黑芝麻軟雪糕，一咬落去，第一個感覺就係——超級夠凍！！🥶 香濃嘅芝麻味即刻喺口腔爆開，就算我平時唔算特別愛芝麻，都覺得好順口又好食。雪糕筒仲好脆，咬落去有「咔嚓」聲，令口感更加滿足～ 唯一美中不足係雪糕真係融得快，要快快手食完。下次一定要試埋佢嘅菲林卷，見到已經心郁郁，好期待呀！😍🍦 Chill 指數：⭐⭐⭐⭐⭐👍 推介指數：⭐⭐⭐⭐…Read More

小店 $48 就有 10 隻湯餃，真心抵食！每隻都大粒結實，咬落去啖啖餡，配埋鮮紅蕃茄薯仔豬骨湯，酸甜暖胃，鐘意屋企味的必試～今次揀左兩隻味，每款5隻❤️🥟 粟米豬肉餃飽滿多汁，粟米粒甜甜地，加埋豬肉餡好夾。🥟 芫荽豬肉餃芫荽味好香濃，入口清新，對芫荽控嚟講必試！再加少少辣椒菜甫同陳醋，味道層次更加豐富～食完勁飽肚，真係一餐頂兩餐！⭐️ 推介指數：⭐️⭐️⭐️⭐️⭐️🛋 Chill指數：⭐️⭐️⭐️…Read More

呢晚嚟到太子嘅悄悄食堂，今次係朋友介紹，係太子站行10分鐘左右，呢個天氣係有啲熱既不過一到門口，就覺得冇黎錯啦！呢度環境好有格調，木架吊住一排排酒樽，配合暖黃燈光同工業風天花，氛圍好 chill，坐低就已經有放鬆感。職員好細心介紹酒類同有禮貌，整體體驗一流。🍸 玉包荔枝 Sour Cocktail因為我平時少飲酒，所以揀左隻果味濃的酒~呢杯入口酸甜平衡得啱啱好，荔枝香味清爽，配上玉包嘅柔滑口感，清新又易入口。大冰球慢慢融化，飲到尾味道依然保持濃郁。除左呢個，佢地仲有超多款酒，出名自制梅酒，朋友飲左兩round，特別酒list一定滿足到想放工小酌兩杯的朋友😁🍣 三文魚他他多士三文魚粒切得大方，加上厚身芝士，油脂香滑，配搭脆卜卜多士，一啖咬落去好有層次感，清爽開胃。推介👍👍🍲 野菜豆乳嫩雞煱呢個係我地主食😛湯底用豆乳打底，飲落順滑帶淡淡豆香，我地一開始就已經飲左幾碗😂配料有冬菇、金菇、豆腐、蔬菜等，簡單清甜。雞件係泰安雞，大大嚿，口感嫩滑，煲耐少少更加入味，成個湯底轉左風格😋😋適合秋冬慢慢享受。🥩 自釀醬油麴燒厚切牛舌芯厚切牛舌芯係朋友的推介，外層微焦，咬落爽彈又多汁，火候掌握得好。個鹽都好出色，好味！🌟 推介指數：★★★★★🍃 Chill 指數：★★★★★…Read More

工作實在太忙，今日做到晏晝 3:30 先有時間食飯，決定獎勵下自己～ 壽司郎果然係最佳選擇！呢個鐘數嚟，完全唔使排長龍，10分鐘內就入到去，好正～🍣 壽司必食三文魚壽司：鮮甜肥美，油脂豐富，入口滑溜，嚟壽司郎一定要叫！$17吞拿魚新蓉卷：口感爽脆，帶少少酸香，平衡到吞拿魚嘅油香，清新又易入口。 $12🍣 今次新試味道海膽三文魚籽紫菜壽司：海膽係結實的口感，味道鮮甜，加埋紫菜一齊食，層次感豐富。喺返工時間食到，真係超滿足！$17炙燒鱈魚壽司：魚身油脂香，火炙後多咗焦香味，入口即溶，加埋甜甜地的醬汁，幾特別，會再食！$17赤身吞拿魚壽司（配檸檬）：魚肉新鮮爽口，加檸檬酸香，中和咗油膩感，味道清新。$17📌 總結：壽司郎真係幾方便，平時可能要排隊，但揀啱時間去就輕鬆入座。三文魚壽司依然必點，新試嘅幾款都幾有水準，海膽同炙燒鱈魚最驚喜，下次仲想試埋其他限定款！⭐ 推介指數：★★★★☆（4/5）⭐ Chill 指數：★★★★☆（4/5）…Read More

✨ 食評｜亮仔飯堂（荔枝角） ✨我公司喺荔枝角附近，有時想食個快飯，我就會揀亮仔飯堂嘅兩餸飯🍱，價錢只係 $40！$40！$40！仲要已經包埋湯／糖水／飲品，CP 值真係幾高，係返工族同學生嘅快餐恩物。🍱 主食兩餸飯：餸菜選擇多元化，有家常小炒、紅燒肉、煎魚、炒青菜、蒸蛋等。份量足，可以揀菜飯定白飯，飯又夠熱，餸汁淋飯後特別惹味，姐姐態度又好❣️🥣 湯水每日例湯都有唔同，清清地暖胃，雖然唔算好足料，但有誠意。🍮 配品糖水或者飲品任揀，好滿足！📌 總結：亮仔飯堂主打親民價錢同家常口味，$40 已經包飯、兩餸、湯／糖水／飲品，抵食又方便。適合追求快捷、平實飽肚嘅上班族。⭐ 推介指數：★★★★☆（4/5）⭐ Chill指數：★★★☆☆（3/5）…Read More

✨ 食評｜永興冰室（旺角） ✨上個月同外國返嚟嘅朋友聚會，係太子永興茶餐廳食咗幾款出名嘅菜式😋，地方帶住濃厚舊式港式茶記味道，環境熱鬧又有人情味，啱晒同朋友或者家人一齊歎返個快樂午餐。🍲 湯品鮮魚蕃茄湯：中式魚湯，賣相清澈紅潤，成碗湯清爽唔膩，好適合鍾意飲湯，或者想食得清淡的朋友😇雞翼：雞翼勁深色，滷得入味，皮滑肉嫩，份量正常。🍰 甜品梳乎厘：上枱時真係「嘩」一聲，好似頭咁大🤣，蓬鬆輕盈，入口即化。甜度適中，唔會太膩，加埋微微蛋香，食落幸福感滿滿。雖然份量驚人，但同朋友 share 嘅話真係啱啱好。*記住要早啲落訂，因為新鮮焗製，需要時間。*📌 總結：永興茶餐廳主打港式風味，價錢親民，分量足夠。鮮魚蕃茄湯清新暖胃，雞翼米粉入味飽肚，梳乎厘巨大蓬鬆，係必點打卡甜品！如果想搵一間有傳統港式風味又有驚喜甜品嘅茶記，永興係一個唔錯嘅選擇。⭐ 推介指數：★★★★☆（4/5）⭐ Chill指數：★★★☆☆（3/5）…Read More

今日同家人慶生，去左La Famillie買蛋糕🎂最鍾意佢哋嘅戚風蛋糕冇厚厚嘅 cream，啱晒有長者或者腸胃唔好嘅朋友食，食完唔會覺得膩，每個都食得開心☺️。🍰 戚風蛋糕香芒熱情果：外層明亮黃色，頂部有紅莓同裝飾小花🌸。蛋糕鬆軟，芒果香氣突出，熱情果帶來微酸感，平衡甜度，好清新，好適合夏天享用😋。日本夏向夏蜜柑：橙黃色底，加上鮮嫩蜜柑果肉同淡淡慕斯，賣相簡潔大方🍊。食落果肉 juicy，帶微微柑橘清香，配合輕盈戚風蛋糕，口感柔和又爽口，非常啱唔鍾意過甜嘅人❣️。📌 總結：La Famille 嘅戚風蛋糕主打輕盈清爽，冇厚重 cream，味道天然，果香突出。無論係 香芒熱情果 定係 夏向夏蜜柑，都非常適合家庭聚會，特別係有長者嘅場合。希望之後有機會試佢哋大個裝既蛋糕，每個都好靚😍😍⭐ 推介指數：★★★★☆（4/5）⭐ Chill指數：★★★☆☆（3/5）…Read More

✨ 食評｜Mr Steak（九龍灣） ✨今次同老公食九龍灣 Mr steak 嘅半自助餐，餐廳主打主菜 + 自助餐形式。環境企理，選擇算多，不過座位同座位之間距離比較近，而燈光比較光猛，唔係一個可以講心事同講feel嘅地方🤔頭盤同沙律都幾新鮮，甜品區有啲蛋糕同水果，選擇唔算非常豐富，但以價位嚟講都合理。🥩 主菜：牛扒賣相幾吸引，上枱時熱騰騰。不過肉質偏硬，切落去有啲韌，牛味一般，未算特別突出。🍗 主菜：雞烤雞份量足夠，但肉質同樣比較實，口感唔算嫩滑，調味偏鹹。🥗 自助餐區沙律菜新鮮，冷盤選擇正常水平；甜品區有驚喜，有懷舊啫喱糖同細竹桶豆腐花，豆腐花好滑好食！蛋糕算中規中矩。📌 總結：Mr steak嘅半自助餐勝在選擇多元化。但主菜肉質有改善空間，如果純粹想歎靚牛扒或者雞扒，可能未必符合預期。⭐ 推介指數：★★★☆☆（3/5）⭐ Chill指數：★★★☆☆（3/5）…Read More

✨ 食評｜皇室宴會廳@香港迪士尼樂園餐廳 ✨早兩星期因為工作關係入咗迪士尼，佢入面揀咗幾間餐廳，最終都決定食返皇室宴會廳👑👑我哋見12點時間太多人，所以都成兩三點先食，不過人流都係咁多🥴睇咁多餐單裏面，我揀咗自己鍾意食嘅烤雞同薯條🤪🍗 主菜炸雞拼薯條：份量正常，烤雞雞雞肉尚算嫩滑。薯條因為等排隊俾錢由熱辣辣變到有啲腍，屬於正常快餐口味。🥤 飲品我哋揀咗大杯檸茶，喺熱辣辣天氣補充糖分☀️📌 總結：迪士尼餐廳勝在環境同主題設計，佢係夏天園區避暑嘅好選擇。食物整體偏向普通快餐路線，價錢偏高。但係入得區，都預咗要洗呢筆錢🫣🫣⭐ 推介指數：★★★☆☆（3/5）⭐ Chill指數：★★☆☆☆（2/5）…Read More

📍 Komeda’s Coffee（尖沙咀 AEON）上星期同朋友想約出黎聚聚，大家糧尾想搵間性價比高，坐得耐的cafe, 醒起之前睇過YouTube 介紹Komeda’s cafe,決定一試！🍞 Shiro-Noir 迷你冰與火牛角包（Mini Shiro Noir）Komeda’s Coffee 嘅招牌甜品，熱騰騰牛角酥皮上面放軟雪糕，再配一粒紅櫻桃。賣相吸睛，係最具代表性嘅打卡菜式。酥皮外脆內鬆，雪糕慢慢融化滲入酥皮，牛奶雪糕重牛奶味，勁啱而家啲天氣食！仲要大大份，每個人都好滿足！🥪 特製蛋沙律三文治（Egg Salad Sandwich）呢間Cafe都出名吐司，夾住綿密蛋沙律，配上青瓜及煙肉碎，想輕食或配咖啡都一流！🍝 經典蕃茄意粉（Spaghetti Napolitan）佢嘅蕃茄唔係一般嘅紅，佢嘅紅色有啲暗沉，但食落好鮮味，口感偏向家常風格。🍗 日式炸雞唐揚（Fried Chicken Karaage）炸至金黃色的小件日式唐揚雞，外層香脆，內裡雞肉嫩滑 juicy，調味簡單，帶少少胡椒香，肚餓既我地即刻食哂😂📌 總結：Komeda’s Coffee（尖沙咀 AEON）帶有日本家庭式咖啡店嘅舒適氛圍，環境寧靜舒服。不過美中不足係服務質素一般，主要係因為人手唔夠，但係職員都十分有禮貌！食物走實在路線，Shiro-Noir 必試；三文治份量足；蕃茄意粉帶有家常風味；炸雞唐揚香脆可口。適合一個人慢慢歎咖啡，或者同朋友 share 小食。如果下次嚟，好想試吓佢嘅早餐同咖啡，聽講都好有風味😇⭐️ 推介指數：★★★★☆（4/5）🌿 Chillday 指數：★★★★☆（4/5）…Read More

✨ 食評｜Cafe 2 Oyster Cafe（西環樂信大廈） ✨今日同朋友喺西環嘅 Cafe 2 Oyster Cafe 食飯，環境舒服，負責招待的外籍侍應殷勤有禮🥰環境有紅磚牆同油畫，帶有少少歐陸小酒館嘅感覺，令我同朋友都可以暢談心事☺️🦪 頭盤生蠔：新鮮大隻，有好多款，聽店員介紹左3款蠔😋入口清甜，配檸檬同醬汁，味道更突出。八爪魚：沙律擺盤精緻，橄欖油香氣突出，八爪魚爽口彈牙，底層嘅牛油果醬同醋帶少少清新酸味，幾有驚喜，超推介❣️蒜蓉牛油蝦：鑊香十足，蝦肉彈牙，蒜香撲鼻，配埋烘得脆脆嘅多士，食過翻尋味😁😁😁🍝 主菜黑松露忌廉手捲意粉：上碟時估唔到咁大份😆佢呢個手工意粉煙韌好食，係我鐘意的口味😍😍😍松露味香濃但唔會蓋過其他味道，配上大大片芝士片，creamy 得嚟又唔覺膩。檸檬醬汁烤阿根庭雞：全雞上！火候掌握得好，雞皮香脆，肉質juicy，伴菜有烤薯同沙律菜，超好食！🍰 甜品熔岩朱古力蛋糕：大大份！流心濃郁，個皮夠脆，苦甜參半，配雪糕一凍一熱，口感好豐富，鐘意心太軟必食！鐵板朱古力布朗尼：我揀佢係因為想有視覺效果🤣上枱時仲「嗞嗞」聲，加上雪糕即刻融化，畫面同味覺都好滿足。🥂飲品：Oreo 忌廉奶昔沙冰：好足料，上面仲有忌廉、朱古力碎，好邪惡，但肥得黎開心❤️📌 總結：Cafe 2 Oyster Cafe 嘅菜式多元化，由海鮮到甜品都有心水之選，味道同質素都對得住價錢。大推：前菜八爪魚同手工意粉如果想搵一間可以同朋友慢慢傾計，想食西餐同埋甜品一條意，大推！⭐ 推介指數：★★★★☆（4.5/5）⭐ Chill指數：★★★★☆（4.5/5）…Read More