話說嗰日落雨我又冇帶遮揼濕咗，想稱讚返當日一個戴眼鏡嘅侍應好細心咁招呼我，佢專登搵咗一個唔對住風口嘅位俾我坐👍🏻👍🏻👍🏻佢又主動介紹咗，都幾啱我口味嘅食物，魷魚沙律，同埋豚骨蠔拉麵。豚骨熱辣辣湯底非常鮮甜，但係又唔係嗰種好杰身好油膩好滯嘅感覺，蠔嗰個口感啱啱好咬落去唔會太熟好有汁嗰種，而且竟然同豬骨湯底非常之合拍！魷魚沙律嘅魷魚又係做得酸味味，又唔會蓋過咗魷魚本身嗰種鮮味，係會不停食幾碗都可以再食落去嘅感覺🤣食完飯記得去廁所參觀吓😝打開門入邊有驚喜都整得幾靚㗎!路過百德新街又唔知食咩好嘅話不妨入去試吓啦…Read More
