Joloveating's Profile

聽到朋友介紹抵食, 又剛好book到就去試試, 坐低環境唔錯, 仲要係地舖, 餐具剩剩都好一絲不苟, 睇到餐牌好驚喜$500唔洗就可以食到前後約莫19-20道前菜、蒸物、刺身、8貫壽司、三色杯、魚湯&甜品, 其中不乏心思嘅菜色, CP值都好高。除左壽司外有一道前菜同三色杯都係有飯，但唔會話飽到好辛苦，因為份量算係比較小的。 Overall呢個價錢算係好驚喜, 值得介紹畀朋友。知道聯成大湖清酒仲有sake pairing, 但今次就無試, maybe next time 😊P.S 鍾意牆上掛起嘅「一屋二人三餐四季」書法, 同餐廳氛圍都好相似, 係輕鬆嘅環境。…Read More

見到Elements 有新野就試下 因為本身好鍾意食薯仔排骨鍋 見有就即管試下 一坐低店員就笑笑口問你要still water 定sparking （我知～一般餐廳都會咁）但自然到令你從口而出講左still, 後尾補返句「tap water 啊唔該」就轉身當聽你唔到, 我見基本每台都會有一支, 隔離連一個人黎食都唔放過, 成支水叫人點樣一支公飲曬？咁就每檯$50。我覺得呢個好不可取, 雖然平時去其他餐廳都會叫支sparkling, 但今次係真係去gur, 當自己fine dining。另外食物質素係奇差，薯仔排骨湯入面嘅湯唔濃, 薯仔係過油之後就咁放入去, 完全separate from the soup, 菜乾同排骨都係無味…總之一般地裝嘅韓國餐廳都好過佢。其他食物質素如白切肉都係一般般，連個飯都唔夠熱。一言難盡，唔會再幫襯。…Read More

晨早妙思醫肚少有餐廳開舖喫麵外貌新式亞洲咩麵都有裡面大又位多客人問開左未鬼知唔洗帶位店員視客如鬼執臺專員面口好似黑過墨豆自動系統落單點知要咩無咩明明開十一點餐牌只得一半想要點杯野飲柯打珍珠奶茶話等十一點半 珍珠未有人煮唯有食住咁等食到十一點半話要等十二點見客面色稍變嗱臨較大個火其實乜都未得不如拉閘熄燈總結食物唔差味道樣貌正宗衰在店員態度可能個別人員不能以偏概全下次如急醫肚或會再畀機會建議作出改善早做開舖準備…Read More

Hooman對狗狗好friendly, 嘢食都唔錯。但女待應生對客人嘅服務態度就麻麻，忙唔代表可以俾面口啲客人睇，如果做生意幫襯嘅人一多，就唔耐煩咁究竟你係希望有生意定無生意呢。…Read More

想去戲曲中心好耐，上openrice睇有咩食時見滿樂裝修幾好，之前曾book過次但有啲事就取消左，今次屋企人做冬，咁就book了試一試。首先，地點方便行動不便，有輪椅嘅老人家，有露天停車場，平路就可以入到戲曲中心，一出𨋢就係餐廳，地方闊落，唔似商場咁人多。老人家見個戲院咁靚既新奇又開心。食物方面款色多，椒鹽九肚魚叉燒燒腩拼盤都幾出色。點心也不錯，唯一無咁驚喜係個奶皇拉絲芝士包，相信如果係蛋黃芝士流沙會好吃很多。值得一提嘅係個壽包（差啲唔記得訂左，但好彩待應叫我唔好走住仲有壽包），比一般壽包大個，個皮好鬆軟，個餡連我唔係鍾意食蓮蓉既人都食左一整個，家人當然也紛紛話唔錯！食物完勝附近天x天, 六x館等餐廳。至於服務方面也十分不錯，中途會幫我地換碟。值得再來，下次會來試試烤鴨。…Read More

幾次經過新都會都想試下，但每次都好多人排隊，今次剛好時間啱就去排下囉，咁就排咗20分鐘...咁啱得咁嘺，坐落等個丼嚟都係等咗20分鐘喎。而且入去有好幾枱走咗都唔安排啲人入座，出面就繼續佢有佢排。同埋通風有啲差，仲要喺全open kitchen，好大油味。食物方面，有三款選擇，唯一嘅主角天婦羅炸得好差，粉厚、油温太高，完全係overcooked。海老熟得發硬。成個丼咸到食完條脷仲係好唔舒服，一間天丼專門店最專門嘅都做不好，呢條過江龍認真不合格。…Read More

因要喺銅記hea幾粒鐘，又正正飯點，所以選擇食唔洗腳咁急嘅火鍋。渣甸街麻辣火鍋店林立，今次試試重慶嘅呢間過江龍。無book, 直接6點walk in 都仲未有人，但坐左陣已慢慢開始full。 店面細細，但坐得幾舒服，服務殷勤仲送左開胃雪耳糖水，甚感一貫內地餐廳嘅作風👍🏻。鍋底以人頭計，叫左鴛鴦鍋ofcos，一圈正宗重慶湯底（偏香辣，麻適中）包住一小鍋蘋果才梨做底嘅清湯以方便解解辣。湯底沒話說，食物種類算多，仲有半份嘅選擇，非常適合兩丁友但又乜都想食 (或患選擇困難嘅人)。 食物質素無論分量，新鮮度同presentation都屬高分，有豬天梯（猪上顎)、撈左味嘅五花肉“溜”、炸糖瓷粑等等嘅野。 鵝腸乾淨同新鮮，一啲都無瀨住肥膏。耗兒魚口感有少少似醃曬左嘅半魚半魚乾？ 😅都ok但不是十分吸引。最值得一贊係五花肉溜，淥左好耐都好滑，醃得亦好好味。豆腐似抽乾水嘅日本乾豆腐，但個人較鐘情入freezer嘅凍豆腐（蜂巢豆腐），應該更有豆腐味同麻辣火鍋更般配。豬天梯就麻麻，好似咬塑膠，一啲都唔入味，不適宜用黎打邊爐。個人覺得食物方面「去港式」嘅過江龍更深得港人嘅心，更容易滿足消費者對麻辣火鍋嘅追求，無論湯底抑或是食物種類都要係「咦!好似我之前喺內地食果啲/之前喺內地都有食呀」。果啲想盡力迎合港人口味嘅麻辣火鍋店，最終難以逃避落下「四不象」嘅罵名。…Read More

成日去海港城成日都想去試，喺東京亦都見過因打去已經fully booked所以要6:00 排隊walk-in坐bar枱，都算好闊落。第一次食例牌叫左美人鍋，美人吞拿魚卷同一個鰻魚山椒炒飯。黎到啲waitress只係傳菜家落單，無乜service可言。啲野黎左滾左之後我地就用自己嘅方法食。點知隔離上菜時就同佢地講滾左後幫佢地砌鍋....總體呢講光食呢幾個dishes體會唔到點解咁多人黎排隊，美人鍋只有鍋底好味，啲雞同普遍香港賣嘅冰鮮雞無乜分別，4件雞入面有一隻雞全翼，飯起來好唔方便，要撕咬啜先食到，只能放棄。有兩種滑可以講係又散又無味，如為左食佢啲伴蔬菜我唔會想要黎。山椒炒飯係三樣野入面最好食 有少少麻亦有啲啲油香味。埋單不屬太貴但真係無咩好食。…Read More

想去尖咀或中環嘅唐宫小聚好耐，但一直未成行。最近聽朋友講荃灣citywalk開左就立刻想去試試，都算就腳所以帶埋老人家（有輪椅）去。由於無得訂枱所以都等左好耐下，成一個鐘...不過帶位service好好，過黎關心老人家驚佢等得耐，服務態度嘉玲一。由於等嘅時候已經劃好食乜，好快已有得食。兩個大人一個老人叫左7樣野，每一樣都好nice presented。荷葉飯:份量充足、可以3-4人每人一碗。料適中，飯香而不膩。29蚊一隻乳鴿： 叫左兩仔，好juicy、肥瘦適中。招牌黑金流沙包：包軟熟密度啱啱好有咬口、奶皇流沙夠哂滑無渣。蟹肉煎堆：入面有少少湯，蟹肉口感個豬肉，炸得好挺身，唔知係咪即叫即炸。味道都quite good! 葱油樹雞: 唯一冷盤，葱油雞無葱反而好多蒜。唔會太凍，有啲冷盤會凍到敏感牙齒發作。但味道不是太出色，早知叫酒埕醉雞。肉骨茶： 49蚊都幾大盅，辣味足夠，飲落夠燥，贊！ 椰子燉雞： 飲落好似無味精，較清新唔會燥。餐牌同yumcha異曲同工，唔知係咪有“la lun”，可能同一f&b公司operate。唐宫較多點心同偏粤式, yumcha係更廣泛嘅中菜帶少少fusion，但個人覺得點心黎講更好食!價錢都算抵，埋單唔洗500。All in all, will definitely return! :) …Read More

講講失望位： 1）入座後睇drinks menu，發現無珍珠奶茶連台灣罐裝飲品都無，好失望。2）食物款式少，除左麻辣鍋底有鴨血外，真係好難察覺係間台式火鍋店。餐牌上沒有鴨腸之類較心思嘅配料，除左涮油炸鬼外，午餐肉之類的確實係比較“行”。3) 叫左兩款手工丸(鯪魚丸同埋梅菜豬肉丸)，味道還可以但口感非常非常差，淋啤啤。湯底: 1) 麻辣鍋: 入面有鴨血同凍豆腐，但鴨血無seasoning 無乜味，但鍋底辣度幾好（叫左中辣)，都有水準幾香，食完唔口渴。有陣如果得個辣字就無左享受麻辣嘅香味，只能顧住擦鼻涕。2) 酸菜白肉鍋: 入面有寛粉白肉，味道不太酸但夠濃郁，配料都幾多，都算色香味俱全。總括黎講都好食，但配菜款式始終太少，好難flight底我心目中嘅火鍋店sss返轉頭再食多次。…Read More

外國如London食海鮮大雜燴嘅餐廳比比皆是，有氣氛要氣氛，要味道有味道，重點係價錢亦不會太過離譜 (起碼味道同價錢成正比)。 年初二唔想開灶諗住食餐好，就book左呢間餐廳，因好多初三先啟市。地點就腳，環境都ok，可能今日年初無乜人出街食飯感覺餐廳環境闊落雖則枱唔算多。我地兩個人叫左個5款海鮮嘅signature basket，一個starter一個main。 Overall 價錢同味道不成正比，海鮮係signature 但就最唔用心，下次唔會拒絕再去但就唔會再order海鮮籃。其他食物尚算ok。…Read More

聖誕節無咩特備節目 所以就近去左藍地揾食 見到好多人喺入面就决定試下。 因唔大食就只點左個2人招牌鯇魚雞煲。 Service好好，待應even咁多人都會記得幫你預好時間炒一炒個雞煲味道幾好，食法都幾特別。入面乌冬都幾彈牙，脆肉鯇無骨，方便唔洗吐骨。食完之後唔口渴，有啲雞煲食完要兌可樂幾罐...去開藍地買野會考慮呢度做藍地食堂ps.聽待應講餐廳黎緊會出新menu，期待下次再試…Read More