sarahchong的個人專頁

突然記得尖沙咀新泰嘅泰國菜水準不嬲都好高，就同朋友行過去食晚飯。七點來已經有好多人喺餐廳出邊等緊 等咗一陣終於可以落去醫肚😃😃 我哋叫咗軟殼蟹芒果米紙卷、燒豬頸肉、濕炒海鮮河、小食拼盤、同埋一個青咖喱加薄餅。首先就係嚟咗軟殼蟹芒果米卷。面頭有少少炸洋蔥，卷入邊包咗軟殼蟹粉絲蘿蔔絲生菜絲 配埋酸酸甜甜嘅芒果再點埋去嘅醬汁好開胃😃👍🏻👍🏻 同埋個米紙浸得好好軟林林 冇平時炸春卷咁熱氣清新啲。燒豬頸肉本身已經醃得好好 再加埋佢個醬汁點落去係有畫龍點睛嘅感覺 厚薄度啱啱好 個汁酸酸辣辣又係好開胃🔥🔥🔥 海鮮濕炒河粉有好多料，有蝦青口粟米筍蘿蔔絲椰菜蘑菇西蘭花芥蘭 我好鍾意佢炒到好有鑊氣 成碟一拎上枱熱辣辣 啲河粉炒到啡色同埋啲芡汁好多好正 ！小食拼盤有春卷魚餅蝦餅同埋生菜肉碎 份量都好夠好大碟青咖喱個塊薄餅比我想像中冇咁油膩 我以為係類似手抓餅好多油個種點知呢種冇咁油食落去清新啲！再點埋咖喱面頭有少少椰汁 好香濃 紅黃綠最鍾意就係青咖喱🫣🤣🤣😍 咖喱入邊有細嘅茄子 雞肉同埋好多蔬菜🥬 好味讚讚👍🏻😜 最後嗌埋個雙色芒果糯米飯同埋椰絲芋頭 糯米飯真係超香 發現紫色糯米飯好似會香啲同埋冇白色糯米飯咁黏🫣🫣 加埋椰汁同芒果100分🔥 最後加埋人頭椰青 冇得彈…查看更多

有日行過彌敦道見到呢間cafe 名 error 19,就諗緊會唔會貼滿了error，就約埋朋友一齊試吓，出到電梯，一片粉紅色的場景映入眼簾，門口有個好靚的月亮打卡位，即刻忍唔住走去影相。等左5分鐘，入去坐低，令我意想不到既係場內竟然有好多教主的相，場内主要色調都是粉紅色少女風。食物邊方面，我地叫了一份黑松露薯條，一份魷魚鬚，一份意式肉丸意粉，一份卡邦尼意粉，一份芝麻雞翼。他的食物都是即叫做的，等了20分鐘左右。芝麻雞翼非常脆口，充滿芝麻的香味。意式肉丸意粉的番茄酸酸甜甜，非常開胃。另卡邦尼意粉有淡淡蛋黃醬味，口感豐富，非常值得一試。最令我意想不到的是黑松露薯條，薯條夾雜著芝士拉絲，點埋黑松露醬，味道非常惹味，非常值得推介。最後甜品我們叫了朱古力梳乎厘班戟，班戟口感軟棉棉，配埋朱古力忌廉一齊食，如果你鐘意食朱古力，一定要試這款。整體黎講，cafe 環境舒適，又有多個打卡位，食物質素唔錯，係一個非常值得推介同朋友聊天食飯的好地方。…查看更多

一日同朋友收工經過呢間日式拉面店，有種久違的感覺，很地道的日式裝修，忍唔佳係門卡拍照留念，等左大約5分鐘，可以入去坐低。裏面裝修都好日式，我地叫左一碗叉燒豬骨湯底拉面，一碗黑蒜油叉燒拉面同一碗辛辣豬軟骨拉面。小食就叫左一份炸雞，一份京蔥雞串同一份芝士栗米玉子燒。落完單後，拉面大概１０分左右就到，拉面可以揀軟硬度，蔥同辣度，豬骨叉燒拉面味道清爽，拉面唔會好硬，軟硬度適中，岩哂唔食辣既朋友；而黑蒜油味道濃郁，一上枱，就聞到突出的蒜香味，如果鍾意黑蒜味道一定要揀！！！最值得讚既就係豬軟骨辛辣拉面，豬軟骨非常入味，又唔會太辣，而且又唔會蓋過豬骨湯既味。另外，芝士栗米玉子燒味道都唔錯，少少咸既芝士再加少少似甜的玉子，味道剛剛好，再加上粒粒既栗米，增加左個口感，非常夾。最後，我地仲叫左呢度出推介的炸雞。炸雞皮薄唔會太厚，雞肉口感很嫩。最後京蔥雞肉串不過不失。整體黎講，係可以再encore 既鋪頭。…查看更多

平時一到大圍站就會見到新強記大大個招牌～～ 今次終於朋友想食就一於去試吓！聽聞大圍好興食雞粥同乳鴿，不過今次四個人就試吓佢啲套餐。嗌咗個孖寶c餐, $328就有清蒸沙巴龍躉仔，蒜蓉炒時蔬，同埋送咗蜜汁叉燒（小），因為有嘢做遲咗少少到但依然無損食物既好味😋 佢個蜜汁叉燒好鬆軟，厚切但一啲都唔硬！仲叫咗乳鴿同咕嚕肉。龍躉仔雖然叫做仔但係一啲都唔細條😂😂😂啲肉好鮮嫩夾埋啲豉油送飯一流。另外蒜蓉炒時蔬係油麥菜，平時我係唔鍾意食油麥菜但係佢呢個油麥菜炒得好爽脆清甜 唔覺唔覺都食咗好多菜，好味！乳鴿真係幾出色，好耐冇食過乳鴿啦，應該係即叫即整，皮脆肉嫩，啲肉仲有汁漏出嚟！！點埋啲淮鹽真係唔錯～～～ 仲有咕嚕肉啲配菜炒得好脆好新鮮，甜酸醬炒得正常發揮連埋啲肉overall唔錯🫶🏼🫶🏼🫶🏼會再嚟㗎～～～～～…查看更多

Green breakfast 份量足料，賣相亦很吸睛！炒蛋十分嫩滑，配上淡淡的黑松露，味道更加昇華！大啡菇juicy，菠菜芝士薯仔波有驚喜，牛角窩夫極之推介！另外，提拉米蘇牛角窩夫配上1 shot咖啡更推高味道層次，苦中帶甜，甜而不膩！建議一開始在加咖啡前，先嚐一口窩夫的酥脆，之後再加上雲呢拿雪糕，味道更豐富！Matcha oat milk latte幼滑，茶味香濃不苦澀，另有朱古力脆片更令口感提升，non coffee必試之選！店內食物種類豐富多元，有機會一定要再到訪嘗試其他美食。而食物質素不論在外觀及味道上極高，除了打卡一流之外，一定可以滿足你味蕾、填飽你肚皮！而且價錢合理，無可挑剔，性價比及回頭率不容置疑。整體店內環境優美，配搭木系飾品，裝修柔和舒適。服務方面，店員態度友善親切，值得一讚。…查看更多

今日同朋友嚟到元朗教育路呢間叫做Proton嘅Cafe食lunch，雖然係平日一點，但係成間店舖都滿晒人，好受街坊歡迎。餐廳環境係水泥牆，有少少工業風，俾人感覺舒服乾淨。lunch set包湯/沙津，如果揀指定飲品仲有半價，不過我同朋友最後就冇揀到指定飲品，而係叫咗雜果乾冷萃咖啡同薄荷西柚梳打。食物方面就揀咗西冷牛扒配薯菜同蟹肉牛油果龍蝦沙律牛油包配薯菜。西冷牛扒一上，份量十足，牛扒我怕生，所以揀咗七成熟，都唔會韌，好食。蟹肉牛油果龍蝦沙律牛油包望落細細份，食落都非常飽肚，味道都唔錯。兩道菜比較熱然，我個人比較鍾意西冷牛扒，呢個價錢真係幾抵食。嘢飲方面，薄荷西柚梳打嘅西柚味非常濃，薄荷味就比較淡少少，但都幾好飲。雜果乾冷萃咖啡好清新，如果飲咖啡唔鍾意有奶，但係又唔想咁苦，呢個真係非常好嘅選擇，好滿意。…查看更多

疫情下奢侈的午餐，最近香港疫情都好嚴峻，本身都唔諗住再出去食飯，不過wfh真係完全做唔到嘢，工作上嘅嘢拖延咗好耐，無辦法唯有約朋友去間環境舒服啲嘅餐廳食吓嘢再努力工作。呢間NINETYs以前都有食過，無論係環境、食物質素、服務態度，我都係非常之滿意，所以特登再嚟食一次。今次仍然係食佢哋嘅brunch board，兩個人揀六個sides都食得超級飽。我哋揀咗兩份龍蝦、兩份Yogurt、牛油果士多啤梨沙律、蝦乾蟹膏炒蛋。龍蝦有鹹水嗰浸鮮味，值得一提嘅係佢嘅是鹹蛋黃醬，非常出色，上次亦都係因為呢個鹹蛋黃醬令我留下深刻印象，決定一定要再返嚟食一次。炒蛋係第一次試，裏面嘅蝦乾分量十足，而且係一整碗嘅蛋，粗略估計我懷疑佢用咗三隻蛋。嘢飲方便今次終於試到佢嘅咖啡，味道都相當唔錯，而且佢呢一間用嘅燕麥奶係我平時喺屋企都飲開果隻，啱晒我心意！地點喺形點都叫做幾方便，希望疫情快啲過去，餐廳長做長有，我會再返來的！…查看更多

今日閒日放假，難得同朋友出嚟chill下！無意中搵到哩間cafe~位置都幾近西鐵站，一入到去裝修都幾靚，有打卡位，環境寧靜我哋2個人，見呢間主打all day Breakfast本身諗住一個大All day Breakfast一個細all day breakfast share，不過朋友見到個蟹肉意粉好吸引所以最後冇嗌晒breakfastAll day breakfast E $98個poached egg蛋黃流心好正！！配上煙肉，簡直一流！最鍾意食大啡菇，同埋啲薯餅好脆好香口😍日式蟹膏醬松葉蟹肉忌廉意大利麵 $118呢個蟹肉意粉真係出色，我同朋友都停唔到口，足料到啖啖蟹肉，同埋三文魚子都好襯👍CRUNCHY CARAMEL LATTE $45呢一杯係我朋友嗌嘅，我試咗一啖好香，佢都好鍾意！尤其是係佢啲脆脆😋TIRAMISU COFFEE $48平時都好鍾意食Tiramisu，加埋coffee真係冇得頂！一定會再encore😍不過佢上面嗰塊脆餅要快啲食咗佢如果唔係好快會溶～（記得要點tiramisu 嚟食，但係小心啲朱古力粉會哽到）呢間Cafe性價比高，食物質素好。我哋臨走之前仲要見到佢哋好似鑽研緊新菜式，十分之期待，一定會再嚟！…查看更多

講真香港真係好似好少有馬來西亞餐廳，難得今日經過呢頭見到有馬拉嘢即刻走入去食之前去新加坡同馬來西亞飲過嘅肉骨茶都念念不忘，嚟到一定要叫返碗先啦。叫咗個細滲$78，肉骨茶可以免費添飲（同新加坡馬拉一樣）菜單寫住肉骨茶用多種中藥材料熬製，有當歸、甘草、桂皮、玉竹等等，入口甘香唔苦👍🏻 小食嗌咗椰香鮮油咖央多士，椰醬咖央味香濃 多士脆口好食😋 檳城白魚蛋有八粒，有咖喱汁喺面 魚蛋似係炸過嚟唔錯。嗌咗個馬拉沙嗲串燒 可以自己揀唔同肉類 主菜有嗌咗青辣椒炒沙巴蜆 蜆好大隻炒得好香好惹味。我哋仲叫咗個湯金邊粉 有雞絲同蝦，啲湯熱辣辣好鮮甜👍🏻👍🏻🥰 嘢飲方面朋友嗌咗美祿恐龍，勁多美祿粉喺杯嘢飲上面，朋友們都飲到比啲粉濁親🤣🤣 夠足料 成間舖頭嘅裝修環境都好乾淨企理，啲碗碟都好靚呀…查看更多

天氣一轉涼就會想打邊爐，之前聽朋友介紹過胡爐，一路都好想試。終於有時間可以去試。我和朋友想早D食所以就book咗5:30pm，呢個時間段相對冇甘多人，我地一去到就安排到檯俾我地。餐廳用中式設計，雖然地方唔算好大，但好亁淨整齊。呢到半放題形式轉左做單點。我和朋友都比較中意食辣，我地就選擇了清香青麻辣豬手鍋。職員好快就送咗湯底過黎，湯底散發著陣陣麻香味。清香青麻辣豬手鍋配有芫茜，如果唔中意食芫茜既朋友，可以選擇其他湯底。餐廳都有唔同湯底可以選擇。除咗湯底餐牌上食物種類都好多，我地就簡咗新鮮黑牛柏葉、手打蝦滑、招牌炸魚皮、唐生菜、珊瑚蚌同埋打邊爐一定唔少得既牛。牛我地簡咗手切安格斯肥牛。食材好新鮮，珊瑚蚌好爽口，而且份量亦都多。魚皮好脆，我建議想食淋D可以涮耐少少。手切安格斯牛真係一流，食落去鬆軟，而且入口即溶，份量足夠2-3人食，非常推介大家叫呢款牛。之於飲品方面，我地叫咗椰青水，都有成壺俾我地，而且甜度岩岩好，岩晒我地唔中意太甜既飲品。中可以幫手消下濟繼續食。成餐飯都好滿足，食材新鮮，服務又好。正！…查看更多

上個星期五同朋友去咗屯門建生邨呢間盤子工房食西餐，一去到見到個環境好靚，店舖裝修以木工為主，俾人個感覺好舒服，算係沙漠裏嘅一點綠洲。 睇吓佢哋個餐牌，餐廳都有心思，選擇唔少，最後我哋叫咗all day breakfast同埋炸魚薯條，另外我哋叫咗杯焦糖鮮奶咖啡同抹茶咖啡。先講個all day breakfast，份量真係好大，足夠兩個女仔食，擺盤亦都好靚，絕對嘅IGable。炸魚薯條雖然放喺小食區，但係份量都不用小覷。嘢飲方面，兩杯嘢飲都非常出色，好好飲，而且份量仍然都係大大杯，飲極都仲有，真係好滿足嘅一餐。焦糖鮮奶咖啡，估唔到佢嘅焦糖真係一大舊脆卜卜嘅焦糖快，俾人感覺有用心，而且佢撈埋鮮奶咖啡嘅味道真係好夾，好飲！抹茶牛奶咖啡同樣好飲，冇焦糖咖啡咁甜，但係就多咗抹茶嘅甘香味，出色。總結而言，店舖環境舒服，而且位置坐落喺屋村中，真係好難能可貴，住附近嘅朋友一定要試一試，如果住得遠都可以入去試一試。…查看更多

大埔好多隱細小店，位於小巷的這間一鳴丼，環境乾淨舒適，位置雖然不多，但五臟俱全。我們一行二人，點了一碗甲羅盛、壽司六點盛、兩款壽司、刺身及串燒，非常滿足🤤先說說重頭戲，究極甲羅盛不但非常足料，而且擺放得很精緻，拼出完整一隻蟹，令人完全不想破壞它。甲羅盛裏有蟹蓋、松葉蟹腳、蟹籽、蟹鉗和蟹膏。蟹肉肥美鮮甜，將蟹子和蟹膏均勻地配飯吃，簡直不得之了🙈不經不覺吃完了一碗！壽司六點盛則有六款壽司，包括甜蝦、墨魚和三文魚等。壽司非常新鮮，而且色澤美麗，值得一提的是三文魚對比其他壽司更長，一口吃下去，很滿足👍🏿另外兩款壽司分別是免治吞拿魚軍艦和灸燒左口魚，這兩款壽司也帶來驚喜，油脂分布很均勻，所以入口不會有太膩嘅感覺。刺身方面，點了三文魚刺身及赤蝦刺身，這兩樣刺身則保持水準。串燒則即叫即燒，雞軟骨調味剛剛好，而牛舌雖然有厚度，但不會太老。總括而言，這次晚飯帶來滿足和驚喜，值得再試😍…查看更多

happy Friday同朋友去咗元朗食好西😋😋😋呢間餐廳有門口望入去已經覺得好靚，所以吸引咗我同朋友。入到去睇吓個餐牌，先發現原來佢唔止裝修好有心思，餐牌都落足心思，係用迪士尼美女與野獸作為主題，仲要係惡搞版，好趣緻啊！我同朋友就叫咗個香燒焗蜜糖秘製豬手配烤菠蘿同香煎刺身珍寶帶子龍蝦汁全蛋闊麵，語音方便，朋友叫咗杯香蕉朱古力奶昔，而我就叫咗杯水果茶。首先上咗個香煎刺身珍寶帶子龍蝦汁全蛋闊麵，帶子大大粒，爽口濃味，全蛋闊面掛上咗濃郁嘅龍蝦汁，好食！香燒焗蜜糖秘製豬手配烤菠蘿更加係驚喜資助，估唔到係間Cafe可以食到呢種高質素嘅豬手，肉質軟林，配上甜甜嘅蜜糖，豬手底部再加左啲酸菜，香甜多汁嘅菠蘿平衡左豬手嘅油膩感，整到菜甚至比一啲主打豬手嘅餐廳整得更為好味。下次再嚟一定要試吓佢其他菜式！…查看更多

大埔出名多美食就係人都知啦，於是同朋友發掘到呢間雞煲🙈一行三人，叫左半隻雞煲唔辣，另叫一碗秘制辣汁。首先雞煲份量正常，雞肉係滑，醬汁非常惹味之如，仲夠入味。我地因為秘制辣汁，總共叫左十樣既配料，超級滿足呀🙈先講下覺得比較出色既配料係蟹籽墨魚滑，爽口彈牙，仲有新鮮既墨魚味，完全無腥味，係物有所值。另一樣值得讚下既係即炸響鈴同海鮮芝士豆腐，響鈴一上枱就漂來陣陣既豆香味，仲有剛炸起既炸炸聲，即刻整翻舊黎點秘制辣汁，完美配搭👍🏿🥰海鮮芝士豆腐係外面就好少見，所以叫黎試下，一咬係有芝士爆出嚟，但就冇咩海鮮味，而豆腐既口感係好彈，好得意。除咗以上野食，我地有叫蟹柳，生菜，金菇，魚皮餃，安格斯牛同竹笙。呢d份量都唔少嫁，安格斯牛係好有牛味，唔需要淥太耐，口感就岩岩好。竹笙夠爽口，吸收曬湯，再點辣汁，令人忍唔住哇一聲🙈。叫左咁多野食，緊係要叫野飲啦，我哋叫咗一酌竹蔗茅根水，三人分剛剛好，飲返兩杯咁樣就好似冇咁熱氣啦🤪仲有太多野未試啦，下次會再食🙈…查看更多

收工去donki撞到樓下有家居酒屋，感覺好新鮮，又未食晚飯，抱著試一試噶心態入咗去啦。結果入到去，好驚喜，一開始見到嘅係日式吧檯，跟住落一條細樓梯，一個好高樓底好有日本懷舊氣息嘅一好多日本裝飾畫嘅長錦城成個環境好昏暗啦，就好似真係去到日本甘，心情舒暢，因為平日噶關係人都唔多，日本噶歌曲令成個人放鬆，有一種返鄉下嘅心情，getaway噶感覺。嘢食我見到夜晚有套餐158蚊，又包串燒，包嘢飲又有前菜同飯，其實好抵，如果兩個女仔食，都夠。飯冇睇佢細細地，其實都幾大。前菜有鮑魚選擇，又有鰻魚飯，話明居酒屋野飲當然係啤酒啦，套餐有得選擇黑白啤，週五happy friday可以一試!玉子燒係驚喜，全蛋之餘，外脆內軟，忍五住叫多左一份!…查看更多