FatFatpenry's Profile

荃灣海之戀開左間新嘅韓國菜，經過見到就入去試下。我地嗌左滷水五花腩、半半炸雞、芝士蟹籽蛋捲、芒果雪冰，同埋兩杯梳打。.滷水五花腩：份量多，有個爐熱住，唔驚凍哂。肥瘦岩岩好，肉好鬆軟，包埋菜同韓式醬食好好味。.半半炸雞：我地嗌左大蔥加蜜粉芝士味，大蔥果個面頭都有啲醬，甜甜地。芝士粉味道都唔錯，一次過滿足兩個願望。雞係由韓國進口，size比較細，但肉好嫩。.芝士蟹籽蛋捲：蛋味好香，蟹子份量十足，多到滿瀉！.芒果雪冰：冰好綿，入口即溶，牛奶味香濃，啖啖都有芒果味，芒果十分甜。.梳打唔會太甜，整體用餐感覺良好，坐得好舒服，侍應態度都好好。…Read More

最近想食重口味野，有朋友推介呢間烤魚，即場現烤，好新鮮，仲有好多味揀。平日黎都差唔多坐滿，晏少少可能要等位。.除左口味多，魚都有得揀。我地兩個人，揀左海鱸魚，多肉少刺。口味就揀左酸菜味，小辣。加辣唔洗錢架～.上到黎勁吸引，好多酸菜！有寬粉、芹菜、芽菜同腐皮，放上個gas爐到熱住咁食，好正！唔夠辣可再問佢拎辣椒。.檯面有湯，可以自己加。食哂之後可以嗌餸打邊爐。配料選擇多，我地嗌左個響鈴，都有成7-8舊..亦都有啲涼拌小菜過下口癮.我地就嗌左涼拌萵筍，個汁好好味，酸酸麻麻，好開胃。.非常推薦大家黎～！…Read More

同朋友/屋企人食飯慶祝，放題都係一個唔錯既選擇，款式多，又可以任食😝放高質放題一定會諗起呢間滿屋。因為我地都好鐘意食海膽，所以今次揀左D餐「極緻大拖羅x海膽x鵝肝滄海三重奏」150分鐘$588，如果係晏晝食，只係$528，或者5:00/5:30/9:00入座，可以平$20，即$568。星期五六日同公眾假期前就要加$10。.果日係平日夜晚去食，個場都好full下，大家都可以book定位先。事不宜遲，馬上叫幾份海膽😆加拿大海膽會配魚子，澳洲就冇。新鮮creamy，一啲都唔苦/腥，好好味！份量正常，上菜速度都好快，淨係食海膽都回本😆大拖羅入口即溶，夠肥。帶子同北寄貝鮮甜Encore大拖羅😋仲嗌左個黑松露中拖壽司，黑松露味好香。汁煮鮑魚，好入味，又唔會熟到好韌。刺身總類多，又新鮮。嗌左啲熟食，炒牛柳粒，好夠味。鵝肝煎得好香，牛舌燒得岩岩好。食到咁上下，食件燒菠蘿解下膩，又可以再食過😛酸酸甜甜，好開胃。竹笙蟹肉翅，好味😋仲有哈根大師同movenpick雪糕，抵食！飲品選擇都多，嗌最貴果個餐最抵食😆…Read More

係商場行完街，想食燒肉，見到呢間裝修幾靚，坐得好似幾舒服咁，就入去試下😁.佢好多款都好吸引，我地嗌左醬汁牛肋燒、和牛牛柳、和牛牛肋肉、特上豬梅花肉、龍蝦尾、大八爪魚腳，同兩杯梳打。.先講下啲牛先，所有牛都醃得岩岩好，唔會太鹹，都唔需要另外加醬汁。肉好冧，牛味重。菠蘿裝住啲牛肉，賣相靚之餘，入面仲有菠蘿可以燒埋黎食，酸酸甜甜好開胃！燒完之後會擺番靚靚，比你影相。梅花肉都好正，肉質厚實，唔會燒到好乾。海鮮方面，估唔到都有驚喜，八爪魚腳真係超長超大條，必點！原條上，好新鮮！龍蝦尾好彈牙，上面有蒜蓉，最尾會加啲牛油，好香。全部都有店員幫手燒，平時食燒肉傾得計黎都燒lon左，呢到就唔驚，仲真係坐得好舒服，會推薦比其他朋友！…Read More

呢排愛上左川菜，果陣麻辣味令人上哂癮。見呢間坐滿哂人，就入去試下。本身諗住試下佢個酸菜魚，不過老闆就推介佢地既酸菜牛，嗌左份細既試下，$188。上到黎，雖然嗌左細份，但都好足料，超多牛，牛都好滑，唔韌。入面仲有萵筍、金菇、寬粉。夠酸夠麻，好正，忍唔住飲左好多啖湯😛😛.另外都有嗌到佢地既招牌川川大盆花菜，$78。呢碟個味好特別，食落有啲似薯仔味，但好好味！推介大家試下！份量都係大份，呢個價錢好抵。.嗌左兩杯野飲，一杯檸檬茶，一罐王老吉，下下火。…Read More

聽朋友講有間鐵板燒好抵食，環境又好，所以就book左2位試下。..我地嗌左日本帆立貝牛柳二人餐，都係$998，好抵！.茶碗蒸 - 非常滑，有好多料，湯底非常鮮甜！.跟住係日本帆立貝，好新鮮，煎得岩岩好，唔會太老，調味都唔錯。.廣島蠔沾左啲粉，煎香左之後表面脆脆地，配埋煙肉係面非常可口！.美國安格斯牛柳，可以加$50升級做西冷或者加$200升級做日本和牛。我地冇升級到，要左兩份牛柳，五成熟。廚房功架十足，煎得岩岩好.跟住有黃金炒飯，炒得乾身，粒粒分明.最後上埋什菜，湯同生果。.雖然價錢比起出面鐵板燒係平，但服務、擺盤都唔差，體驗唔錯！推介大家都黎試下！…Read More

屯門站附近有平戲院，睇戲前想醫下肚，就去左附近商場睇下有咩食，估唔到搵到正野。經開聞到好香，就問店主有咩推介。佢推介我地試下福建海鮮蝦麵同檳城白咖喱豬頸肉麵，佢話食材係來自馬來西亞，價錢亦麵好平，每碗麵都只係$49。 佢話自己係馬來西亞華僑，夠哂正宗🤣雖然鋪頭細細間，但選擇都非常之多，店主都好nice咁推介有咩值得試下！.湯底濃郁，我地嗌左小辣，非常惹味！食得辣既你地千祈唔好錯過。份量都好足，蝦同魚蛋都好彈牙，豬頸肉都好入味。.我地另外嗌左兩枝野飲，係樽裝既，跟餐加購只係$10內，好飲😍.餐具都好有誠意🤣.行過唔好錯過！…Read More

荃灣廣場新開左間川菜，鐘意食辣野既朋友又多一個餐廳可以揀。.新開張晚市人流唔算多，被安排坐窗邊位置，坐得好舒服。.嗌左杯芒果戀人，係芒果沙冰黎，上面仲有一個芒果雪糕。另外嗌左杯青檸荔枝梳打，味道唔錯。兩杯賣相都好靚😃.小食嗌左個麻辣魚皮，口感爽脆，份量多，味道都夠麻，好惹味。.花菜炒臘肉，唔辣既，份量多.主菜嗌左大蜆乾鍋，揀左麻辣小辣，味道唔算好麻同好辣，怕辣既朋友都唔洗驚。配料加左牛肉、萵筍、牛柏葉，牛肉大大塊，萵筍新鮮。見做緊promotion, 川味活燒生蠔限時優惠價$10隻，原價要$28/隻，所以嗌左兩隻黎試下。上碟熱辣辣，都新鮮的。最後唔少得紅糖糍粑，外層炸到脆卜卜…Read More

呢排天氣涼浸浸，想打邊爐暖下。之前有朋友介紹話呢間唔錯，於是我地就試試佢😆平日8點幾去到都幾full，大家記住Book位！.有好多湯底可以揀，我地揀左美顏花膠雞😆店員首先幫我地落左啲花膠滾下先，跟住就飲湯。湯超級鮮甜🤩大家勿錯過！飲完湯再落雞，雞肉嫩滑！.兩個人嗌左一碟頂級雪花肥牛、伊比利亞橡果豬、雜菜拼盤、即炸響鈴、蟹皇餃同埋一渣竹蔗茅根。份量好夠飽，大家可以參考下！.肥牛同豬既味好香😍擺盤好靚，上黎果陣有啲仙氣飄緊.雜菜拼盤都有好多樣菜，有粟米、紫淮山、金菇、木耳、蕃茄、唐生菜、娃娃菜、萵筍、油麥菜😋全部都好新鮮！.即炸響鈴上面有啲鹹蛋黃🤩.蟹皇餃質地厚實，有少少似食緊丸，蟹味濃郁😍👍🏼.推介大家黎滾滾佢😋…Read More

今日同朋友去尖沙咀行街，見到呢間餐廳門口招牌紅噹噹，非常吸睛，見到有人等位，我哋又想食燒肉，於是我哋就想試吓。我哋兩個人都有卡位坐，環境好寬敞，冷氣都好夠，我哋叫咗幾個組合，全部都係single，但係份量一啲都唔少，入面嘅黑毛豚無骨小排好淋，一啲都唔鞋。腹前牛小排都好好食，厚度啱啱好，而食落好多汁。另外，特別推介雞腿肉，好嫩，有驚喜！另外，牛舌都值得一試，有分醬油同鹽味，兩樣都好食，如果想試晒兩味可以直接叫拼盤。所有組合都可以跟套餐，我哋加咗生菜set同冷麵set，冷麵酸酸甜甜，好開胃，配燒肉食好正，而且佢哋嘅泡菜都好好食！呢間餐廳嘅職員服務態度好好，燒肉性價比好高，經過尖沙咀又想食燒肉嘅絕對值得試下！…Read More

黎到聖誕，想帶男/女朋友食好野，第一時間就諗到呢間餐廳。有聖誕套餐，價錢合理，唔洗煩😆。呢到氣氛仲好好，座位舒適。我地今次揀左個平啲既套餐。如果大家想試多少少，可以揀另一個套餐。.呢幾款前菜可以refill，泡菜好好味🤤.醬油元貝鮮味十足.主角出場😻擺盤好靚，呢到既店員都服侍得好好，會介紹下啲肉，仲會主動幫手燒同剪開啲肉，方便進食。.牛味好重，沾少少鹽已經好好味。仲有菜比你包住食，唔驚太膩。.呢到既爐會係側邊吸哂啲油煙，唔驚極到啲衫一陣燒肉味。.跟住仲會有個細細份既水冷麵/ 海鮮豆腐湯，好似去左韓國咁🥹.仲有甜品作結🥰.呢間燒肉性價比超高，黎同朋友聚會或者慶祝都好適合！…Read More

之前有食過呢間既lunch，好味又抵食，今日有朋友入黎屯門，帶左佢去呢間居酒屋，相信夜晚都唔會令人失望😁.呢到環境舒適，好岩同朋友飲番杯，傾下計。店員都好有禮貌，服務態度好好。.好耐冇飲過波子汽水，想回味下😁朋友就嗌左杯自己製檸檬茶，唔會太甜，非常好飲👍🏼.前菜嗌左個凍蕃茄，蕃茄鮮甜，配埋幾串海葡萄，好清新。🍅.時令刺身薄切：平目魚同深海池魚非常鮮甜，每塊都切得岩岩好，油脂分布均勻，出色👍🏼.因為我同朋友都好鐘意食甲羅燒，我地嗌左兩份，一份有芝士，一份冇，兩份都好好味😍蟹味超濃，鮮甜，份量仲好多。.最後嗌左個海膽芝士沾麵，麵條煙靭彈牙，個芝士醬唔會好膩，味道有啲似芝士餅入面既芝士，甜甜地。海膽當然都係鮮甜。.呢間居酒屋食材新鮮，環境又舒適，推薦！…Read More

之前聽朋友介紹係黃金海岸坐係海邊食飯好舒服，今日放工就入黃金海岸睇下有咩食。果到有唔少選擇，中式同西式都有，最後我地揀左中式😆.呢到環境非常舒適，夜晚好靜，唔會打擾到大家食晚餐。.呢到既姨姨都好熱情招待，服務態度非常好👍🏼天氣涼涼地，佢有主動介紹我地可以試下佢地個雞煲，話係用炭火，好惹味，於是我地都嗌左個小辣雞煲試下。.聞到炭香加雞煲香，已經流哂口水。雞煲份量好多，有啲沙嗲味，仲有花椒，都唔算好辣，但超級惹味😋😋雞肉嫩滑，望住個海景慢慢食，好chill。.另外我地開左壺龍井，茶味好香，夠味，沖多幾次都仲有味.食哂啲雞就可以叫姨姨幫手加湯，過程中姨姨都會黎望下洗唔洗加水/加炭，服務好好👍🏼.加湯之後可以淥牛，估唔到中菜館既牛都可以咁好味😻牛味好濃，油脂分泌均勻，食落口好滑，必嗌！.姨姨話米線都好正，果然配埋個湯真係好入味，好滿足！.見佢地仲有做大閘蟹套餐，都好吸引，下次再黎食😻…Read More

去銅鑼灣行街行晏左，見到呢間燒肉店做緊優惠，同埋comment都唔錯，就上去試下。.店舖唔算大，但坐位隔格都舒服。.見到有個set都幾抵，份量岩哂宵夜食。呢個set for 2個人，仲送左兩杯野飲。.首先黎左野飲先，本身見佢送巨峰提子梳打驚會好甜，但飲落又岩岩好。上到黎個擺盤好靚，二人份量，好精緻。.試下個牛先，牛味重，唔洗沾醬都好好味。.再黎牛舌，細細粒可以一啖放入口😄好冧燒到表面脆脆地就岩食。.蜆好鮮甜肥美，蝦都好味。要小心啲，唔好燒lon啲蝦🤣.豬拖羅入口即溶，有驚喜！.日式雞骨腸好juicy，五花腩肥瘦均勻。.總括黎講，呢個野食好味，依家仲做緊優惠係非常之抵，下次再食過😋…Read More

聽朋友講最近大角咀新開左一間川菜既餐廳，所以今次就約埋朋友仔一齊黎試下新野！.一黎到發現餐廳裝修好靚，老闆應該係裝修上面花左唔少心思，餐廳充滿左濃濃既中國古典風🏮🧧，坐位位置又好闊落，可以比客人約埋三五知己坐得好舒服咁食飯打卡📸Menu都好多選擇，花多眼亂，餐廳店員都好nice，有過黎介紹下餐廳既推介✨小食方面，我地嗌左個夫妻肺片，超惹味又開胃，牛肚爽口彈牙，青瓜絲好清甜好fresh，推薦👍🏻👍🏻👍🏻之後上枱既就係主角麻辣雞煲，我地嗌左少辣，食落味道岩岩好，唔會太辣，雞件好滑好新鮮，亦都好入味，食到我地lamlam利😋另外我地嗌左碟手切雪花肥牛🐮，呢碟牛真係超正，我地聽店員介紹食法，食完雞煲唔好落湯住，就咁放啲牛落去煎煎佢，食落勁濃牛味，一啲都唔韌，十級推介👍🏻👍🏻👍🏻其他配料都好新鮮，淮山萵荀打邊爐一流😛😛😛最後仲聽左店員介紹，嗌左個干鍋，都好驚喜！🤩🤩🤩.配料揀左炸土豆片，雞腎，五花腩同魷魚鬚，店員真係冇介紹錯😍😍.炸土豆片係即炸既薯片咁，香脆可口🥔雞腎，五花腩同魷魚鬚配左孜然粉，食落都好惹味，餸啤酒簡直絕配！🍺最後埋單聽店員講餐廳仲係試業中，比左個9折我地🥰🥰仲話晚市試業優惠加一蚊有手撕雞，聽落超抵超吸引，呢間餐廳性價比高，絕對值得再約多幾個朋友黎再食過🤣👍🏻…Read More