lovemulu's Profile

之前係社交平台見人介紹，所以今日經外賣平台落單～都想讚一讚見外賣平台既介紹好詳盡，有打埋炒飯既配料，方便客人可以走蔥走洋蔥走菇等等👍🏻今次就叫左個三文魚炒飯。炒飯好足料，炒得好香，唔會油👍🏻見外賣平台介紹寫牛柳粒炒飯係招牌菜，下次都想試下🤤另外都見好多人介紹梳乎厘pancake，不過今次就叫唔到，希望下次有緣試到～ps老闆好好人提我下次可以電話落單，會比外賣平台平啲～如果大家有機會都可以試下，支持下小店😄…Read More

前提：由於朋友就黎結婚 所以想book間餐廳可以婚前一齊食下野 打下卡咁 於是就揀左JAJA------------------------------場內成個環境佈置都好靚好粉紅 好岩女仔打卡用！Booking已經講左用餐時間90分鐘，不過當日情況許可，職員都比我地坐耐啲打下卡 吹下水。食物方面，之前睇評價都預左麻麻地，加上餐廳主打素食，所以自己都冇太大期望😂或者真係冇期望冇失望，鹹食類冇想像中咁差 味道正常啦😂，而甜品類呢 部分就真係麻麻地😅。 但賣相方面唔錯，打破左我對素食既傳統概念。不過，如果大家對飲食有要求既 建議慎重考慮。餐廳食物主要係視覺享受，打卡為主😂 服務方面就的確唔錯，職員好nice，會主動協助打卡拍照，仲好細心調整一下食物擺物，用心咁幫客人影打卡照。另外仲會主動安排去其他位置打卡，服務態度100分。👍🏻如果大家想搵一間可以影靚相 既餐廳，相信JAJA係一個唔錯既選擇。…Read More

屋企人生日，上網搵到呢間食中菜既餐廳，食完有驚喜一入餐廳已經覺得好舒服，地方闊落，加上設計令整體感和好柔和。坐低之後職員會拎酒精同你消毒雙手，仲有壓縮毛巾可以清潔，感覺好乾淨同周到！叫左個鮑魚做前菜，平時食開蒸鮑魚，呢個鮑魚脆脆地，入口鬆化，好有新鮮感。雖然好多炸蒜，但食唔唔會味重過咸，食到鮑魚鮮味。個鮑魚仲已經切開做3件，方便進食，好細心！呢個蟹蓋我個人十分鍾意！擺碟上已經成個蟹既外型覺得好靚。食落口真係啖啖蟹肉，裡面有好多洋蔥，充滿洋蔥既甜味，仲有蟹肉食鮮甜味呢個湯飯都好正。個湯好濃，聽職員講好似加左啲魚去煮個湯底，所以湯既味道好豐富。如果拉麵係呢個應該都好正而且佢仲有脆米，加埋落湯飯到食可以食到唔同既口感趣脆咕嚕肉冰鎮上場，每舊咕嚕肉都大舊，而且比汁包住，好吸引！脆都真係脆既，不過就略嚴個粉漿厚左啲啲，如果薄啲就更好啦～脆皮三黃雞，即係炸子雞，味道都唔錯既，不過我呢個鍾意食雞胸既，就覺得個雞胸唔夠滑。擺碟仲有幾粒核桃，甜甜地帶有白芝麻，好食如果核桃多啲就好啦🤤由於唔夠肚叫唔到叉燒例牌，所以叫左一碗飯試一試。叉燒夠淋但唔會肥，肥瘦適中，不過我嚴佢唔夠燶邊。另外可能4個人share一碗太少試唔真，未感受到網上大讚叉燒超大驚喜，下次可能要叫例牌，希望試真啲蛋就流心，撈飯正。菜心掛住個上湯味道幾好，不過跟前面比較既就顯得佢普通左啲🙈🙈屋企人叫個紫澐夢境。原來個焦糖布甸裡面有栗子，偷左一啖，感覺幾特別好精美既甜品，其實佢係將豆腐切到一朵花咁，水有少少薑味同桂花，顯刀工既一道甜品芝麻卷有黑白兩色混合，視覺上會比傳統淨黑色既更吸引。味覺上滑就夠滑，不過我覺得芝麻香更濃會更好。上面有塊焦糖幾好食另外都想讚職員細心，會留意住你既情況，幫你收拾，加茶。特別係服務員amy，佢會介紹比較熱門既菜比我地考慮，上菜仲細心介紹點食法，提點我地先試左個味先再決定落唔落醬汁加味等等。今次既晚飯十分滿意，無論係環境，食物質素，抑或員工既服務都非常好。期待下一次再光顧，希望可以坐到窗邊位感受另一個景觀…Read More

難得星期五晚可以同朋友食飯，諗住方面大家又想食日本野，search下見到呢間放題近600多個好評，心諗一定唔錯，點知一切都係假既……先講環境衛生超多小強！！！！！未調枱前我地已經見到有3隻阿強係牆到爬黎爬去…先不論食物質素已經影響哂胃口…後尾我地終於忍唔住且要求調枱，本身見到場內中間有張空枱，想要求坐中間唔洗再靠牆驚又有阿強…唔知係咁岩職員安排問題定點…最後我地都係被安排靠牆座位…食到尾聲又發現有強仔…成個過程至少見到一家5口另外座位逼 走廊通路窄 再加埋工作人員可能太忙手腳太急趕，一餐已經聽到唔少跌野聲，係我地身邊更加跌3次野，差d仲整污糟我地…經過走廊行路都感受到地下痴笠笠……而食物質素差到……食得放題，當然主角係食刺生壽司天婦羅呢d……但係冇樣合格……刺身唔新鮮，什至有腥味填5件比10幾件，寫10件既又比得3,4件……天婦羅粉漿厚硬又多油可以encore既都真係得炙海鹽三文魚壽司……主菜唔得…配菜都一般般牛油粟米呢d諗住實冇死，點知送到黎d粟米黑既乾既燒物又燒到又乾又黑豚肉烏冬塊肉咬多幾下有怪味麵豉湯叫左4碗，有1湯水位特別高，另外3碗特別低，一飲，呢3碗十級咸……碗水蟹粥送黎果陣勁嘔心，勁似隔離枱食淨拎黎咁甜品區超少選擇，叫左個心太軟，根本就普通 一粒朱古力蛋糕飲品選擇又少，想搵d無糖茶飲下都冇，得d汽水維他奶檸茶揀…唯有覺得好食既得個燒菠蘿同個雞脾菇係入得下口總之…唔會再有下一次！！！！！比成300幾蚊有個咁惡劣既用餐體驗……大家千祈唔好比呢600個like呃左！！！…Read More