iedwin's Profile

店員知道齊人就會上食材，食材無得㨂，已經set好，個個都一樣。 食材到左會大約教你點食，如果最尾想食南瓜粥就要留南瓜係最尾。今次店裡提供：鮑魚，魚，蝦，蟹，蜆，蠔，雞，肥牛，瓜藍.....（請睇圖：二人份量） 海鮮絕對新鮮，上枱時候仲識得郁。 蝦仲要用隻碟蓋住先唔會跳走，大大隻，肉質彈牙，有鮮味。 魚對我係驚喜，平時打邊爐好少食魚，這條魚實在好味，唔腥，唔會爛曬，所以我食左半條。蜆就覺得細左啲，同埋其中一兩粒有沙。 唔止淨係海鮮出息，肥牛，雞都係好新鮮及滑，雞開似時放，到最尾都唔太「鞋」。 食完全部肉類，其實都80%飽，不過你可以叫侍應用湯底煮粥，粥係煮得好腍，但唔係太特別。呢個set 每人都係$188，呢個價錢，食海鮮火鍋，抵都喊。…Read More

行過見到，又有位，所以入去試下。入到去，侍應門只顧傾計，無人理會。位置又迫，抱住個袋食完餐飯。畫完餐紙，侍應會企係隔離傾計，十分騷亂。叫左個豚肉生菜，有兩大塊燒得好香嘅豚肉，肉質都好嫩，食法同泰式生菜包差唔多，係就係幾好食，但塊肉係要自己剪，有啲麻煩。仲食左安辛奶奶雞，我地叫左半隻，可以決定大，中，少辣，味道聞到唔算特吸引，雞有少少太「銀」，唔係煮得太腍，唔係好食。各位請自行考慮。…Read More

朋友想試好耐，終於陪佢試左。我叫左個雙色聖代，頂有雪糕，一面係培茶味，一面係抺茶味，食到兩隻茶味嘅分別，唔太甜。側面有兩粒白色丸子，口感好「煙銀」，本身無味，所以要夾雪糕一齊食，下層有啲「翠翠」、果子同大粒紅豆，紅豆好腍又香，入口清甜，整個聖代配搭啱啱好。 朋友叫左個「綠茶卷蛋餐」，蛋糕「軟熟」又有茶味濃。紅豆湯完全唔似香港嘅紅豆沙，質地處於水及沙中間，可以一試。仲有手工典奇，個樣睇落好硬身，食落就好鬆化。係就係好食，不過差唔多要$100，好似有啲貴。 …Read More

天氣突然轉凍，梗係去食火鍋啦。之前係雜誌睇到介紹，有任食一人一鍋，所以慕名而去試下。首先，要揀你想食咩牛，有三個level，當然愈貴愈靚，我就揀左最貴嘅雪花肥牛，真係好滑，就算放耐左，都好好食，貴都值。之後就可以揀湯底，湯底有5-6款㨂，為左試新野，就揀左椰子湯底。來到都聞到椰子清香，亦夾到食物嘅味道。最後你就可以剔你要嘅食物，選擇都算多，亦都算新鮮好味。不過，最衰係辣椒豉油唔夠辣，如果要加辣椒就要比$10。…Read More

朋友聚會，選了一間裝修美觀及舒服的餐廳。生蝦是我的最愛，新除了新鮮之外，還配上了炸蝦頭，大家一定要試。咖哩軟殼蟹亦是一絕，記得要配上蒜蓉包。串燒與泰國地道的相似，香口有肉汁，正～最後，最後一定要飲冬陰功及龍眼冰。冬陰功酸酸辣適中，龍眼冰，清甜解渴，甜度適合香港人口味！…Read More