muichu.jai's Profile

米線店門面裝潢簡約，內裡以木色為主，環境舒服。一入座店員就端上自家製的醃蘿蔔🥕，食落都幾辣，辣中再帶酸，係開胃的前菜，仲可以免費續碟🙌🏻。🔸[招牌牛魔王小鍋米線] (HK$64)米線爽滑彈牙，每碗都好足料，配有枝竹、木耳絲、海帶、芽菜、酸菜、韭菜、蔥、芫茜、蕃茄片👍🏻。呢款米線的配料有：牛筋丸、麻辣牛舌尖、鹵水牛舌筋、美國肥牛🐮，牛舌筋炆得好入味，鍾意食牛的朋友不好錯過😍！🔸[招牌雞雜小鍋米線] (HK$58)市面上較少見到豬雜或雞雜米線，用上店家每日街市新鮮採購豬雜及雞雜，實在太有特色，於是點了呢個雞雜米線，而且特地選了雞骨湯為湯底😉。配料有：雞腎、雞絲、雞肝、雞心、藤椒雞肉丸🐔，配以濃厚的雞骨湯，啖啖都充滿雞的鮮甜味😚！🔸[尖椒滑嘟嘟皮蛋] (全份, HK$22)小食之一。開半的皮蛋，伴隨尖椒茄子絲，食落滑溜溜，而且微辣，惹味得來又開胃🤤！🔸[炸魚蛋] (全份, HK$26)小食之一。即點即炸的魚蛋，共有12粒。每粒都炸至金黃色，面頭撒上孜然粉，食落香口又滋味😋！🔸[無糖豆漿] (HK$16)🔸[零系可樂] (HK$10)💡妹豬仔話你知💁🏻‍♀️～點餐時，首先可選米線的款式，每款米線有著不同的餸菜，然後選擇特色湯底 (五選一)，再按自己需要可追加其他配料。下單後，店員就拿來不同的調味醬料，包括：炸蒜、炸蔥、辣椒、藤椒等，讓客人按自己口味而選擇。💡妹豬仔再話你知💁🏻‍♀️～米線係以原煲熱鍋烹調，再以藤籃盛載著熱鍋，一來可以保持溫度，二來可避免客人誤碰而燙傷，一舉兩得！ (以上價錢僅供參考，一切以店舖為準)…Read More

天氣愈來愈熱，想飲手搖但又怕飲完有罪疚感？飲優格飲品就唔使擔心喇😉！呢間優格飲品店主打優格製作的健康飲品，全水果製作，不添加色素增味劑，簡直係健康的選擇。來到中環分店，店外有色彩繽紛的壁畫，可以打打卡❤️～🔸[紅火龍優格果昔 (中杯)] (HK$40)優格果昔系列之一，有中杯或大杯可選。新鮮紅火龍肉先被打成果汁，再和優格分層地疊上，製成後，紫紅色與白色相間，十分適合打卡😍！飲落味道新鮮清甜，優格質感幼滑👍🏻。🔸[雜莓優格蓋茶] (HK$58)優格蓋茶系列之一，可選桂花烏龍或茉莉綠茶做茶底。新鮮雜莓先被打成果汁，加入桂花烏龍🍵，面頭再蓋上一層厚厚的優格。第一口先品嚐優格，醇厚而香濃。接著拌勻優格和雜莓果茶，飲落酸酸甜甜，既有烏龍茶的清香，又帶有籽口感，十分清新🌿！💡妹豬仔話你知💁🏻‍♀️～如果鍾意優格的朋友，仲可點餐時加購加倍優格 (+HK$6)。 (以上價錢僅供參考，一切以店舖為準)…Read More

相信喺鰂魚涌站C出口附近返工嘅人，都試過喺呢間麵包店買早餐。有日返工嘅時候，妹豬仔就發現麵包店貼咗「無奈結業」😢。於是有兩日朝早就去買早餐支持下佢哋，買咗：🔸[芝士雞包] 🔸[咖啡] 🔸[蕃茄煎蛋三文治]💡妹豬仔話你知💁🏻‍♀️～呢間麵包店已經開店超過50年，售賣唔同款式嘅麵包～傳統款式有：菠蘿包、提子包、菠蘿油、芝麻鹹餐包等等，而新穎款式有：豬柳漢堡包、吞拿魚包、餐肉火腿薄餅、花生醬包等等。另外亦有蛋撻、芝士雞批、燒餅、蛋捲、瑞士卷等等。💡妹豬仔話你知💁🏻‍♀️～麵包店預計於2025年4月15日結業，附近返工嘅朋友，記得把握時間去支持下佢哋🙌🏻！…Read More

餐廳裝潢以紅色為主，加上木系元素，和風十足🙌🏻！呢度採用嘅牛肉係A4+級別嘅北海道十勝產和牛，係屬於嘅黑毛和牛品種，全日嘅套餐仲要免加一，抵食又高質❤️！呢度嘅壽喜燒係要由自己親手去烹煮👩🏻‍🍳，如果你平時少下廚，怕唔識整？唔駛怕！餐廳好貼心咁已提供咗烹煮壽喜燒嘅步驟，只要跟住步驟做，都即刻秒變大廚😎～🔸[特選肩胛壽喜燒套餐, 120g] (HK$198)🔸[極上肉眼壽喜燒套餐, 180g] (HK$238)壽喜燒套餐有3款，每款嘅主要分別在於所提供嘅牛肉部位🥩 (赤身、肩胛、肉眼)，再可細分選擇120g正常份量或180g巨大份量。點餐後，店員就會用割肉機切出一片片嘅和牛。套餐十分豐富，包括：前菜、野菜盛合🥬、十勝產A4和牛、蘭王蛋🥚、日本米飯或讚岐鳥冬、甜品🍡。前菜係漬青瓜、漬蜆肉，十分開胃😉！到烹煮壽喜燒，先加熱牛脂膏開鍋，再放入店家自製嘅壽喜燒汁，之後放和牛落去半煎煮，煎好後蘸上已拌勻嘅蘭王蛋汁，平時的話會同白飯一齊食，由於點咗讚岐鳥冬，所以今次就直接食😆。肩胛肉油脂分佈平均，由於係經常運動嘅部位，所以筋肉發達，食落肉質結實，肉味香濃🤤。而肉眼係肋骨上嘅肉，相對充滿豐富脂肪同油花，食落肉質柔軟嫩滑，感覺入口即溶，充滿肉汁同牛脂香氣😍。食完和牛之後，就可將野菜盛合嘅蔬菜同讚岐鳥冬放入鍋中，再加入壽喜燒汁/昆布汁烹煮。野菜盛合有多款蔬菜，包括：冬菇、紅蘿蔔片、豆腐、京蔥、蒟蒻結、油揚豆腐、茼蒿、高麗菜等。而鳥冬吸收咗蔬菜嘅甜味同醬汁，十分惹味😋！最後以甜品作結，呢日嘅甜品係雙色蕨餅，口味分別係：黃豆粉、抹茶，食落甜甜地，同埋好煙韌🤗。🔸 (HK$48)屬於啤酒類別飲品。啤酒杯特別以零下30度冷藏❄️，斟咗啤酒之後，面層嘅泡會形成咗層薄薄嘅冰雹🧊，可令啤酒處於低溫狀態，保持啤酒嘅新鮮度同醇香🍺。🔸[尾瀨之雪柚子檸檬酒, 90ml] (HK$58)屬於果酒類別飲品。呢款果酒採用來自日本德島縣嘅柚子汁，飲落鮮美而清新，好易入口🙌🏻。💡妹豬仔話你知💁🏻‍♀️～餐廳有做Social Media優惠，只要做齊步驟，就可免費獲得330ml生啤一杯(白/黑)🍺或40g和牛赤身一份🥩。詳情記得留意店內海報。💡妹豬仔再話你知💁🏻‍♀️～咁正嘅十勝產A4+和牛片，原來仲可以買返屋企㗎！為慶祝尖沙咀分店開幕，外賣自取和牛片享85折，堂食後外賣自取更享7折，各位食肉獸唔好錯過喇🫶🏻！ (以上價錢僅供參考，一切以餐廳為準)…Read More

呢度環境寬敞，而且冷氣十分強勁，可以舒服舒服咁享用鑊氣小炒😉。值得一提～呢度裝潢以老香港為主題，佈置咗唔同店舖門面，如：快餐店、粉麵店、遊戲中心等，讓客人仿如置身於80年代嘅香港街頭食大排檔。就連洗手間都佈置成升降機咁，十分有特色，亦適合打卡😆！🔸[香醋蜜椒牛柳粒🐮] (HK$188)招牌特色小菜之一。呢個菜式份量大而惹味，牛柳粒同紅椒、黃椒、青椒🫑一齊炒香，加入香醋醬汁至收汁。牛柳粒肉質軟腍，醬汁好惹味，好適合佐飯😋。🔸[菠蘿咕嚕肉🐷] (HK$138)招牌特色小菜之一。菜式大大碟份量足，咕嚕醬汁嘅酸甜度適中，十分開胃☺️！咕嚕肉炸得酥脆，外邊炸衣唔厚，入邊肉質保持嫩滑多汁，而且部分連有軟骨，增加口感層次。咕嚕肉以外，仲有菠蘿🍍、洋蔥🧅、紅椒、黃椒、青椒🫑，佐飯一流！🔸[懷舊蝦多士(3件)🦐] (HK$68)滋味小食之一。蝦多士唔係度度有得食，係將大蝦鋪上白麵包再炸。呢度嘅蝦多士比想像中來得大份，多士炸至金黃色，食落十分鬆脆，大蝦亦爽口彈牙😍。伴上沙律醬可沾點食用。🔸[蒜蓉粉絲蒸蟶子皇] (HK$78/隻)海鮮類之一。去大排檔點少得蒜蓉粉絲蒸海鮮！蒜蓉同豉油味道啱啱好，唔會過鹹，蟶子皇新鮮又大隻🤤，粉絲就吸收晒蟶子皇嘅鮮味同蒜香味🧄，又係佐飯之選！🔸[蒜蓉粉絲蒸扇貝] (HK$48/隻)海鮮類之一。同[蒜蓉粉絲蒸蟶子皇]不相伯仲，粉絲吸收晒扇貝嘅鮮味同蒜香味🧄，加上豉油味又唔會過鹹，同樣係佐飯之選！🔸[欖油西蘭花炒什菌🥦] (HK$88)招牌特色小菜之一。呢餐咁多肉，於是叫咗呢個清淡健康之選。西蘭花炒得啱啱好，唔會過淋，配上海量嘅雜菌，十分健康💚！🔸[絲苗白飯🍚] (HK$15)🔸[藍妹清啤🍺] (HK$38/大樽裝) (以上價錢僅供參考，一切以店舖為準)…Read More

有晚同朋友去咗呢間居酒屋吹吹水～居酒屋以武士為主題，除咗武士圖案霓虹燈之外，門口位置有一幅武士圖案塗鴉牆，另一邊牆有武士圖案掛畫，亦貼上酒標貼紙，十分有特色🙌🏻！🔸[清酒煮蛤蜊] (HK$98)好大窩清酒煮蜆，蜆嘅數量好多，食落鮮甜😋！🔸[唐揚一口雞] (HK$68)新鮮炸起嘅炸雞，夠晒熱辣辣！雖然話係「一口雞」，但每件都好大嚿，一口都食唔晒😆。🔸[燒羊架] (HK$78)羊架肉質粉嫩，切開咗細細嚿，方便食用👍🏻。🔸[明太子翠玉瓜] (HK$48)翠玉瓜搽上明太子醬再燒，然後撒上木魚絲，食落香口多汁。🔸[特上刺身盛] (HK$208)有3款當日時令刺身，每款2片。分別係：横筋笛鯛、深海池魚、伊佐木。刺身大片又厚身，而且好新鮮🤤！🔸[燒金鑽菠蘿] (HK$58)糖漿被淋上菠蘿後，再燒至焦糖化。外面卜卜脆，而菠蘿酸甜多汁😋！🔸 (HK$68)🔸[原味乳酸梳打] (HK$28) (以上價錢僅供參考，一切以店舖為準)…Read More

壽喜燒大受港人所愛，妹豬仔亦唔例外😚！呢次嚟到主打關西風壽喜燒嘅餐廳，木系裝潢令人好舒服🙌🏻。午市時段已經有好多壽喜燒套餐可供選擇，主要以席前、非席前去區分，再細分為唔同套餐。妹豬仔就揀咗呢個席前壽喜燒套餐😋～🔸[席前日本和牛壽喜燒套餐 ] (HK$580)▪️[前菜🥗]前菜有3款，包括：鰻魚水雲、白魚蒸蛋、粟米布丁，每款都精緻吸引！▪️[茶碗蒸🥚]茶碗蒸熱辣辣，十分滑溜順口！▪️[壽喜燒🥩]▪️[日本野菜5款🥬]▪️[米飯🍚]師傅先用牛脂肪開鍋，再放入醬油。再根據牛肉嘅淡至濃程度去烹調，烹調時亦配上唔同日本野菜。壽喜燒用上3個唔同部位嘅A4和牛，和牛油脂豐富，食落口感嫩滑，而且肉味香濃😍，加上醬油可口，師傅盛上一小碗米飯，等大家用壽喜燒和牛佐飯😉！如果太好佐飯而唔夠，仲可以無限添加米飯🙌🏻。和牛包括：肉眼1片、西冷1片、肩肉2片。👉🏻首先係[宮崎和牛肉眼🐮]，配菜有京蔥，師傅建議可沾點日本九州蘭王蛋，豐富味道層次。👉🏻其次係[宮崎和牛西冷🐮]，配上日本豆腐、冬菇，同樣建議可沾點日本九州蘭王蛋。👉🏻最後係[京都和牛肩肉🐮]，配菜有金菇，建議可沾點無菌蛋整成嘅雲朵蛋。▪️[洋蔥炒菜🧅]洋蔥同菜經壽喜燒醬油烹調，十分香甜！▪️[炒蒟蒻麵🥢]蒟蒻麵放到鍋中炒香，加入壽喜燒醬油烹調至收汁，蒟蒻麵吸收晒醬汁，再沾點蘭王蛋，食落更順滑惹味😋。▪️[雞蛋蓋飯🥚]師傅將雞蛋打入鍋中，再加入壽喜燒醬油，再慢慢炒成滑蛋，再放到米飯上，再撒上蔥粒、芝麻作點綴。食落熱辣辣，蛋味濃郁🙌🏻！▪️[味噌湯🍲]食飽之後，飲埋熱辣辣嘅味噌湯，十分滿足！▪️[甜品🍧]師傅將日式刨冰機放到席前，手動刨製[日式刨冰]，我哋揀咗抹茶紅豆味、益力多味，刨冰十分綿密而冰凍❄️，極透心涼嘅甜品！💡妹豬仔話你知💁🏻‍♀️～整體來講，餐廳環境舒服，坐席前嘅好處係可以近距離欣賞師傅製作料理嘅過程，亦可以聽到師傅嘅細心講解。加上呢個套餐好豐富，食完超飽肚，仲有日式刨冰作結，超級大滿足❤️！ (以上價錢僅供參考，一切以餐廳為準)…Read More

呢間專門店嘅戚風蛋糕一直受人熱捧，除咗外觀打卡able同口味嶄新之外，食材都經過精心挑選👍🏻，例如採用北海道的鮮忌廉、日本麵粉、新鮮農場雞蛋等製作蛋糕。.呢次妹豬仔就食咗佢哋嘅呢個蛋糕🤗～.🔸[玫瑰荔枝原個戚風蛋糕🍰 ] (15cm, HK$390)蛋糕嘅外層係荔枝鮮忌廉，顏色粉嫩，十分夢幻💖！面頭有注入咗玫瑰果醬嘅玫瑰荔枝慕絲球🌹，亦有其他裝飾，賣相非常吸引😍！而蛋糕內層有玫瑰戚風蛋糕、荔枝鮮忌廉，夾層仲有荔枝啫喱。食落蛋糕好鬆軟，充滿玫瑰花香同荔枝果香😋！.(以上價錢僅供參考，一切以店舖為準)…Read More

呢晚嚟到呢間意大利餐廳食晚餐，除咗平時嘅餐點外，見到推出咗5月限定嘅「尋覓芝味2.0 (Chasing Cheese Vol.2)」系列，作為芝士控，當然有點埋當中嘅芝味餐點啦😍！.【Starters 前菜】.🔸 (HK$130)焗拖米諾流心芝士配麵包脆片(素)，係「尋覓芝味2.0」系列中嘅前菜。呈象牙奶黃色嘅拖米諾芝士 (Tomino Cheese) 以小碗盛載，店員端上後會點燃蠟燭熱烘住，所以芝士呈流心狀態🫕，當中亦加入咗羅勒、蒜、焦糖洋蔥，一併放到麵包脆片上，食落芝士口感細膩順滑，亦有多一番風味🤤！.🔸 (HK$120)秘製肉丸，係前菜之一。肉丸有3大粒，以豬肉混合牛肉製成，淋上蕃茄醬汁，再撒上巴馬臣芝士(Parmesan Cheese)。肉丸雖然好大粒，但仍然充滿肉汁，沾上蕃茄醬汁同芝士，酸甜得嚟帶鹹香😋。.🔸 (HK$88)地中海沙律(素)，係前菜之一。呢個沙律好大碗🥗，當中有：蘋果、羅馬生菜、九芽生菜、菲達芝士 (Feta Cheese)、核桃，配合醬汁食落酸酸甜甜，十分開胃🙌🏻！.【Pasta 意大利麵】.🔸 (HK$170)四式芝士巴馬火腿扁麵，係「尋覓芝味2.0」系列中嘅意大利麵之一。綠色扁麵以蘆筍製成，拌隨芝士醬汁、新鮮蘆筍，再放上已刨嘅芝士，面頭再放上口感香脆嘅巴馬火腿。呢碟意大利麵用上咗4款芝士🧀 ，包括：巴馬臣芝士 (Parmesan Cheese)、古岡左拉藍芝士 (Gorgonzola)、瑞可塔芝士 (Ricotta Salata)、佩克里諾羊奶芝士 (Pecorino)，令芝士味相當濃郁，食落充滿芝士鹹香😚！.🔸 (HK$198)鮮刨黑松露細扁麵 (素)，係意大利麵之一，亦係餐廳嘅人氣菜式之一。店員端上就已經立即聞到松露香氣🍄‍🟫，細扁麵拌隨芝士醬汁、紅蔥，面頭鋪滿海量鮮刨嘅松露，賣相吸引！食落亦當然充滿濃郁松露香味，滋味之選😍！.🔸 (HK$130)經典牛肉千層麵，係意大利麵之一。千層麵一烤好就端上，夠晒熱辣辣！呢個千層麵有蕃茄牛肉醬、白汁、巴馬臣芝士(Parmesan Cheese)，都配搭得宜🙌🏻。.【Coolers 無酒精特調】.🔸 (HK$65)無酒精特調之一。呢杯飲品呈黃色，以熱情果、檸檬、羅勒、梳打調製而成，亦放入半個熱情果，飲落味道微酸☺️。.🔸 (HK$65)無酒精特調之一。呢杯飲品呈橙紅色，以紅莓、白桃、檸檬、乾薑水調製而成，飲落味道酸酸甜甜😉。.【Dolci 甜品】.🔸 (HK$60)提拉米蘇，餐廳嘅人氣招牌甜品，妹豬仔每次嚟都必定食🥰！Tiramisu好大杯，馬斯卡彭芝士 (Mascarpone Cheese) 同浸過咖啡嘅手指餅層層相間，面頭再灑上一層可可粉，食落充滿咖啡香味，芝士口感順滑🤤。.💡妹豬仔話你知💁🏻‍♀️～餐廳有自選嚐味菜單套餐，每位HK$298，可自選前菜、意大利麵、飲品，詳請可以到店後向店員查詢。.💡妹豬仔再話你知💁🏻‍♀️～如果你比較容易對麩質過敏，餐廳可應要求提供無麸質意大利麵。. (以上價錢僅供參考，一切以餐廳為準)…Read More

鍾意食蝴蝶酥嘅您，知唔知有「蝴蝶酥節」呢？等妹豬仔話你知啦😉～4月4日就係人氣餅店皇玥一年一度嘅「蝴蝶酥節」😍，於是推出咗個新4月份限定優惠，於4月份期間，於皇玥及明玥門店購買蝴蝶酥產品，就可享買2送1優惠，但要留意優惠不包括混合餅食產品😚。.🔸[限量版6吋珍寶蝴蝶酥禮盒🦋] (HK$168)皇玥蝴蝶酥由米芝蓮二星大師黎永冠師傅研發👨🏻‍🍳，製法十分細緻，先後以4段溫度 (110°C、150°C、180°C、220°C) 烘烤秘製酥皮🌡️，最終炮製出呈金黃色又香脆嘅「米芝蓮蝴蝶酥」，加上採用法國天然牛油🧈，散發住自然而濃郁嘅牛油酥香😋。.除咗4月份限定優惠之外，餅店亦再度推出限量版「珍寶蝴蝶酥」，珍寶版本有6吋大，約有2個手掌咁大👐🏻，十分打卡able❤️！尺寸比普通嘅蝴蝶酥大5倍，香脆口感亦同樣放大5倍，滋味倍增🤗！.🔸[伯爵茶蝴蝶酥精裝禮盒🫖] (HK$138)禮盒採用獨立包裝，內有4小包蝴蝶酥，每小包有4件。伯爵茶蝴蝶酥採用英國伯爵茶葉，經多重浸泡、研磨後，將伯爵茶嘅精華融入酥皮中。食落真係好香脆，而充滿濃郁嘅伯爵茶味😍！.🔸[三重果仁蝴蝶酥精裝禮盒🎁] (HK$138)禮盒採用獨立包裝，內有4小包蝴蝶酥，每小包有4件。三重果仁蝴蝶酥用上頂級優質嘅榛子、杏仁及開心果，3款果仁經過不同粗幼嘅磨碎程度，不但令每款果仁嘅獨特香氣更突出，而且為蝴蝶酥帶來多重口感，食落滋味無窮🙌🏻！.💡妹豬仔話你知💁🏻‍♀️～蝴蝶酥4月份限定優惠、限量版「珍寶蝴蝶酥」只供應到2024年4月30日。.💡妹豬仔再話你知💁🏻‍♀️～皇玥蝴蝶酥口味有好多，一共有10款❤️，包括：原味、伯爵茶、海鹽、杏仁、五穀籽、椰絲、榛子、芝麻、麻辣、三重果仁。蝴蝶酥控千祈唔好錯過，快啲捉住4月份限定優惠嘅尾巴，買多啲蝴蝶酥🥰！. (以上價錢僅供參考，一切以餅店為準)…Read More

作為三粉，知道三哥又出咗新品，一於去開餐！.🔸[酸菜湯好Duck Duck米線🦆] (HK$49)今次期間限定嘅米線，湯底辣度預設為10小辣，微辣而酸溜溜，味道濃郁，食食下愈來愈辣🥵。如果食得辣嘅朋友，就可以再加辣到特辣加辣🌶️。呢款米線嘅主題係「鴨」，主要食材有：煙燻鴨胸、鴨腎花，前者肉質粉嫩，充滿煙燻香氣，後者則爽脆，帶微微嚼勁，真係好Duck Duck👍🏻！米線嘅配菜亦同平時有啲唔同，包括：酸豆角、粗酸菜、指天椒、蜂巢豆腐、大豆芽、芫茜、韭菜，令米線食落更滋味😋！.🔸[烤烤味彩椒墨汁腸] (HK$16)今次期間限定嘅小食，辣度同樣預設為10小辣。睇落就好似黑色嘅紅腸，腸衣烤烘至香脆，食落香口而彈牙，伴隨含有芫荽碎同孜然嘅醬汁，十分惹味🤤！.🔸[黑芝麻奶蓋豆乳特飲] (+HK$12，單點HK$16)今次期間限定嘅特飲，甜度同冰量都係固定。豆乳上面有層厚厚嘅黑芝麻奶蓋，飲落豆乳順滑，豆味濃郁，黑芝麻味香醇，拌勻後又係另一滋味😍！如果食酸菜湯米線覺得辣嘅話，飲一啖即刻解解辣！而且乳糖不耐症人士都適合飲用，十分健康💚！.💡妹豬仔話你知💁🏻‍♀️～「煙燻鴨胸」同「鴨腎花」都已經列作米線食材喇～如果唔愛好酸菜湯底嘅話，食其他湯底米線都可以加配呢兩款食材 (+HK9/款）。.💡妹豬仔再話你知💁🏻‍♀️～一直都有留意Johnee 嘅插畫，今次餐牌上面嘅米線食材角色就係佢畫㗎～例如：「孫菜劏」(酸菜湯)、「蜂巢鬥富」(蜂巢豆腐)等，每個都好盞鬼🤣！ (以上價錢僅供參考，一切以餐廳為準)…Read More

鍾意食車仔麵嘅你，千祈唔好錯過呢間車仔麵店😚！本店位於上環，而妹豬仔呢次就去咗銅鑼灣分店度食～店外經常排有人龍，極具人氣🙌🏻！但入座速度都快，等咗15分鐘左右就可以入座😆。.呢度嘅基本麵底選擇有6款，包括：油麵/幼麵/粗麵/河粉/米粉/米線 (HK$10/款)，另外亦可選擇伊麵/公仔麵 (另加HK$5/款)。.然後可以自選想食嘅車仔麵餸😋，價錢主要係HK$10/款或HK$12/款。另外亦有：淨炸魚皮 (HK$22)、淨雞翼尖 (HK$22)、淨豬頸肉(HK$35)、生菜/白菜 (HK$22)。.湯底方面，就緊係要腩汁🤤！再因應個人口味，可再加蔥。鍾意食辣嘅朋友，更可加埋麻辣醬/咖哩醬(辣度：小/中/大/加大)😉。.推介車仔麵餸：🔸豬血：好入味，而且份量多。🔸蘿蔔：好大舊、清甜冇渣。🔸咖喱魚蛋：有3大粒，每粒有香濃咖喱味。🔸雞中翼：2大隻滷水雞翼，十分入味！🔸蠔油冬菇：冬菇都大舊，同樣好入味。🔸酸齋：有2大舊，甜酸度適中，十分醒胃！🔸豬頸肉：滷水豬頸肉2片，肉質唔柴而入味。.(其實本身仲想食埋五香牛腩，可惜當晚已經賣晒，有興趣嘅朋友可以試下～).💡妹豬仔話你知💁🏻‍♀️～呢度入座設每位最低消費HK$40，食唔到咁多餸嘅朋友要留意返喇！.💡妹豬仔再話你知💁🏻‍♀️～除咗上環同銅鑼灣，車仔麵店最近喺香港仔都開咗分店，南區朋友可以試下啊～. (以上價錢僅供參考，一切以餐廳為準)…Read More

好一段時間冇食日本嘢喇～於是心思思決定呢日同朋友嚟到銅鑼灣呢間日式料理店食飯😚！.🔸 [昼Sushi Set (11貫+手卷)] (HK$498)呢個午市套餐十分豐富！總共有11款壽司🍣，由味道較鮮嘅真鯛開始，跟住有：帆立貝、鰈魚、間八魚、紫海膽、秋刀魚、北海道赤海膽、深海池魚、鯖魚、熟成10日大拖羅，同埋味道最濃郁、入口即溶嘅右口魚🤤。.壽司嘅刺身款款都新鮮肥美😋，作為海膽控，妹豬仔就梗係最鍾意當中嘅北海道赤海膽☺️！師傅捨棄咗傳統軍艦造法，改以紫菜醬混入赤醋飯代替，一嚟賣相更特別、更吸睛❤️！二嚟就係可以避免因紫菜擺得太耐而令到質感變得軟腍，係非常聰明嘅做法👍🏻！ .整體來講，呢度環境唔錯，食物又高質🤗！成個套餐除咗11款壽司之外，仲有：吞拿魚手卷、蒸蛋、魚湯同甜品，食完真係超級大滿足🥰！以廚師發辦來講，價錢唔使HK$500，真心抵食🙌🏻！. (以上價錢僅供參考，一切以日式料理店為準)…Read More

呢間蛋糕店以希臘乳酪芝士蛋糕作主打，相信大家對佢哋嘅日本蜜瓜希臘乳酪芝士蛋糕都唔陌生喇😚～妹豬仔早排去尖沙咀行街，見到呢間蛋糕店喺商場開咗分店，就俾呢個紫色蛋糕吸引住，於是買咗返屋企同屋企人開心Share🤗！.🔸[超級雜莓希臘乳酪芝士蛋糕] (6吋, HK$588)呢個係蛋糕店嘅全新SuperFood系列蛋糕😍。蛋糕外觀呈紫色，切開後同希臘乳酪芝士呈現紫白色漸層，顏色十分夢幻💜！.呢個蛋糕選用咗優質澳洲SuperFood天然水果粉(包括：藍莓🫐、黑莓、紅桑子及士多啤梨🍓)，由於以冷凍抽乾技術製成，所以濃縮咗高達60粒新鮮雜苺嘅營養成份🙌🏻，蘊含豐富纖維、維他命C、抗氧化物，有助增強免疫力，改善心臟及消化系統健康👍🏻。.加上蛋糕以希臘乳酪製成，相對上有較高嘅鈣質同蛋白質含量🤗。而且比起通常用到嘅忌廉芝士更健康，因為希臘乳酪有豐富嘅活性乳酸菌，對腸道健康好有幫助，就算食多幾啖都唔怕肥，真係零負擔💚！.💡妹豬仔話你知💁🏻‍♀️～整體來講，呢個蛋糕顏色十分夢幻，好啱打卡😍！而且食落濃厚而綿滑，配合SuperFood天然水果粉，莓味香濃，微酸帶甜，感覺清爽又輕盈，好適合夏日享用😋。.(以上價錢僅供參考，一切以蛋糕店為準)…Read More

呢間蛋糕店以招牌草莓西瓜蛋糕為人作知，估唔到西餐都有驚喜，精緻又美味😋！.🔸[炭燒澳洲穀飼黑安格斯封門柳🥩] (HK$198)餐廳推薦菜式之一。呢個黑安格斯封門柳以燒過嘅翠玉瓜、蕃茄仔、薯蓉等拌碟，再淋上自家調配嘅醬汁。五成熟嘅封門柳炭燒得啱啱好，外層微微焦香，內層肉質粉嫩而多汁，食落肉味濃郁，配埋醬汁食好滋味🤤！.🔸[明太子軟殼蟹意大利粉🦀] (HK$158)餐廳推薦菜式之一。意粉面頭再放上炸至金黃色嘅軟殼蟹，賣相唔錯！海量明太子滿佈喺意粉上，而意粉硬度適中同好掛汁，每啖食落都食到明太子，鹹香十足😍！.🔸[招牌草莓西瓜蛋糕🍓] (+HK$39)招牌嘅無麩質杏仁蛋糕系列之一。蛋糕以杏仁餅底、玫瑰味忌廉相間，中層夾有西瓜，頂層有草莓、洛神花果凍，再撒上玫瑰花瓣、開心果，賣相好吸引！食落酸酸甜甜，清甜可口😚！.🔸[日本白桃伯爵茶蛋糕🍑] (+HK$39)海綿蛋糕系列之一，仲要係季節限定！粉紅色嘅原味海綿蛋糕，充滿少女心💖！原味海綿蛋糕夾層之間有伯爵茶忌廉同白桃，頂層就有日本白桃同細細粒嘅桃味果凍，再以忌廉點綴。食落伯爵茶味突出，桃味香濃😋！不過要留意，呢款蛋糕就含有麩質㗎～.🔸[招牌草莓西瓜沙冰] (HK$58)沙冰飲品系列之一。呢杯沙冰就好似液體版嘅招牌草莓西瓜蛋糕😆，由草莓同西瓜打成，面頭有西瓜，再撒上玫瑰花瓣、開心果，十分吸睛！飲落有草莓果肉，味道酸甜又清新🌿！.🔸[茘枝西瓜沙冰] (HK$58)沙冰飲品系列之一。由茘枝同西瓜打成，面頭有茘枝，再撒上食用花裝飾。呈粉紅色真係好靚，飲落有茘枝清甜味道😉。.💡妹豬仔話你知💁🏻‍♀️～餐廳有晚市優惠㗎～加HK$15可追加是日餐湯、追加任何飲品半價(沙冰除外)、追加任何件裝蛋糕半價。.(以上價錢僅供參考，一切以餐廳為準)…Read More