step112的個人專頁

火鍋店的環境非常舒適，適合朋友聚會或家庭聚餐。服務員熱情友善，上菜也很迅速。我們選擇了D4餐，因為現在做緊全天半價的優惠，而且可以食到和牛和海鮮，食物質素相當高，還有不少選擇！這個餐的重點一定是和牛和海鮮！和牛和牛的質量相當高，肉質鮮嫩，油花分布均勻，入口即化。特別是帶有一定脂肪的部位，煮熟後肉汁四溢。作為牛肉愛好者的我，十分滿意這個質量！海鮮海鮮選擇多樣，包括新鮮的龍蝦、鮑魚、蜆和魚等等。龍蝦肉質彈牙，鮮甜可口；而其他貝類都洗得非常干淨，也很新鮮！更驚喜的是有大閘蟹食，肉質豐滿，蟹黃濃郁，搭配蟹醋更是提鮮美味。蔬菜及丸類雪櫃裏仲有很多不同款式的蔬菜和丸類任君選擇，每樣份量適中，可以把所有種類都是一遍！整體而言，這間火鍋放題提供了高質素的食材和舒適的用餐環境。無論是和牛還是海鮮，都能讓人感受到新鮮，特別是龍蝦和大閘蟹，值得一試！…查看更多

嘩！今日同friend去咗尖沙咀食韓國嘢，真係好正呀！間嘢位置都幾方便，美麗華行多一陣就到。一入到去，就見到佢裝修勁有特色，打卡位超多！有個跳舞機，仲有藍球機添，不過係打卡架咋,唔係有得比你玩架~講返重點，就係啲嘢食~佢個烤饅魚真係必食！一上枱，份量十足，仲要好新鮮，睇落就知係新鮮貨！食落口，一啲腥味都冇，真係好神奇！而且仲好juicy，啖啖肉，唔使配紫菜都已經好好味！我哋幾個friend爭住食，真係好快就清碟！跟住就到炸雞，我哋叫咗牛油味嘅。平時食牛油味嘅炸雞都好驚會好膩，但係呢，佢哋嘅炸雞一啲都唔膩，真係好驚喜！而且啖啖肉，唔會好似其他啲咁炸到乾晒，好juicy，食落好滿足！仲叫咗魚糕，有幾款唔同嘅，我哋三、四個人share都夠晒分。魚糕好彈牙，真係正！不過提提大家，個羅白湯唔好煲太耐，如果唔係可能會鹹咗少少，我哋就係煲耐咗少少，有啲可惜。嘢飲方面，我哋叫咗梳打，我嗰杯係青瓜梳打，好fresh，同炸雞好夾，食完炸嘢飲返杯，真係透心涼！總括嚟講，呢間韓國餐廳真係好值得推介！食物質素比想像中高，價錢實惠，下次一定會再嚟！如果大家想搵間好食嘅韓國餐廳，不妨試吓呢間,饅魚必食丫！…查看更多

朋友早排在尖沙咀美麗華3樓發現有間泰式裝修好靚、食物打卡又可以的餐廳。今日去到餐廳發現佢地而家做緊一個泰夏週未狂歡周未早午餐，Menu上每位價錢$328。這裡介紹下我哋食了甚麼，我覺得佢主要賣點係有小食放題，呢度小食放題有成七款小食咁多，分別有泰式青醬生蝦、炭燒豬頸肉沙律、即烤沙嗲串（分別有豬肉同雞肉串）、灰甲脆魚皇、香茅雞翼、馬拉盞炒椰菜、脆炸魷魚鬚。縱觀呢七種小食之中，比較推薦嘅有泰式青醬生蝦，佢既生蝦好新鮮，而沙嗲串都好好食，雞好嫩滑，亦都好多汁，我們追加左食2次。😆而每人都會配一個海鮮蟹肉羹，海鮮好足料，有蟹肉、蝦仁、仲有蠔&青口，另外佢都有齊三種前菜比每一位揀嘅呢個早午餐set既人，我們都加了$38要個頭盤 - 龍蝦芒果沙律，呢個芒果龍蝦沙律都係高質素嘅，$38都可以一值去加。主菜方面我就選擇了香茅剁椒烤魚，呢個主菜份量唔大份，基本上同小食一樣大既size。餐飲方面就要咗一杯mocktail，我哋要咗cool cucumber，係peel cucumber，荔枝汁，有青瓜片、薑糖水，杯嗰度仲有幾粒爆爆珠，咬落去好特別，唔係一般既爆爆珠，係好似薏米嘅質地嘅。今餐食得好飽又好滿足，食物present m靚仔，我哋都影咗好多相，傾吓偈食吓嘢，我們過咗一個好開心嘅下晝。…查看更多

周不時都會來Outdark食嘢，因為餐廳的氛圍輕鬆又chill，特別適合朋友聚會。奶油海鮮炒年糕這個炒年糕鍋的中間是奶油醬煮的海鮮、雜菜和年糕，旁邊圍著拉絲芝士、紫菜飯、一口腸和韓國泡菜！魷魚炸得外脆內嫩，完全不會乾柴！我喜歡的食法是將魷魚裹上鍋邊的拉絲芝士，這個做法會令炸魷魚增添濃郁的奶香。至於鍋中的雜菜和年糕吸滿了奶油的味道，口感層次好rich好creamy！如果食得太多奶油和芝士的時候，鍋邊的酸爽泡菜正好幫助中和油膩感，讓整體味道更加平衡。這個鍋的份量很大，適合四個人一起分享！牛肉紫菜包飯紫菜包飯裡有嫩牛肉、蛋和新鮮的蔬菜，非常足料！配搭生菜、醃蘿蔔和青瓜，咬下去每一口都清脆可口。喜歡芝士的話，還可以將包飯卷上鍋中的芝士，真係超級邪惡！柚子梳打（少甜）+ 1 shot非常清爽，還有一粒粒的蘆薈粒和柚子皮增加口感！另外加了一shot，味道不會太強烈，朋友不喜歡飲酒的也應該會接受！…查看更多

朋友帶我去北京道1號食晚餐，原本以為這些食靚景的餐廳只會又貴又一般，但呢間餐廳完全打破了我的想法！原來食靚景的餐廳都可以既划算又好食！而且仲有好多唔同的菜式選擇，適合唔同人的口味。中華風燒賣壽司外形像燒賣，但其實是蟹肉拖羅蟹籽壽司！海鮮的鮮味好突出，吃起來特別清新，真的好味到爆！花樂燒賣甲羅燒海膽、蟹肉同蛋黃真係絕配！店員燒的時候已經聞到香味撲鼻，海膽的鮮味、蟹肉的甜味和蛋黃的香滑，食落既濃郁又鮮甜，搭配toast食更好味！旁邊有海葡萄和生菜，淋上柚子醋，真係好開胃！松葉蟹肉海膽三文魚籽炒飯飯粒分明，拌勻後每一口都能吃到海膽和三文魚籽的鮮味，而且每一口都有松葉蟹肉，口感層次豐富。串燒串燒必點燒雞翼，外脆內嫩，肉質非常好！燒烤的香味搭配檸檬，真係提鮮到不得了，所以我再追加了兩串！整體來講，這些菜式不僅好吃，擺盤又吸引人，真係值得一試！而且景色一流，無論是慶祝節日還是聚會，都非常合適！…查看更多

朋友一直話呢一間越南嘢勁抵勁抵又好平又好味，所以今日終於都拉咗我去食。首先呢就叫咗佢嘅名物係一個蟹膏檬粉。佢嘅蟹膏我哋另外再加咗錢叫多一嚿，佢係蟹膏跟蟹肉整成一餅咁樣，有咩好處呢？就係你食落嘅時候的蟹肉唔會散晒落個湯底嗰度然後就咩都食唔到，一個真係真材實料你可以淡淡咬落口。另外我哋加咗個越式法包，揀左烤豬肉嘅。佢嘅豬肉一啲都唔會乾柴，配埋佢隔離酸酸地嘅蔬菜，個法包又脆又軟，真係好正。我哋另外叫咗個椰皇，大大個。其實呢仲有一樣嘢好緊要嘅就係一入到嚟，你必須要即刻下單叫一個斑斕綠豆糕，佢係份量有限，我哋嚟到嘅時候候都係得返幾件，必試。佢嘅皮非常之煙靭，配埋入邊嘅綠豆餡，又唔會太過香甜，食一個完全冇問題。…查看更多

對於熱愛海鮮的我來說,這家位於尖沙咀的海鮮任食火鍋店是很少有的。進店後,我立即被擺放在枱面上的海鮮拼盤所吸引 - 肥美多汁的龍蝦、Q彈鮮嫩的鮑魚、麵包蟹蟹和各種肥美的海蝦,看得我眼睛都直了。除了海鮮,店裡還有一份精美的刺身拼盤,包括新鮮的希靈魚、三文魚和甜蝦，讓我可以先品嘗一下海鮮的清爽口感。當然,單單吃海鮮是遠遠不夠的。還提供了各式小食供我們任食,從腐竹、魚丸到豆腐等,都可以讓整頓火鍋更加豐盛。另外,只需+20元,我就可以暢飲汽水,盡情享受這難得的休息時光。整個用餐過程,服務人員也非常細心周到,不時來詢問是否還需要補充。即使第二輪、第三輪來回,他們都會主動幫忙添加新鮮的食材。考慮到食材的高質量和服務的周到,我覺得這樣的價格非常值得。對於喜歡海鮮的朋友來說,這裡絕對是一個不容錯過的好去處。…查看更多

今晚晚餐在銅鑼灣食Ciclo，餐廳好講究既食材準備同烹煮方法，算是好特別的一次用餐體驗。頭盤是 Uni Lobster Bisque Arancini (2pcs)Lobster 🦞 Saffron Risotto, cheddar, sour cream，意式炸飯團（Arancini）內含法式濃湯（Bisque）龍蝦肉餡，Arancini 上面鋪滿左黎自北海道既海膽，海膽非常鮮甜，而且真係食得出有龍蝦汁嘅味，裡面的Risotto嘅份量唔會好多，炸起上嚟食落都唔會成口油。而且裏面嘅芝士可以食到拉絲既效果。Main course 係 Crispy Beef Short Rib 牛小排，Short ribs是全熟既，但一點都唔覺得老，好大原因歸功於係慢煮，所以牛既肉質好腍，牛小排上面輕輕灑左些意式香草醬，上盤旁邊嗰醬汁加咗山楂落去，所以會有少少酸酸甜甜嘅感覺，我仲食得出有淡淡既肉桂香味，牛肉佢嘅表面會相對比較脆皮少少，因為煎過既關係，牛肉入邊真係肥瘦好適中，配埋個薯蓉再點埋個甜嘅汁，真係好match。杯嘢飲我點左Cocktail - Bao Guk，主要酒精成分是蘭姆酒，即是冧酒。睇落杯cocktail 好清澈咁，但原來後邊做咗好多功夫，事關佢將冧酒慢煮再加咗蘋果汁同牛奶！！基於有Chemical reaction同埋將佢過濾咗之後，所以佢先至可以變到咁清澈，唔講真係唔知佢背既effort。佢嘅酒精濃度唔算好高，我覺得就算係女仔自己一個飲都唔使擔心。另外可以見到杯cocktail, 有朵chamomile 洋甘菊，令到杯酒增加咗一少少清香。今晚整個用餐體驗係Feel 到餐廳放左好多心思、準備同預備食材，煮法一點都不馬虎！！…查看更多

是日在尖沙咀食日式鐵板，是可以觀賞表演的一餐飯，餐廳環境典雅，有bar枱，在bar枱呢度就可以欣賞到廚師為我哋準備食物嘅過程，由新鮮嘅食材，在鐵板上面嘅烹煮、調味，到慢慢嘅擺盤，到製成咗上碟，可以全程跟上整個過程。一入坐，店員就好好的為我奉上熱茶，還細心的提醒我茶燙小心。先上開胃既前菜，有火龍果、蕃茄仔既沙律，呢個係睇唔出同其他一般日式餐廳既分別😆 接著上既係可以凍食既磯燒鮑魚片，好入味，兩三片真係唔夠咁大食既我食，前菜就算啦。我們今日坐bar枱，廚師就已經為我地個main course 做準備，今日重中之重是龍蝦，廚師烹煮龍蝦的手法純熟，先將開邊嘅龍蝦肉整熟，跟住就將龍蝦肉嘅挑出嚟，再切件，另外將龍蝦頭、龍蝦殼在鐵板上加熱至全熟，跟住落嚟就係慢慢擺盤、到端上我面前。龍蝦頭之後仲會攞嚟做麵豉湯。另一個主食就是牛肉卷。上牛時，店員好好的由右至左的介紹分別是酸汁、麵豉汁、芝麻醬，三件牛肉卷，試過黎講，酸汁竟然最能夠特出牛味。而炒飯好值得一提，係我第一次食嘅酸炒飯，炒飯入面係有櫻花蝦、白飯魚仔乾、同埋木魚絲，呢個炒飯係有兩食嘅，最後加埋佢地準備既高湯就是係茶漬飯，真係幾特別。…查看更多

其實位於尖沙咀呢間嘅鐵板燒餐廳我都唔係第一次幫襯，之前朋友請食飯食過一次😜😜門面看似普通，入到去你會發覺環境又大又舒服，燈光亮度適中，設有包房。裏面仲有老闆超多嘅超人同其他動漫Figure今日下午茶時段咁啱路過，入去簡單咁食返個鐵板燒😋雖然師傅每樣食材都會介紹一下，但我已經唔記得咗佢講過啲咩😂😂我只可以話相片中嘅蝦，俾師傅煮到好似龍蝦咁好味。a4和牛厚燒脂肪分布比例均勻適中，食落去入口即溶但係又唔會覺得好肥好膩。鵝肝配菠蘿呢個組合都好Fresh，特別係一塊高質量嘅鵝肝配烤過嘅菠蘿，食完絕對係齒頰留香，可以回味好一段時間。比較驚喜嘅可能係發酵過嘅黃花魚，定唔知叫做青花魚。反正係海鮮街市會可以買到嘅魚，平時阿媽都有煮，我對呢隻魚嘅印象同印象都好一般，但估唔到師傅係可以煮到好似食緊一啲比較矜貴啲嘅魚，我先知道原來廚師先係最重要😂😂前菜甜品炒飯呢啲我覺得比較大路啲嘅嘢，不過都唔錯，整體味道非常OK👍🏽👍🏽不愧係值得我一食再食嘅餐廳…查看更多

今日朋友帶我嚟咗港島依一間樓上Cafe， Cafe嘅裝修好有心思，好多地方都加咗啲小擺設，打卡一流我哋揀咗個明太子薯條，薯條食得出係新鮮炸出嚟嘅，仲係好熱辣辣，上面嘅薯條沾滿晒醬汁，好好食。主菜我哋揀咗個大澳虎蝦乾配北海道帆立貝龍蝦汁意大利飯。大澳嘅蝦乾一上嚟就已經好搶眼，我本身以為會係比較乾身，但係點知食落裏面係有少少Juicy（相比起平時食開嘅蝦乾）。另外佢個飯索晒啲龍蝦汁，會食得出有龍蝦汁嘅味，但又唔會好鹹/太濃，幾好味上面仲配咗四片好嫩滑嘅帆立貝😋😋呢個主菜值得一試另一個主菜係海膽帆立貝幼蛋麵，依個嘅海膽非常新鮮，而且下面都配咗帆立貝食，一啖食落口嘅時候好鮮甜而佢嘅幼蛋麵就比較特別，唔似普通嘅面質咁滑身😆呢個嘢飲就犀利，佢係開心果冷泡椰子龍井茶佢嘅味道都比較清淡，而且冇額外加啲咩糖分落去，比較解膩！我地仲揀咗好健康嘅milkshake，裏面以綠色嘅蔬果為主😜最尾嘅甜品我哋繼續試佢嘅開心果產品：開心果巴斯克蛋糕，佢嘅質地都比較結實，但其實食落去口感好軟滑，只係相對比較飽肚。而且佢嘅開心果味好濃郁。正…查看更多

今日同屋企人去咗西塔老太太嗰度慶祝生日。我哋叫咗個四人嘅套餐，因為有鰻魚，所以都幾期待。鰻魚嘅肉非常之厚實，我哋每人都食到兩件，佢本身配咗紫蘇葉同埋紫菜。我哋發覺有紫蘇葉同無紫蘇葉食係好似食緊兩個唔同風味嘅鰻魚，強烈建議大家都試吓有同無嘅版本。我覺得依一隻紫蘇葉同日本餐廳嗰啲紫蘇葉唔係好同，佢嘅味道冇咁強烈，但紫蘇淡淡嘅香氣配埋鰻魚一齊食嘅時候會減輕咗燒烤嘅嗰種油膩，我個人好鐘意另外佢仲有成條魷魚放上去燒，幫我哋剪埋，新鮮嘅魷魚果然係好食，但那不只仲有少少焦香嘅口感同埋氣味，超正🤭豬肉燒起嚟香而不So，而且肉質鮮嫩，我本身都好驚佢會燒到好乾或者肉質好柴，但完全冇。係比較驚喜。另外我哋仲叫咗個菠蘿牛肉，非常之打卡嘅一個菜式，牛肉肉質雖然唔算得上係上乘，但係都好有牛味。而且菠蘿係新鮮菠蘿整出嚟嘅，燒起嚟零舍好食。…查看更多

同大學同學一齊食飯，我哋在旺角揀咗間樓上嘅Cafe，觀景好好，佢係位於彌敦道嘅726號19樓。我哋appetizer叫左個泰式墨魚仔沙律。西湯係法式龍蝦仔鮮打湯，配左一個細細地嘅蒜蓉包。Drink 就叫左 蜜桃果肉芝士奶蓋 & 一壺果亁洛神花花茶。 呢杯芝士奶蓋啦有別於我平時飲開嘅芝士奶蓋，而佢面頭就加咗些桂花，飲落呢其實係幾清新。而洛神花茶呢就酸酸地，啱晒我哋食完咁多脆炸嘅嘢食。主食就係德國豬手，呢個豬手起級巨型，我同朋友足足切左5分鐘，豬手皮好脆，切起上黎都要些技巧，而德國豬手既份量絕對夠三個人食。另外有個滋味小食拼盤，小食拼盤上面就有炸蠔、炸魚手指、芝士薯條、同埋柚子雞翼，新鮮脆炸既炸物都好好味。…查看更多

突然想食鐵板燒，上網搵一搵見到依間嘅評價好似好高咁，就入嚟食吓。佢好似做緊個優惠，原本過千蚊嘅鐵板燒依家淨係$800就得，幾抵食。一嚟嘅前菜有食嘅順序，首先入食咗個蕃茄水雲、然後就食個螢光魷魚，最後先至食黑梅貝水雲酸酸地，幾開胃，除咗水雲之外入邊仲有啲菇👍螢光魷魚食落個口感幾天然，唔會覺得膠膠地，唔知大家明唔明咩係膠膠地嘅魷魚😂😂 佢完全冇呢個問題，所以幾眼前一亮。黑梅貝已經醃到入味，軟軟糯糯咁 白松露鯛魚刺身，我一開頭唔記得咗嗰啲係白松露，以為係鹽。但一入口就已經感覺到好強烈嘅松露香味，兩者配搭得好正，原來鯛魚刺身都有依種食法。壽司嚟講要先食過池魚魚腩，再食個碟魚。因為碟魚佢用火燒香左，令到啲油脂滲咗出嚟，而且分布更加平均，真係食落口唔捨得吞落肚。鐵板燒方面，佢嘅龍蝦用咗龍蝦膏去炒，好香，我覺得龍蝦配埋佢下面嘅組一齊食又另外一番風味，調和左令到個味度更加清新帆立貝係刺身方面，燒起上嚟唔會過熟，一啖記食到熟嘅口感，亦都食到刺身嘅口感肉嚟講我哋揀咗一個薄燒牛一個厚切。師傅會事先問咗我哋個熟度。厚切牛嘅牛味就絕對濃厚啲，但薄燒牛佢配埋啲蔥又係另外一種風味。我哋一人揀一款，所以兩款都試過晒，好滿足。炒飯上面落咗啲炸過嘅櫻花蝦，廚師建議我哋撈勻咗先食，咁我一啖飯都會食到脆卜卜嘅櫻花蝦魚湯比想像中出色，佢有好強烈嘅魚味，但冇魚腥味，一碗落肚份量啱啱好甜品係蜜豆抹茶布甸。依個抹茶布甸係我食過最好食嘅，因為佢有好濃嘅抹茶味，但係冇個茶嘅澀味或者苦味喺度。另外佢都冇抹茶嘅嗰種草腥味，所以我好鍾意。…查看更多

冇假期去日本，就唯有喺香港食日本嘢。今日想食嘅係燒海鮮。之前都有聽朋友提過呢一間，所以今次就一於試吓啦。今日揀咗燒鮑魚，甲羅燒，同埋帶子、帆立貝鮑魚上到嚟嗰陣真係好大隻，而且仲郁嚟郁去，未燒就已經見到佢好有厚度。帆立貝係加咗蟹膏一齊燒，未食都已經想像到好惹味另外我哋仲叫咗一盤壽司，同埋兩杯嘢飲。就咁睇兩杯嘢飲好似冇分別，但係其實一個係梳打一個係酒。上到嚟就覺得好彩叫嘅時候揀咗兩杯都係菠蘿，如果唔係見到另一個有支咁大條嘅菠蘿，但自己冇，都幾傷心🤣話咁快店員就已經幫我哋燒完咗啲海鮮，一路燒一路啲香味就喘晒出嚟。鮑魚燒完之後唔單止有燒海鮮獨特嘅香味，而且個時間掌握得非常之好，外面稍為有種焦香，但裏面仲係好Juicy。扇貝嘅味道好鮮。壽司上嚟嗰陣成盤嘅感覺都好豐富，唔同嘅壽司我哋每樣都叫咗少少，全部魚生都色澤亮麗，幾抵食左口魚刺身一碟排開，醬汁係特別調味過，配搭起上嚟幾清新…查看更多