朋友介紹佐敦有間新開又好食既粥麵鋪、横店出開旺角、一於留肚去試試!中午lunch時間去到好彩仲有一張吉枱、唔駛等就有得食啦、好野!兩個人、一粥一麵一小食、啱啱好!豬潤麵($24) 好嫩無異味、應該洗得好乾淨! 呢個價錢有4-5塊厚豬潤、真係好抵食! 我諗滾粥會更好食、下次再試!芥菜排骨粥($16)好大碗、堅足料喎! 好多芥菜好新鮮、好綿、啱晒我、清清地! 佢唔似其他地方d芥菜已經煮到好黃、同埋d骨會好碎、呢度整到啖啖有料又唔會成口碎骨! 下次一定要encore!炸物拼盤($45)開頭見到個拼盤要成$45蚊、原本真係有d猶疑…但個靚女待應強烈推介就即管試試啦~嘩、原來真係好豐富! 有雲吞、水餃、墨魚丸、豬扒同雞亦! 1) 雲吞-外脆內軟、多蝦彈牙、唔會dry﹐炸皮好鬆脆, 好似"送"粥個d薄脆咁好味!2) 水餃-除左足料、仲好香、炸皮好鬆脆, 好似"送"粥個d薄脆, 勁好味, 就咁想叫炸塊比我"送"粥!3) 墨魚丸-唔會有厚皮包住炸, ok!4) 豬扒-呢個正常ok…5) 雞亦-炸得幾乾身、不過對我黎講鹹左少少^^勁 like 雲吞, 水餃 ...總結黎講、大部分野食都係水準以上、第日一定會再去幫襯!…Read More
