KaFaiLau5771's Profile

返工中午食Lunch，公司附近原來有間木屋燒烤，內地既就食得多，未試過香港既，又唔洗等位，決定試一下原來香港木屋燒烤有啲中午Set Lunch，於是就叫咗1份試吓叫咗個Set A，包2串烤雞肉，2串牛肉，1串娃娃菜，1個炒飯，68蚊再加一雞肉，牛肉，娃娃菜，都同內地分店水準相約，都係合格以上炒飯，味道略淡，合格水平套餐包1杯鴨屎香檸檬茶，哩個堅好飲，有驚喜總結，味道水準拍得著內地木屋，午餐價錢正常，會再次光顧。…Read More

行完Donki，入咗餐廳諗著食炸魚薯條，就嚟咗Fish & Chick哩間餐廳，入邊餐廳環境乾淨，闊落，叫咗個二人餐，價錢$298。前菜，炸磨菇沙律，味道合格，炸磨菇略嫌細隻，但味道唔錯，多汁，一D都唔乾。小食，茄汁雞肉丸，味道普通，無任何特別。主食1，叫咗個辣椒蒜蓉炒意粉，味道出色，好多蒜蓉，蒜味濃烈，辣椒少少辣，如果唔食得辣都最好不要點。主食2，叫咗個炸魚(藍鱈魚)薯條，唯獨1款炸魚Set唔洗額外加錢，但味道中上，諗著條魚會炸得好乾，但結果好嫩滑，好有驚喜，薯條係用粗薯條，熱辣辣，好正飲品，叫咗可樂同埋凍檸茶，無特別。總結，哩間餐廳人均消費唔太貴，食物質素合格以上，可以值得再嚟。…Read More

同家人食飯，突然好想食黑椒豬手，一諗到黑椒豬手，就會諗到大中華。大中華入邊環境普通，但坐位闊落，舒適，冷氣唔會太凍，又唔會過熱。因為人數唔多，只叫咗1份黑椒豬手($165)，1份海味雜菜煲($100)，1份煎蠔烙($100)黑椒豬手超諗，黑椒汁調得好濃郁，鐵板上夠晒熱，超有水準。海味雜菜煲，味道正常，但份量超大。蠔烙份量都偏大，蠔仔都偏大隻，味道正常。總結，黑椒豬手必食，其他小菜味道正常，份量都偏向大份，性價比都幾高，必定會再嚟。…Read More

喺中午同屋企人經過海天晉商場，發現一間日本餐廳，叫做賀天，於是停低喺門口睇一下餐牌，發現食物價錢正常喎，入咗去試吓。首先餐廳環境寬闊，完全唔會逼。另外，如果唔怕熱，可以坐出去陽台位置，可以睇到將南大橋嘅景色。假如晚上時間嚟食，浪漫感爆燈。咁我就叫咗1個壽喜燒套餐$128-HKD，跟白飯，沙律同埋蒸蛋，價錢正常。然後家人叫咗1個櫻本木便當Set，有蕎麥麵，有壽司，有天婦羅，有麵豉湯同埋蒸蛋，價錢都係$118-HKD，價錢都係屬於合理水平。同時餐廳做梗三文魚壽司優惠，$10-HKD有2件，每人只可叫4件，於是我哋二人就叫咗8件。第一樣上枱嘅係三文魚壽司，好食到不得了，食到鮮味，飯量唔太多，師傅好有心機，將件三文魚肉𠝹坑，魚肉肥美，食得出係一件高質素嘅三文魚壽司，加上特價嘅價錢優惠，我評價為滿分10分。壽喜燒就用上日本牛肉，肉質偏淋，牛味嘗算合格，湯底偏鹹(我喜歡)，夠熱，入邊有娃娃菜(應該係)，草菇，金菇，粉絲等等，評為7.7分，套餐包埋蒸蛋同埋沙律，蒸蛋內有蝦，銀杏等等，味道合格，夠晒熱。沙律都係沙律菜加麻醬，味道正常。櫻本木便當方面，我本人無去嘗試，所以唔知味道如何，而我家人反映無論是蕎麥麵同埋天婦羅味道都不錯。總結，哩間餐廳嘅午餐價錢合理，味道亦都出色，環境不錯，我會再次光顧。…Read More

我同朋友2個人食，一樣食咗個咖喱豬扒飯，但我+22蚊升級黑松露蛋包飯咖喱汁，可以揀辣或甜，由於佢係日本餐廳，我就揀咗要甜口嘅咖喱，咖喱汁正常，無咩特別豬扒夠晒厚，夠晒大塊，質感有咬口，唔會太諗，唔會太嚡，太UN，都算高分黑松露蛋包飯要加22蚊，但始終都係白飯底，感覺唔太特別，似係白飯加個炒蛋，但要加22蚊，唔太值，如果升級會轉個炒飯底，咁就完美最後，唔知係唔係年初4關係，所以要加一服務費，但水係要去自助Bar，自己斟水，咁都要收加一服務費？奇怪。…Read More