hungryrita's Profile

想食到成肚氣既就黎食啦！呢間餐廳係用電話落單，一開始就落生菜包，備註「bb辣」，黎到點知一食好似中辣咁，勁多辣椒籽，辣到食唔到。之後同樓面哥仔講，點知佢聽完就走左。我都呆左！之後咪再同樓面阿姐講，佢好囂張拎張落單紙比我睇，我地有備註「少辣」架，就走左！但我地係「bb辣」，如果無呢種辣度係咪應該話聲我地知呢？之後再叫肉碎炒飯，佢有得選擇轉金邊粉，點知落完阿姐又走黎「無得轉呀！得炒飯！」咁咪算囉。成餐飯都食到成肚氣，無下次了！…Read More

行去又新街買野食，見到開左間新野賣台式飲品小店，見仲試緊業，屎忽痕就試下新野先，唔算太多茶款式簡，不過出茶效率都出得幾快同埋店員都幾有禮貌，遇到我煩膠人問左有啲咩推介都耐心咁回答。最後叫左杯鐵觀音烏龍茶走甜走冰，加仙草，茶底係夠濃，有點回甘味，但仙草唔知點解要飲哂先可食到，都有少少口感。一開始唔記得打左卡先飲，飲完先發覺杯身有周潤發既金句同個icon 😂😂 攪笑啊。見試業第二杯有折，下次有機會再試下其他茶。…Read More

見鋪頭試業又無乜水排隊就試下啦，間鋪係大，但座位好少，全面向師父食野，好似omakase咁樣，但前面放左個半透明雪櫃，入面係擺魚生，但可惜玻璃表面都幾污糟，呢點要注意下。點餐方面，有幾款訂左呢壽司套餐/自選魚生丼/omakase 選擇就叫左自選3款丼，簡左3文魚，帶子同赤貝，張紙係寫住每款3片，但帶子同赤貝就比左各兩件（臨食完先發現）味道無咩鮮味，只食到好冰凍，赤貝唔好食，無乜味，只係飯份量幾多下，有湯沙律跟。態度方面，師父都幾有禮貌，入黎走時都有打招呼，而侍應都好努力加水總括黎講，暫時唔會再去住😂…Read More

第一次來試這間多國菜，由旺角行去真的有點遠，行了45分鐘！終於到了！幸好還沒關門～點了兩個菜及飲品，可惜沒有套餐連湯，全部都係散叫。第一個菜：pizza, 厚度適中，多料既，而且是很熱的，食得出係手拉pizza!第二個是羊肉泥薯印度薄餅，這個我覺得一般，肉很好硬，用很多力咬，印度薄餅有口感，但有點油，泥薯有很多青豆，配合之下很好吃（本人最怕吃青豆）總括，我會再次來這間店鋪，態度很好，環境也不錯，還可以試埋其他款式！…Read More

難得天氣凍就打邊爐, 搵左呢間野試下, 坐低叫左野食, D野黎得都算快, 由於張檯都細張,所以有D野食擺左個流動層架上面, 過左一陣, 我地係流動層架上面拎左兩大碟野諗住放少少落個煲到, 唔洗一秒個職員已經推走左比第2檯客. 我地瞬間係呆左!!!! 手拎住兩碟野完全冇地方擺, 第2個職員見到就叫我地倒哂D野落去而清空隻碟,o個一刻我完全係比唔到反應, 咁不如一早咩都倒哂入去,唔洗逐碟上啦!!! 結果我地將D野係咁GROUP 埋一碟碟. 之後食食下, 就開始出現烏繩,我地就係咁撥、係咁撥走佢地,仲有蚊滋飛左落D手打丸到痴住左, O 哂咀, 真係好滋擾囉!!!! 坐到咁上下, 茶壺D 茶都飲到得7788, 之後有個職員拎走左, ((仲以為佢咁有效率幫我地REFILL D茶), 點知原來係 ”沒收”, 可能見我地仲有D 少少菜未食,所以連茶都廢事比我地啦, 叫佢地加茶, 就黑面, 係咁收走我地檯既野 ((心諗：間野係散叫逐碟計既,臨入去之前都問左係 “冇限時”, 店入面仲有吉檯, 點解要趕我地走???)) 真係好唔明. 我好少會打咁長篇野, 但真係好嬲!! 唔會再有第二次!!!…Read More

今日天氣凍凍地，就想打邊爐喇！係街到見到有人派傳單，原來有間新開既雞煲邊爐，新張期內仲有象拔蚌刺身送！咁就上去試試先由於1830 時間仲早，我地3個人就比間獨立房比我地坐，入面有電視，正！之後決定叫左個唔辣雞煲（佢有得簡麻辣），跟住佢仲叫我地選埋打邊爐湯底，原來佢分兩個煲上，因為食開都係一煲過，湯底簡左蟹窩花甲1:雞煲都多肉同大件，3人份量，味道唔會太咸，雞都比較入味2:象拔蚌刺身（送既） 好新鮮，份量都多3:蟹窩花甲湯底最終輪到主菜！真係有蟹同花甲係入面，真係都多架喎！隨後佢上埋個海鮮盆，原來係跟餐既！啲海鮮都好大份，唔係細細隻咁，同埋都好有鮮味～啲配菜同牛脊頸都係任叫！4:當我飽到hihi時，侍應走黎問我地食咩甜品，原來都係跟餐，叫左3.6 牛奶燕窩燉蛋白同焦糖燉蛋燕窩，好好味！食後感：我份人比較細食，食完啲海鮮都飽飽地，後來發覺仲有牛脊頸同啲配菜係任叫，汽水五花茶都任飲～ 每位$258 呢個價錢真心抵！而且有獨立房坐得都舒服，下次試過埋9層塔先～…Read More